![]() |
ياريت استاذ مصدر موثوق يوضح
|
يعنى خبر 120 صحيح انا ع اتصال يوميا بوكيل الوزارة
|
يعنى فى شى رسمى ولا لسة
|
ياستاذ الكلام ده خلاص رسمى وهايفعل
|
والله لو الكلام ده صح ومكنش لينا رد فعل والله احنا لانستحق العقود اساسا ولا الشغل من اساسه
|
انا عرفت ان فى ناس استلمت امبارح من المدارس اللى كانوا منقطعين الاخلاءات وسابو المدارس فعلا
وبكره الناس كلها رايحها المديرية |
مفيش حد ولا ايه
|
اقتباس:
انا انقطعت عن العمل منذ اربع سنوات وحكاية التعاقد دي والفلوس اللي بسمع عنها مش داخله دماغي ، الفلوس دي هيجوبها منين ؟!! |
انا كنت النهارده فى الادارة ومفيش اى جديد وسالت التوجيه برده مفيش جديد
وفى ناس فعلا عملت اخلاءات من المدارس عشان يتاكدوا انه مفيش مجاملات ومفيش حاجه عن الفاكس ياريت اللى عنده اخبار يقولنا لان لحد الان لاجديد |
السلام عليكم
يا جماعة ليه التشاؤم ده انا نزلت روحت المديرية واستلمت من التوجية نسخة من العقد مختومة غير كده انا لالقيت تنظيم المره دى غير كل مره عملين ملفات كل ملف جمعين فيه نسخ من العقد الاى هيسلم وملف بالعقود الاى هتروحوا الادارة ونسخ من العقود الاى هتقعد بالمديرية وعملين كشف فيه اسمائنا كل واحد بيستلم بيمضى ويكتب رقم تليفونه ورقم البطاقه غير كده هم لو بيضحكوا علينا قبضونا ليه ما كانوا سبونا مع نفسنا الاى نعرفوا مفيش تثبيت دى فعلا بس فى عقود قبضنا بيه والا ايه يا اساتذه |
استاذه نورا حضرتك كنتى فى المديريه النهارده سالتى على الفاكس ولا لاء
|
وفى حاجه عن المرتبات ولا لاء
|
انا لسه عارف ان فى مدرسيين اقتحموا مبنى المحافظه باسيوط عشان يقابلوا المحافظ
|
المشكله انى كنت بادارة اسيوط كنت شايفه الموظيفين بيعملوا مرتبات 9 ع الجديد اول مره بسمع عن رجعونا الى 120 جنية منكم انهردا
|
هو فعلا 120
|
ياريت ياستاذه تقوليلنا هو 120 فعلا ولا لاء
|
انته جبيته الكلام ده منين ؟
|
انا بكره هرحوا الحسابات هسأل وان شاء الله يطلع كله ده كذب
|
يارب مايكونش حكاية ال120 دى صح دى تبقى مصيبة
|
عاوزين حد يفيدنا فى موضوع ال120 ده بس بدون اجتهادات ياريت
|
أولا أنا بحب اطمن الجماعة المستمرين على رأس العمل مفيش أي كلام بخصوصهم متقلقوش تعاقداتكم ماشية وفلوسكم ماشية ومفيش أي مشكلة بالنسبالكم والناس اللي بتروح الادارات تسأل وترجع تقولنا مفيش حاجة ..... أكيد مش هيكون فيه حاجة علشان انتو أمركم مفروغ منه إنما المنقطعين الفاكس بينص على إيقاف جميع التعاقدات مع المنقطعين ..... وكفى |
لو سمحت يا أبو منه ممكن تكملنا بقيت الفاكس
وهل تعاقد المنقطعين انتهى تماما |
السلام عليكم يا استاذى ابو منه
ممكن توضحلى ايه ملبسات موضوع 120 جنية والكلام ده اصلا جه من اين ؟ وايه حكاية الفاكس والمنقطعين ؟ |
والناس الى استلمت ايه مصيرها
ياريت تطمئنا يا ابو منه |
على فكره يا ابو منه انا رحت المديرية النهارده وقابلت أ/محمد بشير (المسئول عن العقود والماليات)
وقالى ان الموضوع ماشى والمرتب زى مقالوا فى الاول بس فيه مشاكل بسبب الافادات المضروبة ياريت يابو منه توضح اكتر لو عندك اي معلومه |
أنا مش فاهم حاجة ومش عاوز أفهم الفاكس من وكيل الوزارة وأنا اتصلت بيه رد عليا وقالي مفيش الغاء ولا حاجة مين قالك كده قلتلو التوجيه والفاكي بتاع حضرتك ... قالي لا لا لا مفيش حاجة .. اتحرق دمي وقفلت الموجه بيقول روح المدرسة وامضي عادي لحد ميوصل منشور للمدرسة بتسريحكم بالنسبة لل 120 مفضتش أسأل عليه أنا طول اليوم ولسة راجع حالا وفيه حاجة بحب انوه عليها الوقت ده وقت التحرك كفاية بيات شتوي وكل واحد يروح يشوف مستقبله وحقو ويساعدنا بدل ما بقى وحدي او نا واتنين تلاته اي غفير من عندهم يزعطنا ولو متابعتوش الموضوع بنفسكم وبكثرة انسو الوظيفة دي |
يا ابومنه
توجيه اللغة الانجليزية بيوزع النهاردة جوابات استلام العمل المنقطعين وحضرتك بتقول وقف التعاقد مع المنقطعين |
يا ابومنه
توجيه اللغة الانجليزية بيوزع النهاردة جوابات استلام العمل المنقطعين وحضرتك بتقول وقف التعاقد مع المنقطعين |
ياريت يابو منه متزعلش احنا عاوزين نتاكد ان كان كلام صح ولا لاء
|
احنا من الاقاليم ومننعرفش حاجه فى اسيوط معلش بس احنا عاوزين نتاكد من المعلومات دى صح ولا اشاعات
|
ان شاء الله الخير للجميع المنقطعين وغيره من الذين عل راس العمل
|
محدش يعرف ايه اللى حصل فى اجتماع المحافظ
|
أنا على فكرة من المنقطعين
بس انا بتكلم على أساس التوجيه بتاعي بتاع الرياضيات وهو مصدر معلومة النهارده بس فيه حاجة أنا بستنتجها ومش عارف صح ولا لأ ومحدش راضي يفهمني ولا هما أصلا فاهمين حاجة أنا بستنتج ان الفاكس مقصود بيه وقف جميع التعاقدات اللي جارية حاليا واللي لسة هتتعمل مستقبلا لحد ميوضوعو ضوابط تحكمهم ويشوفو اللي اشتغل فعلا من اللي مشتغلش وكده يا رب يكون استنتاجي صح بس كلام الموجه انو كان حاسس بحاجة زي كده لان على كلامو المدارس اتكدست بالمدرسين وهيجبولهم فلوس منين ومش عارف زي متكون الوزارة بيت أبو اللي جاب أبوه معلش سامحوني |
اجتماع المحافظ
أغلب الناس دخلو الاجتماع كان في قاعة كبيرة جدا كل المطالب إتعرضت وكل شيء تتخيلوه اتقال جوه ( ده كلام زمايلي اللي كانو هناك انا مكنتش لظروف ) والمحافظ استمع للمطالب ... والناس حزرته بالتلاعب بالمطالب بشكل او باخر وفيه واحد بيقولي ان هو متفائل |
مفيش اى اخبار جديدة
|
يا جماعة انا لسة جاى من المديرية دلوقتى وكل اللى اتقال هو :
1- بالنسبة للعقود بتاعت 2/5 مفيش اى حاجة بالنسبلها 2- بلنسبة للعقود بتاعت 1/9 دى مش هتتوقف لا دى هتتراجع تانى لانى فية افادت مزورة 3- بالنسبة لموضوع العقد انة هيبقى 120 جنية الكلام دا غلط خالص وقالولى الكلام دا اشاعات وحدش يكرر الاشاعات يحسن الحكومة تسمعها وتنفذها هههههههههههههههههههههههههههه |
الحمد لله الواحد اطمن
|
اقتباس:
عل رأيهم وخصوصا ان الحكومه ما تصدق |
اقتباس:
تمام ... شكرا يا أستاذ رامي على تعبك أنا عاوز الناس تعمل كده تتحرك وتشوف كل حاجة بنفسها لان التكاسل هو اللي مودينا في داهيه النهارده اتصلنا بمدير شئون العاملين فقال :: هيوقفو التعاقدات اللي لسة جارية حاليه والناس لسة مستلمتش في المدارس لحد ما العقود كلها تتراجع واللي ليه حق هياخدو انما اللي استلمو فعلا من اول 9 زي ما هما يمضو ويشتغلو في المدارس واللي هيتثبت ان عقدو مزور عن طريق الافادة المزورة بتاعت المديرين هيلغولو العقد وهيعاقبو المدير المسئول بتحويله للنيابة االدارية أعتقد ان الكلام ده كويس وأعتقد ان فيه موظفين عاوزين حرقهم هما اللي بيعملو البلبلة دي مثل موظفة مع مدير الادارة كلمناها من المدرسة وقلنالها الجماعه المتعاقدين اول 9 فيه جددي ليهم ردت وقالت ايوة متخلوهمش يمضو في الدفتر عشان تعاقداتهم هتتلغي أنا مع كلام مدير شئون العاملين علشان هو المسئول عن الموضوع ده وهو اللي فاهم( المفروض يعني ) وان شاااااااء الله خير ياجماعه والموضوع يكون مراجعة وتاكد من صحة التعاقد فقط |
لو سمحتم يا جماعة حد يعرف الموضع ده هيخلص امته وهل هنستلم قبل بداية الداسة
|
انا نزلت انهردا وسألت عن الفاكس بيقولوا هما هيوقفوا العمل مع التعاقدات الاى بتمضى لانى العملية كبرت معاهم دول ناس بالادارة
بس انا قابلت ناس ولقيتهم جيبين جواب من المدرسة بيثبت انهم كانوا شغالين بالسنهة دى وبيرحوا بعد كده الماليات بيختم وبيمضوا ع الجواب انهم كانوا قبضوا ف الفتره دى الاى عارفها انه مفيش حد هيمشى بس حيصل فرز للعقود ويشوفوا المزور اما عن الفلوس المرتبات زى ماهيه وان شاء الله ربنا يكرم الكل لانه ف الاول والاخر ده رزق من عند الله اللهم لا اعتراض |
لا حول ولا قوة إلا بالله
الله المستعان ربنا يصلح جميع الأحوال |
الله المؤفق
|
أنا معاكو في كل اللي بتقولوه وإنتوا عارفين كدة من البداية
لكن تيجي عند مصلحة الطلبة والتعدي على حقوقهم ولأ طبعا هو عشان أخد حقي أتعدى على حقوق غيري إزاي ياجماعة الكلام ده والتلاميذ ذنبهم إيه؟؟؟؟ حرام ومايرضيش ربنا إنت كولي أمر ترضى بكدة لإبنك إبنك يرجع من المدرسة يقولك المعلمين ماإشتغلوش رسالتنا ياجماعة اللي بنكافح من أجلها فين؟؟؟ الأطفال والتلاميذ اللي في رقبتنا دول ذنبهم إيه؟؟؟؟ الزميل اللي بيقول اقتباس: وافق بالثلث اشمعنا الاطباء اضربوا ومعملوش حساب للمرضى وهل ده صح أو يرضى ربنا تخيل حضرتك تكون مريض وهتموت وتروح للدكاترة يقولولك لأ أصل عاملين إضراب أنا مش هأقولكوا غير زي ماقال الرسول عليه الصلاة والسلام للرجل اللي أراد أن يستأذنه في الزنا أترضاه لنفسك أترضاه لإبنك أترضاه لأمك لأبوك لأهلك لمعارفك لأهلك والله لو لمشرك لا يمكن أقبل المنظر ده إني أكون بموت يقولوا لأ عاملين إضرااااب لا يمكن وكذلك التعليم برضه ناخد حقنا بكل السبل وكل الطرق إلا مصلحة الأولاد ورسالتنا مانمسهاش أبدا ده رأيي بمنتهى الصراحة |
بالنسبة للاستاذ ابرار معلش انا اسف هو انت تعتقد انا مهنة التدريس مهنة مقدسة طب ازاى هو حضرتك مش شايف حال المدرسين وهو لو المدرسين عملوا اضراب حد هيتاثر فعلا التعليم فى مصر الورق وبس للاسف وممكن تقول حضرتك التعليم فى الدروس وبس اما المدارس هى وقت للفسحة معلش شتان الفارق بين التعليم والطب لانه لا تعليم فى مصر مع انى والله العظيم مدرس واتمنى ان الحال يتغير بعد الثورة
|
للاسف النهارده اتصلت بالموجه الخاص بمادة الدراسات و سألته على العقود الخاصه بينا ( انا تعاقد 2\7 ) و ابلغنى انه النهارده فى المديريه و انهم استلموا عقود (2\7 ) فقط و رفضوا استلام عقود (1\9 ) بحجة عدم وجود بند مالى يسمح و بالفعل لما رجع من اسيوط قابلته تانى و اكد نفس الكلام
|
أنا أستاذة يافندم
مع إحترامي لكلام حضرتك طبعا ومؤكد فيه جانب كبير جدا من الصح بس ده بالنسبة للمستويات العالية والمتوسطة بس معلش حضرتك أغلب الناس في القرى والنجوع الناس اللي على قدها المسكينة الغلبانة الطبقات الفقيرة واللي تحت خط الفقر حضرتك بتكون بالنسبالها مصدر المعلومة الأول والأخير وربنا يصلح الحال عارف حضرتك أنا مع الإضراب لو كان مثلا أول أسبوع في الدراسة بس أو حتى إتنين بحد أقصى كوسيلة للضغط لكن يمتد ويكون مفتوح مالوش نهاية كدة لأ ده اللي أنا بأرفضه وبقول عليه لأ والله المستعان وربنا يصلح حالك يابلدي |
مافيش اى اخبار عن تثبيت الل ليهم ثلاث سنوات زى باق المحافظات انا سمعت ان نشرة حوافز الاداء وصلت يا ترى احنا لينا فيها
|
أنا شابف إن الناس بدأت تتحرك وتروح تجيب المعلومة بنفسها
ودي حاجة رائعة ... بكده عمر الحق ما هيضيع عاوز أقول رأيي في موضوع الاضراب هو هيكون على مستوى المدن فقط ... لان الاضراب في القرية ملهوش أي لزمة غير ولو المدرس أضرب في القرى مش هيكون اضراب ضغط على كد ما هيكون اضراب كسل واستغلال فرص إنما في المدينة مع اول أسبوع اضراب الناس الأهالي هتقوم ومش هتقعد وهيكون ليه تأثير شديد بالنسبة للكلام بتاع التعاقدات ان شاء الله خير طول ما العمل مستمر خير ... المشكلة لو عملولك إخلاء وسمعت انها صعبة شوية الموجهين بقى متسمعوش منهم أي حاجة ولا تاخدو كلامهم ثقة لانهم رؤوس الفساد في موضوعنا ده وهما اللي فعلا عاوزين يتفرزو مش العقود شكرا استاذه نوره وشكرا استاذ انا المصري على متابعتكم للموضوع |
استاذه ابرار حضرتك متوقعة انفى تعليم فى سواء فى القرى او المدن
فى القرى الناس الى حد ما اهدى من المدن لكن تعليم للاسف مفيش والله العظيم انا دى اول سنه ليا تدريس مرحلة سنويه فانا قليل خبره احد المدرسين قالى مش مهم ماده علمية المهم الحصه تعدى على خير والله لو الاضراب طول السنة ده مش هياثر كتير فى البلد لان منظومة التعليم خطا ومفيش تعلم من اساسه استاذه المدرس الموظف الوحيد اللى فى الدولة بيروح الشغل وهو خايف ان اليوم ميعديش على خير فى اية تانى لا تعليم فى مصر سواء مدن وقرى وجامعات نتمنى من الله ربنا يصلح حال التعليم اللى تبدا من احترام المدرس كشخص ووظيفه ادام الله علينا نعمة الامن والامان |
جميع الأوقات بتوقيت GMT +2. الساعة الآن 10:25 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.