طيب يا جماعة دى من اسئلة الوزارة المستفزة اللى اجابته مش داخلة دماغى خالص
يتناسب تردد النغمة الاساسية عكسيا مع
كتلة وحدة الاطوال ام قوة الشد ام طول الوتر ام كثافة الوتر
اذا كان معامل النكسار المطلق للماء جزر2 فان الشعاع الذى يسقطمن الماء وينفذ للهواء تكون زاوية سقوطه
45 ام 30 ام 60
يتوقف تردد النغمة الاساسية التى يصدرها الوتر على
طولة ام قوم شده ام كتلة وحدة الاطوال منه ام جميع ما سبق
ايه رايكو؟؟؟
اجاباته هو ايه
الاولى كتلة وحدة الاطوال
الثانية 45
الثالثة كل العوامل وانا قربت اتجنن خلااااااص

شفتها والحل طلع 45 و158من الف نيوتن بس عشان اكتب الحل لازم ارسم وانا بصراحة مليش فى الرسم على الجهاز فممكن تكتب حلها عشان اللى عايز الحل

ولا الرجل الخارق ولا حاجة

انا اصلا بادئ من الحديثة

و مخلصتهاش لحد دلوقتى

الوقت بيضيع و شكلى مش هاخلص حاجة :confused:

أوعى
طيب أنا والله بادىء من الأول ولسه فى التانية وشكلى كده هفضل فيها لأنى حاسس بزهق وممل وقرف
هيه دنيا

الاجابة تمام
بس أنا كمان مش ليا فى الرسم على البتاع ده
كل سنة وأنتوا طيبين

يلا اللى مش عارفها مع نفسه المهم بقى حد يقولى الناتج النهائى للمسالة دى لانها مش طالعة معايا كدا
سقط شعاع ضوئى على احد وجهى منشور ثلاثى متساوى الاضلاع معامل انكسار مادته 1 و45من ماية اوجد اقل زاوية سقوط تسمح بخروج الشعاع من الوجه الاخر دون ان يعانى انعاكسا كليا بليز حد يحلها ويقولى بس طلعت كام معاه

نت الأخر ياحاجة اسراء الشعاع هيخرح مماس والسقوط التانية هى الحرجة

ما انا عارفة يا حاج احمد المستفزززززززززززززززز انى عاملة كدا ومطلعتش نفس الناتج والله

طب ما تحن على الاسئلة دى يا دكتور

أنتى قاعدة ولا ايه نظامك أصل معايا شوية حاجات غبية كالعادة

انا ان شاء الله قاعدة شوية بس يعرف اقولك حاجة وابقى مش زى العادة

الأولى طبعا ولا حاجة من اللى الباشا جيبهم
التانية 30 واضحة يعنى
جميع ماسبق

بسم الله الرحمن الرحيم
اولا الاولى ليه مش طول الوتر
الثانية 30 بس هو حاللها 45 مش عارفة لييييييييييييه
الثالثة بقى ازاى هناخد قوة الشد وكتلة وحدة الاطوال بس لازم يبقوا تحت الجزر ولا ايه؟؟؟

يلا فكرى فى دى
3 قطع متساوية الكتلة وهى دهب وفضة وسبيكة من الدهب والفضة فاذاكان الدهب يفقد 21 جم والفضة 39 جرام والسبيكة 27 جرام عندما تغمر فى الماء أوجد نسبة الدهب فى السبيكة وكذلك كثافة مادة السبيكة علما بأن
كثافة الفضة 10,5 جم \سم (3) والدهب 19,5 جم \ سم(3)
يلا بسرعة

أه طبعا طول الوتر سورى مقرتش كويس
والتالتة أكيد تحت الجذر ولا من غير الجذر فيها ايه مهما لما يتغيروا أكيد الجذر بتاعهم هيتغير
والله أعلم
حلى المسألة علشان فيه حاجات تانية

بص يا سيدى انا عرفت احل بس لسه هحسبها اكتب الناتج النهائى ولو صح هكتبلك الحل بس مسالة حلوة شكرا يا باشا

أنا عايز اجابة محددة للسؤال ده
علشان الحاج قالى فى الرنين قريته ومش لقيتها
متى يسمع الصوت بتردد أكبر من تردده الطبيعى أو أقل

مش عارف أنتى بتخافى ليه كل مرة تقوليلى اكتب الناتج
اكتبيه أنتى بدل م تكتبى الخطوات ونضيع وقت ع الفاضى

ههههههههههههههههههه انا شفت السؤال دا وكنت ناوية اسالك فيه اكيد انت دلوقتى عايز تقول
جيتك يا عبد المعين تعينى لقيتك يا عبد المعين عايز القتل
المهم المسالة طلعت كثافة السبيكة 30 و3333333 جم لكل سم مكعب صح ولا ؟؟؟

ونسبة الذهب نصف ومش حكاية انى بخاف والله بس اصلى ساعات كتيييييييييير تلاقينى بخرف

فعلا بتخرفى
يلا بصى الاجابة الصح
نسبة الدهب 66,6 فى المية
والكثافة 15166,66
وفعلا جتلك ياعبد المعين تعنى 00000000000000000000

بص يا احمد انا هقولك اللى عملته ببساطة كدا
انا معايا قوة الدفع وكثافة الماء وكثافة الجسم جبت وزن الجسم ومنه الكتلة فجبت كتلة الذهب والفضة فى السبيكة ومنها جبت كتلة السبيكة وبالتالى وزنها
وبعد كدا انا عندى وزن السبيكة وقوة الدفع عليها وكثافة الماء جبت كثافة السبيكة ايه اللى غلط بس يا ابنى فى الكلام دا

طلعت خلاص يا حموكشة كنت بخرف فى الاول فعلا ها عندك اسئلة ثانية؟؟؟ انا لو مكانك تقولى قومى نامى احسن بس انا مش هياس خالص

بص انا طلعت كثافة السبيكة صح بس اجيب نسبة الذهب ازاى؟؟؟

بصى الاجابة علشان نخلص
الدفع = الفقد فى الوزن
رو الماء x حجم الدهب (مثلا) = 21x10)-3
حجم الدهب هيكون 2,1 فى 10 أس -5 بنفس الطريقة ممكن تجيبى حجم الفضة والسبيكة
وبعدين كتلة الدهب = رو للدهب فى الحجم بتاعه = 4095,
والكتل متساوية يعنى كتلة الفضة والسبيكة كده بردوا
كتلة السبيكة = كتلة الدهب اللى فيها +الفضة اللى فيها
هتعوضى وهيطلع حجم الدهب فى السبيكة 1,4 فى 10 أس -5
فهتجيبه كتلة الدهب فى السبيكة هتطلع 273,
والنسبة كدا تيجى بسهولة وكثافة السبيكة = كتلتها على حجمها

ايه نخلص دى؟؟؟
انى واى شكرا على الحل

عندى حاجة علشان متحبطيش
ارسمى مرايتين واحدة أفقية والتانية بتميل عليها بزاوية 30 يعنى بينهم زاوية 30 ودى المطاليب
صحيح سمى الأفقية ب والتانية أ
سقط شعاع على ب على أ وكان موازيا ل ب
هيسقط على ب بزاوية كام
وهيسقط على أ بعد انعكاسه للمرة الأولى بزاوية كام
وعدد مرات سقوطه على أ كام
والشعاع النهائى بعد الانعاكاسات يخرج بالنسبة للشعاع الساقط منطبقا عليه ولا موازى ولا عمودى

ايه أنتى مفيش عندك هزار خالص هو الحاج مصطفى انتحر ولا ايه

منطبقا عليه
لو قلت غلط هقوم انام

3 مرات ياباشا مش مرتين

وبعدين أنتى بدلت الأولى والتانية
ركزى شوية
عاوزة مسألة هتجيلك فى الكابوس النهارده قولى

طب ليه يا عم احمد بس مش اول مرة لما يسقط عادى وتانى مرة لما يبطبق على اخوه فين التالتة؟؟؟
المهم ادينى مسائل يلا قبل الفجر لو سمحت يعنى

خلااااااااااااااااااااااااااااااص كان تخرييييييييييييييييف واتعدل يا خوفى فى الامتحان انا كدا هس....................قط بالثلث والحمد لله

بصى م هو هينعكس من على أ ويسقط على ب وبعدين يرجع تانى ينعكس من على ب ويسقط على أ بزاوية 0 فيتخد نفس مساره وبكد يكون سقط على أ 3 مرات

هات بتاعت الكابوووووووووووس دى هااااااااااات هاااااااااات عشااااااااااان اقولك حلها كالعادة

اه ماشى اصلى رسمت رسمة صغيرة جدااااااااااا ومكنش باين الزوايا اصلا شكراااااااااا جدا يا احمد يا رب تقفل الغولة الفيزيا يعنى

يلا مع أنى مش عارفها والنبى لو كانت سهلة متحرجنيش علشان ساعات دماغى بردوا بتقفل فى حاجات تافهه
سائلان اذا خلط حجمان متساويان منهما كانت الكثافة النسبية للخليط 4, واذا خلطت كتلتان متساويتان منهما كانت الكثافة النسبية للخليط 3, احسب كثافة كل من السائلين

بسم الله الرحمن الرحيم
بص يا احمد عشان مكدبش عليك انا معروف عنى انى بكتب طلاسم فيزيا واللى بيفهمه المستر بتاعى و2 زمايلى وبس على كدا بس يا رب تفهمه انا هحاول اوضح بقدر الامكان
فى الحالة الاولى حجم السائل الاول =حجم السائل التانى
كتلة الخليط = كتلة السائل الاول +كتلة السائل التانى
رو للخليط * حجم الخليط=رو سائل فى حجمه +رو سائل تانى فى حجمه
حجم الخليط يساوى 2حجم السائل الاول + حجم السائل الثانى=2 حجم اى من السائلين لانهما متساويين
اذن
2 حجم احد السائلين فى رو الخليط =حجم احد السائلين(رو 1+رو2)
الحجم هيطير من المعادلة ويبقى عندك المعادلة الاولى رو 1+رو2=4000كجم لكل متر تكعيب

يلا علشان نقوم نصلى وبعدين ندخل نتخمد

يلا هقراها بكره وهشوف اذاكنت هعرف ولا ايه
ايه أخبار مصطفى وابراهيم شكلهم كدا انتحروا

المعلومة الثانية بقى
كتلة السائل الاول =كتلة السائل الثانى=m
هنستخدم العلاقة
حجم الخليط =حجم الاول +حجم الثانى
كتلة الخليط على رو خليط=mعلى رو1+mعلى رو2
كتلة الخليط يساوى 2m
اذن 2mعلى رو خليط =mعلى(رو1+رو2)
mهتطير من الناحيتين وتوحد المقام فى الطرف الايسر
2 على 3000= (رو1+رو2)على رو1 رو2
وسطين فى طرفين
وتعوض ب(رو1+رو2)ب 8000
يبقى رو1 فى رو2 =12فى 10 اس ستة
عوض ب رو1 بدلالة رو 2 يعنى رو1 = 8000 _رو2
وهتطلع واحدة ب6000 والتانية ب 2000 ان شاء الله
يا رب تكون فهمت حاجة

طيب سلاااااااااااااااااااااااام بقى علشان الحاج محمد (أبويا)
واقف ورايا

هههههههههههههههههههه هو مصطفى لسه مماتش بيدخل كل يوم بس الصبح بس اما ابراهيم دا فسيبه فحاله خليه مطحوووووووووووووووووون فى الفيزيا
وابقى اقرا الحل يكرة ويا رب تفهمه بس بص اخر رقم فى المشاركة الاولى 8000 مش 4000 سورى غلطة مطبعية ويلا نقوم نصلى على رايك تصبح على خير يا دكتور

ايه يا جماعة انا مالقيتش حد رد على المسالة بتاعة الصوت اللى فى الاول
ولا انتو بتردوا مع بعض بس
ولاحتى 3 انواع السريان
دولحتى مستخرجين من كتاب المدرسة

لا والله على ما اتذكر فيه واحدة رديت عليك تقريبا نجمة الفضاء وقالتلك انهم هادئ ومضطرب يا رييييت تقول بليز وانت اللى مرديتش عليها ممكن تقولنا بقى اما مسالة الصوت دى فانا مش عارفاها اصلا ومتزعلش يا فندم والله احنا اكيد مش قصدنا

فيه 3 انواع سريان هادى ومضطرب وطبقى وشروطهم موجودة فى اخر السريان فى كتاب المدرسة

المسالة دى فيه لخبطة جامدة
ارجو عرض الحلول

هى طلعت معايا 24 و كسر

طلعت معاكى كام ؟؟؟

هو مش الطبقي هو الهاديء ولا انا خرفت
المساله بجد مش عارفاها خالص