اذا كانت سنوية لا تستطيع الانثى التزامن مع وظيفة التكاثر و الانجاب و يقل معدل الانجاب و تصبح موجودة بنسب قليلة جدا
و بقولك ايه انا قعدت دلوقتى علشان هنودى اcpu للراجل علشان يصلحها و يغير النسخة و بالتالى مش هقدر اقعد الفترة دى و معلش احنا هنراجع مع بعض الباب الاول كله ان شاء الله يوم الجمعة القادمة مش بكره مع بعض على الساعة 12 و ياريت تقعد معايا لمدة ساعتين لاننا بنستفيد من بعض و هاقولك على الرسومات و حاول تقعد معايا و ايه رايك لو نتفق اننا منقعدش غير يوم الجمعة علشان مش باقى غير شهر على الامتحان و احب اقولك انا سعيدة جدا لصداقتنا فى العلم و يارب تدوم

ماذا يحدث عند:

1- إذا كانت دورة التزاوج سنوية.

لن ينشط مبيض الأنثى الواحد لتكوين البويضة إلا مرة واحدة كل عام(يعنى دورة الطمث بمراحلها الثلاثة كلها تستغرق سنة) وبالتالى لا تتزاوج الأنثى بالذكر إلا مرة واحدة كل عام (لان مرحلة التبويض مرة واحدة كل عام) وبالتالى لن تتمكن المرأة من الحمل إلا مرة واحدة كل عام.

معلومة: تخيلى لو كانت دورة التزاوج السنوية للأسد أصبحت شهرية لكانت الغابة مليانة أسود زى الفئران فى الشوارع اظن المعلومة وصلت ودة من رحمة الله علينا.


2- وجود ثقب فى الجدار بين الأذينين.
يؤدى إلى إختلاط الدم المؤكسج بالدم غير المؤكسج مما يهدد على حياة المريض.


3- صب العصارة البنكرياسية على كل من ( النشا - البروتين - الدهون )
لن يهضم الدهون ولا البروتينات لأن الدهون لم تجزأ بالعصارة الصفراوية و البروتينات لأن التربسينوجين غير نشط
لا يهضم إلا النشا والسبب معروف


4- إذا كانت بويضات انثى الإنسان عديمة المح وإذا كانت كثيرة المح.
إذا كانت عديمة المح يموت الجنين بعد إخصاب البويضة لأنه لن يستطيع الحصول على غذائه فى مراحل النمو الأولى حتى يكون التوتية التى تنغمس فى بطانة الرحم بعد شهر من حدوث الأخصاب
وإذا كانت كثيرة لكان حجم البويضة كبير مثل بويضات الطيور وبذلك يمكن أن يكتمل نمو الجنين خارج الرحم لعدم حاجته إلى الغذاء من الأم


5- تزوج فتاة فى الحادية عشرة من عمرها
غالبا لن تحمل الفتاة فى هذا العمر لأنها تكون غيرقادرة على تكوين البويضات لعدم وصولها لسن البلوغ المفترض وإذا حددث حمل بعد ذلك فإنه قد يسبب مخاطر على الأم والجنين وزيادة نسبة التشوهات الخلقية فى الجنين.


أما سؤال ما الذى يميز اللولب عن سائر وسائل منع الحمل أنا تركته لإجابتك.

بالنسبة لطلبك أنا لا أرفض طالما هناك مناقشة ومشاركة

وبالنسبة للرسومات لا ترهقى نفسك إلا فى كتابة الرسومات اللى مش مطلوب منى رسمها باليد

وبالنسبة للأجهزة التناسلية أستاذى قال إنى مش عليل إلا رسم المنظر الأمامى للجهاز التناسلى الأنثوى.

على فكرة انا جاوبت الاسئلة دى امبارح بس الكمبيوتر فصلو بالنسبة للذى يميز اللولب هو انه تتكون بويضة مخصبة و يمنع من استقرارها فى الرحم المبيض اما فى بقية الؤسائل سواء الاقراص او الواقى الذكرى او التعقيم الجراحى لا تتكون بويضة مخصبة
و انا هاقولك سؤال علل تختلف سرعة نقل السيال العصبى من شخص لاخر

على فكرة انا نقلتهالك من ملف للدكتور هشام هيبه

شكرا على الملف

علل: تختلف سرعة نقل السيال العصبى من شخص لأخر.
ياريت تجاوبينى عليه.

بالنسبة لسؤال اللولب صحيح

بالنسبة لسؤالك الأخير أنا فعلا أجهل إجابته :confused:

واضح إن التحدى زاد والمنافسة بدأت :078111rg3:

وذلك نتيجة اختلاف قدرة الاستجابة للمؤثرات الخارجية او الداخلية من شخص لاخر و اختلال افراز نسبة الكالسيوم و الحالة الجسمية و النفسية و بالتالى يعتمد على ذلك نقل السيال العصبى معادنا يوم الاتنين الساعة 12 و اسئلة جديدة

ساعدووووووووونييي
 

لو سمحتم يا جماعه عايزه امتحانات الأعوام السابقة في الأحياء ضروري النهارده
 

ارجو دخول الاساتذة الكرام للاهمية القصوى
 

انا عندي مشكلة وهى اني مذاكر الاحياء تمام ولكني اريد اهم مقارنات المنهج لاني
اواجة مشكلة فيها


ارجو المساعدة.......................................... ...................................

بالنسبة لإجابة السؤال الأخير لو فى توضيح زيادة عن كدة بعد إذنك إذكريه واذكرى تعليل كل سبب من الأسباب

وطالما انتى دخلتى جامد كدة بالأسئلة دى اتفضلى محاولتى:-

1- ماذا يحدث إذا تعرضت الزوجة لحادث أدى إلى إزالة الرحم؟

2- علل الطاقة الناتجة من التخمر الكحولى أكبر بنسبة ضئيلة عن الطاقة الناتجة من التخمر الحمضى.


3- فى عام 2007 قررت الفيفا منع إقامة المباريات التى تقام على إرتفاع أكبر من 2500م من سطح البحر علما بأن بعض دول جنوب أمريكا تقع على إرتفاع 3600م* ما السبب فى ذلك؟

4- علل تسمية كرات الدم الحمراء بهذا الاسم غير لائق علميا.

5- بفرض أن الأوعية الدموية متصلبة وغير مرنة وبدون صمامات هل يستطيع القلب دفع الدم فى هذه الأوعية؟

6- هل للأكسجين دور أخر غير سلسلة نقل الإلكترونات فى التنفس الهوائى؟


أرجو توضيح إجابتك كلها وعدم ذكر فكرة السؤال فقط.......

وطالما انتى دخلتى جامد كدة بالأسئلة دى اتفضلى محاولتى:-

1- ماذا يحدث إذا تعرضت الزوجة لحادث أدى إلى إزالة الرحم؟

2- علل الطاقة الناتجة من التخمر الكحولى أكبر بنسبة ضئيلة عن الطاقة الناتجة من التخمر الحمضى.


3- فى عام 2007 قررت الفيفا منع إقامة المباريات التى تقام على إرتفاع أكبر من 2500م من سطح البحر علما بأن بعض دول جنوب أمريكا تقع على إرتفاع 3600م* ما السبب فى ذلك؟

4- علل تسمية كرات الدم الحمراء بهذا الاسم غير لائق علميا.

5- بفرض أن الأوعية الدموية متصلبة وغير مرنة وبدون صمامات هل يستطيع القلب دفع الدم فى هذه الأوعية؟

6- هل للأكسجين دور أخر غير سلسلة نقل الإلكترونات فى التنفس الهوائى؟


أرجو توضيح إجابتك كلها وعدم ذكر فكرة السؤال فقط....... :)

يعنى نعمل ايه فعلا ظلم لكن ماباليد حيلة

نفسك تشتغل ايه
وانا اقلك علي اساسه تختار ايه

شوف انت حابب تبقى ايه وبتحب تذاكر ايه
؟
وملكش دعوة بابا نفسه ايه وماما هتموت وتشوفنى دكتور و جدو عايزني مهندس وخالو و البواب والشغل اللى بيحصل ده
شوف اللى انت حابه وخشه علشان ماتندمش بعد كده
انا طول عمرى بحب الرياضه و بكره الاحياء بطريقه فظيعه وكان نفسى اوى ابقى مهندسه كمبيوتر
بس بابا كان نفسه اوى ابقى دكتورة وانا بحبه اوى ومكنتش عايزة ازعله فقررت انى اخش علوم وخلاص
و بجد ندمانه اشد الندم ع اللى انا علمته ده
ياعنى ولا دخلت الكليه اللى كان نفسى فيها ولا حتى حققلته اللى هو عايزه لانه كان عاوزنى اخش طب
بس ده كان م رابع المستحيلات انى اخش الكليه دى
صلى صلاة الاستخارة واقعد مع نفسك ورتب أفكارك وان شاء الله ربنا يعملك الى فيه الخير ده اهم حاجه

انا كنت عاوز اعرف منك حاجة ويا ريت تسألى الأستاذ بعد اذنك برضه.

طبعا من المعروف أن الصفة الوراثية تمثل بزوجين من العوامل سواء كنا للصفة السائدة او للمتنحية او كان احدهما للسائد والاخر للمتنحى وعدد كرووسومات الانسان 46

ومن المعروف كذلك ان الكروموسوم تتكون من 2 كروماتيد يتصلان بواسطة السنترومير

السؤال هنا هل العامل الوراثى يحمل على كروماتيد ولا على كرموسوم بأكمله؟ مع التفسير

بص يا أستاذ hamtaroo مش شرط انك عاوز تدخل صيدلة انك هتنقطع وتتفرغ لهذا العلم - لان فى اسباب هقولها بعدين- بمعنى انتا بتقول انك مش حاسس بوجود فرق بين علمى علوم وعلمى رياضة.

القرار الأول:
بس انتا تسأل نفسك هو انتا فعلا حابب تدخل صيدلة وتشتغل فى المجال دة

لو كدة قدامك طريقين أحياء طريق 2 وطريق 3
1- طريق 2 مش مضمون على أساس إن كل سنة ولها ظروفها وعشان معدش فرصة لشعبة الرياضة.
2- طريق 3 قدامك الشعبتين وتاخد كمياء فى الأول.

القرار الثانى
الاختيار وده معتمد عاى صلاة الاستخارة: انتا قدامك وقت من دلوقتى لحد شهر 8 براحتك فكر وصلى تانى وتالت ورابع.

وانتا عارف برضه ان احياء تانبة اسهل من تالتة لان اصل ثانوية عامة كانت تالتة بموادها الثقيلة يكفى الفيزياء والعربى وعلى فكرة برضة أحياء وفيزياء أسهل من فيزياء ورياضة 2 وهناك برضه ناس دخلوا كليات شعبة علوم من تالتة وحققوا المستحيل.

الامر بس توفيق من عند ربنا انا دلوقتى فى تانية ثانوى أحياء ونفسى أدخل طب بشرى بس انا كان ليا ثلاتة اصحاب - وهم اصحاب جدا- أكبر منى بسنة

1- دخل طب المنصورة وكان التالت على المدرسة أحياء تانية.
2- دخل طب خاص اكتوبر احياء تانية.
3- دخل صيدلة المنصورة احياء تالتة على الرغم من أنه ااقل فى المستوى من التانى.

الموضوع عاوز مثابرة وتفاؤل وتوفيق فى نفس الوقت عشان تحقق هدفك. لانك متعرفش الخير ليك فين بس الانسان مطلوب منه السعى وهو الغاية التى خلق من أجلها.

بما انك حددت الصيدلة مش معنى كدة انك هتنقطع للعلم ده عن سواه

لان هناك ناس تعرفوا على العلوم الأخرى ثم الفوا فى جميع العلوم وكانت مؤلفاتهم مشهودة ومعمول بها لحد الأن
علماء المسلمين زى ابن النفيس وابن البيطار والحسن بن الهيثم وابو بكر الرازى كل واحد كان مألف على الأقل فى أكثر من علمين بعيد عن تخصصه.

وأقرب مثال فعلا الدكتور مصطفى محمود - رحمه الله- خريج طب بشرى ألف فى الدين والفلسفة و وعلم النبات والحيوان والفلك والأدب وأدب الرحلات وربط كل ده بالقران الكريم وفسر ايات مرتبطه بالعلم.

لان كان من الذين عاشوا فى عصر العقاد او بعده بفترة قصيرة والعقاد كان بينادى بان الانسان ذو العلم الواحد منعزل عن العالم لانه ميعرفش غير فى العلم ده وده طبعا مش كويس

وفكرة العقاد دى اوروبا بتحاول تتطبقها حديثا مع كل التقدم العلمى المسروق منا طبعا.


خلاصة الكلام:
طالما عاوز صيدلة قرارك الأن أحياء تانبة أو أحياء تالتة لو عاوز هندسة يبقى الوزارة وفرت عليك تفكيرك

ومين قالك إن رياضة 2 ساهلة
أنا كنت عاملة ذيك كدا وكنت بقفل في الرياضة والأحياء
بس ماقدرش أتخيل حياتي من غير رياضة

أخدت كيمياء ومع الرغم من أني كان مجموعي كبير دخلت رياضة في ثالثة
ملحوظة :
رياضة 2
6 فروع ميكانيكا، وديناميكا
جبر ، تفاضل
تكامل ، هندسة فراغية

وبتمتحن 3 إمتحانات لو لك صبر علي المسائل وأفكارها :stickjo4:
ربنا معاك

طب ما انا كويس فى المادتين بس انا كان عليا ان اختار

وبعدين انا قلت ان رياضة 2 والفزياء اصعب انا مقلتش حاجة غلط وانا عارف ان فروعها 6 والمنهج شرح بيخلص متأخر حبتين

هى اصعب من الفيزياء كمان انا عارف

بس انتى كنت سائلة فى سؤال احياء قريب جدا؟؟؟؟:excl:

مفيش حاجة اخى الكريم المهم تكون استفدت

وانا اكبر منك بسنة يعنى 2 ثانوى واحياء كمان وادعيلى بقى عشان الوزير الجديد مش راحمنا خالص


واسال برضه ناس اخرين علشان دة مستقبلك وانا اكيد معنديش خبرة اوى انا قلتلك وجهة نظرى.


وربنا يوفقكك

المراجعة النهائية لمادة الأحياء من اعداد الموجه العام للمادة
 

دي أختي هي اللي في أحياء
بس أنا اللي بدخل علي النت وبكتب ليها الأسئلة اللي هيا عيزاه

أسئلة محيراني
 

س1 : لماذا لايعتبر الإدماع نتح ؟

س2 : ماذا يحدث إذا وضع شخص سليم علي جهاز الكلي الصناعية نتيجة خطأ في تشخيص حالته ؟

س1 : لماذا لايعتبر الإدماع نتح ؟
لان النتح هو فقد النبات للماء فى صورة بخار ماء بينما فى الادماع يفقد النبات الماء فى صورة سائلة
س2 : ماذا يحدث إذا وضع شخص سليم علي جهاز الكلي الصناعية نتيجة خطأ في تشخيص حالته ؟
لايحدث له ضرر لان تركيز المةاد الاخراجية فى دم الشخص اعلى منه فى سائل التنقية فتنتقل المواد الاخراجية من دم الشخص لسائل التنقية

جزاكم الله خيرا يا أستاذنا الفاضل

لو سمحت نزل الرابط جاهز انا كل شوبة بدخل على موقع مختلف وكل واحد عاوزنى اسجل.

انا اسف لو بتدخل فى شئون الأخرين. :(

خلاص متعبريش طلبى دة ده كان عصف ذهنى وعك منهجى وخطا فنى.

على كل طالب أحياء التفضل بالدخول
 

ردا على طلب العضو العضو sara وهو:

بسم الله الرحمن الرحيم

يا جماعه فى منتدى اللغه العربيه زميلتنا شيرين اضافت جدول لمذاكرة اللغه العربيه ف 11 يوم

ياريت الى عاوز يذاكر دلوقتى عربى يشترك معاها بجد هيستفيد اوى

وانا عجبتنى فكرتها دى بس انا عوزه ابدا بالا حياء


واللى عوزين يراجعوااحياء الاول يلا نبدا نذاكر ونحاول نخلصها مع بعض

بحيث ان احنا نخلصها وندخل ع الماده الى

بعدها وايه رايكوا لو كل واحد يعمل جدول بس يا ريت يكون ف وقت قياسى وجدول مريح

والجدول الى هيعجبنا هنختاره ونمشى عليه كلنا

ايه رايكوا ؟؟؟؟؟؟؟؟؟؟عاوزه اشوف الردود عوزين نشجع بعض ونتعاون يا جماعه


اختكم sara


وده كان رايي:
انا من رايي كل فصل له يوم واحد بحيث

1- كل زميل يذكر الأسئلة اللى وقفت عليه وأصعب الأسئلة اللى كان قابلها فى الفصل حتى ولو كان عارف حلها عشان نستفيدفى الفصل والباقى عليه الحل.

2- لو فى حد له اسئلة متأخرة عن اليوم اللى قبله يبقى يقولها برضه. مفيش مشكلة.

3- عشان الوقت من ذهب كل المشاركات إن شاء الله هتبقى عبارة عن أسئلة وأجوبة.

هى الفكرة جميلة بس ياريت الإخوة يقبلوا عليها

بس الموضوع دة يا سارة اذكريه خارج صفحة المواضيع دى عشان كدة محدش هيسمع رأيك ولا حد هيشوفه

ان شاء الله الكل هيستفاد بس المهم نحد يوم البدء بعد ما نتفق على النظام اللى هنمشى عليه وانا من رايى برضه نبدا من النص من اول فصل التكاثر ونبقى نتفق على عدد كام يوم للفصل الواحد لو نظام يوم منفعش.

والأهم من كدة لو كان كل واحد له صديق احياء على الموقع يرسله رسالة خاصة بكدة وكله هيشارك

وانا بشوف مشاركات طلبة هنا على منتدى الاحياء احسبهم ان شاء الله من الطلبة المتفوقين وده عامل يكفى وزيادة بدون ذكر الاسماء لانى عضو جديد ميعرفونيش.

اهم حاجة فى الموضوع دة الوقت وسرعة المشاركة والاتفاق على شئ يرضى الكل.


وانضمت الينا العضو حفصة المكاوى.

نحن فى انتظاركم

الرجاء الدخول
 

المهم ان الجين بيحمل على كروموسوم كامل اظن كده و بعدين ايه التفكير الشارد ده ركز احسن فى اللى علينا و من فضلك عايزه الاجابات النموذجية لاسئلتك

وانا موافقة جز اكم الله خيرا

وانا موافق

الف الف شكر ليك ع تعاونك معانا
وان شاء الله ربنا يوفقنا جميعا
بس ياريت يكون ع بكره عشان كده الوقت بيعدى وزى ما قلت الوقت من ذهب
وفكرة كل يوم دى كويسه جدا ده برضو الى انا فكرت فيه بس عوزين نشوف بقى الآراء
عشان نبتدى

كويس يا جماعه بس عوزين نشوف رايكوا يعنى عوزين نظام نمشى عليه كلنا انا بالنسبه ليه عجبنى اوى فكرة كل يوم فصل زى ما قال اخونا nooneasme1 وع رايه يا ريت نبدا من النص بحيث اننا منزهقش لان لو زاكرنا من الفصل الاول هنعد نقلب ف الصفح وهنحس اننا لسه قدامنا كتير ع اما نخلص الماده انما لو زاكرنا من النص ده هيدينا دفعه قويه ونخلص المنهج بسرعه
وعاوزه اشوف اللآراء

ايه يا جماعة مفيش حد يرد علي ولا ايه

خلاص يا جماعة
احنا هندأ امتى؟؟؟؟؟
مفيش وقت نضيعه!!!!!!!

عوزين نجمع عدد كبير عشان نبدأ يلا يا جماعه
وياريت نحاول كلنا ندعو زمايلنا الى ع المنتدى يدخل ويشارك معانا وان شاء الله بكره نبقى نحدد هنبدأ
امتى لان مش عوزين نتاخر عن كده