أنا فعلا قرأت هذا الخبر فى الجريدة الأمريكية
وبما انى مجربه فهذا الكلام صحيح ميه بالميه
ولكن أنا مصريه وهااظل مصريه مهما كان فيها.. يكفى انى فى بلد مسلمه :022yb4:وكفاية كمان انى بين أهلى وخلانى.
.. والعيب فعلا فى المواطنين
مصر لو فيها شوية نظافه واطبق فيها القوانين الموجوده فعلا وطبقنا الاسلام
ستبقى مصر أم الدنيا وأحسن من أمريكا الف مرة:)

كلام سليم
الحكومة لو اتغير بناس عندها ضمير وذمة هتكون كل حاجة تمام :d:d

شكرااا لمرور حضرتك الرائع :022yb4::022yb4:

بصراحة مش عارف أقول ايه تاني !!!!
معظم الكلام لو ... لو .... لو ....
وفي الأخر مصر أم الدنيا !!!!
امال " لو " بتعمل ايه ؟!!!
الاسلام علي العين والراس وتطبيقه أكيد أمر مفيد
ونافع لكل البشر مش للمصريين فقط , ولكن الدول
الأجنبية المتقدمة لا تطبق الدين الاسلامي كشريعة لها
ومع ذلك فهي متقدمة لأنها أخذت بالأسباب .
لما نبقي ناخد بالأسباب ونتقدم زيهم ونطبق الاسلام
نبقي ساعتها نقول مصر ........... !!

والله حضرتك مش بحب اقول مصر كذا ومصر كذا واحنا ابناء كذا وكذا
لانى الصراحة مش شايفة ده فى الامر الواقع

انا بستخدم لو عشان مش فى ايدى حاجة اعملها الوقتى
ولو قولنا الاجانب يقولوا انتوا بتشبهونا بالكفار اللى كذا وكذا
بس عندهم عادات احسن مننا بكتير وفى نفس الوقت عندهم عادات سيئة واحنا طبعا اخدنا السيئة :stickjo4::stickjo4: وطبعا العيب فينا احنا
عشان كده هما افضل مننا ويقدروا يتحكموا فينا

أولاً: انا مش عارف انتي خدتي الكلام علي نفسك ليه ؟!!
ثانياً: حرد عليه .
انا بتكلم عن الناس اللي شايفة مصر أم الدنيا وأحسن بلد في العالم
ومع ذلك كلامهم فيه " لو " كتير جداً , وده بيكون دليل علي عكس ما يقولوه !!
وفيها ايه لما نقول الأجانب ؟!!
اللي يقول بتشبهونا بالكفار يقول زي ما هو عايز .... كفار ايه ومؤمنين ايه ؟!! احنا بنتكلم في التقدم العلمي والاقتصادي والصناعي والزراعي , مش في الدين والعبادات !!
مش معني كلامي اني بفصل الدين عن الدنيا ... لا .
لكن هو احنا يعني اللي بنطبق الدين ؟!!!
احنا لا عندنا دين ولا دنيا !!!
عادات الغرب السيئة موجودة هنا في مصر أيضاً وبصورة واضحة !!
ايه العادات السيئة اللي موجودة في الغرب وكل شوية ندعي ان احنا مش زيهم ؟!!!
شرب الخمور ..... موجود في مصر وعلي عينك يا تاجر !!
الخيانة الزوجية ...... بقت موضة في مصر !!
البوي فريند والجيرل فريند ....... مش محتاج أعلق عليها !!
الحمل سفاحاً ....... روحوا عيادات الأطباء وانتوا تشوفوا بعينيكم !!
الكاسيات العاريات ........ علي وشك اننا نتفوق عليهم !!!
الشباب المخنث ...... حدث ولا حرج !!!
التفكك الأسري .... بصوا في الشوارع والمدارس والجامعات والمقاهي وانتوا تعرفوا !!
ربنا سبحانه وتعالي أمرنا ناخد بالأسباب , لكن احنا قاعدين نردد
في كلام ...... مش عايز أوصفه ومش عارف ايه الهدف منه !!
ليه عايزين ومصرين علي اخفاء عيوبنا الواضحة جدا جدا أو التقليل من خطورتها !!!
إذا كان الحزب الوطني نفسه بقي يعترف بوجود تلك الأخطاء , يبقي احنا نداري وننكر ؟؟ طيب لمصلحة مين ؟!!
مصر دولة متخلفة علمياً واقتصادياً وصناعياً وزراعياً وتكنولوجياً .
هي دي الحقيقة المعروفة لكل دول العالم , ولا احنا دولة متقدمة بس انا اللي مش عارف ؟!!!

لا حضرتك انا ماخدتش الكلام لنفسى انا كنت برد على حضرتك

وكلام حضرتك صحيح 100% انا مش عارفة كلمة الحق بتزعل المصريين ليه نقول مصر مش بخير يقولوا انتوا ناكرين للجميل اى جميل ده
الاجانب ناس عارفين مصلحتهم كويس اهم حاجة عندهم الشغل وكمان باتقان عندهم ضمير مش زى عندنا

والله احنا نقصنا كل حاجة :(:(:(

http://www.hanein.info/vb/imgcache/1...anein.info.jpg



ما هو تعليق حضراتكم على الصورة دى

صورة معبرة عن عناء وكفاح الشرطى اللى واقف طول النهار فى الشمس يا ولداه

تقصدي ايه بالظبط ؟
الشرطي والرشوة ؟!!
المواطن المصري ومساعدته علي الرشوة ؟!!
الشارع اللي شكله نظيف ؟!!!

بصراحة صورة تستاهل جائزه للى تعب وصورها

ياه أتارى فيه ناس بتضحى من اجل منع الفساد
ربنا يوفقهم

بس مايحزننى ان هذا الجندى تحمل أخطاء الملايين بالصوره دى

والعين كلها راحت على المسكين أما الباشا فى السيارة فهويقدم الرشوة تحت تهديد السلاح أليس كذلك؟؟؟!!!!

يستاهلوا أكيد والدتهم غضبانه عليهم وقالت لهم روحوا ربنا يفرج عليكم خلقه وتبقوا عبره --- وقد كان

http://www.ahlan.com/wp-content/uploads/2010/08/11.jpg
الصورة دى لاتحتاج لتعليق
ناس عبيطه بيبهدلوا نفسهم فى الحرارة الحارقة من أجل أن يوفروا الكساء لناس كارهينهم وكارهين حتى سيرتهم
ومش بعيد يكونوا اتعودوا على الملابس المستوردة وخاصة من أمريكا !!!!!!!!!!
دمتم بخير

حرب الصور تنطلق من الأن
http://m7ml.com/uploads6/1a7598a701.jpg
هل هذا الرجل ينتظر رشوه من الأله التى يعمل عليها ؟؟؟؟؟؟؟؟؟؟؟؟؟!!!!!!!!
موضوع جميل ياروووووووز ياريت يستمر وكل انسان يعبر بالصورة التى يراها دون الحجر على فكر الاخر
اراها منافسه جميله
شكرالكى

http://img440.imageshack.us/img440/3...pop20n2wj6.jpg

هذا البطل بن عمى وجارى ومن بلدنا يعنى صناعة مصرية 100%


ويامه بلاد بتصنع أمجاد بولاد بلاد غيرها وشكرا

اكيد هو بيتعب وكمان مرتبة كام :excl::excl: فى الغلاء اللى احنا فيه ده هيصرف ازاى عشان كده يقبل الرشوة
اى مشكله فى البلد وراها الحكومة :040vk0:

اقصد الرشوة يعنى جيت عليه ده الاكبر منه فى الرتبة عايشين على الرشوة والربا والنصب والنهب ده معظمهم اكيد لسه فى ناس شريفة :p


يعنى جيت عليه يعنى الاكبر منه والباشا بيعمل كده الان الاغلبية عايشين على كده
لان ظروف البلد جبريته يعمل كده حسبنا الله ونعم الوكيل

وده نوع من الفساد فى مصر الرشوة

الصورة مش موجودة :(:( عشان اعرف مضمونها

اكيد فى ناس لسه شريفة وبتكافح عشان تعيش

صح ما شاء الله عليه ربنا يزيد منهم كمان وكمان

http://sphotos.ak.fbcdn.net/hphotos-..._4830223_n.jpg

طب ايه رايكم فى دى
هى دى الرجولة فين كرامة المرأة العجورة دى

حرام عليكى يا رووووووووووز وايه ذنبها الست دى تبهدليها فى صورك

تانى ؟؟

بس يا ترى هى عملت ايه ؟ مش نفكر الاول ايه اللى حصل وبعدين نحاسب على الطريقة ؟
انتى ما سالتيهاش ولا ايه ؟

ده مش حرام امال هتعرفوا الحقيقة ازاى
وكمان حتى لو غلطت هى دى طريقة يمسكوها بيها وكمان واحدة عجوزة زى دى هتعمل ايه اكيد راحة تطالب بحاجة مظاهرة الصورة تدل على كده
لو شوفتوا الاجانب لما يقبضوا على المجرم بيدخلوة سيارة الشرطة برفق لان عندهم حاجة اسمهاحقوق الانسان اه يمكن لسه موصلتش مصر

http://sphotos.ak.fbcdn.net/hphotos-..._4830223_n.jpg

أرجو ألا يؤخذ كلامى بالموافقة على المنظر المؤلم فهذا مرفوض كاملا


لكن عندى سؤال برىء جدا على رأى واحد :p

ليه المتظاهرين ولا واحد منهم بينظر على هذا المشهدالفظيع ؟؟؟؟!!!!!!!!!!:excl::006et4:

يمكن حصل فى موضوع تانى وشارع تانى وحبينا نقرب ونجمع الصورتين مع بعض --- وكلها مهارة وشطارة:d

جايز والله أعلم

ههههههههه تصدق حضرتك انى مفكرتش بالسؤال ده هما مش شايفين ولا ايه :stickjo4::stickjo4: حتى انسانية ورجوله معظم الشعب راحت واختفت
لا هى صورة واحدة بس شكلهم :040vk0::040vk0:مشغولين بحاجة تانية :stickjo4::stickjo4:
شكراا على لفت النظر :078111rg3::078111rg3:

هههههههه حضرتك بتتكلمى عشان الشارع نظيف اكيد فى منطقة راقية طب مبعملوش كده ليه فى كل الشوارع ولا عشان دول ولاد ناس واحنا فى الزبالة حضرتك شوفى الاماكن التانية مش تحكمى على شارع فى الصورة واكيد المظاهرة دى فى مكان لوزارة او ما شابه
وكمان حجاب ايه واحدة ممسوكة بالطريقة دى اكيد وقع او حتى لو مسيحية او حتى مسلمة ومش محتجبة يعملوها كده وحتى لو كانت مجرمة يمسكوها كده ليه فين الرحمة
وارحموا من فى الارض يرحمكم من فى السماء هنا الرحمة عامة حتى شملت الحيوان والنبات متحجبة مش متحجبة مسلمة او مسيحية او يهودية او على اى ديانة تانية

:d:d الموضوع مش عن امريكا الموضوع عن مصر بلد حضرتك :d:d

هههههههه لا اتكلم حضرتك متخفش كلنا معاك بس لو امن الدولة مسك حضرتك :stickjo4::stickjo4::giljotiiniug3: انا معرفش حد :slap1qk6:

مبدأيا موضوع رائع يفوق الجمال:078111rg3::078111rg3::078111rg3:
أنا ليا رأى فى المبادئ التى تعلمها مصر للمواطن المصرى!!!
(1)تعلمنا مصر أن الصبر جمييييييل أوى:romarioxp6::romarioxp6:
(2)فى الصورة بتاعة الشرطى تثبت لنا مصر خطأ اللمبى حينما قال:(الجنيه غلب الكارنية)لأن الجنيه كمان غلب كل حاجة حتى كل المعايير الأخلاقيه:angry2:مش كده وبس ده كمان خسر نفسه وقيمته قلت بين باقى العملات
(3)فى لالصورة نتاعت الست تعلمنا مصر ان اللى ملوش ظهر يضرب فى أى حتة من أى حد بلا مراعاة لأى حاجة سواء ست أو راجل,ولد أو بنت,
أحنا بقينا فى غابة بيتاكل فيها الضعيف:040vk0:ربنا يسترها علينا و على ولادنا وبناتنا و أمهاتنا.........

يا جماعة الصورتين دول مش في مصر فقط
الحكاية دي بتحصل في دول كتيرة غير مصر
حتي في الدول المتقدمة , ومش شرط الرشوة
مثلاً تكون في صورة فلوس , فيه صور أخري لها
وبتحصل حتي في أمريكا !!!
والصورة التانية أيضاً بتحصل في أمريكا , مفيش بلد
مفيهاش تجاوزات !!
طبعاً الصورتين مرفوض اللي بيحصل فيهم , ولكنه
يحدث في كل الدول .

الصورة بتاعت كرم جابر , البطل المصري اللي شرف
كل المصريين , بس يا تري هو فين دلوقتي ؟!!
والمسئولين عن الرياضة في مصر عملوا معاه ايه ؟!!
عملوا ايه مع نهلة مصطفي وغيرها ؟!!!
يا تري دول لسه أبطال حتي اليوم ؟!!!

كلامك صح فعلا في تجاوزات فى كل مكان!!
بس التجاوزات لما تكون من جهة الشرطة اللى هيه فى خدمة الشعب أعذرنى تبقا تجاوزات غير مقبوله بالمرة:mad::mad:
انت كمان معرفتش اللى حصل فى جامعة القاهره والشرطى اللى ضرب طالبة و جابلها نزيف داخلى:040vk0:

مع الاسف كالعادة دائما فى كل لاعبى وأبطال مصر واعتقاد كرم جابر انه بطل العالم حتى بدون الاجاده فى التمرين بنتهى الغرور!!! عشان يدخل البطل كرم جابر أولمبيات بكين2008ويخسر ويخرج من البطولة فى أدوارها التمهيديه:frown::frown:وكمان ألقى اللوم غلى الاتحاد المصرى للمصارعة الرومانيه:excl::excl:كيف لم يتم الاهتمام بهذا البطل كما يجب؟؟:excl::excl:

ما انا قلت ان الصورتين مرفوض ما يحدث بهما !!
والشرطة في الدول الأخري بيحصل منها تجاوزات أيضاً
حتي وان لم تكن بنفس الصورة هنا , ولكنها تحدث .
انا لا أدافع عن الخطأ , انما أري ان ما في الصورتين
لا يحدث في مصر فقط !!
والتجاوزات في مصر مش في الشرطة فقط , لا دي
موجودة في كل مجالات العمل المختلفة !!

ليه كده انا بحب المواضيع السياسية واللى فيها نقاش وجدال وقفل مواضيع :stickjo4::slap1qk6: ههههههههه

شكراا لحضرتك وكلام حضرتك سليم
والصبر ليه حدود :p:p
ورجال الاعمال والحكومة هما الحيتان فى البلد كل واحد يعمل اللى على مزاجة :040vk0: واحنا ساكتين :stickjo4:

لو حاجة زى دى حصلت عند الاجانب وشافوا الصورة دى مش هيسكتوا دول بيعملوا مظاهرات عشان حيوان :p وبيعرفوا يحصلوا على حقوقهم كويس حتى لو من رئيس الجمهورية


دول ابطال مر عليهم الزمن الاول عملوا تكريم ليهم وبعدين اتنهى الموضوع :stickjo4:محدش سمع عنهم حاجة
هى :pمصر مش بتحب تنمى مواهب


كلام حضرتك صح فى حاجات ممكن تعدى بالساهل وحاجات مستحيل انها تعدى كده -_--_-
وكمان دى مصر مش اى بلد تانية <_<<_<

من امتى مصر بتهتم بالمواهب <_<<_< دى بتحبط ودمر المواهب -_-

التجاوزات فى كل مكان :mad:
بس احنا عايزين مصر تكون غير -_-

لن احيا الا تحت سماك


لن اتنفس غير هواك
لن امشى الا فى طرقاتك
لن اعزف لحنا الا لدنياك
مصر امى احيا لفداك
مصر ارضى ارض الكنانة و العطاء
قاهرتى يا قاهرة الاعداء
منصوره يا ناصرة الشرفاء
سيناء يا ارض الانبياء
تحت ارضى صليبى صهيونى
كلهم الى الفناء
ارفعى راسكى يا ارض النماء
يا ارض المحبة و الصفاء
احميها ياربى من كل البغاه
انصرها على كل العداه
نجيها من كل الغزاه
بلادى مقبرة لكل الطغاه

مصرية وبحبك يابلدى




طبعا هاتقوله بلاش شعارات ومش عارف ايه
اذا كان حبى لمصر شعارات يبقى انا بقول شعارات

حسبنا الله ونعم الوكيل
انا اول مرة اعرف ان حضرتك فى حقوق ربنا مع حضرتك وان شاء الله بعد التخرج وتمسكى حضرتك القضايا هتعرفى الناس والبلد على حقيقتها
وتعرفى حضرتك ان فى ناس مظلومة كتير فى البلد

انا عارفة الناس والبلد حق المعرفة
بس مش معنى كدة اعمل اللى انتو بتعملوه ده

بنعمل ايه تقصدى حضرتك على الصور
عادى على كده الصحافة وحشة لدرجة دى الصحافة بتنشر الصور
عشان الناس تعرف اللى بيحصل فى البلد والشعب
ولا لازم نستر على الحكومة اكتر من كده
وكمان احنا فى بلد فيها حرية صح ولا غلط

لا انا مش قصدى على الصور
انا قصدى على ان كل واحد نازل سب وشتيمة فى البلد
لما اولادها بيقولو كدة غيرهم يقول ايه
هو انا هافضل اقول الجملة دى لامتى
وياريت حد عايز يفهمنى

مين بيشتم بلده :excl::excl:
انا مشتمتش انا بقول الحقيقة والواقع
كلمة الحق بتزعل فى البلد دى واللى يقول الحقيقة يبقى وحش

يااااااااااااااااااااااااااااااه
مين بيشتم بلده :excl::excl:!!!!!!
كل اللى بتقولوه ده ولسة بتسألى
يمكن انا مش قصدى عليكى انتى بس
بس قوليلى فايدة واحدة من الكلام ده
صدقينى انتو كدة زى اللى بيقول شعارات
والكلام مش بينفع وياريت نحاول نغير من نفسنا الاول وبعدين يبقى لينا الحق اننا نتكلم
انا عارفة ان كلامى ده كتبتوا ابل كدة
ولا حياة لمن تنادى

اه يا زمن فيك العجب
على العموم حضرتك دى الحقيقة ومحدش يقدر ينكرها وانا عن نفسى معملتش حاجة تخرب البلد ولا هتحصل وانا مش هتغير ولا هصلح من نفسى انا راضية باللى انا فيه انا كده تمام :d:d

أجمل عبارة اتقالت فى الموضوع الطويل العريض ده
لكن انتى رفضه التغيير مهما كان
ليه اللعب على الأوتار الحساسه بهدف تغيير الغير
تتسمى إيه ده فى علم السياسه وعلم النفس ؟؟
وزى ماجاتلك الجرأة وأعلنتى رأيك بحرية مطلقه
فاسمحى لنا نعلنها
واحنا كمان مش هنتغير وراضين بوضعنا هذا
ونملك الأمل فى الله والغد لينصلح المعوج على أيدى شباب البلد والتى تحاولون تحويلهم إلى كارهين لتاريخهم ووطنهم لكن هيهات أن يصلوا لذلك --- فاليأس من الوطن ممتد من اليأس من رحمة الله ومن صميم عقيدة المسلم
الإيمان بالله وهو مغير الأحوال بأمرة فقط من العسر إلى اليسر بأمرة فقط سبحانه وتعالى
وسأقولها للمرة المليون
لماذا تقودون بالشباب الى هاوية اليأس ان كنتم تحبون هذا الوطن ؟؟؟؟!!!!!!!
فهل تأملون البناء والتعمير من اليائس إن أتاه الغد بأمر الله !!!!!!
انكم تسحبون كل الغد إلى الضياع


وهل التونسى الذى كان يضرب فى الشرطى المصرى هل تعتقدون انهم لم يقرأوا مليون موضوع كهذا حتى تجرأوا على مافعلوه !!!
نلعن البلد أمام الجميع
واذا لعنها الغريب نساعدهم أيضا فى فعلهم
المهم ضد الحكومة على طول الخط وكأن هذا الوطن بتاريخه وجغرافيته صار فترة من الزمن
وصدقونى لو لم تتحرر البلاد فى الزمن الماضى ماتحررت فى هذا الزمن وكفى

موضوع جميييل وفعلا مانكرش أن في حاجات كتير بره أحسن من هنا مليون مره...ومصر دي بلد تيييييت في حاجات كتير بس وكويسه فحاجات برضو بس احنا لازم نشوف حل ونبدأ نغير من نفسنا الأول ..وربنا يصلح حال الجميع

واضح ان الردود والتعليقات عادت مرة أخري إلي القاء
التهم الجزافية واستخدام ألفاظ وعبارات مستفزة من
أجل استفزاز الأخرين ليقوموا بالرد بنفس الأسلوب
والطريقة , فيصبح الموضوع هو عبارة عن تبادل الاتهامات
وفي النهاية يتم غلق الموضوع !!!!!
يا جماعة , يا شباب المستقبل , يا من ترون في أنفسكم
أمل لهذا الوطن , من فضلكم الردود والتعليقات تكون في حدود
الموضوع دون اتهام بعضنا البعض بأي شيء .
من حق الجميع أن يعبر عن رأيه ولكن دون اتهامات أو استفزاز
الأخرين . فليكن النقاش بيننا بهدوء وعقلانية وبعيداً عن العصبية والتعصب .
أقولها مرة أخري من فضلكم .