|
بصوا من واحد لسه مخلص ثانويه عامه السنه اللى فاتت والسنادى فى اولى جامعه : ــــــــــــــــــــــــــــــــــــــــــــــــــ ـــــــــــــــــــــــــ كل سنه الوزير بيطلع يقول نفس الكلمتين دول حتى لو الوزير بيتغير كل سنه الكلمتين دول مش بيتغيروا " الامتحان مش بيخرج من كتابي المدرسه والامتحان بيقيس الحفظ والفهم وبيمييز بين الضعيف والمتوسط والمتميز وفيه تدرج فى الاسئله و و و و ... " واحنا كل سنه قبل ما الامتحانات تيجى بشهر كده تظهر بقى الإفتاءات " اصل مدرسى قالى ان الامتحان حييجى صعب .. اصل مش عارف مين من مكتب الوزير وقال ان الامتحان فيه افكار كتير .. اصل المستر اللى باخد معاه على علاقه باللى بيحط الامتحاان اصل اصل اصل اصل ... " كبرووووووووووووووووووووا من الكلام ده كله الامتحان بييجى سهل للى مزاكر وصعب على اللى مش مزاكر .. خلصت امتحان 2012 فيزيا ( اللى هو امتحانى ) كانوا بيقولوا انه حييجى دمار وحييجى صعب عشان 2011 كان سهل والمجاميع عاليه و و و و وجهه نظرى ان الامتحاان كان عايز اللى مزاكر فقط مفيهوش لعب حتى ارشميدس اللى الناس اتضايقت منها كانت عايزه واحد فاهم نظرى مش اكتر راعوا ان الامتحاان بييجى 6 أسأله وانت مطالب ب 5 مفيش مانع انه يجيب مسأله او نقطه نظرى تفكير شويه مفيهاش مشكله منت عندك 5 سهلين ان شاء الله تحلهم ويبقى قدامك الصعب بس ف النقطه دى ولو فكرت بتيجى بسهوله ان شاء الله امتحان 2008 فيزيا : ــــــــــــــــــــــــــــــ كثر عليه الكلام وكل سنه بقى يقولولك ايه ؟ اامتحان السنادى حييجى زى 2008 وشغل الارهاب بقى والتخويف يشتغل ... الامتحان ده كان صعب . ؟ أه كان صعب ... على الكل . ؟ طبعا على الكل وساعتها تنسيق هندسه قل جدا جدا والمجاميع بشكل عام قلت يعنى لو الامتحان سهل يبقى على الكل ولو صعب يبقى على الكل ... وساعتها اصلا هما كانوا منزلين مسائل اولومبياد وقالوا حييجى منها الامتحان ومدرسى كان مدى الاسئله دى للطلبه ساعتها من باب العلم بالشئ يعنى وجه منها بس برده الاغلبيه درجاتها قلت فى الفيزيا تلخيص الكلام ده كله : ــــــــــــــــــــــــــــــــــــــــــــــــــ ــــــــــ اعمل اللى عليك وزاكر واطحن نفسك وتأكد ان الامتحان بييجى سهل وكويس واكيد اى طالب عنده امتحانات ثانويه عامه سابقه ولكل المواد .... افتح وحل بنفسك وشوف مستوى الامتحان ... الامتحان مش بييجى خرافى ولا معقد .. الامتحاان عايز واحد مزاكر وحالل وبس ... زاكرت وحليت مسائل وامتحانات سابقه .. حتدخل تحل كويس جدا ان شاء الله مزاكرتش ولا حليت .. يبقى انت المسئول عن نفسك ** الامتحاان جه سهل يبقى عليك وعلى طلاب الجمهوريه كلها .. الامتحان جه صعب وعقد يبقى عليك وعلى طلاب الثانويه كلها برده الامتحانات سهله يبقى تنسيق عالى .. الامتحانات صعبه يبقى تنسيق اقل (( علاقه طرديه )) متسمعش توقعات حد لاى ماده ولا مدرسك حتى .. انت عندك منهج درسته كله مع المستر يبقى تراجعه كله وتحل عليه كله وتريح دماغك وييجى اللى يجيلك لانك مزاكر المنهج كله من الجلده للجلده زى ما بيقولوا انما حتتوقع او حتسمع توقعات حد يبقى ياصابت يا خابت وانت المسئول عن نفسك مثال بسيط : امتحان 2011 عربى 3 ثانوى .. أقسم بالله سمعت ان فيه مدرسين قطعوا للطلبه بتوعهم نص " سيد قرارك " وقالولهم يا الصغيران يا نظره .. والكلام ده ليله الامتحان وراجعوا المنهج كله ما عدا النص ده ... وراحوا الطلبه تانى يوم لقوه منور فى الورقه واجبارى طبعا لو طالب سمع كلام مدرسه ومزاكرهوش يبقى هو الغلطان زى مدرسه بالظبط لان الامتحان بيجيب اى حاجه ومحدش يعرف دماغ اللى بيحط الامتحان الا هو شخصيا ... كلمه اخيره : ــــــــــــــــــــــــــــ _ زاكر واعمل اللى عليك وسيبها لربنا واعرف ان كل ما اجتهدت كل ما ربنا حيوفقك ويكرمك _ متسمعش كلام حد ان الامتحان حييجى سهل او حييجى صعب ... اسمع كلام نفسك لما تفتح الامتحانات السابقه وتحلها وتعرف انت مستوى الامتحان بييجى ازاى وتقيمه بنفسك _ كل سنه هما هما الكمتين اللى بيتقالوا وفى نفس التوقيت برده .. (( اسطوانه محفوظه وبتتردد كل سنه )) آسف على الإطاله ... ربنا معاكم إن شاء الله .. إللى بيرهب وبيخوف الطلبه (( إتقِ الله )) |
بصوا برده للناس اللى بتتكلم م الجدول أكيد الجدول بيبقى فيه ظلم لبعض الناس وده مفيهوش مجال للجدل لان يستحيل الجدول يرضى جميع الشعبات خصوصا وان الناس مختلفه فى موادها حتى للشعبه الواحده يعنى فيه ناس بتاخد الاحياء فى تالته وفيه ناس بتاخد الكيميا فى 3 وهكذا ناس كتير انجلش 3 دايما قبله يوم ونص وبيبقى يوم العربى طبعا اول جوله ومعاه دين كمان يعنى اليوم يعتبر رايح بس دى طبيعه الانجلش كل سنه بس لو نظمت وقتك على اليوم ده والربع يوم بتاعه العربى حتلحق تخلص ان شاء الله الفيزيا : 4 ايام ونص .. تعتبر فتره مقبوله نوعا ما صغيره بالنسبه لناس ومعقوله بالنسبه لناس تانيه وبالنسبه للناس اللى بتقول ايام الامتحانات بس بتبقى للتشييك على بعض المعلومات المهمه فاحب اقول منضحكش على بعض بليز يعنى لما تكون سايب الفيزيا من اخر 5 وامتحان الفيزيا 15 / 6 يعنى فتره اسبوعين مهما كنت مراجع الفيزيا لو حتى 100 مره اكيد حتكون ناسى كم كبير جدا من المعلومات ولازم المنهج كله يتراجع تانى مفيش حاجه اسمها نشيك على معلومات مهمه وخلاااص المهم : اكيد حيبقى كل واحد مرتب تقسيمه الاربع ايام ونص دول على حسب بقى هو عايز يعمل فيهم ايه بس فيه فصول قصيره بتخلص بسرعه زى الاول والتانى والتالت والخامس والتامن ممكن يتاخدوا فى النص يوم ده وتبدأ تقسم ال 10 فصول التانيين على 3 ايام مثلا واظن ده كافى جدا انهم يخلصوا فى 3 ايام واليوم الرابع يبقى مراجعه اثباتات مثلا والتجارب واستنتاجات والاستخدامات وكده يعنى فالوقت ان شاء الله حيكفى لو كنت مراجعها كويس قبل ما تمسك العربى وقيس على كده كل المواد اللى ايامها شايف انها مش مكفيه لمراجعه الماده |
يا نهار أسود يا جدعاااااااان حد منكم شاف الجدول
أوله 8 / 6 عربى إنجليزى 10 / 6 يعنى فاصل يوم و نصف فقط و بعدين 5 أيام قبل الفيزياء .. كويس 9 أيام قبل الكيمياء و بعدها دش متواصل 24 كيميا و 25 علم نفس و 26 مستوى رفيع :) دة انا هاطحن :) حسبى الله و نعم الوكيل |
اقتباس:
|
اقتباس:
بس الناس المحظوظة هما اللى اخدوا اقتصاد واحصاء...هيصموا المستوى :022yb4: |
ياباشمهندس ليا استفسار لحضرتك انا قررت بم ان الفيزياء قدامها 4 ايام بس ومع ملاحظتى لامتحانات الفيزياء كلها تعريفات..استخدامات...خصائص....تجارب.....مصطلحات... .اثباتات.....تعليلات.....ماذا يحدث وكله ده بيبقى سهل+ بيبقى مكتوب كله فى كتاب الامتحان مراجعه نهائية فأنا قررت انى اراجع منه فى ال4 ايام دول مع مراجعة القوانين واظبط قوانين المسائل ايه رأى حضرتك...ولا اذاكر من المذكرات من تانى؟؟ وانت عارف ان الكم كبييييييييير والواحد هيشتت لو عملت كده 98% من الامتحان النظرى بيبقى موجود فيه و2% اللى مذاكر هيجاوبهم لان محدش بيشتكى من النظرى كتير..:(:( |
الأمل عندى فى الـ 9 أيام الى قبل الكيمياء دول ابقى أظبط فيهم الكيمياء و علم النفس و المستوى الرفيع و الأمر لله :)
مش عارف الواحد امتى هايرتاح من الامتحانات دى :) الدراسة ممتعة بس لو لغوا الامتحانات :) |
اقتباس:
ربنا معاك ان شاء الله .. الكيميا بسيطة ان شاء الله و مش محتاجة وقت طويل للمراجعه :) |
اقتباس:
هي اهل من الاحياء بكتير :):friendsxs3: |
اقتباس:
شكراً علي التشيج الي احنا بجد محتجينه ... بس عندي سؤال الفزياء تتراجع من كتاب المدرسة مع العلم اني مذكراها كلها من كتاب المدرسة و لا ممكن أراجع الامتحان مراجعة نهائية و خلاص ؟ و بالنسبة للمسائل انا طنشت مسائل كتييييييييييير طول السنة و مسائل أرشميدس معظمها مش حلاها فهل أنا مجبرة إني أحلها دلوقتي و لا أحل أمتحانات أحسن ؟؟؟؟؟؟؟؟؟ |
اقتباس:
|
اقتباس:
بص .. انا من رأئي إنك تزاكر من نفس المصدر اللى كنت بتزاكر منه طول السنه ( مزكره مستر _ كتاب المدرسه _ كتاب خارجى _ .... ) عشان متشتتش نفسك فانا شايف انك تحاول تخلص منهجك مزاكره وحل فى 3 ايام ونص حيتبقى يوم واحد ده بقى يبقى تراجع استنتاجاتك كامله _ تجارب الفصل السادس وباقى تجارب المنهج ... مسائل بافكار من الامتحانات السابقه كنت معلم عليها انك تراجعها .. حاجات من الدليل معلم عليها انك تبص عليها .... كده يعنى انما المنهج يتراجع كامل من نفس المصدر اللى شغال منه طول السنه ممكن بعد ما تخلص الفصل مزاكره تبص عليه من الامتحان مراجعه حتلاقى مجمع القوانين والتعليلات والرسومات وكده ممكن تبقى تبص عليه بس الاول تراجع الفصل كاملا ## وجهه نظرى ## ... ربنا معاك :) اقتباس:
زاكرى من نفس المصدر اللى بتزاكرى منه طول السنه اياً كان ايه المصدر ده عشان بس متتلغبطيش لما تزاكرى من مصدر تانى وممكن بعد ما تزاكرى الفصل الاول تبقى تبصى على عليه من الامتحان مراجعه حاليا يعنى اكيد بتكونى بتراجعى الفيزبا او ناقص فصل او 2 بالكتير اوى يعنى فانتى اكيد حتراجعى الفيزيا من اولها لحد شهر 5 ما يخلص انا شايف انك تزاكرى الفصل من اول وجديد وتشوفى المسائل اللى جت عليه من الامتحانات بمعنى ( زاكرتى الفصل الاول من المصدر اللى بتزاكرى منه بعدين خشى على الامتحانات شوفى اسئلته جت ازاى وحليها وبكده يبقى الفصل انتهى تمام ) حتعملى كده لغايه شهر 5 ما يخلص تيجى فى مراجعه ليله الامتحان تراجعيها تانى مع مراجعه من الامتحان كده يبقى تمام اوى ## وجهه نظرى ## |
اقتباس:
Merci, very helpful..... |
استفسار كده لطلبة الكيميا
هو ازاى احصل على مبيد حشرى من الاستيلين |
اقتباس:
|
| جميع الأوقات بتوقيت GMT +2. الساعة الآن 02:45 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.