طيب دلوقتى انا جبت 84.87% وعاوزة ادخل الروسية بس فى 2 مشكلة انا عاوزة اروح اقدم فيها بكرة وقالولى بكرة اجازة طيب انا اتصلت بجامعة مودرن قالولى بكرة عندهم فى شغل طيب الروسية اى نظامها انا عاوزة الحق التقديم لانى سمعت انها استكفت بتوع صيدلة طيب هندسة اى نظامها مش عارفة بتصل مش بيردو لو فى رقم داخلى بس افدنى اروح بكرة ولا لاء ضرورى

ثانيا انا شهادة الميلاد الكومبسيوتر مش معايا دلوقتى معايا العادية ممكن ادخلبها ولا اى مش فاهمة ارجوك ترد وقولى اروح بكرة ولا لاء والمصروفات السنه دى انا سمعت انها 20 الف فى السنه طيب والسكن اى نظامو ارجوك جاوبنى ضرورى ضرورى

اولا طالما قالولك بكرة اجازة يبقى ما تروح
ثانيا لازم شهادة ميلادك انت تقدر تخرجها فى دقيقة من اى سجل مدنى ب 7 جنيهة

ثالثا سيبك من الى سمعتة المصاريف فقط ب 17 الف منين وصلت لعشرين

رابعا انا كلمت وكتبت معلومات كتيرة فى الموضوع دة يرجى انك تراجع المواضيع الى باسمى وهتعرف معلومات تفيدك

تمنياتى بالتوفيق

طيب بالنسبة انهم استكفوا دا حقيقة ولا اى

ولو رحت بالشهادة القديمة العادية فى مشكلة

ومصاريف الاقامة كام ولو فى تيليفون

ولوو رحت الاربعاء دا فى مشكلة ولا هروح مش هتلاقى مكان

انتى بتقولى اسكتفوا صيدلة لسة هندسة ايوة عادى بيسكتفوا لما يلاقوا العدد اكتمل ما علشان كدة فى كل مواضيعى بقول روحوا احجزوا بدرى ما تستنوا التنسيق لما يطلع وبعدها تحجزوا

يعنى اية لو رحتى بالشهادة القديمة مش فاهم النقطة دة ؟؟ بس انتى لازم تاخدى شهادة تالتة ثانوى الى هى فيها درجات الثانوية العامة بمرحليتها

مصاريف الايقامة دة شىء يرجعلك بمعنى حبيتى تسكنى فى سكن الجامعة يبقى هتدفعى 5 الاف جنيهة زيادة حبيتى تسكنى سكن خارجى مع زميلاتك يبقى ارخص شوية يعنى كلة الاعتماد عليكى

واخر نقطة لو فية تلفون مش فاهم تقصدى تلفون مين .. الجامعة ما انتى بتقولى اتصلتى بيهم يعنى معاكى

تحياتى

كل ما بتتاخرى يوم كل ما نسبتك فى التقديم بتقل لان عدد الطلبة الى بتقبلة الجامعة بتزيد

لو سمحت يا بشمهندس خالد انا جبت 73 و5 وعايز ادخل جامعة لا تزيد عن 15 هل ده ممكن ولا انى اروح اكاديمية احسن ارجو الايفادة

اهلا بيك
مافى جامعة مصاريفها 15 الف اقل شىء هى الروسية 17 الف

لاكن ادخل اكادمية المعادى مصاريفها 11 الف وتعليمها ممتاز خصوصا فسم الميكانيكا فيها

تحياتى ليك

بقلك ياخلد الله يخليك

انا ناوى ان شاء الله على المعهد العالى فى سموحه

بس انا شويه ضعيف فى الانجليزى تنصحنى بإيه

بص انت قدم فيها ان شاء الله ووقت الدراسة اعرف ان اول شهر فقط دة هيكون متعب معاك ومش متعب بالدرجة الكبيرة لا بس هيكون لسة بتتعود على نظام الدراسة بالانجليزى وكدة

لاكن الدراسة نفسها بالانجليزى سهلة لان الدكاترة عارفين انكو لسة خارجين من ثانوى فمش بيتقلو عليكوا فى شىء

ثانيا انت بترجم بمعنى انت مثلاا اخد حوالى 50 ورقة انجليزى انت تروح تشوف ليك زميل او اثنين وتقسموا ال50 ورقة دة عليكم تترجموها كل واحد يدخل على جوجل او يجيب اى قاموس ترجمة ويترجم الصفجات الى علية وتجمعوها مع بعض وبكدة تكون وفرت وقت ومجهود

واى شءال تانى اسئل

تمنياتى بالتوفيق لك

هاااااااااااااااااار اسود

دى شكلها نفخ ربنا يستر

طيب ممكن اخد كورس انجليزى ولا حاجه

وهل الموضوع صعب؟؟

بس انا بجد بحب المجال دا ونفسى ادرسه وعندى طموح كبير فيه

لا ما تاخد اى كورس الان الموضوع مش مستاهل انت لسة مش عاوز تصدق ان الموضوع سهل والله سهل

طيب ما انا كنت ثانوى عربى وما كنت كويس فى الانجليزى ويمكن اكون اقل منك فى الانجليزى لاكن لان بقيت كويس جدا فية وما اخد ولا كورس بس اعتمد على نفسى يعنى اول مرة كان صعب الدراسة بالانجليزى لان لو فتحت كتاب عربى ما اعرف اذاكرة لازم انجليزى ههه

واعرف شىء طالما انت عندك طموح تكبر بسرعة يبقى هتاخد بعد كدة ماجستير ودكتراة ان شاء الله ودة وانت بتحضر الماجستير بتعمل ابحاث من الاف الصفحات كلها انجليزى مافية كلمة عربى يعنى انسى بقى العربى لان حياتك بعد كدة انجليزى ودة احسن ليك لانها لغة مهمة ومطلوبة من المهندس

ربنا يطمنك

طيب مفيش روشتة عاالسريع كده اعمل ايه فالأول كده

تعبتك معايا يا خالود ^_^

ولا يهمك اسئل براحتك

بص اول شىء كل جامعة او معهد بيختلف عن الاخر يعنى نظام الدراسة فى الروسية مختلف عن معهد سموحة فالكلام الى هقولة لك هيكون عمومى مش يعنى ممكن يكون فية اختلافات على حسب نظام معهدك

دلوقتى انت اول ما تروح انسى بقى شىء اسمة استاذ او فسحة او كنتين ههههه

ثانى شىء ودة الاهم الدراسة الى هتاخدها تذاكرها فى يوما اوعى تاجلها لنهاية الاسبوع انت ممكن تذاكر فى اليوم كلة ساعة ونصف فقط وتبقى باشا وتجيب تقدير كويس اخر الترم وباقى اليوم اجازة ليك صيع براحك .. حلوة صيع دة نكمل ... ممكن تلاقى صفح انجليزى انت مش فاهمها تترجمها علشان تفهمها وهتتعرف على زمايل ليك فى المعهد وتتفق معاهم انكوا تساعدوا بعض فى الترجمة

دة اهم الحاجات وبعدها هتتعود لوحدك على الحياة والنظام

اشطه يامعلم