لا مش موافقة حرااااااااااااااااااااااااااااااام

انا طبعا مش موفقه على موضوع زى ده لان اللى خلانا نخضع لهذه الاختبارات ان الوزير عايز يشغل الجامعات الخاصه علشان كده عذبنا السنه اللى فاتت بالامتحانات انا مش عارفه هوه عايز ايه بعد ما ضيع مستقبلنا عايز يحرمنا من التعليم ولا ايه حرااااااااااااااااااااااااااااام ضحيه الثانويه الظالمه

الحاجه الوحيده فى مصر التى لاتتدخل فيها وسطه ومحسوبية هى مكتب التنسيق
عايز تكمل عليها

التعليم دافع اذا مات الدافع مات التعليم وليس النظم وحدها بها ينح التعليم

انا مش موافق لسبب لان مش هيكون امتحان بجد هيكون برده بالوسطه يعنى ناس كتير هتعدى بالوسطه فهيكون زى قلته

و الله لو هيحصل بدون اي وسابط انا هوافق...بس على فكرة يا جماعه القدرات ده بيبقا على الكمبيوتر و بتستلم النتيجه و انتا قاعد في مكانك فصعب يكون في وسايط ...بس انا مع النظام ده اوي

لا ياباشا هيكون فيه وسائط يعنى انت عايز تقنعنى مثلا لو واحد والده او عمه او خاله او اى حد من قرايبه او معارفه او كدا هيعدى او دا ابن فولان مش عارف باباه بيشتغل ايه عمه فين خلصت الحكايه ومش هيختبر حتى لو اختبر هيكون شكلى فقط

اية دة والله حرام هما هيجربوا فينا ولا ايه

والله عن راى فانا اختى فى كلية فنون تطبيقة الدكتور بتاعهم بيقولهم احنا لو كونا خدنا بالموهبة كنتم مش هتكملوا 12 طالب او طالبة مع انهم امتحنوا ودخل الكلية اكتر من 400 طالب وطالبة

عن نفسي .. اوافق ..
بس ليا تعليق مهم :
هو من الممكن انه يطبق على بعض الكليات زي الهندسة والفنون الجميلة والتربيات الرياضية والخ الخ .. من اللي ينفع فيهم اختبار قدرات اصلاً ..
بس حاجة زي الطب .. ازاي يعملو فيها اختبار قدرات ...
بس ده معناه ان هيكون في منهج قدرات للمزاكرة .... واكيد هيكون من خارج مناهج الثانوية العامة ..
لان الثانوية العامة لاعلاقة لها ب الحاجات اللي بيدرسوها ف الكليات والجامعات ..

الفكرة دي سلاح ذو حدين ممكن تكون وسيلة لان كل واحد يدخل اللي عايزه و بيحبه.
بس يا جماعة الموضوع ده مينفعش يطبق في جو الفساد اللي احنا فيه.
شوفوا اللي حاصل في الكليات اللي ليها اختبارات و اخص بالذكر كلية الشرطة بيحصل فيها وساطة.
و ده هيحصل لو اتطبقت الفكرة الخطيرة دي.
و بعدين الطالب مننا بيحزن او لما ميقدرش يدخل الكلية اللي كان عايزها و هو عارف انه ما اتظلمش في التنسيق و انه عادل مية في المية و مع ذالك في ناس بتبقى عايزة تنتحر.. اومال هيعملوا ايه لما يعرفوا انهم مدخلوش الكلية عشان اللي خد مكانهم ..
ابن استاذ في الكلية و لا ابن وزير ولا ابن ضابط ولا ابن مسئول ولا دفع مبلغ و قدره.
بعد كده ممكن في جداول نتيجة التنسيق اسم الكلية و جنبها السعر مش المجموع.
و بعدين على فرض ان مش هيبقى في كوسة .. ماهو المشاكل بتاعت الثانوية هتنتقل للاختبارات دي .. القلق و الدروس و الانتحار .. هي هي
بالنسبة للنظام في اوروبا اعتقد انه مينفعش يطبق هنا:
الطالب يخلص ثانوي و يختار بقى المجال اللي هو عايزه و لو كله اختار مجال واحد مفيش مشكلة لان التعليم مش مجاني يعني كل واحد بيدفع ثمن مكانه في الكلية.
هل بقى ينفع نخلي التعليم غير مجاني في مصر؟
الدول الاوروبية فيها دخول عالية و مستوى معيشة مرتفع .. احان لو عملنا زيهم محدش هيدخل كلية في البلد دي لان اكثر من 70% من الناس هنا مش هيقدروا على مصاريف التعليم العالي لو بقى غير مجاني.
ولا نخلي الناس تخلص ثانوي و تقف لغاة كده .. بدل ما نخلي الناس تتعلم اكتر عشان نعمل نهضة من الجهل اللي احنا فيه نقوم نقولهم خدو ثانوي و اشتغلوا بيها .. اذا كان اللي معاهم بكالوريوسات و ليسانسات مش بيشتغلو .. حد هيشتغل بثانوية عامة.
و بعدين هتمتحن الطالب في ايه .. هو اصلا المفروض يدخل يدرس المواد علمية او طبية او هندسية او اقتصادية او قانونية او ادبية.
هتمتحنه في الحاجات دي اومال هو داخل يدرس ايه في الكلية؟
و بعدين لما الوسايط و الفلوس تشتغل الشباب الصغير اللي طالع من ثانوي هصطدم بالفساد في سن صغير و يكره بلده في سن مبكرة.
التنسيق ده من الحاجات القليلة جدا في البلد اللي مش بتفرق بين ابن الوزير و ابن الغفير كمان هنبوظها.
خطر جدا ان الفساد يدخل المنطقة دي.
انا موافق ان نظام دخول الجامعات بيظلم بعض الطلبة اللي يستحقوا يدخلوا كلية معينة و لم يساعدهم مجموعهم و يكون في صالح اخرون اعتمدوا على الحفظ و الصم فحصلوا على مجموع يدخلهم الكلية.
لكن التنسيق مش هو اللي ظلمه التنسيق.اللي ظلمه هو المنظومة من اولها.
لو عايز تصلح بقى يبقى متجيش على التنسيق دي اخر مرحلة .. عالج الموضوع من الاول.
ولو عايزين فعلا كل واحد يدخل اللي بيحبه .. ده شيء جميل .. لكن لازم ندور على وسيلة مش ممكن يدخل فيها السلطة او المال.
و الا يبقى التنسيق بالمجموع هو الوسيلة العادلة الوحيدة.. لغاية ما نلاقي حل كويس.
الاختبارات دي بدل ما التعليم في النازل هتخلي مفيش تعليم اصلا.

موافق طبعا علي الموضوع
لان كليات القمة العلمية مش هيكون العامل الوحيد المحدد للقبول فيها هو " الدح " ولكن الفكر بجانب المذاكرة والتحصيل والنظام ده هيحسن كتير من مستقبل خريجي الجامعات

it will be better