لو سمحتى كنت عايز استفسر عن حاجة أنا فى تالتة طب بشرى وعايز احول لطب أسنان لو حولت هابدأ من اعدادى ولا ممكن ابدأ من تانية بما ان معظم مواد أولى احنا درسناها حتى لو هاخد المواد الزايدة معايا فى تانية ؟ ياريت تردى عليا لو سمحتى وتقوليلى ايه رأيك:)

ان شاء الله التحويل لالكتروني يتقبل انا و الله ما اعرف حاجه عن التحويل الورقي هتلاقي في دكتور عامل موضوع اللي عندوا استفسارات في نفس القسم ده اساليه

لا متهيالي هتدخل من اولي تقريبا بس ليه يا دكتور حرام تضيع سنين عمرك بدام دخلت بشري كمل و خلاص

السلام عليكم ورحمه الله وبركاته
انا بشكرك ع الموضوع ده وجزاك الله كل خير

انا عندى استفسار
انا بطبيعتى عصبى وبتوتر بسرعة
وسمعت ان طب الاسنان بيحتاج هدوء وتركيز من الناحية العملية

فهل الناحيةالعملية ف طب الاسنان بتعتمد ع الشخص نفسه ومهارته ولا بتعتمد ع ان الواحد يقدر يكتسب خبرة عن طريق التعود والتكرار وكثرة لممارسة؟؟

معلش انا اللى قلقنى فى الاسنان دى هى الجانب العملى وخصوصا انها بتعتمد على العملى اكثر
فايه هى الشروط اللازمة لانى ابقى بارع فى الناحية العملية؟؟؟
وشكرا

مشكووووووووووووووووورة ع الموضوع :) انا لسة والله داخلة سنة اولى اسنان و لكن عاوزة اعرف الاول انهى الاحسن اسنان عين شمس و لا اسكندرية ؟؟

أنا ناوية ادخل ان شاء الله أسنان
بس كنت عايزة أعرف هل تعرفى نماذج عالمية من أطباء الاسنان
يعنى مين دكتور أسنان عالمى ممكن اخده نموذج اقتدى به اصل انا خايفة ادخلها لانى مش لاقيه ادامى نموذج طبيب اسنان عالمى بس مثلا فى طب فى دكتور مجدى يعقوب ولو دخلت صيدلة فى أحمد زويل فى الكيمياء فكنت عايزة اعرف منك هو في فى أسنان مين ؟
وهل فى مجال للابداع والاكتشاف فى طب أسنان ولا لا يعنى مثلا فى صيدلة فى مجال لاختراع دواء مثلا
عايزة اعرف بقى ايه هى مجالات الابداع فى طب أسنان
معلش ع الاطالة بس بجد نفسى ما اتخرجش واشتغل وبس واطبق اللى بادرسه وبس
عايزة مثلا اكتشف حاجة او ابتدع حاجة فى مجال طب أسنان
وشكرا

انا داخله اولى اسنان السنه دى ومحتاجه ضرورى اعرف
مواقع حلوه تفيدنى فى طب اسنان عاوزه اعرف مصطلحات خاصه بطب الاسنان
وياريت لو فى لينكات لقواميس تنفع اسنان
وجزاكم الله كل خير

:av4056bb7jp3::av4056bb7jp3::av4056bb7jp3:
مش عارفه اذا كان طلبى وصل ولا لأ
انا باذن الله داخله اولى اسنان ومحتاجه اعرف مصطلحات خاصه باسنان
وياريت لو قواميس تنفعنى
ولو ممكن حد من حضراتكم يرشدنى ازاى ابدء اسنان صح لان الكل بيقول ان
اعدادى ليست مقياس وانا جبت جيد فى اعدادى ونفسى احسن شويه
عذرا على الاطاله
وجزاكم الله كل خير
مستنيه الرد :bosyht9::bosyht9: يارب ما تغيبوا عليا:078111rg3::078111rg3::078111rg3:

هلا

أنا حابه استفسر عن جامعة 6 اكتوبر

هل الجامعة تدريسها حلو او لا؟

وشو متطلبات أو الادوات الي احتاجهاا ف تخصص طب اسنان؟

عندي استفسار
 

اناجبت 96 السنادي ودخلت اسنان خاص كنت عايزة اسال عن المواد وهل كل اللي بيجيب امتياز بيتعين معيد فالجامعة؟وازاي نداكرها كويس بحيث نجيب تقدير وكمان ازاي هلحق اكتب ورا الدكتور فالمحاضرة انا بكتب ببطء واكيد هوا بيتكلم بسرعة؟؟؟؟؟

وشكرا معلش طولت عليكي

وبالنسبة للفزيا اللي فالكلية هيا صعبة؟ يا ريت تجاوبيني ضروري لاني كنت جايبة 98.5 ف تانية ثانوي بس الفزيا اللي نقصتني جامد ف ثالثة

وشكرا جدا واسفة علي ازعاجك