|
شكرا علي مرورك علي الموضوع
|
يا ربى
يا جماعة انا شايف كلام متخلف عن التجارب ومش عارف ايه تجارب ايه اللى عاوزنها طرحت اسئلة والاخت بسملة جاوبت عليها وخلاص محدش طلب تحليل لشخصيتها العضو اللى تستضيفه يا استاذ الردود اللى يردها اقراها وخلاص مش لازم الرد يعجبك زى ما نا قريت الحوار وشوفت بس كده ومستنيين العضو القادم |
با اخ خالد الموضوع ده معمول عشان كلنا نستفيد
و انا عمري و لا اي حد شاف برنامج في التلفزيون مثلا يستضيف واحد ملوش خبرة و لا تجارب امال حنستفيد منه ايه ؟؟؟ |
<div align="center">نغم البحر
</span> </div> |
منتظرين
يا اسلام الحوار |
النهارده انا في منتهي السعاده
اني استضيف اميرة الحب و الاحساس الشاعرة الجميلة نغم البحر البداية حتعرفينا بنفسك كل حاجة عنك |
حقيقى انا اللى اسعد باستضافتك ليا يا اسلام
انا اسمى احلام عبد الله مواليد 18 نوفمبر 1987 من اسكندرية طالبة بكلية الاداب منتقلة للفرقة التانية قسم اثار ودراسات يونانية ورومانية بحب الرسم اوى وبكتب شعر وليا هوايات كتير جدا عايز تعرف ايه تانى |
لسه بدري حنعرف كل حاجة
عاوز اعرف مين المثل الاعلي ليكي ** في الشعر ** في الحياة |
المثل الاعلى ليا فى الشعر صديق روحى ابو القاسم الشابى
اما فى الحياة فمتاليش مثل اعلى معين يعنى فى اشخاص بتعجبنى فيهم حجات معينة بس |
انا عاوز اعرف رايك في ادارة المنتدي
بما انك مشرفة قريبة منهم ؟؟؟ |
والله وبكل صراحة
ادارة المنتدى مش هقول ممتازة لكن اهى جيدة والاشتاذ اشرف بيبذل مجهود كبير بس طبعا محتاجين تطوير اكتر من كده فى حاجات كتير اولها البنر اللى هو عنوان منتدانا |
ممكن اعرف احب ديوان الي قلبك كتبتيه في المنتدي ؟؟؟
و تهديه لمين ؟؟؟ |
حقيقى انا كل كلمة كتبتها محببة الى قلبى
لكن بالتحديد ديوان كلمات الحب بهديه لمين بهديهو لكم جميعا |
<div class='quotetop'>إقتباس(نغم البحر @ Aug 1 2006, 06:53 PM) [snapback]176398[/snapback]</div>
اقتباس:
يا ريت تقولي ايه ذكرياتك معاها و كلنا لما قرناها افتكرنا حاجات كتير |
كتبتها فى الانسان اللى بحبه
كان فى بيننا خلافات كبيرة بس الحمد لله كل شىء شبه اتصلح |
حقولك اعضاء معانا في المنتدي و تقولي عن كل واحد كلمة
** اسماء فريد ** مهرة ** البري ** احمد منصف ** نيو ** يوري ** مساميدو ** بسبوسة ** اكرم المسيري ** تويتي جيرل ** فلور ** زيزو |
<div class='quotetop'>إقتباس(اسلام رشوان @ Aug 23 2006, 06:40 PM) [snapback]199054[/snapback]</div>
اقتباس:
|
<div class='quotetop'>إقتباس(نغم البحر @ Aug 23 2006, 10:24 AM) [snapback]198808[/snapback]</div>
اقتباس:
ايه اللي فات من عمرك و نفسك يرجع تاني </span> |
ايه ده يا اسلام
انت ماشى تدور ورايا فى المنتدى ههههههههههههههه دى يا سيدى خاطرة كنت كتبتها فى الايام العصيبة اللى كان فيها مشاكل بينى وبين حبيب عمرى واكيد اتمنى اللى فات يرجع وربنا كريم ان شاء بيرجع كل شىء |
البيتين دوا اهداء من واحد عضو معانا مش موجود دلوقتي
بيقولك اهديها لحد تعرفيه |
البيتين دول صعب اوى اهديهم لحد
لان فيهم نكران للجميل وده مشفتوش من حد هنا الحمد لله كلكم اخوة اعزاء بحبكم جدا |
ايه الدروس اللي استفادتيها من تجربة حب فاشلة ؟؟؟
لو كنتي مريتي بيها |
تجربة حب فاشلة هههههههههههههههههههه
يا ابنى ارحمنى من الاسئلة الشخصية يا سولوم ما تجيش تعرج فى حارة المكسحين انا كمان بحاور زيك عموما يا سيدى انا تجربتى الوحيدة اهيه الحمد لله بتقع وتقوم ربنا يستر بس من مشاكلها اتعلمت كتير اوى بلاش اقول ايه عشان ما انضربش هههههههههه |
ممكن اعرف ايه مفهوم الخيانة عندك ؟؟؟
بس.. |
اااااااااااه
الخيانة احساس مر اوى ربنا ما يكتب على حد انه يجربه والخيانة مفهومها معروف هى ضد الوفاء انك تواجه عدم الاخلاص ليك وده شىء صعب جدا |
بما ان انا مستضيف اجمل شاعرة في المنتدي
اميرة الحب و الاحساس زي البري ما اطلق عليها انا عاوزك ترتجلي ابيات شعرية توصف حالة خيانة حبيب |
يا حلاوتك يا جمالك
ارتجال هنا كمان حاضر يا سيدى يا خائنا حبى لست انا من تخان فان نفسى دوما تفيض بنبع حنان وانك ان مررت بدروب الدنيا باثرها لن تجد بها قلبا مثل قلبى يحمله انسان فانا صوت جميل يشدو باعذب الالحان انا دفء يملأ الزوايا والاركان انا حى انا بشر انا اكره الاحزان انا دمعة انا بسمة انا عبير زهر فتان لا اخون ولا احب ان اخان لا احب ان اخان اهو على اد الارتجال بقى |
اظن انت زهقتي من الكلام عن الخيانة و الغدر و الحاجات دي
ممكن تكلمينا عن شخصيتك .... ميولك ... اتجاهاتك ... تفكيرك [color=#990000] |
اه فعلا رغم انى بكتب حزن كتير الا ان شخصيتى فى الواقع بعيدة تماما عن الحزن والكابة
شخصيتى يا سيدى بسيطة جدا اشبه بانسان السازجية بحب كل حاجة جميلة خلقها ربنا بحب ارسم بحب اغنى بحب الطبيعة بحب الاطفال الحيوانات ميولى .. ثقافية جدا قراءات ومطالعات اثرية وفلسفية وتاريخية وادبية وبرضو الجانب العلمية له نصيب بس محدود معايا شويا اتجاهاتى فى الحياة اتجاهات مسالمة جدا ومشروعة بتجه دايما للخيال المطلق اما تفكيرى فده صعب اتكلم عنه بس عامة انا شخصيتى فيها عيوب كتير اهمها التسرع انا متسرعة جدا ها عايز ايه تانى ههههههههه |
الفترة اللي فاتت
قسم الشعر اتغير تكوينه الي ثلاث اقسام و في ناس نادت برجع زي الاول و ناس اقلت لا يبقي قسمين و ناس قالت هو كده حلو انت ايه رايك |
بص يا اسلام عشان الموضوع ده زعل ناس
انا هكون صريحة كالعادة انا شايفة ان التقسيم يفضل زى ما هو بس ادارة الموقع تحدد مهام كل قسم ايه مع انى شايفة ان القسم الجديد شعراء تحت التمرين المفروض يكون هدفه اخراج شعراء عن طريق تعلم فنون الشعر واوزانه وانا ساهمت فيه بموضوعات كتيرة تفيد المجال ده كمان انا رايى ان اعمال الكتاب الشخصية تتعرض فيه اما قسم الشعر والخواطر فيكون للخواطر والمنقولات والشعر الغنائى اللى بلهجة عامية ده رايى وانا شخصيا بتاهل انى اترك اشرافه لشخص جدير بيه منعا للزيد من الخلافات |
حسالك شوية اسئلة عن حبيبك
** اول لقاء بينكم كان فين ؟؟ ** لو مرة شوفتيه واقف يهزر مع واحدة حيكون ايه تصرفك ؟؟ ** لو و انت بتكلميه في التليفون ماما سمعت المكالمة كلها حتعملي ايه ؟؟ ردي علي مهلك |
ههههههههههههههههههههههههههههههههههههههههههههههه
يخرب عقلك يا اسلام ايه الاسئلة دى عايز تحرجنى طب انا هحرجك انت وهرد عليها يللا بقى ههههههههههههههههه اول لقاء بيننا يا اخويا كان فى محطة ترام النصر فى اسكندرية هههههههههههههه معلش امر ربنا لو شفته واقف يهزر مع بنت مش هعمل حاجة هعدى الموضوع عادى والكلام يبقى بعدين ولازم اراعى انها ممكن تكون زميلة ليه والهزار كان من باب المجاملة اما لو ماما سمعت المكالمة فانا فى الغالب بتكلم قدامها والكلام عادى جدا وهو بيكلمها ولو بتكلم من بره البيت هى مبتكونش معايا هههههههههههههه ذكى اوى يا سولوم |
ديوان كلمات الحب
انت حذفتي اخر قصيدة في الديوان ممكن تقولي ايه الاسباب ؟؟ |
لا دى مؤامرة بقى هههههههههههههههههههههه
يا سيدى انا كتبت مكان القصيدة انى بحذفها لااسباب شخصية وبصراحة كده لسببن اولا عشان ذكرت فيها اسم اللى بحبه ولما حصلت المشاكل قلت احذفها منعا للاحراج خصوصا ان اعضاء كتير سالوا عن الاسم يعنى حصلت بلبلة وخلاص |
كتير من الاعضاء بيسألو ليه اعمالك خارج نظاق الرومانسية قليلة ؟؟؟
يمكن عشان الحب ليه جانب كبير من حباتك ؟؟؟؟ و لا انت مش بتعرفي تكتبي خارج مواضيع الرومانسية ؟؟؟ و لا ايه ؟؟ |
ده صحيح معظم اعمالى عاطفية عامة سواء رومانسية او حزينة
انا بعرف اكتب سياسى وشعر حكم لكن بميل اكتر للعواطف لان كل قصيدة كتبتها هى واقع عيشته وعبرت عنه باحساسى انا |
السؤال ده حقوله و حتجاوبي عليه بصراحة
انت حتسيبي المنتدي ليه ؟؟؟؟ |
عشان اسباب كتير مينفعش انا قشها فى برنامج ع العام
|
بصي يا احلام
لو حبيبك ...... خانك و انت اتأكدتي انه خانك و شوفتيه بعينك و متاكده انه خاين 100 % و جه اعتذرلك حتقبلي اعتذاره و لا لأ ؟؟؟ و ليه ؟؟؟ |
حسب نوع الخيانة نفسها
ماهى الخيانة انواع |
اخر سؤال
انا عارف اني زهقت عاوز منك كلمة لادارة المنتدي و كلمة لاعضاء المنتدي و كلمة لاخوكي اللي طلع عينك النهارده |
ما تقولش كده يا اسلام
والله انا سعيدة بالحوار الجميل ده معاك كلمة لادارة المنتدى بقول لاستاذ اشرف ربنا يعينك ويقويك على المزيد من التطور والتقدم واشوف المنتدى ده افضل ساحة فكرية كلمة للاعضاء بقوللكم جميعا والله العظيم بحبكم اوى واتمنى اكون قدرت افيدكم ولو باقل القليل وافتكرونى دايما بخير اما انت يا اسلام فبشكرك على مجهودك الجبار فى وار الكلام كلامهم وبقوللك انت اخ عزيز وان شاء الله تيجى تنور جامعة اسكندرية وتبقى زميل ليا وربنا يوفقك ويكلل جهودك بكل خير وبشكركم جميعا ولكم خالص تحياتى واطيب امنياتى بالتوفيق والسلام عليكم |
كم سعدنا اليوم باستضافة
اميرة الحب و الاحساس ..... صاحبة الاحساس المرهف ..... و الكلمات العذبة التي تسيل منها .... في نهاية الحوار بشكرك علي الحوار الممتع و اسف لو كنت ضايقتك |
انا متضايقتش خالص
بالعكس كنت سعيدة بحوارك يا اسلام وليا الشرف تحياتى نغم البحر |
حوار
جميل يا احلام بجد استمتعت كتير اوتنمنى ليكى التوفيق باذن الله ( صدام ) |
<div class='quotetop'>إقتباس(اسلام رشوان @ Aug 23 2006, 07:52 PM) [snapback]199134[/snapback]</div>
اقتباس:
شكرا ع الموضوع يا اسلام |
فعلا حوار ممتع
فى انتظار الضحية التالية :lol: |
حوار جميل جد نغم
وانت محاور صعب يا اسلام انا قلتلك ارحموا من فى الارض وواضح طبعا طبقتها بحذافيرها :P الى الامام دائما |
مستنيين الضحية التاليه
|
| جميع الأوقات بتوقيت GMT +2. الساعة الآن 09:13 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.