لا جامعة حلوان سمعتها زى الفل بس اللى احسن منها جامعة عين شمس ثم جامعة القاهرة وعشان تتأكد اكتب على جوجل ( جامعة حلوان وجنبها ويكيبيديا )

أحمد ... حاسبات منوفية .

ملحوظة بسيطة ... المفروض ( تجمع مهندسي ) مش مهندسين

اخوك محمد حاسبات ومعلومات القاهرة انشاء اللة

يا أستاذ أنا عايز اوضح لحضرتك حاجة أنا دلوقتي جايب 92.5% ودخلت أكاديمية الشروق هندسه وده تنسيقها مش زي محضرتك فاكر احنا تنسيقنا السنة دي 89%:d أكيد مش زي هندسة حكومة بس يعني مش 50 أو 60 %89:blush::blush:% يعني تقريبا 90% من الدفعة معديين el-90 % يعني مش فاشلين ولا حاجة أنا حبيت اوضح بس أنا عارف إن معظم المعاهد الخاصة فاشلة بس ده ميمنعش إن فيه أكاديميات ومعاهد محترمة زي العاشر والشروق بس أنا معاك إن 95% منها بيطلع مهندس مش فاهم حاجة بس المشكلة إن المعاهد كلها معتمدة من وزارة التعليم العالي وبيشترك في النقابة وده مش عيب من الطلاب ده عيب من وزارة التعليم العالي
يعني أنا عشان فارقة معايا على 6 درجة مش 68.5% زي مبتقول اضيع حلم حياتي مع احترامي لحاسبات وعلوم بس أنا عايز هندسة
على فكرة حل الموضوع ده وضع حد ادنى للمعاهد الخاصة والجامعات كمان اللي وصل تنسيقها l-70% وبتديك شهادة احسن من الحكومة يعني 90% مثلا ومفيش حد يدخل هندسة اقل من 90 % وده رأيي وخلي بالك هم بيبقوا مهندسين بس بيبانوا بعد كده لما بيقدموا في شغل أو كده يلا كفاية كده أنا طولت عليكم أوي

بعد إذنكو أنا آسف يعني لكن ممكن يتحذف الموضوع ده أو يتشال من التثبيت على الأقل و يتعمل موضوع جديد و يتثبت عشان دفعة 2011؟
و الموضوع القديم ممكن يفضل متثبت لكن مع تغيير اسمه إذا سمحتم
السلام عليكم و رحمة الله و بركاته

انا بأيد الفكرة دي ...انا ان شاء الله حاسبات حلوان:)

وانا يمنى كمال حاسبات عين شمس ........... بس ليه انا ملحظة ان كل مبقول حد انا حاسبات بيبرق ليه الكليه مش معروفة وناس كتير فكرة انها كليه مش اد كدة ازاي كليه بالمجموع العالي ده وتانبي كليه بعد هندسة ولسه مش معروفة

استاذ beshooo ربنا يوفقك يا معلم فهندسة الشروق بس انت مجموعك مش جايب حاسبات انت مجموعك جايب علوم بس يعنى انا لو مكانك بصراحة ادخل هندسة خاصة زى منتا عملت بس مادام حاسبات جت يبقا بجد بجد بجد ابقا اهبل لو دخلت هندسة خاصة.......

استاذة yomna ربنا يوفقك فى حاسبات عين شمس ولما حد يسألك على الكلية قوليلهم fci مش هيفهموا حاجة ابدأى اشرحيلهم انها هندسة برمجيات مش هيفهموا برده قوليلهم هبقا مهندسة فى الآخر يعنى هتعملي ايه بس اصلحنا شعب جاهل لما بيسمع كلمة حاسبات بيقولك زى تجارة كده ههههههههههههههههههه او قولي هندسة حاسبات

السلام عليكم انا ياسمين ودخلت حاسبات حلوان بس كنت عايزه اعرف اجهز للكليه ازاي.
يعني في اي كورس المفروض اخده قبل الكليه مثلا عشان يسهلي الدراسه

والله انا اتقالى كورس سى شارب بس نفضى واستنى لحد اما نشوف الوضع ايه

ميرسي اوي علي ردك وانا شكلي هعمل زي مانت قولت وهستني لما ادخل ان شاء الله واشوف ايه النظام

انا دخلت حاسبات القاهرة و عندى سؤالين

1- بالنسبة لللابتوب انا كنت عايز اجيب Apple Macbook Pro بس فيه ناس قالتلى لا و ان الـ Mac مش هيفيدنى و هجتاج Windows مع انى اعرف ان الـ Mac احسن 100 مرة من الـ Windows فهل الكلام ده صحيح؟

2- بالنسبة للكلية و بالذات أول يوم هل هروح كده من غير كتب ولا جدول ولا اى حاجة ولا ايه؟

انا في حاسبات بنها
انا ممكن اجاوب علي السوال التاني احنا بنروح اول يوم كده عادي وهما اكيد هيعرفونا بس ممكن تخدي معاكي اجنده مثلا

اخوكم حسام العبادي
وان شاء الله حاسبات اكاديمية الشروق