لا لا لا استني عليا كده .. قولي تاني كده
مش مكتوب عندك في الجدول سوتر ..
ركزي كويس يا بنتي .. بصي تاني .. تحت الجدول مكتوب جملة فيها سوتر ولا لأ؟
معلش اقرأي كويس تاني و قولي

سوتر ايه بس يمكن لعلوم طبيعية بس فى جدول علوم بيولوجية مكتوب ش(اى الشاطبى) هو ده اللى مكتوب فى اخر جدول نزل اللى مكتوب بالعرض

على فكرة ده مش اخر جدول قالوا ان فى جدول تانى حينزل بمواعيد السكاشن واماكنهم بس لغاية ما ينزل الجدول الجديد فى ناس قالت بس انا الصراحة مش واثقة فيهم ان احنا نلتزم بالجدول القديم (اللى مكتوب بالعرض) على العموم احنا لازم كلنا نروح يوم السبت ونشوف ايه اخبار الجدول الجديد والسكاشن
وهل اسامينا اتعلقت قدام الاقسام ولا لا؟

يعني يا جماعة يا بيولوجي الجدول بتاعكوا اللي معاكو مش اللي متعلق عند مدرج1 .. مكتوب فيها سوتر ولا لا؟

بالنسبه للكيمياء العملي اللي اعرفه ان مفيش في الشطبي اللي هو بتاع اعدادي معامل كيمياء
كيمياء فيزيائيه في المجمع اللي هي سوتر
كيمياء تحليليه (نوعي اللي هي الكشف عن الاملاح وكدا) طريق الحريه
كيمياء تحليليه (كمي) محرم بيه
وصعب حوار نقل المعامل
غير اني لحظت انهم بيعملوا معامل جديده في الشطبي بس لسا مخلصوهاش اللي هي نحية استاد الجمعه وغير كدا انتوا متتديقوش مفيش حاجه حتضيع ولا حاجه طالما لسا محدش عارف الترتيبات ايه فمفيش مشاكل استنوا وكل حاجه حتبان ومفيش حاجه حتضيع عليكوا وانا سألتلكوا ناس ولسا محدش عارف حاجه لانهم اكتر من واحد كل واحد بيظبط حاجه فبتحصل لغبطه وكدا يعني

من الاخر انتوا غويين قرف كبروا دمغكوا لغاية مكلوا يبان الحركات دي تعملوها لجدول الامتحانات اللي لو فيه لغبطه هو كمان بيعيدوا الامتحانات للناس اللي مرحتش متضيعوش طقتكوا في الحاجات التفهه دي

انت حتضربنى و اللا ايه؟؟؟؟؟؟
لا و الله مفيش كلمة سوتر عندنا خالص. متخفش انا مركزة و بكامل قواى العقلية ههههههههههه
و نقول تانى
لا مفييييييييييش

ايوة كلامك صح
لسا جدول للسكاشن
و جدول بعد كدة لمحاضرات المواد الاختيارية و و و الخ الخ الخ
و انا نزلة الكلية السبت ان شاء الله
اكيد المحاضرات حتشتغل خلاص

لا حول و لا قوة الا بالله
آه و الله
طب بص عليه انت بنفسك
بس متكدبش عنيك

و الله احسن كلام
بقولوكم ايه
شاطبى و اللا سوتر و اللا حتى فى كولالامبور
اللى يحصل يحصل و سيبوها على ربنا

انا روحت النهاردة الكلية وسالت فى شئون الطلبة وقالوا ان فى جدول جديد حينزل بمواعيد المحاضرات والسكاشن والمواد الاختيارية بس مفيش سكاشن الاسبوع ده بس فى محاضرات
لو فى حد راح النهاردة ياريت يدخل وياكد كلامى عشان مش بثق خالص فى كلام شئون الطلبة

سلام عليكم ..
يا وان ويي .. انا النهاردة روحت و بيقولو برضه انه في جدول جديد هينزل.بس مش عارفين امتى.
و الاسبوع ده على الاقل الفيزياء مفيش سكاشن ده اللي دكتور الفيزياء قاله.و تقريبا حتى باقي السكاشن.
و عندك حق .. شئون طلبة كلامهم مش موثوق تحس انهم مكسوفين يقولو منعرفش لكن لازم يتوهك.
في واحد اعرفه قالي ان في ورقة اتعلقت بالسكاشن و الارقام الجامعية بس بيقول انها اتحطت و اتشالت تاني.
بالنسبة ليكي يا نغة ...لا مش هضربك ولا حاجة العفو .. انا بس حاسس ان دماغي اتضربت في خلاط.
بس انا ملاحظ انك بتتكلمي على الجدول اللي بالعرض .. الجدول اللي بالعرض ده مش مكتوب فيه لا طريق حرية ولا شاطبي ولا غيره... انا بركز على كلمة مشششششش اللي عند مدرج 1
انا اقصد الجدول الاولاني اللي هو ورقتين بالطول و متدبسين في بعض .. مكتوب تحت الدراسة النظرية بالشاطبي و العملية طريق الحرية و الكيمياء العملي بسوتر .. كلمة سوتر ذكرت عندكوا في الجدول الاولاني اللي بالطووووول ولا لأ؟..
وو معلش انا آسف جدا استحملي رخامتي..
و ربنا يعدي الترم ده على خير.ايه اللخبطة دي..اول القصيدة كفر كده!!

لا مش متلخبطه والله انا كنت فاهمه زيكم كده ده انا نفسي اشوف منهج علوم البحار بس لما الدكتور ده قالي كده قلت خلاص اخد المهم منهم ليه اخد حاجه ملهاش لازمه حتى اصحابي كانوا عاملين زيكم في الاول اول لما سمعوا من الدكتور ده غيروا عالعموم كل حاجه هتبان خلال الاسابيع الجايه وينفع اغير بعد 3 اسابيع
انا بفكر اخد اللغه وحقو ق الانسان ولغه عربيه مثلا وكفايه عليا كده الترم ده واخد المادتين الباقيين خلال السنه الجايه عشان حاسه ان الترم ده هيبقى صعب مع كميه المواد دي وربنا يسهل ان شاء الله

انا سالت ناس اعرفهم في سنه رابعه قالولي ان سوتر هنروحه في الترم التاني بتاع سنه اولى وف سنه رابعه انا رحت المجمع وحمدت ربنا اني مدخلتش فيه بجد علوم رحمه كتيييييير بس اهو ترم مش مشكله

رحت النهارده الكليه وحضرت محاضره نبات من 2 ل 4 كان بيدينا في الساعه الاولى د نبيل وفي الساعه التانيه د محمد وشرحهم حلو متفائله خير ان شاء الله الترم ده في النبات ونفسي احضر المحاضره دي تاني بس مش عارفه امتى عشان عايزه اثبت المعلومات شويه ده غير اني مكتبتش كل حاجه وبالنسبه للسكاشن مفيش الاسبوع ده للنبات وغالبا السكاشن هتبدا من الاسبوع الجاي و ددكتور محمد قال تعالوا من وقت للتاني قسم النبات في الدور الخامس عشان تعرفوا مواعيد السكاشن ,,بيحلم هنطلع للدور الخامس كل شويه ولا ايه يانهى؟؟؟؟؟؟؟

ما انا برضه في ناس اكبر مني و قالولي اننا هنروح في الترم التاني و انا عارف كده من زمان .. بس في كلام ان الترم ده مش هنروح و محدش متضايق غيري.
المهم .. يا جماعة مين معانا هنا علوم طبيعية؟؟

انا كمان رحت و اتقالى نفس الكلام
وحدة صحبتى سألت قالولها ايه تخيلوا ؟ اضحكوا:
"مفيش سكاشن الاسبوع ده بس لو عيزة تحضرى مع اى مجموعة احضرى"
لأ و اللى قالها كدة مدير الشئون
يعنى منين مفيش سكاشن و بعدين يقولها احضرى اى مجموعة
لا تعلييييييق

لا مفيش حاجة
الجدولين مفيهمش سوتر خالص
و انا بصيت فيهم دلوقتى حالا تانى
مفيهمش الكلمة اصلا

اقتباس:

انا سالت ناس اعرفهم في سنه رابعه قالولي ان سوتر هنروحه في الترم التاني بتاع سنه اولى وف سنه رابعه انا رحت المجمع وحمدت ربنا اني مدخلتش فيه بجد علوم رحمه كتيييييير بس اهو ترم مش مشكله

ده احنا كليتنا دى جنة و الله

اقتباس:

رحت النهارده الكليه وحضرت محاضره نبات من 2 ل 4 كان بيدينا في الساعه الاولى د نبيل وفي الساعه التانيه د محمد وشرحهم حلو متفائله خير ان شاء الله الترم ده في النبات ونفسي احضر المحاضره دي تاني بس مش عارفه امتى عشان عايزه اثبت المعلومات شويه ده غير اني مكتبتش كل حاجه وبالنسبه للسكاشن مفيش الاسبوع ده للنبات وغالبا السكاشن هتبدا من الاسبوع الجاي و ددكتور محمد قال تعالوا من وقت للتاني قسم النبات في الدور الخامس عشان تعرفوا مواعيد السكاشن ,,بيحلم هنطلع للدور الخامس كل شويه ولا ايه يانهى؟؟؟؟؟؟؟

انا عرفة ؟ D:D:D:D
فكرة ايام السكاشن
و الله كنت بطلع بالعافية و بعد دورين لازم اعد استريح هههههههههههه


و انا صحبتى فى سنة 2 قالتلى نفس الكلام
بس احتمال يكونوا غيروا السنادى على حظنا الجميييييييل

و عالعموم اعتبرنا علوم طبيعية و اتكلم عادى يعنى
سرك فى بير هههههههه

احنا السنة اللي فاتت اخدنا كيمياء فيزيائيه والعملي كان في سوتر
بس انتوا منهجكوا اتغيرت يعني مثلا اخدتو عضويه وهندسه في الترم الاول الكلام دا محصلش معانا

كلامك صح و دة اللى صحابى اللى فى 2 قالوهولى

على فكرة الكلية دى بيحصل فيها حاجات غريبة جدا

ازاى يعنى بعد ما النتيجة تتعلق تتغير تانى!!!!!!!!!!

الواحد دلوقتي مبقاش يستغرباي حاجة بتحصل .. توقعوا اي حاجة.انا فعلا سمعت ناس بتقول ان النتيجة اتغيرت و انا طالع بصيت عليها لقيت في ورق جديد اتعلق بس لقيت ان مفيش تغيير بالنسبالي مش عارف الباقي ايه بقى؟بالنسبة للكيمياء الفيزيائية خلاص ثبتت الرؤية هناخد في الشاطبي في الدورالاول من اول مبنى و احنا دخلين في معمل قد علبة الكبريت...يلا اللي يفرح يفرح زي نغة و اللي يزعل يزعل زيي.بالنسبة بقى للفوضى و التهريج اللي بيحصل في شئون الطلبة,امبارح شوفت السكاشن لقيت نفسي في سكشن معين لقيته داخل على محاضرة روحت اقول للمشرف على المعمل و قولتله ان احضر في سكشن تاني و مفيش مشاكل بس لسه ممسحتش اسمي من الدقيم و محتطهوش في الجديد.و بعد كل الهرجلة اللي حصلت في الاسبوعين اللي فاتو برضه علقو جدول هو هو مش عارف ليه مصممين عليه مع انه مليان غلطات.في دكتور امبارح قالنا ان الدكتور علاء بتاع شئون الطلبة هيعمل اجتماع طارىء و بكرة الصبح كل حاجة هتكون اتظبطت.انا معنديش حاجة النهاردة بس بفكر انزل اشوف ايه الكلام.و على فكرة يا جماعة بكرة اخر يوم للتغيير في التسجيل بتاع المواد لو حد عايز يغير.lala_2002 بيتهأيلي انتي الوحيدة اللي علوم طبيعية زيي,بس انتي عموما مش بتدخلي كتير,انا من زمان دايخ على حد علوم طبيعية..عموما يا ريت نبقى نبقى نساعد بعض في المنتدى.مش بنفضلكوا يا نغة بس انتي عارفة مفيش مواد مشتركة بينا و بين بيولوجي او جيولوجي غير الكيمياء..بس احنا كلنا مع بعض يعني.

احلى حاجه انهم غيروا النتيجه انا اترفعت عني اللغه مبرووووووووووك عليا
وفي ناس صحابي اترفع عنهم الكيمياء والنبات اخيرا عملوا حاجه عدله ف حياتهم

دوووووووووووخه حكايه تغير السيكشن ده انا مش عايزه اغير ده انا هبدل كمان وبرضه دووووووووخه

اهلا بيكي lovly girl معانا .. و الحمد لله اني بدأت الاقي ناس علوم طبيعية معانا هنا .. و برضه بيولوجي و جيولوجي زمايلنا برضه مفيش مشاكل.ابقي قولي بقى انتي مجموعة كام و نتايجك ايه في الترم الاول؟

مرحبا بيكي
علي فكره يا فوكس انا علوم طبيعيه بس سنه 2 انا قلتلك كدا تقريبا

اه طبعا يا معلم Duro_reانا عارف .. بس زي ما انت عارف في نظام جديد و كلام من ده فبرضه لازم يبقى في حد نظام جديد .. لكن فيما يتعلق بالمواد نفسها طبعا هنسألك ان شاء الله.

السلام عليكم ...

على فكرة انا اولى علوم طبيعية ، جامعة اسكندرية

متخفش يا فوكس اديك لقيت حد تاني معاك لو فيه حاجه ابعتلي هنا او خاص

انا ع2 .... سكشن 5 يا فوكس

و جبت جيد جدا فى الترم الاول و فريش حقوق انسان كمان ... بس من غر ما تنوء عليا فى حقوق الانسان الله يخليك هههههه

قولى انت مجموعتك ايه و عملت ايه الترم الاول ؟؟؟؟

ازيكم ياجماعه
اهلا بالناس الجديده معانا نورتوا المنتدى
نهى بتسلم عليكم كتيييييير هي مش عارفه تدخل على المنتدى ومش عارفه ايه المشكله

ايه اخبار الدراسه؟؟؟؟؟

لا مش هنق عليكي في حقوق الانسان ولا حاجة .. هي جت على حقوق الانسان .. انا هنق عليكي في كله .. انتي جايبة جيد جدا و انا جايب مقبول (جدا) .. و طبعا طالع بمادتين .. و زي معظم الدفعة حقوق الانسان .. يلا نصيب.و انا مجموعة ع2 مع اني يعني بذاكر و مش ضارب طناش جامد

اكيد التطبيقة و البحتة ... صح ؟؟؟
تتعوض الترم التانى ان شاء الله و لو عوزت انا فى الخدمة
مقولتش انت سكشن كام ؟ ولا لسه اللغبطة بتاعت السكاشن دى
على العموم ربنا معام ومعانا كلنا

ازيكhanooooooda .. الدراسة الحمد لله .. خنيقةو سلميلنا على نغة (هي بالمناسبة اسمها نهى؟؟؟)

اكيد التطبيقة و البحتة ... صح ؟؟؟
تتعوض الترم التانى ان شاء الله و لو عوزت حاجة انا فى الخدمة
مقولتش انت سكشن كام ؟ ولا لسه اللغبطة بتاعت السكاشن دى
على العموم ربنا معاك ومعانا كلنا

فعلا التطبيقية و البحتة .. عرفتي منين .. اكيد بتكرهي الرياضيات زيي.. او هم اجدر مادتين بان الواحد يطلع بيهم.انا سكشن 6 بس طبعا في لخبطة شوية.يا رب اقدر اعوض الترم التاني.و انا كمان في الخدمة لو عوزتي حاجة (يعني لو حبيتي تطلعي بمادة انا اقولك تعملي ايه)! .. بهزر طبعا مع اني طالع بمادتين بس برضه ممكن اساعدك لو في حاجة في المواد التانية انا كويس فيها.

عشان مفيش حد طلع بمواد غير بالتطبيقة او البحتة او الاتنين مع بعض
وانا فعلا مش بحب الرياضة زيك بالذات البحتة و جبت فيها مقبول
يمكن التطبيقة عندى شغالة شوية بس بلاش اقولك جبت فها ايه احسن
انت سكشن 6 ... يعنى انا و انت عندنا سكشن فيزيا الصبح بس ازاى و فيه محاضرة بحتة اة تطبيقة فى نفس الميعاد لـ ع 3

لا تصدقي اعرف ناس طالعة بالفيزياء .. مع انها اسهل مادة و الذ مادة يا ناس.ايوة فعلا موضوع سكشن الفيزياء و ده من مظاهر تخلف شئون الطلبة.بس هنعمل ايه انا بحاول اتصرف و اغير السكاشن اللي موعدها متعارض مع المحاضرات .. و غالبا الفيزياء بس.حضرتي محاضرة ع1 للدكتور المتخلف بتاع البصريات..عشان مرضيش يكمل محاضرتنا الاسبوع اللي فات؟؟؟.. انا عن نفسي ما اهتمتش.

اه حضرت محاضرة البصريات مع ع1 لانى اصلا مروحتش يوم السبت الكلية بس اصحابى حكولى على اللى حصل فيها
و حضرت كمان محاضرة الكهرباء بتاعت ع2 (سبت الاسبوع ده ) بس الدكتور بيرغى كتير و فى نفس الوقت هادى جدا لدرجة النوم
و المحاضرة كانت ع المونيتور و هو كان بيقرا و بس و فى الاخر قال انها منقولة من الكتاب !!!!
فين ايام كتور رمضان ؟؟؟ بجد ربنا يستر علينا فى الفزاء الترم ده

ana ma7adartesh eloptics tani...we ma7adartesh elkahraba 3ashan kan 3andy meshwar aham fe mabna me7aram beeh maloh eldoctor beta3 el kahraba da 3asal .. ya3ni mahman kan ar7am men ettani 3ashan el3amaleya teb2a mewazna shewaya... ana 3aref enno hady .. 3ala2 bardo lama beyeshra7 beynayem matkhafeesh elphysics mada sahla we eldoctor law mesh kewayes han3ady bardo bas 3andek 7a2 doctor ramadan a7san doctordarresly leghayet delwa2ty el mohem enti fee section elphysics betakhdy far3 eih? we betroo7y mo7adret elkemya beta3et bokra wala bet7dary elmagmo3a elttanya?ma3lesh 3andy mashakel elcomp mesh beyekteb 3araby

انا دلوقتى باخد خواص مادة .... و بحضر الكيمياء فى ميعاد بكرة .... انا رايحة الكلية بكرة ان شاء الله و حاحضر التطبيقة و الكيمياء
و مفيش مشكلة عندى بالنسبة للانجلش المعرب انا بعرف اقراه

ya3ni 3aksi fee elphysics el3amaly enti m3ad section elkemya beta3ek bokra sa7? we ya tara ma3ma alef wala beh wala geem? ana bokra ba7dar elkemya bas we arawa7 we ra2yek eih fe doctor elkemya osama?..ennoh mesh battal bas mo7adretoh beydaya3 wa2t keteer we beteb2a fawda,fee nas beye7daroh ma3a eldoctora beta3et 3een wa7ed,ana ma3rafhash bey2olo doctora monaqqaba bas ma3rafsh a7san men doctor osama walla eih..bas doctor osama beyakhod gheyab, we ana 2asdy ma3lesh 3ashan elenglish elmo3arab beyeb2a gheless fee el 2erayah

يعنى انت فرع كهرباء او بصريات ولا حرارة فى سكشن الفيزياء ؟؟؟ انا سكشن الكيمياء بتاعى يوم الاربع مش بكرة و بقيت معمل (ب) ... اما دكتور الكيمياء انا محضرتش معاه غير محاضرة واحدة بس بيهزر كتير جدا و بيضيع الوقت زى ما انت قولت بس شغال يعنى و فيه ناس حضرت مع الدكتورة بتاعت ع1 بس بيقولوا مش بتعرف تشرح و ان دكتور اسامة ارحم منها بكتير ... انت مش بتحضر محاضرة البرمجة ؟؟؟ و ايه رايك فى الدكتور بتاعها ... بتفهم منه حاجة ؟؟؟؟

la ana kahraba we optics ... el barmaga ana 7adart marra wa7da bas el esboo3 elly fat ma 7adartsh 3ashan kan 3andy section bas ha7awel a7dar el2esboo3 dah law fe forsa,el marra elly 7adart feeha kanet kowayessa yemken ma fehemtesh awy bas da yemken rage3 lelmadda nafsaha mesh leldoctor
belmonasba..enti wakhda mawad eih fee el ekhteyary?

السلام عليكم انا اول مرة اشارك معاكم في المنتدي بس كنت دايما بتابع اخباركم انتو بجد من كلامكم حسيت ان انتم اصحابي نسيت اقولكم انا اولي علوم بيولوجي وياريت نكون احسن اصحاب ونساعد بعض من خلال المنتدي:)

ممكن اسالكم سؤال بس ياريت مكونش بتقل عليكم انا اخدت لغه عربيه وعلوم بحار وعلو م بيئه بس محضرتش ولا محاضره ممكن لو حد حضر يقولي هيا كانت مهمه ولا وفيه غياب ولا

اولا: اهلا بكل الاعضاء الجدد واتمنى االتواصل معاكم الايام اللى جاية
ثانيا:بالنسبة للى عايز يعرف اخبار عن محاضرات المواد الاختيارية انا محضرتش غير محاضرة واحدة بس مكنش فيها غياب وكانت محاضرة (علوم بحار)
كان كلها شرح عن تاريخ قسم علوم البحار وعرض فيديوهات عن تطوير القسم وعن المحيطات واكتشافها بس واحنا هيدينا فى المادة دى 3 دكاترة وورق المحاضرات نزل النهاردة فى المكتبة بتاعة دار الطالب هو ده اللى اعرفه
وياريت لو حد من الاعضاء حضر اى مادة اختيارية تانية يدخل ويقولنا ايه النظام

مساءالخيرع فزيائيين وكميائين المستقبل(ممكن يكون غلط بس انتو فاهمين قصدي)
انا سمسمه جديده في المنتدى وما تتصوروش انا فرحانه ازي اني لقيت حد من الكليه بتاعت:022yb4::022yb4::022yb4:ي عشان ع رغم اني في السنه التانيه الا اني لسه بردو تايهه فيها
انا دبلر مش فريش وانا مش بقول كده فخر بس عشان فعلا دي احلى حاجه حصلتلي في حياتي كلها اني عدت السنه لان النظام الي موجود دلوقتي احسن بكتير من نظام السنه بتاعتنا الي فاتت حتى المناهج اسهل بكتيير اوي من السنه الي فاتت
والي عايز اي حاجه في الكليه ان شاء الله اقدر اساعد:078111rg3:ه


مش معنى كده اني مش هسالكم
لا انا هسالكم بردو:confused::confused:

انا سيكشن 4 مين معايه:049gc0:

انا كنت اخدت احصاء و حاسب بس غيرت الاحصاء و اخدت بدالها لغة عربية بس لسه محضرتش لا حاسب ولا عربى و مش عارفة ايه النظام فيهم و كمان معرفش مواعيد محاضرات العربى يا ريت اللى يعرف يقولى و اللى حضر يقول ايه النظام.. بس الحاسب (الاختيارى) ميعادها بكرة من 8 لــ 10 ....
يا وان واى انا حضرت محاضرتين احصاء بيديها دكتور محمود حسن جبر (العميد) و شرحه كويس ... لو عايز تعرف حاجة تانى عنها قول عايز تعرف ايه ؟؟؟؟

شكرا (lovely girl)على اهتمامك بس احب اصححلك معلومة انى بيولوجى مش علوم طبيعية اى كان انا اتشرفت بمعرفتك وعلى اى حال لو عرفتى اى اخبار تانية عن دكاترة المواد الاختيارية ومحاضرتها واذا كان فى ورق ولا لا يا ريت تقولى
لانى تقريبا مش هحضر لان انا تقريبا كل مواعيدى الصبح والمحاضرات مواعيدها متاخرة اوى واعتقد ان ده مضيعة للوقت خصوصا فى ايام اللى قبل الامتحانات لكن لو فى غياب حضطر انى اروح وامرى لله

السلام عليكم ممكن اسالكم سؤال ايه اخبار الدكاترة معاكم كويسين ولا وخصوصا الفيزياء انا بكرها اوي انا دخلت المحاضرة النهارده وواثق اني مش هفهم وفعلا مفهمتش هل ده عيب مني ولا انتم كمان كده

ازيك يا محمد
اه اسمها نهى حاضر هسلملك عليها

وعليكم السلام ورحمه الله وبركاته
اهلا بيك معانا ونورت المنتدى اكيد ممكن نبقى اصحاب ونساعد بعض
انا كمان في اولى علوم بيولوجي ب4

انا حضرت لغه عربيه النهارده وكانت لسه محاضره تعريفيه ومفهاش حضور وغياب بس معرفش بعد كده هياخدوا الغياب ولا لا
علوم بحار برضه حضرتها بس مش من اولها وكنت مطنشاها عالاخر ومفهاش حضور وغياب برضه
وبالنسبه لعلوم البيئه انا مخدتهاش
اخدت انسان وبيئه ومدخل قانون