|
يا اهلا يا طالبة من الامارات .. بس يا بنتي صدقيني هو ان شاء الله الكلام اللي انتو بتقولوه ده كلو غلط .. وربنا ماخرلنا الخير ان شاء الله .. متستعجلوش عالصبر بس
|
على العموم ربنا يسهل و يطمن قلبنا و يهدي سرنا و نفوسنا و يلطف بنا في قضائنا و قدرنا
و دعواتكم بقه و خصوصوا في الشهر الكريم ده لعلها تستجاب Agent-47 |
اقتباس:
أنا مش معاك خالص في كلامك ده ... لأن الموضوع مش بالبساطة دي .. إحنا مش قاعدين على قهوة ده المفروض شغل حكومة ووزارة التعليم العالي .. يعني لازم يكون في تخطيط صح والتزام بالمواعيد وكده يا أستاذ الوضوع أكبر من كده ... حكاية التأخير دي -والله العظيم- فضيحة وكارثة من كوارث الحكومة الالكترونية الرشيدة اقولك ايه بس !!!!!!!!!!!!!!!! |
يا جماعة متخلوش الشد العصبي يلمس في سلوك الكهربا ما بينكو .. اطمنو كده واهدو وادعو ربنا يكون خير ان شاء الله .. وعسى ان تكرهو شيئا وهو خير لكم
|
اقتباس:
ليه يعني القلق ده ، مفيش مستقبل هيضيع و لا حاجة ، أنت من الاول مش اجتهد و عملت إللي عليك، و قدمت تنسيقك ..... خلاص ...... مفيش مستقبل هيضيع و بعدين الله لا يضيع أجر من احسن عملا ، و بعدين لازم نرضى باللي ربنا قسملنا Agent-47 |
يا عم هي اول مرة يقولو معاد ويخلفوه يا رااااااااااااااااااااااااااااااااااااااااااجل اول حاجة قالك اخر الاسبوع قلنا ماشي ...
بعدين قال قالك 48 ساعه قلنا ماشي قالك يوم التلات واهو قرب يخلص قلنا ماشي ماشي ماشي يا رب ارحمنا |
يارب يا ندى :)
وكلام simsim_sad مزبوط 100% ربنا يستر ولكل مجتهد نصيب بس اللى مستغرباله إن النسب السنة دي في الإمارات مش مرتفعه اوى إزاي بقا تبقى المجاميع للكليات بالمنظر ده ! يبقى اسنان بياخد للمصريين في مصرر 92 واحنا 99,8 ؟! طب أي عقل يصدق هذا الكلام غير كده السنة سنة فراغ .. يعني مش مكدوسه نقول النسب مرتفعه عشان يخففوا الأعداد !! أستاذه أم شاهندة أسألك الدعاء لنا اللهم لا تضيع تعبنا يارب |
يارب يا ندى .. :)
اللهم ارفع الظلم عنا يارب العالمين |
أهلا بيكي يا ندى :)
اللهم ارفع الظلم عنا يارب العالمين |
يااااااااارب يا طالبة .. انا بس كل اللي غايظني .. ان موقع التنسيق الليهيطلع عليه النتيجة بيفتح معايا فريرة هههههههه نفسي افتحو كده الاقيه بيعلق واحس ان الموقع عليه ضط تبقى ساعتها النتيجة طلعت والكل دخل يشوف :)
|
يا جماعة عندى سؤال هو أنتم يوم ما فتح لكم التنسيق بدء نص الليل ولا الصبح ؟
|
يا جماعه خلينا نهدى شويه هى ممكن والله اعلم تظهر بعد الساعه 12 قولو يا رب ويارب يكون الكلام ده كولو غلط الا انا مش هحصل كده حاجه
|
حد يقرا كدة ويفهمنا
http://massai.ahram.org.eg/Inner.asp...ontentID=17798 |
انا شخصيا معرفش لاني سجلت مش في الاول ممكن اكون بعدها بيوم بس كنت سجلت بالليل :) .. ليه يا استاذة ام شاهندة هو لو كان بالليل يبقى النتيجة هتطلع بالليل مثلا .. الساعة 11 الا تلت اهي ويوم التلات خلص اهو :)
|
اقتباس:
|
بدأ الساعه 5 الفجر
|
أهلا بيكي يا ندى .. :)
اللهم ارفع الظلم عنا يارب العالمين |
غرضك إيه من السؤال ده يا أستاذة ؟
|
لا يا ندى ما خلصش فاضل في يومك 80 دقييييييقة ممكن يطلع فيها 100000000000 نتيجه
هههههههههههههههههههه |
وتكشف المؤشرات الأولية لتنسيق الشهادات المعادلة عن وجود انخفاض في الحد الأدني للقبول بكليات القمة يتراوح بين1% و1,5% في مختلف الشهادات, بالإضافة إلي زيادة الأماكن المتبقية والشاغرة في شريحة كبيرة من الكليات.
انخفاض ده على انهو اساس ... ده ارتفاع يا جدعان |
كونه بدأ التسجيل بالليل
يخلى عندنا أمل أنها تظهر بالليل لكن لو نظام الموقع وضع البيانات صباحاً فقط يبقى بكرة لكن إن شاء الله تكون النهاردة ربنا يطمن قلوبكم |
لا هيا الساعه 5 الفجر وفتحت ربع ساعه وقفلت وفتحت الساعه 6 الصبح
|
الموقع كان لما يجى يفتح اى تنسيق كان بيبدأ بليل على قكرة وانا متاكد
|
اقتباس:
هههههههههههههههه انا بردة بدات اشك في كده |
اقتباس:
|
فين النتيجة يا جماعة
ده حاجة تزهق فعلا |
دي جرايد مصر كاتبه كده كمان
اومال ايه النسب الخيايه دي يا جماعه :( لا متوقعش ان شاء الله الخير هيكون في صفنا قولوا امين |
اقتباس:
وتكشف المؤشرات الأولية لتنسيق الشهادات المعادلة عن وجود انخفاض في الحد الأدني للقبول بكليات القمة يتراوح بين1% و1,5% في مختلف الشهادات, بالإضافة إلي زيادة الأماكن المتبقية والشاغرة في شريحة كبيرة من الكليات. وحسب بيانات مكتب تنسيق الجامعات فإن إجمالي المرشحين من الشهادات العربية فقط5400 طالب وطالبة, منهم910 طلاب علمي, و200 طالب أدبي من حملة الشهادة الكويتية و3400 طالب وطالبة من الشهادة السعودية, و940 طالبا وطالبة من حملة الشهادة الإماراتية, والباقي موزعون علي حملة الشهادات من مختلف الدول العربية. وبالنسبة للشهادات الأجنبية بلغ إجمالي المرشحين للكليات والمعاهد840 طالبا وطالبة. وكشفت الأرقام عن وجود انخفاض ملحوظ في أعداد المتقدمين لمكتب التنسيق من حملة الشهادات المعادلة تراوحت بين20% و40% في بعض الشهادات. ومن المقرر أن يبدأ مكتب التنسيق غدا في إعداد الملفات وتصنيفها حسب المرشحين لكل جامعة علي أن يتم تسليمها لمندوبي الكليات عقب إجازة عيد الفطر المبارك. ويبدأ مكتب التنيسق الأسبوع المقبل مرحلة تحويلات الحد من الاغتراب لحملة الشهادات المعادلة تيسيرا علي الطلاب الذين تم ترشيحهم لجامعات بعيدة عن محل إقامتهم. ومن جانب آخر, من المقرر أن يعلن مكتب التنسيق خلال48 ساعة نتائج قبول حملة الدبلومات الفنية نظام ثلاث وخمس سنوات, وأيضا المعاهد الفنية بالجامعات والمعاهد العليا. وبسبب تأخر مكتب التنسيق في إعلان نتائج الشهادات المعادلة والدبلومات الفنية فإن الكليات سوف تبدأ اعتبارا من18 سبتمبر, وهو أول يوم في العام الدراسي الجديد في إجراءات قيد الطلاب بمختلف الكليات والكشف الطبي عليهم واستخراج الكارنيهات, وسوف تسمح الكليات لهؤلاء الطلاب بالحضور والانتظام بالدراسة ودخول الحرم الجامعي بموجب بطاقة ترشيح مكتب التنسيق. ومن جانب ثالث فشلت جميع محاولات أولياء أمور الطلاب حملة الشهادات الأجنبية بـ11 سنة من أجل إعادة النظر في القواعد والشروط التي أقرها المجلس للجامعات في إجتماعه الأخير وحالت دون السماح لمئات من الطلاب الذين أنهو شهاداتهم بالالتحاق بالجامعات, كما رفض الوزير قبول هؤلاء الطلاب بالجامعات الخاصة. معنتها يا أخي أنه التسيق خلص و دلوقتي بيرتبوا في الملفات بتاعتنا و هيبعتوها للجامعات اللي اتقبلنا فيها بعد العيد و الأسبوع اللي جاي تقليل الاغتراب ، أما اللي هيتأ×ر في التسجيل بالجامعة و أخد الكرنيه ممكن يداوم مكن غير كرنيه، و الخلاصة أنه إنشاء الله هتبان النتيجة أنهاردة يعني بعد نص الليل كده علشان موقع التنسيق بيجدد نفسه كل 24 ساعة يعني بعد 12 بلليل ممكن يفتحو الموقع و إن محصلش يبقى الفجر المهم هيكون قبل العيد |
تصدقي الخليج ايه طيب .. ماهي الخليج قايلة انها النهاردة .. انا حاسة ان التلات مكانش قصدهم التلات بتاعنا ده .. اكيد تلات تاني في يوم من ايام الاتمون :)
|
اقتباس:
|
قديمااااااا قاعديييييييين :)
|
اقتباس:
|
اقتباس:
|
يا جماعة الخير لا تنسوا وقت ظهور النتيجة إن شاء الله
أنكم تستخدموا انترنت اكسبلولر مش فاير فوكس عشان يقبل الأرقام وتظهر لكم النتيجة على خير بدل ما يقول لحد الرقم خطأ وأنتم مش ناقصين قلق أصلاً ربنا معاكم |
اقتباس:
لالالالا صعب انا من ساعه ما جيت البلد دي ومافيش حاجه في صفنا |
ايه يا جدعان الاتمون دا وبعدين هو يعنى احنا كنا بنجيب حاجه من عندنا انا اتصلت وقالولى انها الساعه 10 بالليل وقولتلكو هنا علشان بنطمن بعض يعنى مكنش قصدى انى اتوهكو او اخليكو تستنو ولا حاجه وبعدين منا مستنى معاكو اهو ولا يعنى قولتلو الساعه 10 وروحت انا العب بليستيشن وانتو قاعدين مستنينها
|
كويس انك فكرتيني يا أستاذة ده أنا يوم ما كنت بكتب التنسيق سحت على الفايرفوكس
|
لك كل الشكر والتحيه أستاذه أم شاهنده
جزاك الله عنا كل الخير .. :) |
كنت رحت لعبت بلاي ستيشن سيلك رود ولا حاجة .. واما النتيجة تطلع كنا هنشيعلك :) .. الصبر الصبر
|
ليكون احنا بنفتح موقع علط ولا حاجة
تبقى نكتة و مصيبة |
حصل خير يا tal3at كل واحد مخنوق وبيطلع خنقته هنا هنعمل ايه بقا :(
بالنسبة لطلاب الإمارات يا جماعه هل فعلا بتظهر في جرايد الإمارات قبل مصر ؟ |
|
طالبة من الامارات صديقة محنتي العزيزة :) احب اقولك ايون بتظهر في الامارات قبل مصر انا اخويا نتيجتو ظهرت في جرايد الامارات قبل ما يتبعتلو جواب الترشيح اصلا ويعرف هو دخل ايه .. احنا اللي قولنالو
|
هو موقع حكومتنا الرشيده مفيش غيره ... والله قبل كدا كانت بتطلع بسرعه مش عارف ليه بقالهم سنه كدا مصريين يخلونا نكره بلدنا يعنى ... بس احنا هندعى ع الحكومه مش ع البلد ...
|
يبقى الحمد لله أنا في السليم
|
ربنا ينتقم يا بعدة ربنا ينتقم منكم يارب ..........واعلموا ان دعوة المظلوم ليس بينها وبين الله حجاب
|
معقوله في الإمارات قبل مصر :> حتى في دي كمان الإمارت هتتفوق :>
هروح أبحث في جرايد الإمارات والله المستعان ! شكرا يا ندى على المعلومة |
ايه يا عم انت بتدعى علينا ولا بتدعى على مين حدد يابا الله يكرمك احنا ف ايام مفترجه
|
اقتباس:
ههههههههههههههه اقتباس:
وإن شاء الله خير وبلاش قلق يعنى قولولى بتفكيركم كدة ما دام أنتم جايبين مجاميع عالية بالنسبة للدولة اللى أنتم منها يبقى قلقانين ليه ؟ يعنى لو الجماعة بتوع الكويت مثلاً حد جاب 95% وبيقول مش حلحق طب طيب ما الى دخل طب جاب كام ؟ لو أكثر منك ومن نفس بلدك يبقى محدش ظلمك ولا أنا غلطانة ؟ لا تقلقوا وبعدين حتى لو استنفذت الرغبات لما تظهر النتيجة بتعرف مجموعك جاب فى حدود إيه يعنى لو مثلاً لم تدخل طب القاهرة ممكن تدخل طب طنطا(وطبعاً أنت مش كاتبها فى الاختيارات ) وبعدين تعمل تقليل اغتراب (حيبدأ يوم الثلاثاء بعد العيد ) وتنقل هنا ابشروا وإن شاء الله خير |
الله يخليكي يا طالبة بس لو عترتي على حاجة كده ابقي قوليلي هنا .. وانا هدور معاكي اهو
|
| جميع الأوقات بتوقيت GMT +2. الساعة الآن 03:29 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.