قصتك جميله وارجو انك تتذكر الحلو منها وتنسى الوحش وتبدا من جديد

مقدرش الوحش مأثر عليا والله يا جماعه مش حتصدقو الفتره دي بالذات من عمري حاسس إن خبرتي وذكائي زاد أضعاف علي الرغم وحاسس بقلة ذكاء من الاخرين ممكن صيغة كلامي يكون فيها غرور بس مش دا القصد والله أنا قصدي يعني فيه حاجات كتير ظهرت ومعاني كتير وضحت بس أكترها للأسوء وأكترها عن والدي بس مش عارف أغيرها علي فكره أنا عندي مرونه في التفكير بطريقه متتخيلهواش بس مش عارف أجيبها من ناحية تانية بس ده تقريبا سببه إنو لما أجي أفكر عن والدي ببقي زعلان علشان كده ببني أحكامي غلط مش عارف حتفهمو كلامي ولا لا بس تقريبا Uoua ممكن تعرف تقريبا هيا تعرف عني كل حاجه

تعرف يا محمد أنا معرفكشى ولا إنتا تعرفنى لكن تعرف إنتا إنسان راجل بجد وعلى فكرة
الرجولة مش بالكلام الرجولة بالفعل إنتا فعلا خلتنى أفكر فى حاجات عمرى ما كنت بفكر فيها
قبل كده يمكن الواحد بجد مش عارف أقولك إيه غير إن فى ليا تعليق على أخر جزء إنتا كتبته
إنك مش قادر تداوم على الصلاة أقولك جاجه أنا برده ىكنت زيك لفترة قريبة من حياتى يعنى تقدر
لغاية ما دخلت الثانوية لكن الحمد لله دلوقتى مداوم عليها وربنا يثبتنى لكن أقولك حاجه متندمشى
على أى حاجه إنتا عملتها غلط أقولك إيه اللى خلانى أخد عهد على نفسى إنى على قد ما أقدر
مفوتشى صلاة هوا إنى عملت علطة لم أكن فى حياتى أفكر إنى أعملها وأنا فعلا محرج إنى أقولها
يمكن عشان معنديش شجاعتك بس هيا كانت فى حق نفسى ومفيش حد يعرف الموضوع ده غيرى
دى تقدر تقول إنها نقطة تحول فى حياتى غيرت مفاهيمى 180 درجة خلتنى أقدر أحافظ على واجباتى
الدينية اللى كنت من الآخر كده منفضلها معلشى بقى أنا طولت عليك بس حسيت إنى لازم أقولك الكلمتين دولة
وشكرا

متأسف لتأخري في الرد ويشرفني رد حضرتك بس كل اللي أنا حكيته تقريبا نسيته لأني بدأتي - يعتبر - حياة جديدة وأرجو من حضراتكم تاخدو العبرة من قصتي وححاول بقدر الإمكان إني أصلح الغلط وأصحح مفاهيمي شوية زي ماكل الشباب محتاجين

اولا انا بحيييك علي شجاعتك الادبية في الاعتراف باخطائك
وانت من وجهة نظري شخص رائع مكافح وشجاع

على فكرة
انا متابعة معاك فى صمت من ساعة ما بدأت
بس لما انت وقفت كتابة وجيت*انا كنت بذاكر* ومش عرفت أرد
بس لو سمحت عاوزة اطلب منك طلب
اكتب الباقى بس please من غير تاخير
okay?
بجد قصة جميلة اوى مرسيي كتير ليك عليها
وليا سؤال بسيط هسأله ان شاء الله بس بعد ما تخلص القصة
ربنا يوفقك

طيب ايه الفكره أنا تقريبا كل القديم مبقاش بالنسبه ليا حاجه دلوقتي وأنا قلت نخليها أساله بعد كده أحسن علشان التشويق والغرض من الموضوع في المقام الأول هو العبرة

على فكرة دي اول مرة اقرا موضوعك
بس بجد قريت قصتك من اولها لآخرها ومش عايزة اقولك اني خلاص ادمنتها بجد
اولا بسم الله ماشاء الله
انا مش عايزاك تزعل على اي حاجة فاتت او الظروف اللي مش كانت موفقة اوي في الاول
عشان لولا كل دة مكنتش هتبقى الشخص اللي بيحترمه كل حد يقرا قصته ومعجب بشخصيته
بجد انا فخورة بيك جدا جدا جدا جدا جدا جدا جدا جدا جدا وبدون اي مبالغة
لإنك بجد عندك مباديء وبتمشي عليها ودي اهم حاجة اصلا
وفعلا انت قدوة لإن مش اي حد بيقدر اخواته واسرته زيك
وانك تقريبا شايف كل الناس حلوة وكويسة


تعرف ؟د. إبراهيم الفقي( حاول تتابع حلقاته هتفيدك اوي من عالنت اوك)
بيقول
ان الدنيا ماشية زي الدايرة
(دان تدان ولو بعدي حين ) دي تلخص كلامي الى حد ما
انت كل حاجة بتعملها كويسة لأي حد بترجعلك تاني
يعني مثلا لو ساعدت واحد صاحبك في محنة
في يوم من الايام هتلاقي اللي يساعدك ومن غير ماتتوقع اصلا
مش لازم تشوف نتيجة اعمالك دلوقتي بس هتلاقي النتيجة على مدار حياتك كلها
ومبدأك انك متكلمش بنات او متحبش غير اللي هترتبط بيها
دة هيخليك اسعد إنسان لإن دة معناه إن ان شاء الله ربنا هيكرمك ببنت من اجمل البنات قلبا وقالبا
وكل حاجة بتعملها دلوقتي بدافع الخير هيرجعلك عاجلا او آجلا
فياريت متزعلش اي حاجة مهما كانت ... لإن كل دة خير ليك
واثبت على الصح ربنا يوفقك إن شاء الله
وصدقني انت مستقبلك مشرق إن شاء الله
عشان تعبت في صغرك هترتاح لما تكبر اكتر يعني
كل اللي بجد اقدر اقولهواك
ان ربنا معاك ويوفقك وغن شاء الله تكون من اسعد البشر
وربنا يكرمك بالكلية اللي تحبها
واعتقد ان كل اللي تابعك في قصتك معاك بدعاه ليك حتى لو مكنش رد
استمر على الصح وعلى مبادءك
واستمر في قصتك لإننا اتعلقنا بيها اوي
ومستنيين آخر جديدك
تحياتي:d

هو صحيح حضرتك عندك أد إيه دلوقتي دخلت هندسة ولا لإ
الموضوع قوي شوية وباين عليك كده متودك في الكمبيوتر ربنا يوفقك ويحققلك كل أمانيك

أنا متشكر أوي أوي بس أنا دلوقتي ظروفي إتغيرت خالص يعني في البداية أنا بحب واحدة وبكلمها من شهرين كده بس أنا من كتر حبي ليها عايز أقطع معاها علشان لو ربنا سهلي أجوزها ومسترخصهاش ساعتها علي أساس إني لسه بدري علي الجواز بالنسبه ليا بس هيا مش حتفهم كده وحتزعل ياريت تساعدوني بس أنا بصراحه حصل معايا حاجات كتير مع البنت دي لو عايزني أحكيلكوا أتفرج علي الردود الأول

اهــ بس اولا واخرا ده قرارك تقطع او لا
لو مش يضايقك قول يمكن حد يقولك على حل كويس
ربنا يوفقك

السلام عليكم يا محمد اولا انا مردتش اقرا اسطر من اللي كتبه لسبب وجيه جدا انت ربما تريد الفضفضه عن نفسك او انك تحب ان تتوج نفسك وتقول لقد فعلت كذا وكذا بهدف الباس نفسك السمو ..... الخ ثانيا احنا لسه في عمر 18 وكل الخبرات اللي اكتسبناها معظمها خبرات صبيانيه تساعدنا في الادراك في سن الرشد لذللك انا مكنتش عايزك تكتب قصح حياتك حالا لو انك عايز تعمل كده لسه العمر ان شاء الله طويل امامك وممكن تقدم فيها للقارئ مته عقليه وخبرات حياتيه يستفيد منها وشكرا علي حسن الاصغاء

يمكن كلامك يكون صح بس أنا نقلت التفاصيل بموضوعية مش بسطحية وانتا القاريء ليك تحكم ويهمني حكمك عليا ومتشكر أوى علي وجود حضرتك

ايه كده الموضع مات ولا ايه

أنا حعمل للموضوع جزء تاني