|
لأ الأزهر لأ ..
وبالنسبة للأخت رحيق .. انا باتكلم بقصد إن جامعة طنطا كانت فرع من كفر الشيخ وبعد كده انفصلت .. لو العكس يبقى كلامي يتعكس .. يعني لو كفر الشيخ كانت فرع من طنطا واستقلت يبقى كلامي يتعكس .. وده اللي انا قلته .. قلت لو انا زي ما فهمت ... وبعدين قوانين الجامعات واضحة .. الفرع اللي بعت من 2006-2010 هو المسئول عن إنه يبعت الباقي 2003-2005 كمان .. ولو كنت خلطت بين الفرع والأصل حد يقولي.. |
اقتباس:
بعد اذن حضرتك انا هقول اللى فهماه واللى سألت عليه وحضرتك توضح لنا دا بعد اذنك طبعا كفر الشيخ كانت فرع من جامعة طنطا واستقلت واصبحت جامعة كفر الشيخ من 2006 فالخرجين اللى كانوا قبل 2006 شهادتهم كانت جامعة طنطا وبالتالي اسمائهم ارسلت تبع جامعة طنطا مع انهم كانوا فرع لكن ينظر لهم على اساس الجامعة ودا اللى عرفته من مكتب رئيس الجامعة ومن مكتب الخريجين ومن مكتب شئون الدراسات العليا وبالنسبة لجامعة كفر الشيخ ارسلت الاسماء من اول 2006 وجامعة طنطا ارسلت من اول 2003 طبعا هل انا مخطئة ام لا ؟؟؟؟؟؟؟؟ |
نرجو الافادة
اقتباس:
|
اقتباس:
أولا اللى انا اقصده من انهم هيعينوا عدد من الاوائل في الجامعة اي في الادارة والمكتبات والشئون والرعايا الى اخره والباقي يوزعوهم على الاماكن الحكومية كل واحد ف تخصصه والتعيين ده قريب خلال الايام دي يعنى قبل 1/7 وانما لو فيه بقي اقسام محتاجة معيد او مدرس مساعد فدا كلام تاني فرئيس القسم بيقطب طلب للعميد والعميد لرئيس الجامعة وهكذا وبعد كدا يجي لهم الرد من وزارة التعليم العالي ومن وزارة المالية وبنفرض ان جامعة ما محتاجة في بعض كلياتها وبعض اقسامها 50 معيد دا مثااااااال والطلبات دى اتبعتت للوزارات كما ذكرت آنفا وجاء انهم هيوفروا لهم 30 فقط دا مثاااااال علشان الميزانية الدرجة المالية فيبينظروا بقي للاقسام اللى مفيهاش معيدين ولا حد مدرس مساعد وتحتاج ذلك ضروري يعنى ويبدأوا ياخدوا بقي من الأوائل ال20 وبنفرض مثلا ان الأوائل دول اتعينوا في اماكن حكومية زي ما القرار طالب انهم يتعينوا ف الجهاز الاداري عادي يستلموا شغلهم وبعد كدا لو فيه اقسام محتاجة بقي زي ما قولت فبييبعتوا للطالب او الطالبة اللى من القسم دا فبيبدل شغله اللى هو فيه بشغله معيد ف الكلية وكمان المعروف ان لما بيعدي سنتين على التخرج فبتضعف بقى فرصة تعيينه معيد ثانيا بالنسبة لحضرتك ياأستاذي الفاضل محمد ممكن حضرتك بقي تروح جامعتك وتسأل رئيس الجامعة علشان يفيدك وتحاول تقدم له طلب بذلك وتحاول ترفع لأعلى لامسئولين لو حتى للوزير لان كدا حضرتك كنت الاول على الكلية واخدت ماجستير وكان على ايامك موضوع المنحة دا مع انك معرفتش تحصل عليها بالرغم من الأولوية لحضرتك يالا بقي الحمد لله يمكن خير فبجد انا لو مكانك هسأل وادور عن حقي بكل ادب واحترام واعتقد ان اللى اخدوا ماجستير ودكتوراة وكانوا اوائل هينظروا لهم واكيد هيعينوهم ياما كاعضاء هيئة تدريس ودا الأرجح او ف اماكن تليق بيهم بس نصبر شوية ونقول يارب وان شاء الله هنقولك قريب يادكتور محمد وربنا يوفق الجميع |
ياجماعة لازم نعرف امتى ميعاد التعيين بالضبط حتى لا يتم التأجيل وميضحكوش علينا ومن الاخر ويمكن الكلام ده طالع بصعوبة أى حاجة نخدها من عينيهم وخلاص بدل مااحنا قاعدين كدة ولا ايه؟
|
رسالة الى الدكتور عبدالرحمن
من فضلك أرجو توضيح موقفى أنا خريج تربية الفيوم شعبة تعليم أساسى قسم لغة انجليزية ترتيبى الأول على شعبة تعليم أساسى جميع الأقسام والمركز 18 على مستوى الكلية شاملة شعبة عام وأساسى شئون الخريجين أعدت كشف بالعشرين الأوائل لإرساله إلى الوزارة بمصر ولكن موظف فى قسم يسم الكادر الخاص قام بالاعتراض على الكشف حيث أنه طلب استبعاد شعبة التعليم الأساسى من الكشف وعندما ذهبت إليه لأسأله قال " تعليم أساسى بتتخصص من ثالثة وانا مش ممكن أساوى واحد اتخصص من ثالثة بواحد اتخصص من ستة أولى وتعليم أساسى لا ينطبق عليها شروط المعيدين طبعا ده على أساس ان كله هيتعين معيدين وطبعا ده غير صحيح " المهم أنا ارجو من حضرتك الرد على وتوضيح موقفى وما يجب عمله جزاك الله خير وبارك لك فى أبناءك واسكنك الجنة إن شاء الله منتظر رد حضرتك |
بالنسبة للأخت الفاضلة رحيق
السلام عليكم ورحمةالله وبركاته ...
أولا أحب أبلغ الناس اللي شاركوا الرأي في الموضوع ده تحياتي وربنا يجمعنا كده دايما في الخير يارب ... بالنسبة للأخت الفاضلة رحيق -جزاها الله خيرا- وموضوع الأخ شريف : إحنا زي ما قلنا قبل كده إن الكلية اللي بعتت الدفعات من 2006-2010 هي المسئولة عن استكمال الحصر يعني تبعت كمالة الأعداد 2003-2005 .. طيب هتقولولي الموظف قاللي هقولك الموضوع عشان مش مسبوق ففيه بعض سوء الفهم .. وكل جامعة بترمي على غيرها دون وعي.. هي الموظفة دي لما انتقلت الكلية من فرع لجامعةأخرى مش انتقلت هي أيضا بالتبعية ؟!! طيب خليني معاكي .. من 2003-2005 كانت جامعة طنطا تضم كلية التجارة بطنطا وأيضا كلية التجارة فرع كفر الشيخ.. طيب لو هتبعت العشرين الأوائل كده جامعة طنطا هتبعت أربعين من كل دفعة .. لأن مينفعش أساسا دمج الكليتين ومقارنتهم.. عرفتي ليه أنا قولتله اتحرك علشان تلحق حقك ... وع العموم واضح إنك أخت محترمة وذات فكر ..وانا سعيد بمشاركتك بالرأي.. مع تحياتي .. د.عبدالرحمن المنياوي |
بالنسبة للأخ محمد ضباب
بالنسبة للأخ محمد ضباب:
يا محمد لو انت الأول على كل الكلية يبقى حقك للتعيين في الجامعة محفوظ بالقانون وعدم تعيينك تجاوز لا يسكت عنه وممكن ترفع قضية مش هتطول في المحاكم لأن اقانون في صفك .. والموضوع هيتنهي.. أما لو انك الأول على قسمك فقط فإن تعيينك كان من حق القسم في وقتها حسب العجز والأحمال التدريسية.. ومادام القسم قال لأ يبقى سقط حقك .. طيب انا ماأخدتش منحة وحضرت الماجستير وأخدته .. وضعي إيه؟!!! انت الآن تبع ملف تعيين الحاصلين على درجات علمية عليا وانسى بقى قصة انك كنت أول قسمك-معلش عارف انها صعبة بس انا باكلمك بواقعة شوية- لأن الموضوع ده مش حجة تقدر تستند عليها الآن وانت كده كده بتطالب بتعيينك كمدرس مساعد مش معيد .. المهم .. انت تستلم تعيينك عاااااادي ضمن العشرون الأوائل بس انشاء الله فيه خير لأن فيه إئتلاف اسمه |إئتلاف الحاصلين على الماجستير والدكتوراة من غير المنح ودول عملوا اعتصامات وبيحاولوا يضغطوا ع الوزير لتمييزهم عند التعيين .. والامور في الوزارة لسه مش واضحة .. أما بالنسبة لموضوع لما الكلية تبقى تحتاج فبقوووووولك إنسى ... الكليات بتتملى مش بتفضي .. ما أهو موضوع تعيين الباحثين وطلاب المنح جه إزااااااي ؟!!!! بعتوا لكل الجامعات من شهر وقالولهم سووا المسألة داخلياً ... يعني كل جامعة تسد احتياجاتها من المعيدين والمدرسين المساعدين من خلال الباحثين .. قامت كل كلية رفضت ياخدوا حد .. وكل قسم اجتمع وقال مفيش عجز .. فبدأت الاعتصامات فقال الوزير انا هاعمل الحصر وهأدرس العجز الحقيقي والواقعي وهأدرس الأحمال التدريسية وهأعين أكبر قدر من الباحثين لسد العجز وبيتهيألي لو فاض منهم حد بعد سد العجز هيكون مصيره في وظيفة إدارية ... يعني الكليات بتحاول متخليش حد يتاخد علشان محدش يقاسمهم في الكعكة .. والوزارة بتحاول تفرض ناس على الكليات بس بالذوق وبشكل رسمي شوية .... مع تحياتي .. د.عبدالرحمن المنياوي |
إلى الأخ حازم
اقتباس:
بسم الله الرحمن الرحيم ... الإجابة : ....... إيه !!! |
الى الأخ جمواة
اقتباس:
الأخ الفاضل جمواه: حضرتك ترتيبك الـ18 على كل أقسام وشعب كلية التربية ... مش كده؟!! لو زي ما انا فهمت كده يبقى الموظف لا مؤاخذه بيستعبط ... والعميد بيستعبط لو موافق.. ورئيس الجامعة لو ساكت يبقى ....... بلاش نكمل ... أولا حضرتك تتخصص من أولى من ثالثة من تاسعة هو ماله ... في النهاية فيه حاجة اسمها عشرين مركز على مستوى جميع كلية تربية طلعوا من عام من أساسي من أي مكان مش مهم .. المهم همَّ عشرين واحد ... يتخطاك وياخد واحد بعدك يبقى هيروح في ستين داهية ... وعاوز أوضح لحضرتك موضوع.. بالنسبة للناس المعيدين اللي بيتاخدوا عندكم .. أحب أبشرك إن عميد كليتك بيستغفلكم .. لأن شعبة تعليم أساسي شعبة من تربية آه بس ليها موادها وتعتبر تخصص أصيل .. يعني لما يحبوا ياخدوا حد يسد العجز فيها يبقى ياخدوا معيدين من عندكم مش من شعبة عام.. لكن هم ربوا فيكم العرف ده على إنه قانون وده أمر غير قانوني.. والله حاجة تضحك .. قال ما أساويش بينك وبين واحد اتخصص من سنة أولى .. لما التخصص مختلف فين بقى وجه المقارنة والا هي بس عشان ياخدوا الي على مزاجهم .. لأ وكمان عاوزين يحوشوك من التعييين بتاع الأوائل !!! طيب ما كانوا يفصلوك من الكلية ويقفلوا القسم ده أحسن مادام مالكمش لازمة عندهم كده... حسبي الله ونعم الوكيل... ياعم ع العموم الحصر بتاع كل الجامعات اتبعت الخميس .. روح بشكوى لرئيس الجامعة وبلغهم أنه تم تخطيك في الحصر واكتب الثلاثة اللي أقل منك واتاخدوا بدالك .. ولو ما لقيتش رد متسكتش واتوجه للوزارة بشكوى وخد حقك ... معلش اتنرفزت شوية ... مع تحياتي .. د.عبدالرحمن المنياوي |
جزاك الله خير استاذ عبدالرحمن والله ريحت قلبى شوية لأن أنا كنت حزين لدرجة انى تركت العمل
فأنا أعمل بمدرسة ابتدائى بالمكأفأة وأن خريج 2007 مع العلم أن تقريبا جميع من تخرجوا فى دفعتى معاهم تعاقد مميز طبعأ حضرتك بتسأل طب وانت مخدتش عقد مميز ليه أقول لحضرتك انى كنت فى الجيش وبعد ما خلصت اشتغلت بالمكأفأة وكانوا فى التربية والتعليم مش عاوزين يشغلونى لحد ما جبت ليهم قرار من المحافظ |
عالعموم طلب أخير من حضرتك دكتور عبدالرحمن لو حضرتك تعرف أى حد تخصص تعليم أساسى واشتغل فى الجامعة معيد من أى عام مضى أرجو من حضرتك توصلنى بيه لأن أنا عاوز دليل مادى استند عليه لما أرفع قضية على الكلية
وجزاك الله خير |
اقتباس:
سيدي الفاضل د.عبد الرحمن المنياوي لك كل الشكر والتقدير وطبعا بنستفيد من حضرتك كتييير ويارب دايما تكون في عطاء واشكرك مرة اخرى على اهتمامك وردودك المميزة وبالنسبة لموضوع الفرع والجامعة انا قولته بعد ما سألت في الجامعة يعنى مش رأي اجتهادي وطبعا من حضرتك نستفيد لي سؤال بقى الجامعات التى بها فرع الان مصيرها بقي ايه ؟؟؟؟؟ اللى انا فهماه انهم ارسلوا 20 على الجامعة بما فيهم الفرع فالفرع اللى انفصل واصبح جامعة ايام ما كان فرع اسماؤه ترسل مع اسماء الجامعة اللى كان تابع لها صح كدا ولا خطأ؟؟؟؟ اختك الصغيرة ولك مني جزيل الشكر وشكرا لحضرتك على المرور العطر تقبل مروري |
اقتباس:
الفكرة في التعيين هي تعيين العشرين الأوائل على كل كلية .. يعني ناس اتنافست أربع سنين وهنعين أفضل عشرين فيهم .. طيب لو فيه جامعة وفرع .. يبقى عندنا كليتين كل كلية تبعت 20 أول .. واللي يحصل غير كده يبقى فهم خاطئ للقرار من إدارة الجامعة .. ماهو طبيعي لما يحبو ايعينوا الأول معيد .. هم بيقارنوا مابين الأول في الجامعة والأول في الفرع ؟!!!! لأ طبعاً دول بيعينوا الأول على الكلية في الجامعة والأول على الكلية في الفرع كل في كليته ..وها هو نفس النظام يطبق أيضاً في حالة التعيين للعشرين الأوائل .. بس انا بقول إن الموضوع علشان جديد فيحتمل الجدل وممكن تحصل أخطاء إدارية لو سيبناها ومسألناش عنها ممكن حق الواحد يضيع !!!! |
لكن محصلش كدا في جامعة طنطا وجامعة كفر الشيخ
لأن لما سألت لقيت جامعة كفر الشيخ أرسلت الأسماء من أول 2006 وقالولي اللى قبل كدا طنطا ارسلته لأن كفر الشيخ كانت لسه فرع منها يبقي ذنبهم ايه بقي الطلاب اللى كانوا في الفرع؟؟؟!!!!!!! ربنا يستر وحاجات غريبة كل يوم بتحصل هي مصر أساسا بلد القرارات والأوراق وبس |
يا دكتور عبد الحمن استفسار حضرتك هل تلتزم الكليه بتعين الاول على الدفعه ام يجوز لها فى سنه من السنين الا تاخذ اى معيد اطلاقا ؟ تانى حاجه هل الكليه ملزمه انا تاخد الاول على الدفعه ايا كان القسم الذى ينتمى اليه ام يجوز لها ان تقوم باخيار الاولى فى قسم معين |
وزير التعليم العالي والبحث العلمي الآن في الحياة اليوم لا يضيف جديد !!!!!!!!!!!!
|
ميرسى لحضرتك بجد يادكتور عبدالرحمن والله فعلا زى مقالت الاخت العزيزه رحيق
بنستفاد بجد من حضرتك والله ويارب يوفق الجميع |
اقتباس:
يا سيد عمر : قانون الجامعات يعطي الحق للأول على كل الكلية كاملة - مش على القسم - في التعيين .. بس فيه كليات بتحاول تتجاهل بعض الأوائل وتستغل عدم علمهم بهذا .. وأي أول على دفعته لم يعين يرفع قضية بعشرة جنيه وهيكسبها بإذن الله ... طيب هل الكلية ممكن تاخد الأول على قسم معين لاحتياج القسم .. نعم طيب ممكن تتجاهل الأول بالرغم من أنه الاول على كل الكلية وتاخد واحد تاني يكون الأول على قسم آخر بس في الواقع هو الثالث مثلا على كل الكلية ... لأ |
اقتباس:
الشرف لينا يا أخ شريف في إني تعاملت مع أخوة وأخوات محترمين بجد زيك وزي الأخت رحيق ... وأتمنى مزيد من التواصل وانى تحت أمركم .. أستفيد منكم قبل أن أفيدكم .. ولو فيه موضوعات تانية قابله للنقاش ممكن ترشحوهالي علشان أتصفحها معاكم .. ما أنا بصرلحة عضو مستجد معاكم في المنتدى مش زيكم أصحاب بيت.... تقبلوا مروري ... |
اه يادكتور من الحق استفسار صغير من حضرتك
هوه مين المسؤل عن انه يبعت كشوف الاوائل دول يعنى اى قسم فى الكليه شئون الخريجين مثلا ولا فين علشان لما الواحد يروح يسأل فى طنطا ان شاء الله وحاجه كمان هوه الواحد ينفع يطلع افادة مثلا بترتيبه ع الكليه لو من الاوائل طبعا ولا ده غير مسموح به اه يادكتور بصراحه انا مقتنع جدا بكلام حضرتك بمسألة الفرع والجامعه لانى كنت مره فى ادارة جامعة طنطا قسم شؤن الخريجين كنت بوثق شهادة البكالويروس روحت لقيتهم هناك فعلا فى دفعة 2005 متقسم عندهم لاربع دفاتر دفترين لطنطا انتظام وانتساب وبالمثل لكفرالشيخ كده والله يادكتور حرام فعلا الواحد مش عارف يعمل ايه |
اقتباس:
وحدة شئون الخريجين هي المسؤلة عن إعداد الكشف وإرساله لنائب رئيس الجامعة لشئون التعليم والطلاب... والمنح يرسلها قسم العلاقات الثقافية لنائب رئيس الجامعة للدراسات العليا.. بالنسبة للإفاده مادام الموضوع قانوني وحضرتك الورق بيقول كده ... يبقى تقدم طلب مكتوب ع الكمبيوتر مقدم لعميد الكلية وتكتب فيه ترتيبك اللي انت متأكد منه وتمضيه من رئيس وحدة الخريجين ومن مسجل الكلية وبعد كده من العميد وتختمه.. بس نصصيحة ابقى حاول ما توضحش ليهم عاوزه ليه !!!!!!!!!!!!!!!!! |
اليوم ذهب لجامعة كفرالشيخ
وطلعت لمدير شئون التعليم فى الجامعة لم يضيف جديد نفس كلام الاخت العزيزه رحيق قالى ان احنا ارسلنا من 2006 بس الباقى باه المفروض يكون طنطا اللى ارسلته وكمان قالى ان تجاره كفرالشيخ مستقلتش الا غير من 2006 بعكس مثلا كلية التربيه والزراعة والطب البيطرى كانوا مستقلين من قبل كده ههههههههههههه حوارات كتير وحسبى الله ونعم الوكيل حتى كمان لما جيت اساله عن الترتيب قالى هاتوا من طنطا برضه ان شاء الله بعد بكره اطلع باه اتاكد واشوف الاسماء بعينى بس غالبا هيبقى صعب اوى اكون مرتب على طنطا ويلا باه ضااااااااااااااع امل التعيين فى وظيفة تناسبى تخصصى وطموحاتى والله يادكتور احنا عاجزين عن شكر حضرتك والله |
السلام عليكم ورحمة الله وبركاته اختى رحيق متشكرة ليكى جدا يا حبيبتى انا بعتلك رسالتين خاصة بس في صندوق الصادر غير موجودين . متحرمش منك ابدا ياحبيبتى أنا كنت بردانة شوية والنت كان الراوتر بايظ بس الحمد لله دلوقتى تمام متحرمش منك ابدا ومن سؤالك ياقمر.
|
دكتور عبد الرحمن انا قرأت كلام حضرتك بالنسبة لشعبة الاساسي أنا شعبة الطفولة اللى حالها لا يختلف كثيرا عن الاساسى قصدى طبعا بالنسبة للتعيين معيدين حضرتك عندك معلومات عن الموضوع ده ؟ وجزاك الله خيرا.
|
حسبي الله ونعم الوكيل
|
هيتعينوا فين فى الكليات
|
اقتباس:
متشكرة على ايه بس ياسارة نحن أخوات يا غالية وألف مليــــــــــــون سلامة عليكي ياكتكوته والحمد لله إنك بخيـــــــــــــــــــر |
ياأوائل الازهر أنا كنت النهاردة فى مقر رأسة جامعة الازهر وقالو كلام يزعل ............................أخوكم أحمد سعد
|
اقتباس:
وينفع كدا يعني ان حضرتك تقول عبارة تثير القلق طيب ماتعرفهم ايه اللى سمعته وياتري من مصدر موثوق ولا لاء وهما اكيد هيتفهموا الموقف وراضيين بقضاء ربنا لكن متقلقهمش كدا حضرتك !!!!!!!............... |
اقتباس:
والحمد لله على كل شيء |
سؤال بسيط للدكتور عبد الرحمن هل الـ 20 الاوائل ممكن يتعين احد منهم فى المدارس ولا لأ واذا كان ممكن هل سيتم تعيينهم فى نفس مدارسهم أم مدارس أفضل وشكرا لك
|
السلام عليكم
اقتباس:
ممكن تقولى قالوا اية بالظبط افادكم الله |
ياأخوانى كله كلام قالوا فى شئون الخريجيين بنفس اللفظ والله .هل تتصور أن يتم تعيين كل ده هل هذا يصدقه عاقل ايه رأيكو فى الكلام ياأخوانى وماذا نفعل ؟ أحمد سعد
|
والله هناك فى جامعة الازهر وفى مكتب حدمة المواطنين بالجامعة بيستهزأوا من كلام الدكتور رئيس الجامعة فى تعيين كل الحاصلين على جيد جدا وامتياز مع مرتبة الشرف وبيقولوا مش معقول الكلام ده أحلمو براحتكوا . أحمد سعد اول شعبة الجغرافيا تربية 2003.
|
يا الله .. حسبي الله ونعم الوكيل طب ممكن نعمل نقدم شكاو ي لجامعه الازهر :( او نعمل ايه ايه الاحباط ده
|
اقتباس:
|
والله ياأخت هدى ماانا عارف نعمل ايه بسى اللى اعرفه لازم نكون ايد واحدة ونعرف هو ليه صرح بكده اصلا هو عايز يعمل فبنا ايه
|
اتمنى يام رهف ان يكون خير للجميع ان شاء الله
|
بالتوفيق للجميع
|
السلام عليكم
يا دكتور عبد الرحمن كنت بسال حضرتك اذا كان فيه تكرار فى المجموع يعنى مثلا الترتيب العاشر على الكليه مش واحد بس هنفترض انهم 5 طلاب جايبين نفس الدرجات هل هيتم اخذ الخمسه ولا سيتم المفاضله بينهم فى اشياء اخرى ؟؟؟؟ وبكده ممكن يكون العشرين الاوائل على الكليه 30 طالب على سبيل المثال !!!! |
ارجو التوضيح من اعضاء الصفحه وشكراااااااااااااااااااااااااا
|
السلام عليكم لو سمحتوا ياجماعة حد منكم يعرف اللي شغال مدرس بالحصة بيكون متأمن عليه ولا لأ؟ أرجو الافادة وجزاكم الله خيرا.:078111rg3:
|
في ناس راحت الاعتصام امبارح ومتواجدين علي صفحة الفيس بوك بس هما مش راضيين يقولوا وصلوا لايه علشان زعلانين من اللى مرحوش معاهم يارب يقولولنا وصلوا لايه .
|
اقتباس:
لأ لأ لأ ... مش في الكلياااااااااااااااااااااااااات |
اقتباس:
اللي بالحصة ماوش تأمين ولا معاش ..... بس كمان مبقاش فيه حاجة بالحصة دلوقت .... أصبح الكل بعقود شاملة ولوفيه حد لسه بالحصة يبقى المديرية بتاعته بتستهبل علشان الموضوع ده اتلغى .... والعقود الشاملة لاتندرج ضمن القانون 155 لسنة 2007 الخاص بتنظيم الكادر الوظيفي في التربية والتعليم .. حيث أن ترتيب الوظائف يبتدي من معلم مساعد ........ |
اقتباس:
بص يا سيدي الدرجات الوظيفية اللي هتتوفر 20 بس لكل دفعة ... طيب لو فيه زي ما بتقول تكرار داخل الترتيب يعني فيه 5 واخدين المركز العاشر مفيش مشاكل ياخدوهم كلهم بس اللي بعديهم هيكون رقم 15 في التعيين لأنهم أخدوا كده مكان من العاشر للرابع عشر وبكده أصبح فيه عشرين واحد بس هيتاخدوا ... طيب لو الناس دول متكررين بس في المركز العشرين مثلا ... يعملوا إيه ؟!!!!! ياخدوا واحد بس... إزاي؟!!! المفاضلة تكون الأعلى تقديرا ثم الأعلى في مادة التخصص بالدرجات ثم الأصغر سناً مثال : محمد محمود - المركز الثامن عشر - تقديره العام جيد جدا - بنسبة 76%. نبيل عثمان - المركز التاسع عشر - تقديره العام جيد جدا - بنسبة 75%. كامل عرفة - المركز التاسع عشر مكرر - تقديره العام جيد جدا - بنسبة 75%. أمين فاروق - المركز التاسع عشر مكرر - تقديره العام جيد جدا - بنسبة 75%. الجواب : كده محمد محمود هيتعين من غير مشاكل... وبكده هيكون فيه 18 واحد اتعين في الكلية ... وباقي مكانين فقط ... طيب نبيل وكامل وأمين بيتنافسوا على مقعدين فقط ... ياخدوا مين ؟!!! لو الثلاثة -زي المثال- ليهم نفس التقدير العام ونفس النسبة ونفس مجموع الدرجات ... يفاضلوا بينهم عن طريق الآتي: مادة التخصص : نبيل - مجموع درجات مادة التخصص في الأربع سنين 410 درجة كامل - مجموع درجات مادة التخصص في الأربع سنين 430 درجة أمين - مجموع درجات مادة التخصص في الأربع سنين 402 درجة كده يبقى يعتبر كامل صحب المركز التاسع عشر .. ونبيل صاحب المركز العشرين .. أما أمين ... باي باي ... يارب تكون المعلومة وصلت .... د.عبدالرحمن المنياوي |
شكرا يا دكتور عبد الرحمن على مجهودك الرائع معانا
|
سؤال .................
|
انا خريجة تربية اساسى اسوان بس انا مش عايزة اتعين فى الكلية لان الكلية بعيدة خالص منى وانا متزوجة وعندى بنت عمرها سنة ومقدرش اسيبها اليوم كله .يترى ممكن الاقى حل للموضوع دة ؟ يعنى ينفع يعينونى مدرسة في الادارة بتاعتنا ولا مينفعش ؟ انتوا ايه رأيكوا
|
| جميع الأوقات بتوقيت GMT +2. الساعة الآن 06:47 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.