|
مساعدة المحتاج طريق إلى الجنة
السلام عليكم ورحمة الله وبركاته الحقيقة ماكنتش عاملة حسابى فى موضوع معين فا قلت أختار موضوع من مواضيعى وهو مساعدة المحتاج طريق إلى الجنة نعم إنها الجنة نعم إنه النعيم الأبدى نعم إنه طريق إلى الجنة طريق لمساعدة من يحتاج فقد ثبت عن الرسول صلى الله عليه وسلم انه قال " من فرج عن مسلم كربة فرج الله عنه كربة من كربات يوم القيامة ومن ستر مسلماً ستره الله يوم القيامة " صدق رسول الله صلى الله عليه وسلم فمن منا لا يرغب فى الستر يوم القيامة بالطبع كلنا نريد الستر فاللهم إسترنا فوق الارض وتحت الارض ويوم العرض عليك فمن منا لا يحتاج الدعاء كلنا نحتاج الدعاء دعوة أرملة تعول أطفالها ولا تجد مأوى دعوة فقير لا يجد قوت يومه دعوة مريض لا يجد علاج دعوة عروسة لا تجد من يساعدها فى الجهاز دعوة عجوز لا تجد أبسط الحقوق للمعيشة كأدمية ربنا يسترها معاك يا بنى ربنا يسهلك طريقك ربنا يحبب فيك خلقه ربنا يرزقك بالخلف الصالح ربنا ميحوجك لحد أبداً الله على هذه الدعوة البسيطة التى تخرج من فم من يحتاج شعورها أكبر من إنها كلام شعورك بها وكأن السماء تفتحت للدعوة وتحس إن الله قد تقبلها لأنك فقط رسمت البسمة على وجه شخص ربنا يرزقنا الفردوس الأعلى بهذا العمل فالمساعدة تعنى الكثير والكثير ومن منا لا يستطيع المساعدة ولو بالكلمة والكلمة الطيبة صدقة وقال رسول الله صلى الله عليه وسلم " إن لله عباداً إختصهم لقضاء حوائج الناس وحببهم فى الخير وحبب الخير إليهم " صدق رسول الله صلى الله عليه وسلم جزاكم الله كل خير :) فى أمان الله |
جزاكى الله خير يا مها
ربنا يجعله فى ميزان حسناتك |
جزاكى الله كل خير
|
اقتباس:
جزاكي الله خيرا في ميزان حسناتك ان شاء الله في امان الله و تم اختيار اخونا عادل dr zomba و جاري ارسال الرسالة الخاصة في انتظار خاطرته في امان الله |
اقتباس:
في البداية بشكر اخويا وحبيبي شريف الخضري علي الفرصة دي ربنا يكرمه ويوفقه في حياته وبجد بحيي مها علي الخاطرة الجميلة وربنا يجعلها في ميزان حسناتها ويكرمها ويوفقها انا فعلا بشكرك يا شريف انك اديتني الفرصة دي لاني كنت عايز اقول اللي حصلي لكل الناس احساس انك توصل لربنا وانك تحس ان ربنا استجابلك محدش يقدر يحس حلاوة الاحساس دا غير اللي ذاقه انا لحد اخر السنة اللي فاتت مكنتش بصلي بانتظام وكنت بحاول كتير واقطع وكان في يوم جمعة وانا متعود اتفرج علي الاستاذ مصطفي حسني وبعدها بحوالي ساعة ساعتين بتفرج علي برنامج علي قناة الرحمة للدكتور حازم شومان الاستاذ مصطفي حسني كان بيتكلم عن مداخل الشيطان للمسلم وبالذات المسلم اللي بيحاول يجاهد نفسه بيفشل اه بس بيحاول تاني يعني الشيطان ممكن يدخلك من المدخل الديني يعني انت مصليتش طول اليوم وسمعت اذان المغرب وقولت انا نفسي اقوم يجي الشيطان يقولك يعني انت مصليتش طول اليوم وجاي دلوقتي تقول عايز تصلي خلاص ا بدأ من بكره بقي وتاني يوم تكون الحماسة اللي عندك راحت ايه الحل ؟؟؟ الحل ان حضرتك لما تكون ناوي تصلي ويجيلك الشيطان يقولك كدا ( وتأكد ان اللي يلهيك عن الصلاة شيطان ) قوله ملكش دعوة انت مش ربنا عشان تحاسبني اعمل اللي عليك لان اكيد اكيد ربنا مش هيعاقبك عشان انت صليت المغرب وسبت باقي اليوم بالعكس دا انت ليك اجرين لانك بتجاهد نفسك وغير كدا ان ساعة الحماسة مش بتيجي كتير يعني لما تيجي لااااازم تستغلها .........وهكذا بصراحة الكلام دا هزني بس كنت لسة محتاج دفعة تانية ولما اتفرجت علي الدكتور حازم شومان كان بيتكلم عن يوم الحساب اول مرة في حياتي اتخيل يوم الحساب وانا واقف قصاد المولي عز وجل وبيسألني يقولي : انت مكنتش بتصلي ليه ؟ مكنتش بتشكرني ليه ؟ كنت بتعبد البشر والتفزيون ومبتعبدنيش وانا اللي اديتك كل النعم اللي انت كنت فيها ولو كنت فضلت تصلي طول عمرك عشان تحاول تردي جزء صغير جدا من النعم اللي ادتهالك مكنتش هتقدر توفيها انا الملك ربك ورب العرش العظيم وزي ما انت نسيتني في الدنيا انا هنساك النهاردة وهوريك عذابك وكل دا وانا لحم وشي بيتساقط من كتر الخجل وينادي الملائكة ويجوا يقيدوني بالسلاسل ويجروني علي وشي لحد الجنة .................وهكذا انا ساعتها اخدت قرار اني هصلي من بكره لان ساعتها كانت الساعة 12 بليل بس قولت اكيد قراري هيبقي زي كل مرة وهضعف ومحدش من البشر هيقدر يساعدني في حاجة زي كدا افتكرت حاجة ولما افتكرتها زعلت من نفسي اوي الحاجة دي اني ملجأتش لربنا ساعتها دخلت اتوضيت ونويت بقلبي واول مرة تحصل وصليت حسيت اني بصلي بقلبي وسجدت لربنا كأني اول مرة في حياتي اسجد وبكيت بكاااااااااااااأ وفضلت ادعي ربنا انه يساعدني اني اقربله كل دا بقلبي فضلت ساجد حوالي نص ساعة والله ما حسيت بالوقت وفلحظة وانا ساجد حسيت اقسم بالله ان ربنا تقبل دعائي كأنه عز وجل بيقولي وانا قبلت اساعدك وافتكرت الحديث القدسي اللي بيقول :(إذا تقرب العبد إلي شبراً تقربت إليه ذراعاً، وإذا تقرب إلي ذراعاً تقربت منه باعاً، وإذا أتاني يمشي أتيته هرولة .) وحسيت كأن كل اللي حصل دا انا اللي مقصود بيه ان ربنا قاصدني عشان اتفرج علي البرامج دي وتكون سبب اني ارجعله تاني واقسم بالله يا جماعة بعد اليوم دا مفيش ركعة واحدة فاتتني الحمد لله وكنا ساعتها داخلين علي الاجازة يعني كنت فاضي بقيت بحاول اتقرب لربنا بالنوافل وبحاجات كتير حسيت زي ما اكون كنت عطشااااااااااان جدا جدا ولقيت قصادي نهر مياه بجد بقيت بحس اني مستني الاذان يأذن عشان اصلي بقيت بستني الصلاة وبجد فهمت ازاي الرسول صلي الله عليه وسلم كان بيقول: (ارحنا بها يا بلال.) وكان رمضان اللي فات دا احسن رمضان قضيته طول حياتي لاني قضيته مع ربنا بقدر كبير بجد يا جماعة الحياة مع ربنا ملهاش مثيل انك نايم مش خايف تموت احسن ربنا يحاسبك انك تنام وضميرك مرتاح لانك مش مقصر مع ربنا وبإذن الله طموحي موقفش عند كدا لا انا ان شاء الله طموحي اعمل كتير للاسلام بس ربنا ييسر :) اسف بجد اني طولت عليكو ويارب يارب يارب اكون قدرت افيد اي حد :) وربنا يكرمك مرة تانية يا شريف علي اتاحة الفرصة دي ليا :) |
اقتباس:
بس بجد ممكن اقول دى اجمل خاطرة قريتها لانها نابعة من داخل القلب وفعلا صادقة مش كلام متزوق لا كلام بسيط ومؤثر جدا جزاكم الله كل خير ثبتكم الله ع ماانتم فيه |
اقتباس:
شكرا لحضرتك علي المجاملة والكلام الجميل والحمد لله ان الاسلوب وصل زي ما كنت اتمني انه يوصل ويارب يوصل للكل الناس المعني دا شكرا لحضرتك مرة تانيه :) |
اقتباس:
ايه ده يا عادل ايه الحلاوة دي فعلا احلي خاطرة قريتها جزاك الله خيرا و ربنا يثبتنا واياك مين امين شكرا لك ي عادل اتمني ان تكون استمعتعت في امان الله |
اقتباس:
دي يمكن تكون اقل خاطرة موجودة في وسط كل الخواطر الجميلة اللي في الموضوع واكيد طبعا يا شريف مستمتعتش لان كلمة استمتعت دي قليلة جدا انا كنت مستني الفرصة دي عشان احكي بجد جزاك الله كل خير وشكرا ليك مرة تانية علي الفرصة دي :) |
السلام عليكم ورحمة الله وبركاته
لقد تم اختيار اختنا لؤلؤة المحيط في انتظار خاطرتها ان شاء الله في امان الله |
السلام عليكم
السلام عليكم ورحمه الله وبركاته شكرا يا شريف وده طبعا زى ما قولت مش تشريف ده تكليف وأنا هاكتب عن شئ اثرفي شئ لم يكن علي الحسبان عمري ما اتخيلت إن ده ممكن يحصل في بيتنا أول مره اعرف حاجه اسمها الموت أول مره اشوفه بيخطف اعز الناس عندي كانت اول مره احسن بالدنيا اللي احنا عايشنها حصل ده مع احد أقاربي كان ابن خالي أنا فعلا حسيت بعدها بحقارة اللي الدنيا للي احنا عايشنها لما يكون طفل في عمر الزهور عمره كان سنتين كان أجمل حاجه عندي هابدا الحكاية من الأول أنا خالي تزوج من قريب وأنجب توأم سماهم سيف وفارس كانوا أجمل حاجه ومن فتره كان يوم ميلاد شخص في العائله عندنا فخالي قالنا إن إحنا نقضي اليوم عنده ووافقناكانت آخر مره أشوفه فيها كان يوم جميل قضينا اليوم مع بعضنا ولعبت معاهم هم الاثنين _اقصد سيف وفارس_ وكان يوم حلو جدا واليوم خلص بسرعة ابن خالي الأول سيف كلنا عارفين انه بيعيط كتير لما حد يمشي فخالي قالي أنا هاخده وامشي وبعدها امشوا انتم ابن خالي الثاني فارس كان في البيت مش خرج معاه لأنه هادي ويضحك وعادي خالص اخدنا العربية ومشينا بس بعد فتره افتكرنا إننا نسينا أوراق مهمه عند خالي فرجعنا تاني وأنا رجعت اجبهم كان فارس بيعيط لأننا مشينا ده مش عادته أول ما شافني مسك في جامد ومش عايز يسبني بيعيط بطريقه فظيعة عمره ما كان كده المهم اخدت الأوراق ووقفت شويه ومشيت كان صرخة صعب جدا دي آخر مره شفته زى ما يكون حاسس انه مش ها يشوفنا تاني بعدها بكام يوم كان عندي درس ورجعت البيت مفيش حد في البيت خالص غير اخويا وأولاد خالتي ومفيش حد عايز يتكلم كانت زوجه خالي وسيف وفارس في المطبخ وقت غداء وبتجهز الأكل عادي وهم واقفين وهي بتجهز المائدة في الغرفة فارس شد البوتوجاز علي كان عليه مكرونه بتسلق المياه الساخنة كانت عليه بس المشكلة إن خالي شغله مش في نفس المحافظة وإحنا في محافظه ثانيه الجيران اخدوه وراحو مستشفي الشيخ زايد بس المستشفي مفيهاش التجهيزات اللازمة الحالة كانت خطر كانت نسبه الحروق اكتر من 60%_ تصوروا طفل يتحمل ده كله والأصعب مفيش مستشفي كانت عايزه تاخده الحالة خطر ومفيش حد عايز يتحمل المسئولية المهم عرفنا نوديه مستشفي بس كان في وقت كثير فات كان في المستشفي 5 أيام وبعدها توفي اصعب حاجه اصحي من النوم في البيت قرآن شغال وفي ناس في البيت والبيت كله بيعيط وفي مكان للعزاء تحت البيت فهمت كل حاجه دي أصعب لحظه أنا طولت عليكم قوي في أنا فعلا حسيت بان الدنيا دي قليلة جدا مين يتخيل طفل عمره سنتين؟؟؟ دي كانت اخر حاجه نتوقعها عمري ما فكرت ان حاجه تحصلهم فعلا حسيت بان الدنيا دي مش حاجه دي اتفه شئ مفيش اتفه منها مش محتاجه كل اللي الناس بتعمله فيها ناس مش منتظمه وسماع اغاني وبعد الشباب عن الدين وناس همها الاول والاخير الفلوس عرفت ان ده كله مش حاجه انا عارفه اني طولت في الكلام بس كنت عايزه اوضح ان الحال اتغير في لحظه من اقصي لحظات لسعادة لأقصي حزن ممكن دي كانت أول مره اشوف الموت و اشوفه بيخطف اعز الناس الدنيا صغيره محدش عارف عمره قد ايه ممكن يموت كمان دقيقه كمان ساعه كمان سنه ممكن يكون عمره طويل بس لازم نعرف ازاي نتوب ونستغل الباقي من عمرنا ها كرر كلامي تاني العمر صغير مفيش حد عارف هيموت امتي لازم نستغل كل دقيقه كل وقتنا مش نسيب العمر يعدي واحنا مش واخدين بالنا ************************************************** **************************** للعلم أنا تعبت جدا وأنا باكتب الموضوع ده كان شريط الذكريات بيعدي قدام عيني من جديد |
اقتباس:
البقاء لله و ربنا يرحمه ويرحمنا جميعا وفعلا الدنيا دي حاجه تافهه جدا واحنا مدينلها اكبر من حقها وناسيين الاخره خاطرة رائعة صادقة جدا وربنا يصبركوا ويرحمه |
اقتباس:
خاطرتك مؤثرة جدا يا لؤلؤة جزاكم الله خيرا و البقاء لله وحده فعلا الموت بيجي في اي وقت و مفيش حاجة اتفه من دنيا الانسان ابدا ربنا يصبركوا ان شاء الله في ميزان حسناتك في امان الله |
اقتباس:
خاطرة جميلة اوى ربنا يثبتك و يثبتنا كلنا يا مقلب القلوب ثبت قلوبنا على دينك جزاك الله خيرا يا عادل :) |
لا اعرف ماذا اقول يا لؤلؤة ولكن هذه هى الحياة وهذا هو الموت لا يفرق بين صغير او كبير البقاء لله وحده وصبرك الله لان اصعب مافى الموت هو الفراق واتمنى ان تدعى الله سبحانه وتعالى ان يلهم اباه وامه الصبر والسلوان .
|
اقتباس:
بجد يالؤلؤة دا مؤثر جدا ربنا يرحمه ويصبر باباه ومامته |
ليه الموضوع وقف كل ده
ان شاء الله تم اختيار الداعية الجديد وهو المستر محمود فتحي في انتظار خاطرته ان شاء الله |
اختيار موفق يا شريف
في انتظار خاطره مستر محمود ان شاء الله تكون من اجمل الخواطر في الموضوع |
نظرا لمشغولات مستر محمود
تم اختيار برنسيسة الظلام كدداعية و ان اء الله يتم اختيار المستر يوم اخر باذن الله جاري ارسال الرسالة الخاصة في امان الله |
السلام عليكم ورحمة الله وبركاته اسفة جدا على التاخير لكن والله الكمبيوتر كان بايظ وحتى لسه مااتصلحش لغاية دلوقتى المهم طبعا انا بشكر شريف على التكليف الجميل دا المهم انا عجبنى جدا موضوع لؤلؤة المحيط واستكمالا للموضوع انا هاقول لكم قصة مؤثرة وحقيقة 100% وحصلت معانا شخصيا كل الحكاية ان بنت خالت ماما متجوزة واحد بيتشغل فى احدى المدراس ادارى وبالرغم من انه يعمل فى الوظيفة الحكومية الا انه تاجر ناجح يعمل فى جميع المجالات ويعيش فى حياة رغدة سعيدة وله من الاولاد ولدان انهوا تعليمهم العالى واسمهم عبدالله وياسر عبدالله كان مجند فى الجيش واخوه ياسر كان محامى تحت التمرين وخطب ياسر واصر ابوه ان يخطب لعبد الله حتى يزوج الولدان فى ليلة واحدة وامنية حياته ان يعمل لهم فرحا لم يسبق له مثيل ولكن ربما تأتى الرياح بما لا تشتهى السفن فاذا فى اول يوم فى رمضان جاء خبر حزين عند عمدة القرية بان الشاب المجند عبدالله قد مات فى حادث اليم حيث انه جرفه تيار الماء فى شلاتين فمات غريقا وهو يصارع الموت دون ان ينقذه احد وجاء الخبر فجأة الى امه وهى تعد طعام الافطار وهى فى قمة السعادة باستبقال اول يوم فى رمضان واذا ابوه يتقلى الخبر فقد ابنه كانت صدمة فظيعة تخيلوا اول يوم فى رمضان وتانى فرحه ليهم يوم فجاة وياتى لهم محمول فى عربة اسعاف وهو جثة هامدة فكان يوم سبحان الله عليه وربنا يصبر مامته والحمد لله صبرنا واحتسبنا ولكن الاختبار كان صعب اوى وصعب ان اى حد يتحمله ومحدش عارف ان فيه حزن تانى جاى فى السكة تتوقعوا حصل ايه بعد اسبوعين من وفاة عبدالله كان ياسر ذاهب الى القاهرة مكلف بحضور قضية فى القاهرة واثناء السفر حدث مالم يكن فى الحسبان العربية اللى كان راكبها عملت حدثة وللاسف نقل الى مستشفى بنى سويف وهو فى غيبوبة كاملة بسبب نزيف حاد وارتجاج فى المخ وطبعا مش هاقولكم على نظام المسشتفيات الحكومية سابوا ياسر دمه يتصفى مع نفسه ولا فى دكتور يراعى الحاله ولا حتى سائل فيه اول طبعا ماوصل الخبر لينا كان الكل هايجتنن بعد اسبوعين بس من وفاة اخوه ياسر يعمل حدثة لا الله الا الله المهم اكمل الموضوع طبعا باباه راح يشوف ابنه فى المستشفى راح وشاف الصدمة اخر اهمال فى ابنه طلب انهم ينقلوه فى عربية اسعاف لاى مستشفى خاصة علشان ينقذو اينه ولكن تقولوا لمين رفضوا انهم يدوه ابنه وكانوا سايبن ياسر لولا ان لينا وسطة جامدة كان ياسر هو التانى مات لكن الحمد لله ياسر اتنقل بعربية اسعاف الى مستشفى القوات المسحلة فى القاهرة واتعالج الحمد لله بس بعد ايه سبحان الله كانت ايام عجيبة وسبحان اللى مصبر مامته وبابه ولاده الاتنين فى اسبوعين بس واحد يموت والتانى دمه يتصفى بجد كان اختبار من اصعب الاختبارات ربنا بجد صبرهم بس مامتهم بجد هى اللى كانت صعبانه عليا عايشة فى صمت تام من يوم وفاة ابنها واسبوعين والتانى بيموت انا طولت اوى عليكم بس دى بجد حكاية مؤثرة اوى تاكد لنا ان الدنيا بجد ماتستحقش حاجة خالص ولا الفلوس كمان تقدر ترجع اى حد |
اقتباس:
جزاكم الله خيرا يا برنسيسة علي الخاطرة المؤثرة في ميزان حسناتك ان شاء الله و البقاء لله وحده في امان الله |
اقتباس:
ربنا يخليك يارب ياشريف على ردك الجميل دا بس برضه مستر محمود ان شاء الله هو اللى هايكون بعدى |
اقتباس:
ان شاء الله خلاص مستر محمود ان شاء الله هو اللي عليه الدور في انتظاره و جاري ارسال رسالة اخري بامر الله في امان الله |
خاطرتك جميله يا برنسيسه وفعلا بتاكد نفس الكلام اللي كنت عايزه اوصله عن طريق خاطرتي
بارك الله فيك وجعله في ميزان حسناتك ومستنيه برده خاطره مستر محمود |
خاطرتك جميلة اوى يا برنسيسة ودى كلها اختبارات من الله سبحانه وتعالى والحمد لله اننا بنصبر و دعوا الله ان يلهمنا الصبر
|
انا اسف جدا يا شريف كان فيه شوية ظروف عندى بس حالا ان شاء الله ارفع الخاطرة اللى اتمنى ان يكون لها تاثير ايجابي فينا جميعا
|
السلام عليكم ورحمة الله وبركاته الف شكر يا شريف على دعوتى لهذا الموضوع القيم والذى اعتبره احد العلامات المميزة فى المنتدى واعتذر بشدة عن تأخري فى كتابة الخاطرة. لقد عرفت بشأن هذا الموضوع الجميل قريبا جدا وندمت بشدة لاننى لم اعرف به منذ فترة واتابع الخواطر الموجودة به . يمكن هااتكلم معاكم على طبيعتي جدا وبرضوا اعذرونى لانى هااتكلم باللغة العامية شوية لكن بجد انا باعتبر الخاطرة او الكلام اللى هااقوله من اهم الاشياء فى حياتي انا باشوف ان صلة الرحم هى اهم شيء فى الوجود طبعا انا نشأت فى اسرة مكونة من اب وام واربع بنات وانا الولد الوحيد وكنت اصغر واحد فى الاسرة وطبعا دلع شديد جدا مش فى الطفولة بس لا دة حتى مرحلة الجامعة والدلع تحول لانانية وبعد عن الجو الاسري يعنى علاقتى باخواتى البنات ووالدتى فى البيت كانت شبه منعدمة وفى مشاكل دائمة وكنت باشوف فى البيت شخص واحد بس واحب شخص واحد بس هو والدى ومش يعنيني اى حد بعد كدة . مش كان فيه اى تفاهم مع اخواتى البنات وطبعا كان وقتها احوالنا المالية ممتازة جدا لان والدى كان موظف كويس وكان بيتاجر برضوا وطبعا الولد الوحيد كل حاجة متاحه له بعد كدة كل حاجة بدأت سريعة جدا جدا والدي خسر كل الفلوس والشغل وتعب وفجأة مات الموت فى حد ذاته حقيقة لا مفر منها لكن المفاجاة كانت غير متوقعة نهائيا لانه كان معايا وكان ماشي عادي فجأة لقيت نفسي فى مواجهة مع الموت ومات والدى وترك وراه تركة كبيرة من الديون واسرة المفروض انى اكون محله فيها وطبعا انا غير مهيأ نفسيا لاى حاجة على فكرة والدى توفى بعد ظهور نتيجة السنة النهائية فى الجامعة عندى بايام . مش عرفت كنت اعمل ايه الماديات ممكن تتعوض لكن المسئولية وحاجات كتير تانية صعب اوى انها تيجي بين يوم وليلة . ربنا الهمنى وروحت على قبر والدي فى نفس اليوم واول شيء شعرت ان ربنا وفقنى فيه انى مش بكيت دمعة واحدة امام اخواتى البنات او امي كان كل بكائي على قبره هو وفعلا بكيت لساعات ووعدته انى اكون الانسان اللى كان يحب يشوفه قبل ما يموت خاصة مع اهله واخواته البنات ومن يومها وانا فعلا اخ ووالد وصديق واتغيرت تماما ومن يومها فعلا نظرتى للدنيا اتغيرت اوى وحسيت بسعادة بجد انا عمرى ماحسيتها خاصة ان امي واخواتى كلهم راضيين عنى ودة من رضا ربنا سبحانه وتعالى ودلوقتى بجد اخواتى البنات بالذات رغم انى اصغرهم الا ان اى قرار مش ممكن ياخدوه الا بعد رايي معاهم والحمد لله اوى فى كدة . اتمنى انى مش اكون اطلت عليكم بس بجد كان نفسي اقول انى اى واحد عايز ينجح بجد فى الحياة وكل الناس تحبه وقبلهم طبعا ربنا يحبه لازم اهله يكونوا راضيين عنه . على فكرة نسيت اقول انى ودة بدعاء والدتى واخواتى قدرت اسدد ديون والدي واعمله شيء من ملايين افضاله عليا وعلى الاسرة كلها |
اقتباس:
جزاك الله خيرا استاذ محمود علي الدخول و علي الخاطرة الرائعة و الله والواحد ميقدرشي يتكر انه بيتعلم من حضرتك في كل حاجة في الادب و الاخلاق مش في الانجليزي بس و الله جزاك الله خيرا استاذي في ميزان حسناتك ان شاء الله و الحمد لله علي هذه النعمة و فعلا انا اتعلمت من حضرتك في هذه الخاطة ان الانسان مفروض ميياسش و ميفقدش الامل و الثقة جزاك الله خيرا يا مستر مرة تانية في امان الله |
لقد تم اختيار الاستاذ الفاضل \ نجم المشاعر
كداعية في انتظار الخاطرة جاري ارسال الرسالة الخاصة في امان الله |
والله يا شريف انت من الاشخاص اللى باكن ليهم كل احترام وتقدير فى المنتدى ربنا يبارك فيك ويعزك بالاسلام ان شاء الله
|
جزاك الله خيرا أخي شريف لترشيحي لأكون داعية لهذا الأسبوع .. وجاري التحضير للموضوع وسوف أقوم بإدخاله بعد ساعات فقط بإذن الله تعالى .. وأسألكم الدعاء.
|
سلسلة (كيف أخطط لمستقبلي) 1. مفهوم العبادة
بسم الله الرحمن الرحيم الحمد لله الذي لم يتخذ ولداً ولم يكن له شريك في الملك وخلق كل شيء فأبدع صنعه وما كان معه من إله إذاً لذهب كل إله بما خلق ولفسدت السماوات والأرض أمر ألا نعبد إلا إياه مخلصين له الدين ولو كره المشركون يا رب إن عظمت ذنوبي كثرة فلقد علمت بأن عفوك أعظم إن كان لا يدعوك إلا محسن فبمن يلوذ ويستجير المجرم مالي إليك وسيلة إلا الرجا وجميل عفوك ثم أني مسلم وأصلي وأسلم على حبيبنا وقائدنا وقدوتنا وإمامنا ونبينا محمد صلى الله عليه وسلم وعلى آله وصحبه ومن تبعهم بإحسان إلى يوم الدين. يا مصطفى ولأنت ساكن مهجتي.... روحي فداك وكل ما ملكت يدي إني وهبت لنصر دينك همتي .....وسعادتي ألا بغيرك أقتدي لك معجزات ظاهرات جمة .... وأجلها القرآن خير مؤيد ما حرفت أو غيرت آياته .... شلت يد الجاني وتاه المعتدي وأنا المحب ومهجتي لا تنثني .... عن وجدها وغرامها بمحمد قد لامني فيه الكفور ولو درى ..... بنعيم إيماني لكان مؤيد يا رب صلِ على الحبيب محمد .... واجعله شافعنا بفضلك في غد ثم أما بعد... فإن موضوع حديثي اليوم سيدور حول عنوان هام يشغلنا جميعاً بل ويحتل المركز الأول في ترتيب الأفكار الهامة داخل رأس كل لبيب راشد يريد أن يحيا حياة كريمة ألا وهي (كيف أخطط لمستقبلي) إن الرؤية المستقبلية لا يرفضها الإسلام ولكنه يدعمها طالما كانت قائمة على أسس منهجية فقهية وأرجو أن تتسع الصدور لذلك الموضوع حتى نصل إلى الفائدة بإذن الله وسأحاول تبسيط اللغة قدر المستطاع وإني لأعلم أن هذا الموضوع لا يمكن إنجازه في حديث واحد ولكنني سأحاول جاهداً أن أقطع فيه شوطاً كبيراً بإذن الله تعالى .. انطلاقاً من الآية الكريمة : "وما خلقت الجن والإنس إلا ليعبدون" سيكون حديثنا بإذن الله تعالى وحوله ومنته .. خلقنا الله عز وجل في هذه الدنيا لهدف واحد عام (العبادة) ومن هنا سننطلق في الحلقة الأولى من سلسلة (كيف أخطط لمستقبلي) والحلقة الأولى (مفهوم العبادة) .. هناك مفهوم قاصر للعبادة يفسره بعضنا على أن العبادة هي الصلاة والصيام والزكاة والحج وغير ذلك من أركان الإسلام المفروضة على كل مسلم والعبادة بمفهومها الشامل تتسع لتشمل كل أركان حياتنا والدليل على ذلك قول الله عز وجل : "قل إن صلاتي ونسكي ومحياي ومماتي لله رب العالمين" وبهذا يتحقق المفهوم الشامل للعبادة حتى تشمل صلاتنا وحجنا ومناسكه وحياتنا ومماتنا كل حركاتنا وسكناتنا عبادة فالدين واحد لا يتجزأ وخسر من فرقوا بين الدين والدنيا يقول أمير الشعراء (شوقي) إذا الإيمان ضاع فلا أمانا... ولا دنيا لمن لم يحي دينا ومن رضي الحياة بغير دين ....فقد جعل الفناء لها قرينا وفي التوحيد للهمم اتحاد.... ولن تبنوا العلا متفرقينا فلا فرق بين الدين والدنيا .. حتى ساعة الترويح عن النفس يمكن أن تكون عبادة .. بأن نستغل تلك الساعة مثلاً في التأمل في جمال وبديع صنع الخالق فنمارس عبادة التأمل أو أن نتبسم في وجه ذوينا وأقاربنا فنكون بذلك من المتصدقين والصدقة عبادة .. أو أن نمارس رياضة بنية تقوية البدن وتطبيقاً لقول رسول الله صلى الله عليه وسلم "المؤمن القوي خير وأحب إلى الله من المؤمن الضعيف" وبهذا أخوتي يتسع مفهوم العبادة ليشمل كل حياتنا حتى كلامنا عبادة إذا حكمناه بقوله تعالى : "ما يلفظ من قول إلا لديه رقيب عتيد" فأصبح كل لفظ يخرج من الفم عبادة طالما راعينا فيه تطبيق الآية السابقة وحديث رسول الله صلى الله عليه وسلم : "فلتقل خيراً أو لتصمت" فيكون حديثنا في الخير عبادة وصمتنا عن الشر عبادة وابتعادنا عن مجتمع النميمة والغيبة عبادة ، والامر بالمعروف والنهي عن المنكر عبادة .. الخطوة الثانية يوم المؤمن تعالوا بنا نتابع مؤمناً من أول استيقاظه وحتى نومه ولنأخذ بذلك حياة (طالب جامعي) ونتخيل سوياً أن يومه كله عبادة هيا بنا ... 1. يستيقظ (صاحبنا) من النوم مع أول خيوط الفجر فينهض نشيطاً لا متكاسلاً لأنه يخاف أن يكون من المنافقين والذين وصفهم القرآن الكريم قائلاً "وإذا قاموا إلى الصلاة قاموا كسالى" أعاذنا الله وإياكم أن نكون منهم أولئك الذين سيحمى عليهم في الدرك الأسفل من النار وقانا الله وإياكم 2. يتوضأ كما يجب الوضوء ثم ينزل من بيته فيذهب إلى المسجد في سكينة ووقار ويصلى الفجر وسنته ثم يعود إلى بيته وهو يشاهد نور الصباح قد شق ظلام الليل فيردد أذكار الصباح (المعروفة) ثم يصعد إلى بيته ويمكن أن يمارس عبادة قبل نزوله وهي إيقاظ أهل البيت للصلاة .. ما أجملها من عبادة (الأمر بالمعروف) قال تعالى :"فذكر إن الذكرى تنفع المؤمنين" 3. يستقبل يومه بوجه مشرق وثغر باسم يسلم على أهله بابتسامة فيرون أثر الإيمان على وجهه فيحبون أن يكونوا مثله وما كانت العبادة يوماً تعني عبوس الوجه أو الغلظة في معاملة الآخرين .. ونبينا صلى الله عليه وسلم كان باش الوجه وفي يوم عبس فعاتبه الله عز وجل قائلاً :"عبس وتولى أن جاءه الأعمى" ثم علمه الله قائلاً : "فبما رحمة من الله لنت لهم ولو كنت فظاً غليظ القلب لانفضوا من حولك" 4. احرص على مشاركة أهلك الطعام ومارس آداب الطعام والتي علمها رسول الله صلى الله عليه وسلم لعبد الله بن عباس رضي الله عنهما إذ قال "يا غلام سمِ الله وكل بيمينك وكل مما يليك" لا تسرع في الأكل ولا توتر من حولك وتبسم في وجوههم وجاذبهم أطراف الأحاديث الشيقة والتي لا تخلو من الفكاهة الطيبة التي لا تغضب الله عز وجل وخذ لقمة وضعها في فم أمك وأخرى في فم أبيك و اثني عليهما وادع لهما بالخير وقبل أيديهما ونل رضاهما وتذكر أن رسول الله صلى الله عليه وسلم قال "هلك من أدرك أبويه أحدهما أو كلاهما ولم يدخلاه الجنة" صدق رسول الله صلى الله عليه وسلم 5. عاون أهلك بيتك قدر المستطاع .. اقض لأمك حاجاتها بلا تذمر ولا ضيق تذكر أنها كانت تقضي حوائجك وأنت لا حول لك ولا قوة تلبي كل طلباتك وأنت تقلقها وتجعلها تسهر الليالي جاء دورك يا همام لترد الجميل ومهما فعلت فأنت مقصر في حقهما وقل دائماً "رب ارحمهما كما ربياني صغيرا" وتذكر قول الحق عز وجل "واخفض لهما جناح الذل من الرحمة" أي عبادة تلك أعظم من عبادة هذا الصباح يا أخي تأمل معي بالله عليك دنياك عبادة ودينك عبادة وأكلك عبادة ومعاملاتك عبادة .. أخوتي .. دعيت لأكون داعية وأنا افقركم علماً وأقلكم إيماناً لكني حدثتكم حديثاً بذؤاب قلبي والله المطلع على قلبي وعلى صدق حديثه معكم أذكركم ونفسي بتقوى الله فهي وصية الأولين والآخرين إلى يوم أن يبعث الله الأرض ومن عليها .. أخوتي أحبكم كلكم في الله ولنا مع هذا الموضوع وقفات إن تثنى لي ذلك وسمح لي الإشراف في أسابيع مقبلة أترككم في رعاية الله وأمنه وأستحلفكم بالله .. أستحلف كل من قرأ أو يقرأ أو سيقرأ تلك الكلمات أن يذكرني في سجوده بالدعاء فلأشد ما أنا في حاجة لدعاء من صالحين أمثالكم بظهر الغيب وسبحان رب العزة عما يصفون وسلام على المرسلين والحمد لله رب العالمين الفقير إلى الله أحمد نجم |
جزاك الله خيرا يا مستر علي الخاطره
اقتباس:
دي فعلا جميله وعندك حق يا شريف احنا بنستفيد من المستر في كل حاجه اقتباس:
|
وإياك أختي الكريمة .. ويارب تكون نالت القصد بإذن الله
|
جزاك الله خيرا استاذ احمد
خاطرة رائعة حقا في ميزان حسناتك ان شاء الله في امان الله |
لقد تم اختيار الاستاذ \ y/m
كداعية و تم ارسال الرسالة الخاصة في انتظار خاطرته ان شاء الله في امان الله |
اقتباس:
وجزاكم الله خيرا |
|
مبدأيا انا اسف جدا علي عدم دخولي لكن النت اتشال للاسف
انا بجد داخل من سيبر علشان اطمن عليكوا و علي احوال المنتدي بس ان شاء الله لو ربنا اردا هيرجع تاني جزاكي الله خيرا اخت ايه علي الاهتمام بالموضوع و ياريت الموضوع يفضل نشيط زي مكان الاول في امان الله |
نظرا لعدم استجابة استاذنا محمد البيلبى
هنختار داعية جديد وهو استاذنا الفاضل أحمد حافظ جلال وسيتم ارسال رسالة له وجزاكم الله خيرا |
اقتباس:
واعتذر للمره الثانيه وانا تحت امركم دائما وشكرا على ثقتكم الغاليه التى هى وسام لى وان كنت لست اهل لذلك وكل عام وانتم بخير واسف للمره الثالثه :078111rg3::078111rg3::078111rg3: |
اقتباس:
يهملها الكثيرين فى زمننا هذا احيى حضرتك على خاطرتك التى من شانها ستؤثر بالايجاب فى نفوسنا جميعا جزاكم الله كل خير جعله الله فى ميزان حسناتك |
عيد الأضحى (ما يُعمل فيه وما يُجتنب)
http://www.jaralqamr.com/smiles/smil...2_data/239.gif
عيد الأضحىhttp://www.jaralqamr.com/smiles/smil...2_data/507.gif ما يُعمل فيه وما يُجتنب الله أكبر الله أكبر ما ينبغي عمله في العيدhttp://www.jaralqamr.com/smiles/smil...2_data/507.gifكل عام والجميع بخير وهناء كم أنا ضئل لأتحدث معكم إخواني في هذه المناسبة فوالله الذي لا إله إلا هو لأشعر الآن وكأنني طفل يتهجي ولكن بمشيئة الله تعالي سأحول أن أنقل لكم خاطرة أعجبتني كل عام والجميع بخير وهناء ما ينبغي عمله في العيد ما يحذر منه في العيد الحمد لله الذي به تم الصالحات، وصلى الله وسلم وبارك على سيدنا محمد، صاحب المعجزات الباهرات، والكرامات الظاهرات. وبعد ... اعلم أخي المسلم الحبيب أن للمؤمنين في الدنيا ثلاثة أعياد لا غير، عيد يتكرر في كل أسبوع وهو يوم الجمعة، وعيدان يأتيان في كل عام مرة، وهما عيدا الفطر والأضحى، لمَّـا قدم النبي صلى الله عليه وسلم المدينة كان لهم يومان يلعبون فيهما، فقال: "إن الله قد أبدلكم يومين خيراً منهما: يوم الفطر، ويوم الأضحى" الحديث، فأبدلنا الله بيومي اللهو واللعب هذين يومي الذكر، والشكر، والمغفرة، والعفـو. وكما للمؤمنين أعياد في الدنيا فلهم كذلك أعياد في الجنة، يجتمعون فيها، ويتزاورون، ويزورون ربهم الغفور الرحيم، وهي نفس أيام الأعياد الثلاثة في الدنيا: يوم الفطر، والأضحى، ويوم الجمعة الذي يدعى بيوم المزيد؛ أما الخواص فإن أيامهم كلها عيد، حيث يزورون ربهم في كل يوم مرتين بكرة وعشياً. قال ابن رجب الحنبلي رحمه الله: (الخواص كانت أيام الدنيا كلها لهم أعياداً فصارت أيامهم في الآخرة كلها أعياداً. قال الحسن: كل يوم لا يعصي الله فيه فهو عيد ، كل يوم يقطعه المؤمن في طاعة مولاه ، وذكره ، وشكره فهو له عيد).1 فما الذي ينبغي علينا أن نعمله في هذا العيد، وما الذي ينبغي اجتنابه؟ ã أولاً: العيدان يثبتان بالرؤية وليس بالحساب، وهذا إجماع من أهل السنة لقوله صلى الله عليه وسلم: "صوموا لرؤيته وأفطروا لرؤيته، فإن غُمَّ عليكم فأكملوا عدّة شعبان ثلاثين ليلة"؛ أما الصلاة فبالتقويم الشمسي. ما يحذر منه في العيد ثانياً: استحب جماعة من أهل العلم إحياء ليلة العيد، منهم الشافعي، ولم يصحّ في ذلك حديث، وكل الآثار التي وردت في ذلك ضعيفة، وعن ابن عباس رضي الله عنهما: "أن إحياء ليلة العيد أن يصلي العشاء في جماعة ويعزم أن يصلي الصبح في جماعة". ثالثاً: التكبير، ومن السنة أن يبدأ التكبير من ليلة العيد في الأسواق، والبيوت، ودبر الصلوات المكتوبة، وفي الطريق، وقبل الصلاة؛ ويكبر الإمام أثناء الخطبة؛ وصفته: "الله أكبر، الله أكبر، الله أكبر، لا إله إلا الله والله أكبر، الله أكبر، ولله الحمد"؛ ويستمر التكبير دبر الصلوات إلى صلاة عصر ثالث أيام التشريـق. رابعاً: من السنة أن يغتسل لصلاة العيد، فقد روي أن علياً وابن عمر رضي الله عنهم كانا يغتسلان، وروي مالك بسند صحيح: "أن ابن عمر كان يغتسل يوم الفطر قبل أن يغدو"، أي لصلاة العيد. خامساً: من السنة أن يلبس المسلم أحسن ثيابه ويتطيب لصلاة العيد، وفي يوم العيد، جديدة كانت الثياب أم مغسولة. سادساً: التعجيل بصلاة العيد بعد الشروق، ووقتها من طلوع الشمس إلى الزوال، والسنة إخراج النسـاء، حتى الحيض، والأطفال، شريطة أن يكن متحجبات، غير متطيبات، ولا مختلطات بالرجال في الطرقات والمراكب، ليشهدن الخير ودعوة المسلمين، وإن لم يلتزمن بذلك فلا يخرجن. سابعاً: يصلي العيد جماعة، ركعتان، يكبِّر في الأولى بعد تكبيرة الإحرام سبع تكبيرات ويرفع يديه فيها، ويقرأ بعد الفاتحة بسورة "ق"، ويكبِّر في الثانية خمس تكبيرات سوى تكبيرة الرفع من السجود، ويقرأ بعد الفاتحة بسورة الواقعة، وله أن يقرأ فيها بعد الفاتحة بسبِّح والغاشية، يجهر فيهما بالقراءة؛ وحكمها أنها فرض كفاية، و قيل سنة مؤكدة. ثامناً : لا أذان ولا إقامة لصلاة العيد ، ولا سنة قبلها ولا بعدها . تاسعاً: تُصلى العيد في المصلى والصحارى، ولا تُصلى في المسجد إلا لضرورة، إلا في مكة المكرمـة . عاشراً: كل تكبيرة من تكبيرات العيد سنة مؤكدة، يسجد الإمام والمنفرد للواحدة منها، وقيل لا شيء على من نسيها. أحد عشر: المسبوق يكمل صلاته بعد سلام الإمام بكامل هيئتها، وإن جاء في الركعة الأولى أوالثانية ووجد الإمام شرع في القراءة كبر في الأولى سبعاً بعد تكبيرة الإحرام وفي الثانية خمساً، ومن فاتته الصلاة صلى منفرداً، وقيل يصلي أربع ركعات. الثاني عشر: للعيد خطبتان بعد الصلاة يجلس بينهما، يحث فيهما الإمامُ المسلمين على تقوى الله والتمسك بسنة رسول الله صلى الله عليه وسلم، ويبين أحكام الأضحية وما يتعلق بها، ويسن الاستماع إليهما. الثالث عشر: بعد الفراغ من الصلاة والخطبة يتعجل الإمام بذبح أضحيته، وكذلك يفعل جميع الناس، ليفطروا منها، ومن لم يتمكن من الذبح في اليوم الأول ذبح في اليوم الثاني أوالثالث. الرابع عشر: من السنة أن يرجع من العيد بطريق غير الطريق الذي جاء به. الخامس عشر: الأضحية له أن يأكل منها، ويتصدق، ويدخر، مالم تكن هناك جائحة، ولا يحل له أن يبيع شيئاً منها. السادس عشر: والأضحية سنة مؤكدة على الموسرين من الرجال والنساء، المقيمين والمسافرين، المتزوجين وغير المتزوجين، من الأحرار والعبيد، أما المعسر فلا حرج عليه في ذلك. السابع عشر: يجزئ في الأضحية الجذع من الضأن، وهو ما أتم ستة أشهر؛ والثنيّ من الماعز، وهو ما أتم سنة ودخل في الثانية؛ ومن الإبل ما أتم خمساً ودخل في السادسة؛ ومن البقر ما أتم أربعاً ودخل في الخامسة؛ ويشترط فيها السلامة من العيوب، وقد نهينا أن نضحي بالعرجاء البين عرجها، والعجفاء، والعمياء، والكسيرة. الثامن عشر: من السنة أن يصل المضحي أهله، وأرحامه، وجيرانه، وأن يصافي ويعافي من بينه وبينه شحناء. التاسع عشر: يقال في التهنئة بالعيد: تقبل الله منا ومنك، ويقول الرادّ كذلك. العشرون : الإكثار من ذكر الله تعالى . الحادي والعشرون: إذا اجتمع عيد وجمعة فقد ذهب أهل العلم في صلاة الجمعة ثلاثة مذاهب: 1. قال أكثر الفقهاء تجب الجمعة بعد العيد. 2. تجب على الإمام فقط ، لقوله صلى الله عليه وسلم فيما رواه عنه أبي هريرة رضي الله عنه: "اجتمع في يومكم هذا عيدان، فمن شاء أجزأه من الجمعة، وإنا مجمعون"2، وقد روي مثل ذلك عن ابن عمر وابن عباس. 3. لا تجب الجمعة على كل من صلى العيد، الإمام وغيره. وقد روي هذا عن عمر، وعثمان، وعلي، وسعيد، وابن عمر، وابن عباس، وابن الزبير، ومن الفقهاء الشعبي، والنخعي، والأوزاعي، ودليل ذلك ما روى إياس بن أبي رملة الشامي قال: شهدت معاوية يسأل زيد بن أرقم: هل شهدت مع رسول الله عيدين اجتمعا في يوم واحد؟ قال: نعـم. قال: فكيف صنع؟ قـال: صلى العيـد، ثم رخص في الجمعة فقال: "من شاء أن يصلي فليجمع".3 وقد روي عن ابن الزبير رضي الله عنهما عندما كان أميراً على الحجاز واتفق عيد وجمعة أنه صلى العيد ولم يخرج بعدُ إلا لصلاة العصر . ã 1. التكلف والإسراف في شراء الملابس والأضحية، وفي صيانة البيوت وتزيينها. 2. الاجتماع في بيوت حديثي الموت، سيما النساء، وإعادة الحزن والبكاء في هذا اليوم. 3. زيارة القبور سيما للنساء، وقد منعهن الشارع من زيارة القبور في هذا اليوم وفي غيره. 4. دخول الرجال الأجانب على النساء في البيوت ومصافحتهن، وربما الجلوس معهن. 5. اختلاط النساء والرجال في الحدائق العامة، والمنتزهات، وفي المركبات العامة، وكثير من النساء والبنات متبرجات متطيبات . 6. إقامة الحفلات الغنائية وشهودها. 7. الاشتغال بلعب الورق "الكتشينة" ونحوها. 8. الغفلة عن ذكر الله ، خاصة صلاة الجماعة. 9. يجب تجنب المعاصي والحذر منها ، من شرب خمر، وزنا، وسرقة، وغيبة، ونحوها. 10. شد الرحال لزيارة الأضرحة، والقباب، والموتى، وإيقاد السرج عليها، وإقامة الحوليات ونحوهـا. 11. إخراج البنات البالغات ودون البلوغ سافرات، كاسيات، عاريات، مائلات، مميلات. وقد توعد هذا الصنف بأنهن لا يدخلن الجنة ولا يجدن ريحها: "يا أيها الذين آمنوا قوا أنفسكم وأهليكم ناراً وقودها الناس والحجارة". 12. التشبه بما يفعله الكفار في أعيادهم. 13. الصيام يوم العيد. 14. التهاون في ترك صلاة العيد. 15. المبالغة في السهر، خشية ضياع صلاة الصبح. وأخيراً اعلم أخي الكريم، تقبل الله منا ومنك صالح الأعمال، اعلم أن العيد ليس لمن لبس الجديد، إنما العيد لمن طاعته تزيد، وليس العيد لمن تجمل باللباس والركوب، إنما العيد لمن غفرت له الذنوب؛ في ليلة العيد تفرق خلع العتق والمغفرة على العبيد، فمن ناله منها شيء فله عيد، وإلا فهو مطرود بعيد.4 آخر ما أريد قوله كن أيها الأب كإبراهيم وأنت أيها الابن كإسماعيل عليهما السلام فمن أراد أن ينظرلأصدق صور الإيمان ينظر لموقف الذبح كل عام والجميع بخير وهناء http://www.jaralqamr.com/smiles/smil...2_data/239.gif الله أكبر الله أكبر ã |
آخر ما أريد قوله كن أيها الأب كإبراهيم
وأنت أيها الابن كإسماعيل عليهما السلام فمن أراد أن ينظرلأصدق صور الإيمان ينظر لموقف الذبح فعلا والله أين نحن من العظماء دول؟ يارب يعود الجيل الذى يكون فيه الابن اسماعيل والاب ابراهيم ان شاء الله ان النصر لات جزاكم الله خيرا على الخاطرة الجميلة ومناسبة جدا فى العيد جعلها الله فى ميزان حسناتكم |
اقتباس:
ان شاء الله حضرتك الداعية ومنتظرين خاطرة حضرتك وجزاكم الله خيرا |
في الانتظار ان شاء الله
في امان الله |
نظرا لعدم دخول مسيو محمد البيلى
تم اختيار اختنا بنت دمنهور في انتظار الخاطرة ان شاء الله جاري ارسال الرسالة الخاصة |
السلام عليكم ورحمة الله وبركاته
مش عارفة اشكرك اخ شريف ولا اعاتبك على هذه المسؤلية اللى حملتها لى بس ممكن تمهلنى الى يوم الخميس او الجمعة حتى استعد واقدم شئ مفيد ارجو ان تقبل مرورى وجزاك الله خيرا اخ شريف واختنا اية |
منتظرينك حتي يوم الخميس ان شاء الله
لكن بالله عليكي لا تاخري الموضوع اكتر من ذلك شكرا علي استجابتك اختي في الله في انتظار خاطرتك ان شاء الله في امان الله |
[center]السلام عليكم ورحمة الله وبركاته
بسم الله الرحمن الرحيم اولا احب ان اشكر الاخ شريف على ترشيحه لى ويارب تكون الخاطرة مفيدة ملحوظة للامانة : لقد ساعدنى اخى الكبير فى هذه الخاطرة وارجو تقبل هذا ان اليوم جايبة خاطرة عن فضل الذكر وفوائده طبعا كلنا نعرف ان الذكر ابسط العبادات على الاطلاق فانه لا يستغرق منا اى جهد او قت وهذا يعد من نعم الله علينا حيث اننا نستطيع من خلاله كسب الكثير والكثير من الحسنات فينبغى علينا الا نضيع اى وقت فى التفهات ويجب علينا ان تسغله فى ذكر الله........................ واليك بعض الاستشهادات من القران والسنة عن فضل ذكر الله فضل الذكر قال الله تعالى : (فَاذْكُرُونِي أَذْكُرْكُمْ وَاشْكُرُوا لِي وَلا تَكْفُرُونِ ) و قال عز و جل ( يَا أَيُّهَا الَّذِينَ آمَنُوا اذْكُرُوا اللَّهَ ذِكْراً كَثِيراً ) و قال ( وَالذَّاكِرِينَ اللَّهَ كَثِيراً وَالذَّاكِرَاتِ أَعَدَّ اللَّهُ لَهُمْ مَغْفِرَةً وَأَجْراً عَظِيماً ) و قال ( وَاذْكُرْ رَبَّكَ فِي نَفْسِكَ تَضَرُّعاً وَخِيفَةً وَدُونَ الْجَهْرِ مِنْ الْقَوْلِ بِالْغُدُوِّ وَالآصَالِ وَلا تَكُنْ مِنْ الْغَافِلِينَ ) و قال صلى الله عليه و سلم (مثل الذي يذكر ربه و الذي لا يذكر ربه مثل الحي و الميت) و قال صلى الله عليه و سلم ( ألا أنبئكم بخير أعمالكم و أزكاها عند مليككم و أرفعها في درجاتكم و خير لكم من أنفاق الذهب و الورق و خير لكم من أن تلقوا عدوكم فتضربوا أعناقهم و يضربوا أعناقكم؟ ) قالو بلى . قال : (ذكر الله تعالى) و قال صلى الله عليه و سلم (يقول الله تعالى : أنا عند ظن عبدي بي , و أنا معه إذا ذكرني , فان ذكرني في نفسه ذكرته في نفسي و ان ذكرني في ملأ ذكرته في ملأ خير منهم , و ان تقرب إلي شبرا تفربت اليه ذراعا و ان تقرب إلى ذراعا تقربت اليه باعا و ان اتاني يمشي أتيته هرولة) . و عن عبد الله بن بشر رضي الله عنه أن رجلا قال : يا رسول الله أن شرائع الإسلام قد كثرت علي فأخبرني بشئ أتثبت به. فقال رسول الله صلى الله عليه و سلم : (من قرأ حرفا من كتاب الله فله به حسنة , و الحسنة بعشر أمثالها , لا أقول ((الم)) حرف ولاكن ألف حرف و لام حرف و ميم حرف ) . و عن عقبة بن عامر رضي الله عنه قال : خرج رسول الله صلى الله عليه و سلم و نحن في الصفة فقال (أيكم يحب أن يغدو كل يوم إلي بطحان أو إلي العقيق فيأتي منه بناقتين كوماوين في غير أثم و لا قطيعة رحم؟) فقلنا : يا رسول الله نحب ذالك . فقال (أفلا يغدو أحدكم إلى المسجد فيعلم , أو يقرأ أيتين من كتاب الله عز و جل خيرا له من ناقتين , و ثلاث , و أربع خيرا له من أربع و من اعدادهن من الإبل)) . و قال صلي الله عليه و سلم: (من قعد مقعدا لم يذكر الله فيه كانت عليه من الله تره , و من أضطجع مضجعا لم يذكر فيه الله كانت عليه ترة). و قال صلي الله عليه و سلم : (ما جلس قوم مجلسا لم يذكروا الله فيه , و لم يصلوا على نبيهم الا كان عليهم ترة فان شاء عذبهم و ان شاء غفر لهم). و قال صلى الله عليه و سلم : (ما من قوم يقومون من مجلس لا يذكرون الله فيه الا قاموا عن مثل جيفة حمار و كان لهم حسره). وهناك الكثير من الفوائد لذكر الله 1- ارضاء الرحمن 2-معية الله قال الرسول صلىالله عليه وسلم(يقول الله انا مع عبدى ما ذكرنى وتحركت بى شفتاه)رواه البخارى 3-الشيطان يخنس ويختبىء عند ذكر الله 4-ازالة الكابة والاحزان قال تعالى (الابذكر الله تطمئن القلوب) 5-النطق بالشهادة عند سكرات الموت قال تعالى(يثبت الله الذين امنوا بالقول الثابت فى الحياة الدنيا وفى الاخرة) كان ابو هريرة رضى الله عنه يسبح فى اليوم والليلة 12 الف تسبيحة وسئل لماذا 12 الف بالذات؟ قال لانها تعدل عتق رقبة وختاما لانستطيع الا ان نقول (سبحان الله والحمد لله ولااله الا الله والله اكبر ولاحول ولا قوة الا بالله) ارجو ان تكونوا استفدوا من هذه الخاطرة[/center] |
| جميع الأوقات بتوقيت GMT +2. الساعة الآن 05:43 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.