المشاركة الأصلية كتبت بواسطة stevaniii (المشاركة 6610388)

بالنسبة للادب :
1-متسمعيش كلام اللي يضحك عليكي ويقولك الادب حفظ بس .. لا الادب لو مفهمتيش الدرس كويس جدا ..ممكن السؤال يجي لافف ومتعرفيش تحليه لو انتي حفظا بس
2-حفظ الادب من كتاب المدرسة بدون نقاش .. ناس كتير غلطت وحفظت من المذكرات .. والله العظين جه سؤالين محدش عرف يجاوبهم غير اللي مذاكر من كتاب المدرسة ..لان سؤالين مش صعبين ابدا بس من بين السطور جدا ومعظم المذكرات مذكرتهمش
3-لو بيقابلك صعوبة ف حفظ الادب ادامك طريقتين تحفظي بيهم انا كنت بتبعهم
الاولى : كنت بغني المقطع اللي مش عارفة احفظه واسجله على موبايلي على نغمة اغنية انا حفظاها و الطريقة ظي بتثبت الكلام ف دماغك من اول مرة .. انا لسا فاكرا حاجات حفظتها بالطريقة دي من تالته اعدادي ... وف الامتحان لما كان بيجيلي السؤال كنت بفتكر الاغنية واغني واكتب 😃
التانية : هي انك ترسمي الكلام .. كل كلمة تحوليها رسومات معبرة عنها ..الطريقة دي عبقرية بجد في الحفظ ممكن الكلام يفضل معلق ف ذهنك لعشرات السنين .
جربيها وهتدعيلي
4-الادب عشان ميتنساش محتاج مراجعة باستمرار ..يعني لو كل يوم تحلي سؤالين بس على كل مدرسة حفظتيها قبل كدا .. يبقا كدا تمام اوي
5- كنت بسمع شرح مستر اسامه عز الدين و مستر محمد السخاوي ف الادب ف لذلك كام بيثبت ف دماغي وكان بالنسبة ليا من احلى الفروع ف الوقت اللي كل الطلبة بتشتكي منه .
الادب من كتاب المدرسة الادب من كتاب المدرسة الادب من كتاب المدرسة

المشاركة الأصلية كتبت بواسطة stevaniii (المشاركة 1065705862)

العربي: هات الامتحان للحل ممتاز جدا + كتاب الرساله شرح اكترر من ممتاز لانه بيجيب مفردات كتير و ف النصوص بيجيب جماليات ومحسنات بعض الكتب مش بتذكرها (في المراجعه هات الرساله كتاب اكتر من رائع في المراجعه )
الانجلش : زي ما قولتلك هات كتاب و بنسبة كبيرة هتحتاج كتاب تاني زي ما قولتلك
(ذا بيست وسينيور كويسين )
الفرنش : جينيال تمام اوي ..ف المراجعه بقا انصحك بميرسي
باقي المواد العلمية : كتاب الامتحان شرح وحل ممتاز جدا و ف المراجعه كويس جدا

المشاركة الأصلية كتبت بواسطة Eng_Muhammed (المشاركة 1065706108)

مش ضروري تشتري ملخصات 2018 طالما عندك الكتب القديمة مش بتختلف كتير علي فكرة ..هو امتحان جديد بس بيضاف والباقي زي ما هو ..

المشاركة الأصلية كتبت بواسطة abdallanagah (المشاركة 1065706110)

طب لو جبت كتاب جيم فى الانجليزى والاضواء فى العربى علشان الاستاذ طالبه اصلا عادى ولا انتا ايه رايك

المشاركة الأصلية كتبت بواسطة stevaniii (المشاركة 1065706141)

نصيحة :
-محدش يأجل مذاكرة انهاردا لبكرا لو لقيت نفسك بتأجل اعرف انك هتبدا تمشي غلط تماما .
-بلاش تمشي ورا اصحابك هنتعشى بعد الدرس ولا نجيب اكل ولا نتفرج على ماتش او غيره .. مش معناه انك تقفل على نفسك... بس الترفيه ف الوقت اللي انت تحس انك محتاج تفك فعلا ..يعني انت اللي تقرر ..او تعمله مكافأة لنفسك لو مثلا خلصت شابتر كذا انهاردا او مثلا قفلت امتحان كذا او مثلا ذاكرت 3 ساعات بضمير .. مش يبقا روتين عندك لان دي سنه مهمه .
-النوم من 6 ل8ساعات متتنتزلش عنهم ابدا .. متخليش الحماس ينيمك 4 ساعات بس ..ومتخليش الخوف والرغبة ف الهروب من اللي وراك ينيمك 15 ساعه . هتندم
-متغيرش المدرس من بعد شهر 10 و متاخدش درسين ف مادة
-متخليش الخمول بتاع شهر 12 و1 يوقفك او يعطلك .. حارب نفسك وشهواتك و طبيعتك بكل قوتك .
-اهم نصيحة
لازم عشان تذاكر صح يبقا ذهنك فاضي و دا مش هيحصل غير لو عندك سلام داخلي .. صالح نفسك من جوا و خد نفسك بشئ من الشدة و خد عهد انك هتبطل اي حاجه غلط بتعملها ف حياتك و هتبقى دي نهايتها .. صالح والدك ووالدتك صالح اخواتك صالح زمايلك خليك محترم عشان تليق بالهدف اللي بتسعى ليه
❤

المشاركة الأصلية كتبت بواسطة الباحث عن المستقبل (المشاركة 1065706536)

كلام جميل ربنا ينفع بيك ويوفقك

المشاركة الأصلية كتبت بواسطة eng_muhammed (المشاركة 1065707526)

408.5 علمي رياضة
ماشاء الله عليك ربنا يزيدك علم و تفوق. هندسة القاهرة هتنور بيك

المشاركة الأصلية كتبت بواسطة شخص 1 (المشاركة 1065707557)

الله يكرمك ويحفظك
ثناء حضرنك شرف ليا والله


أنا في التنسيق هندسة القاهرة ، لكن متقدم لناىمنحة من الجامعة الألمانية. Guc بفكر جديا فيها يعني .. ايه رأي حضرتك لو تعرف مثلا ناس هنا وهنا وما شابه

المشاركة الأصلية كتبت بواسطة stevaniii (المشاركة 1065705344)

انا من رايي تنقلي مدرسة تانية تكون متهاونه ف موضوع الغياب دا
الساعه بالنسبة ليكي مهمه جدا .. والطلوع والنزول الكتير بيتعب الجسم ..انتتي او اعدتي تذاكري فترة المدرسة هتحصلي احسن من اللي بيروحوا
ربنا معاكي ياحبيبتي❤