|
والله اللى بيحصل فى مصر ده حرام ياجماعة انا اول من كان يؤيد الاضراب لكن بعد احداث امس والحالة التى وصلت اليها البلد لاقيت ان مصر يا اخوانى بتضيع مننا وانا خايف نكون احنا السبب البلد لو استمر بها الحال هكذا ستشهر افلاسها الا قتصاد صفر
مفيش استثمارولاسياحة ولاعمل ولاانتاج با جماعة لازم نتحمل ظروف البلد حتى تمر الازمة ونتحد علشان نعرف نختار رئيس يصلح اللى انكسر وكفاية بقى مليونيات اللى هتضيع البلد يارب احفظ مصر وحسبى الله ونعم الوكيل فى كل من سرق البلد وحاول يخربها |
أوفق بدون تفكير
|
انا كنت هناك ووزعت ورق مقاس كبير بة شعارات فى الجون وصورت منها 100 نسخة كلفتنى خمسين جنية انا عايز فلوسى الى صرفتها ههههههه بهظر فداكم
وكنت خايف لا اجد حد يحملها ولكن فى خلال دقيقة كلة اتوزع وقاموا برفعها وقتها حسيت انى 100 شخص مش شخص واحد المهم بعد الوقفة تتوقع نعمل اية؟ اتوقع ان نكون رجالة ونجعل الاسبوع الاول من غير معلم اخرتها اية هيتخصم مثلا على اصعب تقدير 100 جنية فى ستين داهية على انة لو نظمنا نفسنا هنكسب كتير لو نجحت حركتنا هذة الايام العام القادم ستتضاعف الزيادة بدرجة كبيرة هتقلى لية هقلك لان الاساسى هيزداد 30% تعرفوا بيقولوا علينا اية فى الاعلام الفراخ البيضاء فى وقفتنا لاننا نتصف بالكسل يتفق 100 يذهب واحد لازم نسترجل للاخر او تشرب بيرل ايهما برحتكم |
موافق على الاضراب
|
موافق مليون ألف مرة بس يارب كل معلم يساعدنا ويعمل معانا كدة عارف لو كل المعلمين كانو ايد واحده هنكون أكتر صوت مسموع فى البلد دى أحنا عماد البلد كل الدولة بتتعامل مع المعلم من غيره ولا حاجة مع كل ده يتعامل أقل من أى حد تصدق والله أنا يهمنى نسترد الكرامة أهم من 100 مليون حافز يارررررررررررررررررررررررررررب معاكم معاكم معاكم
|
من يتق الله يجعل له مخرجا
حرام عليكم خربتوا البلد اللى مش عجبوا يسيب المهنة دية انتم رضيتم من الاول ليه
|
نعم
اوافق طبعا طبعا طبعا |
نعم اوافق يعنى الطالب هيجرى له ايه اهوه قاعد فى البيت لحد مانشوف حل وهو ماهيصدق انا مش اقل من المهندس او الطبيب او الغفير
|
موافقة من غير تفكير ام يعرفوا ان المعلم يساوى طبيب يساوى مهندس يساوى محامى يساوى كل فرد فى المجتمع يبقى نفكر
|
نعم اوافق و انا و مدرستى كلها واولنا المدير موافقين و رتبنا كمان نفسنا على كده و كمان المدرسة اللى فى الفترة التانية بتاعتنا و كمان المدرستين اللى بجانب مدرستنا الفترتين يعنى احنا 6 مدارس فى مكان و احد قررنا نعمل كده واتفاق جماعى هنروح المدرسة و نقعد فى الحوش
اما بالنسبة للاخوة الافاضل اللى شايلين هم الطلاب بتعونا هما مش هيجرلهم حاجة بلاش يبقوا وسيلة ضغط الوزارة هى اللى تتصرف و تأجل الامتحانات مش احنا علشان احنا اصلا مش بنتحكم بالخطة الزمنية هما اللى بيتحكموا يبقى بعد ما ناخد حقوقنا نبفى نشوف طلبنا ايه اللى هيحصلهم و نقدر نعدى باولادنا و طلبنا لبر الامان علشان احنا معلمين و نقدر نحافظ عليهم المهم ناخد حقوقنا الاول |
نعــــــــم أوافـــــــــــق
|
هههههههههههههههههههه
لو كنت لسه فى مدرسة كنت وافقت بالعشرة بهزر بس بس انا اكيد من راى انه فعلا المدرسين يرفضوا العمل لان من حقهم ياخدوا حقوقهم الاول عشان يقدروا يدوا الطالب على قد ما يستحق لو المدرس مرتاح هيدخل يشرح بنفس ويدى كل اللى عنده ويستمع لللطلبة بصدر رحب غير ما بنسمع فى بعض المدراس العنف ضد الطلبة........اكيد لان المدرس مش مرتاح فى حقه ........مش ضربه للطالب هو حقد او كره ليه على فكرة كمان انا والدى ووالدتى مدرسين وانا سالتهم فى رايهم قالواى طبعا موافقين...... |
أنا معاكو في كل اللي بتقولوه وإنتوا عارفين كدة من البداية
لكن تيجي عند مصلحة الطلبة والتعدي على حقوقهم ولأ طبعا هو عشان أخد حقي أتعدى على حقوق غيري إزاي ياجماعة الكلام ده والتلاميذ ذنبهم إيه؟؟؟؟ حرام ومايرضيش ربنا إنت كولي أمر ترضى بكدة لإبنك إبنك يرجع من المدرسة يقولك المعلمين ماإشتغلوش رسالتنا ياجماعة اللي بنكافح من أجلها فين؟؟؟ الأطفال والتلاميذ اللي في رقبتنا دول ذنبهم إيه؟؟؟؟ الزميل اللي بيقول اقتباس:
تخيل حضرتك تكون مريض وهتموت وتروح للدكاترة يقولولك لأ أصل عاملين إضراب أنا مش هأقولكوا غير زي ماقال الرسول عليه الصلاة والسلام للرجل اللي أراد أن يستأذنه في الزنا أترضاه لنفسك أترضاه لإبنك أترضاه لأمك لأبوك لأهلك لمعارفك لأهلك والله لو لمشرك لا يمكن أقبل المنظر ده إني أكون بموت يقولوا لأ عاملين إضرااااب لا يمكن وكذلك التعليم برضه ناخد حقنا بكل السبل وكل الطرق إلا مصلحة الأولاد ورسالتنا مانمسهاش أبدا ده رأيي بمنتهى الصراحة |
بغض النظر يا جماعه عن مطالبنا هى تحتاج الى تاجيل نظرا للوضع الامنى وكمان اولياء الامور هتخاف على ابنائهم بمعن ان حالات الغياب هتبقى مرتفعه
|
زمان كنت باشوف الاستاذ بتاعى بأجرى بعيد علشان مش يشوفنى
وده لان المعلم كان ليه كرامه بيحترمة الدكتور والمهندس والظابط لكن انهارده ومن عهد فتحى سرور مش عاد ليه قيمه وانا موافق على الاضراب حتى تعود الكرامة اضراب |
| جميع الأوقات بتوقيت GMT +2. الساعة الآن 11:29 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.