انا برضه برافو جبته فى اولى بس ماستخدمتهوش كثير :d
احلى حاجة فيه انه كان مليان امتحانات فى الاخر 40 امتحان :o

قصدك على بتاع الترم التانى ؟
انا اصلا بالذات فى الترم التانى مكنتش بذاكر الفرنساوى كتير عشان اتعقدت من درجة الترم الاول
و كان نص الامتحانات فل:d

اها انا مجبتيش فى الترم الاول كتاب لانى كنت حاساه سهل اوى
و ملازم المستر حلوة جدا و الاخر حل معانا امتحانات
و نقصت نصف درجة فيه
جيت فى الترم التانى لقيت الفرنساوى تقل شوية قولت لا انا لازم اقوى نفسى و اقفله جبت برافو بس مستخدمتهوش الا كل فين و فين
و فى الاخر لقيت المستر عاملنا ملازمة فيها كل امتحانات برافو :o:d
و حلها معانا
و الترم التانى نقصت درجة :d:d:d
و ياريتنى ماكنت قويت نفسى :lol:

ده انا معتمد على كتاب برافو من اولى اعدادى
بس جيت فى سنة اولى ثانوى قلت انا كنت بذاكر الفرنساوى فى اعدادى و استهونت بيه و خدت العلقه المتينة فيه:bosyht9:
و ف الترم التانى اضايقت م اللى حصل الترم الاول فنقصت برده فيه

بالعكس انا مكنتيش بهتم بيه فى اعدادى خالص
يعنى كانت اعرف اساسياته بس
انا بقى فى اولى استهونت اوى بالفيزياء و العربى و الانجليزى
سبتهم فى الاخر بس معرفتيش المهم الفيزياء فضلت احفظ التعريفات و التعليلات
و قولت اسيب المسائل للاخر :d
يلا اهو الواحد بيتعلم من اخطائه
احسن حاجة انى السنه دى مش شهادة و هتكون بروفه لتالته ان شاء الله
المفروض نكون خارجين من 2 و عارفين هنعمل اية فى 3
و نكون متاسسين كويس فى الانجليزى و الفرنساوى و النحو و البلاغة

حد يكون واخد الفيزيا الترم التانى و يستهون بيها:o
ده بجد اللى كنت فاكرها سهلة الفلسفة و لبست فيها مع انى كنت بذاكر من كتاب الامتحان
هو المهم السنادى نجرب طرق مختلفة لمذاكرة المواد عشان نطلع السنة الجاية نذاكر باكتر طريقة ملائمة لينا
يعنى مثلا انا فى سنة اولى جربيت طرقة الجدول فى المذاكرة و اثبت انها فاشلة معايا
و جربت شوية طرق كده فى مراجعه المواد و كله بلا فخر فشل:d

انا الفلسفة دى اول ما شوفتها حسيت انها مادة تقيلة اوى و محتاجة حفظ و كل اما احفظها انسى قولت يادى النيلة امال اعمل اية فى الامتحان
جت فى بالى فكرة بنت لذينة نفعتنى اوووووووى
و هى انى ماينفعشى احل فلسفة شفوى
جبت كشكول و قلم ازرق و اسود و احمر و كتاب الامتحان و قسمت الكشكول على 3
جزء الفلسفة و جزء المنطق و جزء التفكير العلمى
مسكت اول جزء كتبت فيه اسئلة كتاب المدرسة سؤال و جواب
بعد كدة جبت 20 الامتحانات اللى فى الاخر
كتبت كل الاسئلة اللى خاصة بالفلسفة على شكل السؤال و جوابة
و الاسئلة اللى متعادة ماتتكتبشى طبعاااااااااا
طبعا انت هتقولى انا اعد اكتب كل الاسئلة بتاعت الامتحانات
هقولك فى اسئلة كثييييييير بتكون متعادة دى ماكنتيش بكتبها تانى طبعااااااا
و عملت نفس الكلام فى المنطق و التفكير العلمى
و فى الاخر طلعلى كشكول ابن حلال لمم المنهج كله و هو اللى نقذنى بصراحة
قولت بدل ما اضيع وقت و احضر مراجعات و الامتحان ماتجيش منها
رغم انى صحابى كانه مش موافقنى على كدة و قولتلهم انى هذاكر من كشكول انا عاملة
استهونه بيا و قالولى خلاص براحتك احنا هنحضر رغم انى قولتلهم تعاله نروح و صوره منى الكشكول بس مرضيوش
المهم روحت استريحت و مسكت الكشكول و حفظت كل الاسئلة
و كان عندى يوم كامل
و الامتحان مخرجشى من الكشكول
و جبت 18 لانى الميس كانت من النوع اللى بتدقق اوى و نقصتنى فى اعمال السنة كثيييييييييييير انما انا كانت مقفلة و حليت كمان الاختيارى
و اما خرجت من الامتحان لاقيت صحبتى اللى حضرت محاضرة مع الميس
قالتلى الملازمة مجتشى منها حاجة و معرفتيش احل ياريتنى كانت سمعت كلمك و صورت الكشكول بتاعك :022yb4::022yb4::022yb4::022yb4: و فضلت تراجع الامتحان من كشكولى ;);)

و انا برضه فعلا جدول المذاكرة دة مش بمشى عليه يوم واحد
و برضه الحاجة اللى فشلت معاية
انى الاسبوع فى 7 ايام على عدد المواد يعنى
فجربت انى اذاكر كل يوم مادة بس مدة طويلة طبعا
لقيت نفسى مليت و زهقت و انى بنساها عقبال اما اذاكرها تانى ( الاسبوع الجاى يعنى )

انا كنت بلخص و ليلة الامتحان ذاكرت م الفكرة و حليت اسئلة كتاب المدرسة و المادة الوحيده اللى كنت حالل كل امتحانتها كانت الفلسفة
و دخلت الامتحان حليت الاختيارى كمان بس طلع عندى نص غلطة فى صح و غلط و لقيت نفسى جايب 17
و لما قولت لميس الفلسفة قالتلى المدرس اللى صحح كان عايز يسقط العيال عشان ما يفتكروش الادبى سهل
و ف الاخر احنا اللى بنشيل

تصدقى بردو فكرة:d
بس الفكرة اللى هجربها السنادى ان شاء الله انى اذكر كل يوم مادتين مرتين ف الاسبوع و يبقى عندى يوم اعمل فيه اى حاجة كنت معملتهاش
بس غالبا كده الواحد هيرجع لنظام اذاكر اى مادة لما الاقى نفسى مفتوحة عليها بشرط الا اهمل ماده ع الاخر بس برضو صعب

فعلالالالا معظم اللى بيصححه بيبقوا عايزين الاجابة تكون كبيرررررة
و سمعت من الميس برضه انى فى كلام لازم يكون موجود فى الاجابة و ماينفعشى تلخيص
بس بصراحة الامتحان جلنا سهل اصلا :d

اولا يا حج انا مبفتيش تانى حاجة انا بوصل كلام اتقلنا تالت حاجة بقا يا ريت تكون زى ما حضرتك بتقول وحد يكره كدا يعنى http://img.el-wlid.com/imgcache/529135.png

بصراحة انا فكرت انى فى اليوم اذاكر كل المواد انشالله كل مادة نصف ساعة
يعنى مثلا ممكن كل يوم اذاكر صفحة احياء و كيمياء على كام كلمة انجليزى
على كم مسالة رياضة و اجى اخر الاسبوع اراجع كل اللى ذاكرته طول الاسبوع
بس مش عارفة كدة صح ولالا على العموم انا هحاول اجرب كذا طريقة :d

مش بنصحك بكدا عمر متكون المادة نصف ساعة انا برايي متستخدميش الساعة خالص الا بالحل بس

1 انا مش حج
2 ايه الصور الغريبة دى فران ع الصبح:d
3 الاخبار اللى زى دى ما تتنقلش