هل ممكن احول من اكاديميه القاهره الجديده (نيو كيرو) بعد ما اقضي اول سنه فيها للعاشر او الشروق

انا جالي معهد الجزيرة العالي هندسة ولكن معرفش عنه حاجة خالص وسمعت انه مش متسجل في نقابة المهندسين(لاني كلمت النقابة)
ولسه مخرجش ولا دفعة عايز اعرف معلومات عنه؟
للعلم بفكر احول اكادمية اخبار اليوم علوم حاسب فياريت حد يفيدني وشكرا

انا جتلي حاسبات العاشر رأيك احول ل هندسة كايرو اكاديمي ولا اكمل فيها و هوا يننفع احول لحاجة انا مش كاتبها في الرغبات ؟؟

لــــــــــــــــــــو ســـمحت اانا عاوز اتواصل معاااك ضروري لان في موضوع مهم جدا عاوز اكلم حضرتك فيه ياريت تكتبلي الياهو عشان اتواصل معاك ياريت

dodo.marzouk***********

بص تفرق لو انت بتحب هندسة يبقى كمل فى الاكادمية ما بتحبها يبقى حول دة طبيبعى

اسئل انت بتسئلنى بين مجالين مختلفين تماما فدة شىء يرجع ليك فى الاول والاخر

اقعد مع نفسك وشوف انت عاوز تبقى مهندس ام موظف حاسبات ومعلومات

نيوا كايروا... ما سمعت الاسم دة من قبل لو ينفع تدينى الاسم الرسمى ليها

بالنسبة لو هى معتمدة يبقى اة ينفع تقعد سنة وبعدها تحول لاى معهد انت عاوزة

اة الكتب او الورق كلها انجليزى لاكن الشرح عربى وما تقلق والله سهل انت مش هتحس بالسهولة الا لما تدرس وتحط نفسك فعلا

اى شىء جديد على الانسان بيحس انة صعب لاكن لما يندمج يلاقى انها اسهل من السهولة

اولا هو لسة ما اتسجل فعلا ويفضل ما تدخلى معهد مش متسجل بعيدا عن اى مشاكل ممكن تحصل فى المستقبل

عاوزة تحولى حاسبات دة تخصص تانى خالص ودة يرجع ليك شوف انت عاوز تدخل اية وبتفكر تبفى اية فى المستقبل وبعدها قرر وانا معاك لو عزت اى سؤال

ياجمااعة الحاسبات تخصص والهندسة تخصص تانى ما ينفع تاخد راى فى كلتين مختلفين عن بعض انا ممكن اقولك رائى فى قسم من اقسام الهندسة لاكن مش راى فى كلية تانية لانها مستقبلك

انت الى تختار عاوز تدخل هندسة ام حاسبات

وبالنسبة للتحويل انت بتشوف جالك اية وبتقعد فية سنة وبعدها تحول عادى

من عنى

اتفضل

hegazy.family على الياهو

يعني الشهادة اللي بيحصل عليها ملهاش لازمة تمام من معهد الجزيرة

بص معهد الجزيرة لسة مش معتمد ممكن لما يجى يخرج دفعة ما ياخد اعمادة ممكن يبقى فية مشاكل فى النقابة علية طيب ولية تحط نفسك بين المخاطر

انت ادخل معهد معتمد اضمين ليك ولو عاوز تحولة استنى لما ياخد اعتمادة من النقابة وبعدها حول

عايزك تقولي كل حاجه عن المعهدين دول
معهد القاهرة العالى للحاسب والمعلومات والإدارة بالتجمع الخامس
المعهد الكندي للتكنولوجيا والهندسة والإداره

و ههلي الكندي ده هو cic
و هل الاتنين لوو دخلتهم ممكن احول بعد اول سنه للعاشر او الشروق مثلاً و ايه مستواهم

طب معلش هتعب حضرتك شوية انا ممكن اخش فيه اعدادي بعد كده احول لاخبار اليوم هندسة مثلا
ولو حولت بعد كده هخش اعدادي برضه(اعيد السنة) ولا هخش ثانية

انت مصر باى صطريقة تدخلة انت حريتيك انا فولتلك الى اعرفة انت عاوز تحط نفسك بين المخاطر وبس

فيها اية لما تدخل اى مهد تانى معتمدوتقعد سنة وبعدها تحول لاى معهد اخر

ما اعرف هل لو دخلتة ممكن تحول ولالا لان وضعة فى النقابة مش مستقر

hamada.h9080***********
 

السلام عليكم انا جالي معهد السلام للهندسة في مدينة السلام اية راي حضرتك فية هل ادخلة ام في معاهد افضل منة

معهد السلام عادى بس فية الى احسن منة زى معهد العاشر او الشروق او السلاب

فانت لو فكرت تدخل اى معه فى دول انت اقعد فى معهد السلام سنة وجيب تقدير كويس وبعدها حول للمعهد الى بتفكر تدخلة

hamada.h9080***********
 

معهد السلام فية سكن للطلبة واية نظام السكن

معلش هتعب حضرتك شوية ممكن حضرتك تقولي الافضل من بين هذة المعاهد ياريت حضرتك ترتبه من حيث الافضل
العالي للهندسة والتكنولوجيا التجمع الخامس
معهد الصفوة العالي هندسة وتكنولوجيا بالقليوبية
معهد طيبة العالي للهندسه بالمعادى
الاهرامات العالي للهندسة والتكنولوجيا -6 اكتوبر
ع.هندسةوتكنوالعبور ك21 طريق بلبيس الصحراوى
معهد عالي هندسه معماريه 6 اكتوبر
معهد عالي هندسة وتكنولوجيا المنيا الجديدة
الأكاديميه الحديثة بالمعادى هندسة
معهد الإسكندرية العالي للتكنولوجيا بسموحة
السلام العالي للهندسة والتكنولوجيا بمدينة السلام

ما اعرف ما ليا حد هناك علشان اعرف منة

من عنى اتفضل :

الأكاديميه الحديثة بالمعادى هندسة
معهد طيبة العالي للهندسه بالمعادى
معهد الصفوة العالي هندسة وتكنولوجيا بالقليوبية
السلام العالي للهندسة والتكنولوجيا بمدينة السلام

وباقى المعاهد اعتقد انها عادية فى الترتيب ما تفرق

ملحوظة الترتيب دة من عندى اعتمادا على المعلومات الى اعرفها ممكن تكون صح او غلط فانا بشر قد اخطاء وقد اصيب

تحياتى

اولا شكرا علي سعة صدر حضرتك وكان عندي سؤل مهم جدا هل خريج المعاهد الخاصة ينفع يحضر دكتوراه من اي جامعة حكومية ولا اية

مافية شىء اى استفسار عندك اسئلة

طالما المعهد معتمد من النقابة ومسجل يبقى تقدر تحضر ماجستير ودكتراة عادى

هل يوجد سكن للطلبة في معهد طيبة
وايه المصاريف الاضافية بتاع اية

لا ما تسئلنى عن سكن اى جامعة او المعهد غير الروسية دة الى اعرفة

مصاريف اضافية دة بقى ترجع لو اشتريت كتاب او ورق لدكتور او اجار شقة لو سكنت هناك او اكل حبيت تشترية او فلوس مواصلات كدة يعنى

لو سمحت يابشمهندس خالد انا عايزه اعرف المعهد العالي للهندسة والتكنولوجيا بالعبور كيلو 21 بلبيس معتمد من النقابة ولا لا اصل انا اتصلت بيهم وقالولي اول دفعه هاتتخرج السنه الي جاية وبعد كده هاتعتمد من النقابه مع انه النقابة منزلها على الموقع بتاعها ضمن الكليات والمعاهد الخاصه الي مقيده في النقابه فانا عايزه اعرف دلوقتي هل هيبقى كده معتمد ولا لا ؟ ارجو سرعة الرد وشكرا لحضرتك

hamada.h9080***********
 

ايهما افضل ولماذا معهد طيبة ام الاكاديمية الحديثة بالمعادي

طالما انتى شوفتى اسم المعهد على موقع النقابة يبقى اذا هو معتمد واول ما تتخرج اول دفعة راح تاخد كارنية النقابة بدون مشاكل
لان دايما النقابة بتستنى اى معهد او جامعة جديدة تخرج اول دفعة وتبدا تديها الاعتماد الكامل وكارنية النقابة

تحياتى

اكادامية المعادى افضل لان التعليم بيها اعلى ومستوى الرقى احسن

طيب لو سمحت يابشمهندس مين احسن المعهد ده الي هو معهد العبور ولا معهد الصفوة؟ وميرسي جدا لحضرتك

معهد العبور

العفو

انا عايز اسئل عن معهد القاهرة العالي للهندسة وعلوم الحاسب والإدارة اللى فى التجمع الاول
هل معتمد ومقيد بالنقابه ولا لا مع العلم ان ده اللى مكتوب على موقعه

بص اى معهد او اكادمية او جامعة عاوز تعرف مقيدة او لا فى النقابة

ادخل على موقع النقابة عن طريق جوجل وهتلاقى فى اسفل الموقع لنك للجامعات المقيدة بالنقابة

اضغط علية هيفتحلك صفحة هتلاقلا على يمين الصفحة لنك اخر اسمة المعاهد والجامعات الخاصة

وهتلاقى كل المعاهد الى متاقيدة وبكدة هتعرف مين الى مقيد او لا

انا بالفعل عملت كده ودخلت هنا http://www.eea.org.eg/university/U2.HTM مكتوب رقم 27 بس بالتجمع الخامس مش النجمع الاول .
يعنى مفيش معهد اسمه " معهد القاهرة العالى للحاسب والمعلومات والإدارة بالتجمع الخامس "
بس في "معهد القاهرة العالي للهندسه وعلوم الحاسب والإدارة بالتجمع الاول " ؟!! فهل هو هو

انا مش لاقى التجمع الاول خالص فى النقابة ومش عارف هل التجمع الخامس هو هو ولالا

بس الانسب ان الحل المتبقى الان انك تتصل النقابة وتسئلهم مباشرة لان اوقات النقابة بتتاخر فى انها تحط المعاهد المعتمدة عندها على النت

السلام عليكم لو سمحت عايز اعرف اية رايك فى معهد طيبة للهندسة بالمعادى وكام مصاريفو بيقبل من كام

أولا أنا أحب أشكر حضرتك علي المجهود العظيم لافاتدنا جميعا :d بس انا كان عندي استفسار عن الجامعة الحديثة للتكنولوجيا والمعلومات mti أنا قدمت فيها هندسة بس قلقان هي مش معروفة جيدا , أنا تعبت من التفكير كثيراااا علما بان مصاريفها تصل الي 30 الف فأرجواا منك أفادتي بعلومات عنها وكنت عاوز اسئل من الأفضل mti or FUE قسم الهندسة .............. thnx

أولا أنا أحب أشكر حضرتك علي المجهود العظيم لافاتدنا جميعا بس انا كان عندي استفسار عن الجامعة الحديثة للتكنولوجيا والمعلومات mti أنا قدمت فيها هندسة بس قلقان هي مش معروفة جيدا , أنا تعبت من التفكير كثيراااا علما بان مصاريفها تصل الي 30 الف فأرجواا منك أفادتي بعلومات عنها وكنت عاوز اسئل من الأفضل mti or FUE قسم الهندسة .............. thnx

وعليكم السلام ورحمة الله وبركاتة

معهد طيبة حسب التنسيق الحكومى يعنى ما هتقدر تعرف بيقبل من كام الا لما يطلع تنسيقة حسب مرحلتة

ومصاريفة السنة دة متغيرة يعنى الافضل تتصل بالمعهد الاول لاكن اعتقد انها فى حدوج 9 الاف جنيهة او اقل

تحياتى

بص لو الجامعة انت اتقبلت فيها يبقى تمام اوى انت اقعد فيها اول سنة الى هى اعدادى وبعدها حول لاى جامعة اخرى انت عاوزها مشهورة زى فاروس مثلا او الروسية او الفرنسية بس الاهم انك حجزت مكان ليك السنة دة فى الهندسة

وبينى وبينك سيبك من جملة اصلها مش معروفة المهم التعليم فيها لو حسيت انة قوى استمر حسيت انة اى كلام حول بعد سنة والمعلومات عنها هى ليها جروب فى الفيس بوك ادخل علية هتلاقى الطلبة فيها بتقول كل شىء عنها

fue قولى اسم الرسمى للجامعة دة لانى مش واخد بالى منها

اولا اجب اشكرك على الموضوع العظيم و المجهود الجبار ده
ثانيا انا لاحظت انك بتقول ان الاكاديمية الحديثة للهندسة و التكنولوجيا بالمعادى غير مودرن انا بصححلك المعلومة دى لأن هما الاتنين واحد و انا مقدم فى مودرن اكاديمى و دفعت المصروفات و كانت حوالى 12600 شاملة برنامج udc الأكاديمية الحديثة للهندسة والتكنولوجيا بالمعادى

اولا شكرا ليك على كلامك

ثانى شىء راح اشوف واتاكد من المعلومة دة لان فية اثنين جامعة واكادمية فى المعادى فهتاكد وارد عليك وشكرا ليك على تصحيح المعلومة لو هى غلط

تحياتى ليك

فيه جامعة اسمها جامعة mti أو الجامعة الحديثة وديه فالمعادي قدام الاكاديمية الحديثة علطول اللي هي مودرن اكاديمي ..
تحيااتي

تمام حضرتك اللى فرق بينهم ان الجامعة فى اول الشارع و الاكاديمية فى اخر الشارع مع العلم الاتنين ملك شخص و هو نبيل دعبس صاحب قناة مودرن سبورت بردو

طب ابه رايك في معهد العبور العالي اللي جوه في العبور مش على الطريق

ممكن اسأل حضرتك سؤال
وعلى اساس الاجابه انا هحول اى كلية علوم ان شاء الله

خريج هندسة العاشر والشروق
زى الطيران والسلاب
زى الروسيه والبريطانيه

كلهم زى بعض
يعنى اللى جاب فوق 90 زى اللى جاب 70

وممكن يحولوا من معهد فى التنسيق الحد الادنى ليه 85 الى معهد الحد الادنى ليه فوق 90
انا حاسس من ساعة القاهره ما راحت منى مش عارف اروح معهد ايه
يكون كل اللى فيه على مستوى واحد
وفى الاخر يتقال انا خريج هندسه
مفيش فرق خالص
يا رب اكون عرفت اوصل اللى جوايا لانى ملخبط

مش عاوز تعبى يروح ادامى
والااتوكل على الله واروح علوم

انا عندى اصحابى بيقولوا كلها هندسه وهما جايبين 70 و75 و80
والصراحه الكلمه دى بتضايقنى

حضرتك فى حاجة لازم تعرفها كويس ان الثانوية العامة ليست مقياسا لمستوى الطالب العلمى يعنى مثلا فى ناس الرياضة دى عندها حاجة عبيطة و يقفلها بسهولة جدا فى حين انه ليس بنفس المستوى فى باقى المواد و بما ان النظام غبى فبنخسره و يخش تجارة او حقوق بحيث ان عقليته تؤهله لأعلى من كده و فى طلبة ذاكرت كويس بس مكنش فى توفيق او حصلت ظروف فا الجامعات الخاصة بتوفر ده انه يخش هندسة و معلش حضرتك فى اللى انا هقوله ان الميل دلوقتى و خصوصا فى الاقسام زى الميكانيكا بتتوجه الشركات للخاص على اساس انها بتوفر الاجهزة و بيكون الطالب متدرب عليها و جوة الكلية مفيش حاجة اسمها ده الاول على الجهورية المهم مين اللى هيقدر يكمل المشوار فى حين ان كانت فى سنة بس مش فكرها ان 5 من اوائل الجمهورية عادوا السنة فى كلياتهم فالكلية هى اللى بتبين المستوى الحقيقى للطالب ......... انتا لو شايف نفس بتحب الهندسة و الامكانيات المادية تسمح خلاص خش


ربنا يوفقك


اخوك طارق علمى رياضة 91.2 و دخلت هندسة ميكانيكا مودرن اكاديمى

قرار النقيب سيمنع قيد الهندسة الخاصة تحت 10% عن الحكومي فلا تقلق

اخى الكريم
انا فاهم كلامك بس انا ملخبط ومش قادر اخد قرار وعارف ان الثانويه مش مقياس لمستوى حد
بس مش عاوز احس ان الكل فى الاخر بيتساوى مع بعضه وعلى العموم اللى كاتبه ربنا هيكون
ان شاء الله

ويارب يهدينى واخد قرار الطيران والا العاشر يا رب