بوابة الثانوية العامة المصرية

سلام عليكم جميعا
بصوا يا شباب ويا بنات........
بالنسبة للجماعة القائمين ع الحملة اللي هم:
د.مريم.....شريف.....تريكة.....ريهام.....جوجو...... الرحمة حلوة.....مسرة........انا....
عايزين نلخص كل اللي فات ف الاتي:
-احنا وصلنا لان البوستر هيكون على الصورة اللي عرضتها"الرحمة حلوة" اللي فيها الايدين المشبوكة,لكن هنشيل الجدار ونحط مكانه الشارع بتاع"تركية".....لا اكثر والا اقل....افتكر دي افضل صورة اتفقنا عليها....ولو حد عنده اي ابداع تاني ياجله للفكرة اللي جاية واللي غالبا هتكون عن القراية....
-بالنسبة للاهداف اللي جمعناها وتقريبا عليها اتفاق....كل واحد هيختار هدف ويعمله صورة كدا...ودي هتبقى توقيعه ف المنتديات ان شاء الله....وانا اقصد طبعا الشباب المعنين بالتصميم اللي هم تريكه و الرحمة حلوة وشريف وبس.... الباقيين اللي هم احنا,هيكتفوا بالصورة الام وهي البوستر الكبير اللي خلاص اتفقنا عليه...
- موضوع الشعارات دا امره بسيط ان شاء الله..... ريهام ان شاء الله هتختار شعار واحد فقط وتحطوه ع البوستر...
- الجروب تقريبا مهمة د.مريم وانا باساعدها على اد مقدرتي...وان شاء الله مش هياخد وقت كتير ولا حاجة..
يعني ان شاء الله يوم الثلاثاء تكون كل الحاجات دي على ارض الواقع وفي حيز التنفيذ....الناس اللي قلتلهم مستعدين وانا مش عايزة اننا نتحرج قدامهم....تمام؟
بالنسبة بقى للوافدين...او الناس الجديدة ع الفكرة...يا ريت كل واحد يعطينا فكرة عن تخصصه او المجال اللي عنده فيه مهارة متميزة عشان هنحتاج الكلام دا عاجلا ام اجلا.....
دا كلام اكيد يا شباب ويا بنات خلاص
مفيش وقت لاي اقتراحات تانية او افكار جديدة قبل ما ننفذ موضوع النضافة.....
بعد ما ننتهي من موضوع النضافة هيبقى في ان شاء الله اسبوعين restوبعدين نعمل استفتاء ما بينا ع المشروع اللي بعده ف حملتنا
عايزة ااكد عليكم بان احنا مش بنهزر يا جماعة....والموضوع لاشك انه صعب....لكن خليكم دايما فاكرين ان هدفنا نفوز في اقرب مقارنة جاية بين(نحن)و(هم)
تمام؟

ها
اي تعليقات ع الكلام؟

بصوا يا جماعة.....
المهم بقى اننا نلتزم بشوية تعليمات كدا...اصل مش معقول نعلم الناس واحنا محتاجين تعليم..
1- ايه رايكم لو نطبق فكرة ظريفة جدا....وهي اننا نعمل ف بيوتنا نوعين من الباسكت بتاع الزبالة(اعزكم الله)..واحد للزبالة اللي معتش ممكن نستفيد منها زي الاتربة وما شابه....والتاني للمواد اللي يمكن اعادة تدويرها زي الورق والبلاستيك....ها ...معايا؟
2- في كمان فكرة حساسة جدا....لازم يا جماعة نتعامل مع عمال النضافة على انهم من البشر....مش لان لبسهم غير لائق او ان روائحهم غير مرضية,يبقوا مش بشر....وكل اما نقابل عامل نضافة نفتكر كلنا ان الراجل ده بيشيل زبالتنا ....وانه عايش طول النهار ف الريحة دي وف المنظر دا عشان نضافتنا....وتخيلوا كدا لو انسحب من حياتنا .....هنعيش ف زبالة تامة......وبما اننا جبنا سيرة اليابان...ف احب اقول ان عامل النضافة هناك عايش ف بيت محترم بمعنى الكلمة وعندى اجهزة كهربائية مش عندنا.....احنا هنعمل بقى لعمالنا حاجة ابسط من كدا....ممكن نمرر عليهم ساندويتش....بلاش....ممكن نديهم كارت دولي يكلموا اهلهم مثلا.....او كفاية نبتسم ف وشهم وخلاص....المهم نعرف انهم بشر....لحم ودم وقلب وعاطفة.....
3- الشجر يا اخوانا حاجة لطيفة جدا لو عملاناها....

ها معيا يا ولاد؟

دول ياجهااااااااااااااد