المشاركة الأصلية كتبت بواسطة كفايا كده طب (المشاركة 781494)

يا استاذ حسن زغلول انا ثانوية مصرية والحمدلله في طب من كام سنة بس ليا اخ معادلة عربية وعارفة هو تعب ازاي واتبهدل اد ايه ومش معنى ان مصر مش موفرة لينا الراحة النفسية اللي بره وسهولة الحياة يبقى اللي بره متخلفيين بالعكس المناهج واحدة تقريبا وانت طبعا بتدي الناس فكرة سيئة عن نفسك بانك انسان حاقد وما تزعلش مني لو جاتلك فرصة تيجي من بره وتجيب مجموع كويس ما كنتش هتتاخر ولا هتستنى يوم وكنت هتبقى دلوقتي حزين زيهم على تعبك اللي راح بلاش صدقني يا استاذ حسن ماحدش بياخد حاجة من غير تعب وربنا بيقول (هل يستوي الذين يعلمون والذين لا يعلمون) وياسيدي انت هتبقى وكيل نيابة تجيب للناس حقوقها هم دول مش مصريين ولا ايه وحتى لو مش مصريين مش هتجبلهم حقهم ليه حتى مستكتر عليهم يطالب بحق تعبهم كل واحد في الدنيا بيحصل نصيبه وياريت ما تديناش فكرة سيئة عن وكلاء النيابة انا حتى اعرف انهم ناس عثل اقف جنب اخواتك المصريين ولو عندك كلمة تصبرهم بيها قولها ماعندكش يبقى تسكت وتسيبه يجيبوا حقهم وشكرا ليك لانك بتدور وبتقرا مواضيعهم ده في حد ذاته دليل انك مهتم بيهم وشكرا على اهتممك

المشاركة الأصلية كتبت بواسطة كفايا كده طب (المشاركة 781640)

يا استاذ حسن بجد انت شكلك انسان كويس وانت عارف ان المنتدى مش مجال غير تنفيس عن النفس وكل واحد شايف في نفسه احسن حاجة وحتى لو هو غلطان
وكمان احساس الظلم وحش صدقني انا شوفت دموع وكسرة في عيون اباء وامهات في مكتب التنسيق علشان تعب ولادهم الحمدلله على كل شيء والمعادلة العربية في منهم كتير بيدخل الجامعات وبيكونوا اوائل وانا والله معايا اتنين من السعودية احسن من الف واحد شهاده مصرية كل شيء قسمة ونصيب وربنا بيحط كل واحد مكانه ولو شهادات المعادلة شايفيين انهم اتظلموا وانا والله واحدة منهم لان اخويا هيتغرب علشان نص في المية تخيل نص في المية يوديه اخر الدنيا وفي ناس نص في الميه منعته من انه يكون في مكان افضل انا بجد موجوعه معاهم ونفسي ربنا يزيح همه وكل واحد اتظلم ياخد حقه ورمضان كريم ليك ولكل اعضاء بوابة الثانوية

المشاركة الأصلية كتبت بواسطة tota92 (المشاركة 776045)

انا ايمان من سلطنة عمان جايبه 377 جالي طب بيطري الاسماعيلية ياريت تطمنوني لما ترجعوا الحد الادني للصيدلة من سلطنة عمان كام لان كنت عايزة صيدلة