المشاركة الأصلية كتبت بواسطة Lost Dreamer (المشاركة 1489096) تسجيل سوني:d وواحد تليفزيون وصلحو..:p الواحد وراه ايه غير انه يشوف الفضايح :d كملوا كملوا خلونا نمسك علي الناس ذله :d

بيقول حاجه الراجل ده ؟
قال ذله قال ..
فشرت ..:p
ههههههه
نورت يا محمد .. وليك يوم ..:040vk0:

المشاركة الأصلية كتبت بواسطة سـهيـلـة (المشاركة 1489179) يا عينى م عارفة ليه كل العيال الصغي بتتلسع من المكوة انا اختى الكبيرة وقعت المكوة على رجليها لسة معلمة لغايط دولقتى انا بقى المكوة الحمد لله وقعت ع الارض :blush: متابعة معاكى يا قمر

اهو حوادث الطفوله بقى ..
تسلميلي ع المرور والمتابعه .. نورتينا يا قمر ..:d

المشاركة الأصلية كتبت بواسطة *خوخة* (المشاركة 1489822) بجد موضوع هايل بحب الفضايح دي مووووووووت

ايوه ايوه .. فضايح بالهبل ..
هههههههه
نورتي يا خوخه ..:d

المشاركة الأصلية كتبت بواسطة اوركيديا (المشاركة 1490886) هههههههههههههههههههه انتى يا بنتى انتى مصيبه انا ؟؟ لا دي اشاعه متصدقيش ..:blush: و انا اللى بقول انا شرسه طلعت جمبك انتى و اللورد ملاك ملاك يا ربى قطه بريئه تصدقي برضو دي اشاعه ..:d :d يلا يلا كملى لما نشوف اخرتها فى رعايه الله

المشاركة الأصلية كتبت بواسطة banzer (المشاركة 1492369) هو ده أيام مكنتي محمد يعني ولا ايه :d ههههههههههههههههههههه حلوه الحته دي .. لا انا من جنس تاني خالص لسه منزلش السوق .. عاملين مني كام عينه كده لسه بيجربونا ..:d ههههههه متعة الركوب في عربية الطلبات ده :d كنا ساعات بنجيب عربيتين عشان واحدة مبتكفيناش مع الطلبات :d متابع متابع :d

انت تجيب عربيتين .. انا اجيب عربيه واحده .. على اساس ان للذكر مثل حظ الانثيين ..:d
هههههههههه
نورت يا محمد ..

المشاركة الأصلية كتبت بواسطة Dalia010 (المشاركة 1493041) فعلا فعلا مواقف أطفال :006et4: أكتر من رهيبه زكريات جميله وأنا متابعه :bosyht9:................ كملي .......

ميرسي ع المتابعه يا جميل ..
نورتي ..:)

المشاركة الأصلية كتبت بواسطة عاشقـــ الانمى ـــة (المشاركة 1493259) حكاية الدرفة دى حصلتلى قبل كده بس انا وقعت كليا فوق الركبة بشوية مكنتش بعرف اصلى خالص بس كنت بستحمل الالم بس مرات عمى قالت الحكاية مش محتاجة جبس:d يلا يا ميرو منتظرين التكلمة

اسكتي متفكرينيش .. دي كانت ايام روووووووز ..;)
نورتي يا حنان .. ميرسي ع المتابعه يا قمر ..:)

المشاركة الأصلية كتبت بواسطة MAHMOUD_TAHA (المشاركة 1493647) بالنسبة ليكى يا اميرة فتمام اوى مش مشكلة مكوة والكلام دا عايزين بوتوجاز كدا او حاجات من دى علشاننخلص :d كنت جاى بس اقول تسجيل متابعة دمتم فى رعاية الله

مبدئياً الراجل ده يمشي من هنا ..:p
قال بوتاجاز قال .. يا ابني مغامرات البوتاجاز دي لما كبرنا شويه وبدأنا ندخل المطبخ ..
لــــــــــــــــــــــــــــــيك يوم يا ظالم ..:040vk0:
نورت يا محمود ..

المشاركة الأصلية كتبت بواسطة سـهيـلـة (المشاركة 1493926) هههههههههههههههههه اتنى تحفة يا اميرة الله يخليكي ..:blush: يا لهوى انا فطست على نفسى من الضحك لا فعلا عقل عيااااااال يلا احنا متابعين مين التالى

المشاركة الأصلية كتبت بواسطة عاشقـــ الانمى ـــة (المشاركة 1494156) يخراشى على الذاكرة بتاعتكوا انتوا فاكرين كل دا دا انا لو سالونى اسم اصحابك ايه مش هفتكر اساسا:d

اهو قركم ده هو اللي جايبنا لورا ..:blush:
قال ذاكره قويه قال ..
دا انا يدوبك فاكره 5 مواقف بس ..
خمسه .. خمسه .. خمسه ..:d
هههههههههه
منوره تاني ..
كفايا نور بقى احسن نولع الموضوع ..;)

المشاركة الأصلية كتبت بواسطة MBM-MaDo (المشاركة 1494168) اميرة.... ايوووون .. مين ؟ انتى عاملة ايه دلوقت...؟؟ تمام الحمد لله .. مين غلب مين كام كام.... بيقولوا مانشستر جايبه جون باين .. واحتمال الماتش يخلص بالتعادل السلبي للفريقين 2/3 اشتريتى فانوس رمضان بتاع كرومبو و لا لسة....:romarioxp6: ولا كرومبو ولا بطيخو .. محدش يركز فوق انا بس عيان.... :blink: الموهم... بجد انا فطست ع روحى من الضحك....:lol: يخرب بيت ذوقك ده.... اكيد عمو دى اخر مرة اتصل فيها....:p هههههههههههههههه ما هو اللي غلطان .. ينضف ودنه قبل ما يتصل .. بس على فكره هو معلقش خالص .. شكله اتصـــــــــــــــــــدم !! تقريبا حصل معايا موقف زى ده.... بس انا امد ايدى ع طول....:040vk0: جبــــــــــــــــــــــــــار .. سلااااااااااااااااااااااامووز.... ربنا يستر ده هامسك ع كل واحد ذلة...:049gc0:

هششششش
قال ذله قال ..
شكلك فعلاً عيان ..
هههههه
نورت يا احمد ..

المشاركة الأصلية كتبت بواسطة Souhaits (المشاركة 1494800) بتجيبى الناس دى منين يا مورا :d على اساس انها جايبلك بوجي وطمطم ..;) قال الناس دول قال .. ماشي يا منى ماشي .. :040vk0: بجد بجد مسليين جداا استمروا .. :d مسليين؟؟ برضو على اساس اننا لب وسوداني .. لا .. احنا بنتشتم بجد بقى ..:blush: هههههههه ماشي ماشي بس هى ماما بجد انا كنت باقولها للمدرسات :d

لا المدرسات دول كانوا صحابي ..;)
اقوللهم ماما بتاع ايه؟
دول زي ولادي برضو ..:p
ههههههه
منوره يا منى .. وميرسي على كلماتك الجميله ..
:friendsxs3:
دووومتى ..

السلام عليكم و رحمة الله

---

كيف أحوالكم

إن شاء الله بخير و تمااام و زي الفل

و لو مش زي الفل

الضيف اللي هنستضيفه هيخليكم زي الفل

:d

معانا النهارده ولد

لأننا معانا مرة ولد

مرة بنت

طالب جامعي

مؤدب

محترم

طيب أوي

سوبر ستار المنتدى

قائد الجيش المنصوراوي الأول

:d

بيحب يهزر كتير

بيهزر بروح مرحة و جميلة و طيبة

:blush:

مشترك معانا من 2006

قبل ما اتولد أنا

:d



























إن شاء الله مهندس المستقبل






























هيكون معانا




















سوبر ستار المنتدى






























معانااااااااااا

‏MAHMOUD_TAHA

هتنورنا يا باشمهندس

و أكيد أكيد حلقة مختلفة

:)

و أكيد أكيد حلقة مختلفة

المشاركة الأصلية كتبت بواسطة Rymonda (المشاركة 1497097) مختلفه ؟؟ تقصدي يعني ان اللي فات كان نورمال .. ماشي ماشي .. ورينا يا محمود .. اما نشوف مغامراتك الاب نورمال .. يلا .. waiting

طبعاا
أب نورمال
ده المهندس محمود بنفسه
;)
يللا
مستنيينك
و ترحيب الجماهير شغال

http://www.kardas.net/applause.gif




يللا ابدأ
هتكسفنا مع الجماهير اللي فوق دي
:d

المشاركة الأصلية كتبت بواسطة Rymonda (المشاركة 1496472) على اساس انها جايبلك بوجي وطمطم ..;) قال الناس دول قال .. ماشي يا منى ماشي .. :040vk0:

بوجى وطمطم مين بس
انتى مسلية اكتر
المهم .. هاتصورى الحاجات دى امتى
:romarioxp6:

المشاركة الأصلية كتبت بواسطة Прекрасный (المشاركة 1497269) يللا ابدأ هتكسفنا مع الجماهير اللي فوق دي :d

هنا وف الكرسى
كتير كدة
:d
يلا زى بعضه
يا رب مانفضلش عالويتنج كتير
.. http://www12.0zz0.com/2009/08/13/08/455400825.gif ..

المشاركة الأصلية كتبت بواسطة dr.love ferdos paradise ولا اميره بجد كنتي شقيه انتي كمان وتحسي انك ذكيه كمان وكتكوته كده

ياكسوفي يا كسوفي ..:wub:

ميرسي والله على زوقك .. بس تقصدي تقولي كنتي مفترسه مش شقيه ..:049gc0:

هههههههه

نورتي يا قمر .. بحب الدكاتره انا !!:blush:
:)


احنا هنفضل مستنيين كتير كده ؟؟
:stickjo4: :stickjo4: :stickjo4:

المشاركة الأصلية كتبت بواسطة souhaits http://www.thanwya.com/vb/life/buttons/viewpost.gif بوجى وطمطم مين بس انتى مسلية اكتر المهم .. هاتصورى الحاجات دى امتى :romarioxp6:

سلام عليكم
ازى حضراتكم يارب تكونو بخير
..
هحكيلكم الحكاية من البداية

اقتباس:

بديهى جدا ان اى حد هيتريق بعد ما اخلص كلام او فى اثناء منا بحكى

:d
]ياللا نقول واحد
هقسم الحكاية على فقرات
وهبتدى اول فقرة بعد نقطتين ..
صرخة حياة
كانت البداية فى
30/9/1989
..

العصر تقريبا اتولد اخويا
واول مانزل صرخ زى باقى الناس ما بتصرخ اول ما بتتولد
..
بعدها بخمس دقايق تقريبا انا اتولدت ..... بس الغريب فى الامر انى مش زى باقى الاطفال لانى مصرختش اول ما اتولدت

طبعا الكل افتكرنى ميت وركنونى على جمب واهتمو باخويا
..
بعدها بشوية الدكتورة او الداية مش هتفرق شافتنى ففضلت تضرب فيا _ ربنا يسامحها _
ونتيجة للضرب دا مقدرتش اكمل استعباط واعمل فيها ميت

..
فقومت صارخ مرة واحدة ودى مش صرخة الحياة انا صرخت لان الداية كانت اديها تقيلة شويتين
..
الحمد لله خلاص صرخت وجيت دنيا جديدة بدل دنيا الظلام اللى انا كنت فيها
من المعروف ان التوأم بيبقا نازل واحد فيهم شادد حيله وواحد هزيل
انا بقا وبلا فخر كان حيلى مقطوع
... واخويا اللى نزل شادد حيله
..
كنت نازل تعبان شوية المهم بعد صراع مع الدكاترة والحقن والايام الكحلى دى عدا التعب عى خير وبقيت كويس
فى وقت التعب دا كانو لازم هيسمونى اسم
..
فاتفقو انهم يسمو اخويا " محمد "
اما انا فاحتاورو فى تسميتى انقسمت الاسرة لفريقين الفريق الاول عايز يسمينى باسم جدى
والفريق التانى عايز يسمينى محمود
المهم جه حكم مابينهم وقال احنا نتذاكى على الواد ده
..
احنا نسميه محمود ونندهه باسم جده
المهم استقرو على تسميتى فى شهادة الميلاد محمود
كبرت شوية بشوية وسط اهلى اسرة متوسطة الحال
ومش عايز اقول عددنا علشان متتخضوش
كبرت بقا عندى سنة تقريبا ....
فى الوقت دا جالى مرض ومش عايز اقوله علشان مش ناقص تريقة من حد ومحدش يسأل ويقول ايه :d
المرض دا فضل فترة كبيرة ودكاترة ومستشفيات وادوية وسرنجات
كانو بيقولو الواد ده اتولد علشان يموت ( ودا بعدهم طبعا )
..
بس انا فضلت صامد للتعب دا وفضلت كطفل مناضل لحد ما عديت منه بستر ربنا لانى كان مكتوبلى انى اعيش ......
وبكدا تكون اول فقرة انتهت يارب تعجبكو

للمزيد تابعونى فى الفقرة اللى جاية
هتكون بعنوان
تشرد بائس

::
دمتم فى رعاية الله

مستنينك ان شاء الله يامحمود عايزن نشوفك بقى شكلك كنت شقي زي اللورد يلا في انتظار متتاخرش