هم يضحك يعني يا باشمهندسة هاجر


كلمة هتاخدلنا حقنا ده تعبير مجازي يضيف للحالة إللي إحنا بصددها مش أكتر، أنا بستعرض دلوقتي موقف شجاع مفيش وراه مصلحة ولا خوف علي مصالح أو أمريكا تزعل، ده موقف المفروض كان يطلع مننا الأول لإن إحنا أولي بينا

وحمقة الكلام ده كله أصلا بسبب إن إللي حقه يُنتهك .. ياخده بإيده مش بإيد حد تاني!
زي إللي حضرتك تقصديه

إسمحيلي يا باشمهندسة، حضرتك لو عارفة الناس دي إت***وا ليه وإزاي بالظبط سبب محدد ونهائي يعني ياريت تفهميني، لكن هي مجرد سيناريوهات متعددة بنسمع عنها والحاجة المشتركة الأكيدة فيهم إنه عمل مشجوب وضدنا بكل الأشكال، وإحنا مش هنجيبه عشان نستني بقي نعرف إيه إللي حصل فنشوف الموضوع يستحق ولا مش يستحق، خلاص فيه قلق ع الحدود وناس ماتت..مش هنستني كتير ونفوتها يعني

طب ما إحنا لقمة سهلة بقالنا ٣٠ سنة، وخسرنا كتير بسبب ضعفنا، هل ده معناه إني إستسلم بقي وأرضي باللي قدامي

بصراحة ردي ده نتيجة للي فهمته من رد حضرتك، لو فهمت غلط يبقي أرجو تصححيلي

====

أنا قُلت جملة مهمة أعتقد يا باشمهندسة، ننقل صورة الغصب شعباً وحكومة..إسرائيل علي مدار التاريخ عارفة إننا بنعاديها جيل ورا جيل زي ما بيقولوا كشعب مصري وعربي وإسلامي مش جديدة يعني وهيتفجأوا لما يشوفوه في التليفزيونات، لكن لما أشوف مجلس عسكري (الممثل الرسمي للوطن وشعبه) واخد موقف قوي وواقف وقفة إستعداد بحذر بكل ما نملكه من خيارات إننا نضغط عليهم بجد مش كلام وتليفزيون يخليهم يقولوا "سيبوهم يلعبوا" وحضرتك فاهمة قصدي إيه طبعاً بل يخليهم ياخدوا خطوة لورا ويعملولنا ألف حساب لو فكروا يلعبوها تاني

وده سر نجاح الثورة، إنك أخدت موقف قوي ومثابر قدرت بيه تفرض رأي وسيادة وقوة

يارب استرها
عاوزين يا جماعه كلنا ندعي لوطننا ربنا يحفظه من كل معتد اثيم
وان شاء الله ربنا يقبل دعوانا في الايام المفترجه دي

تجربة تركيا من أروع التجارب إللي مرت بيها بلد كانت متأخرة وبقت في مصاف الدول المتقدمة، زي تجربة ماليزيا والبرازيل برضه

يارب جيلنا يقدر يعمل حاجة كويسة للبلد وننهض بيها نهضة جذرية

يارب إجعلنا قادرين علي السيطرة ورفع راية الوطن عالية في كل الأوقات، وسلم وآمن أرضنا وأهلنايارب العالمين وإحفظنا من كل سوء

http://www.masrawy.com/News/Egypt/Po...age_amosa.aspx

عاجبني كلامك من إمبارح والله يا موسي

إت***وا إزاي مكانش سؤال عن تقرير الطب الشرعي، أنا كان قصدي إيه الحيلة إللي إدت ل***هم، وصلت الأمور لكده إزاي أصلا

لو عرفنا نرد ع السؤال التاني يا باشمهندسة يبقي إحنا كده مسكنا الخيط الدقيق في الموضوع كله، زي ما قلتلك يا باشمهندسة هي عدة سيناريوهات كلها ضدنا وبتهدف لزعزعة الوضع في سينا بالنسبة للجانب المصري

طب هنفرض قولنا هي عملية إرهابية والشخص إللي رمي الرصاص ع المصريين ده مش اسرائيلي أصلا طب ماهي ممكن تبقي عملية إرهابية مدبرة من إسرائيل ومدفوعة الأجر كمان

لكن أنا إللي في إيدي دلوقتي ومتأكد منه إن فيه مناوشات جامدة كان ع الحدود بين الجيش بتاعنا وضباط الحرس عند إسرائيل وتبادل إطلاق نار وحصل بعدها إستشهاد ضباط، كده أنا جايب رجل إسرائيل مبدئياً لحد ما نفهم بالظبط والمتهم مش بريء حتي تثبت إدانته معلش!

====

علي فكرة المجلس العسكري هياخد موقف يعني هياخد موقف وهفكر حضرتك إن شاء الله، بس هي الفكرة فيما وراء هذا الموقف وقد إيه هو مواكب للحدث..إللي قصدي فيه إن ممكن يعلنوا موقف ظاهرياً شديد وبتاع ويطلع في الآخر تمثيلية بايخة عشان يفضلوا في الحكم ودي أحد السيناريوهات المطروحة بقوة

سحور مبارك إن شاء الله

والكلام بالعكس مافهوش أي حاجة غير النقاش العقلاني والإحترام والله

وهستني رأي حضرتك علي كلامي في أي وقت إن شاء الله

السلام عليكم ازي الحال يا باش مهندسين ؟

وعليكم السلام ورحمه الله وبركاته.. إزيك يا أبو حميد عامل إيه

معلش يا محمد أنا هقوم أتسحر وأناااااام، بكرة إن شاء الله نتكلم وعايزين نبقي نتناقش بقي إن شاء الله بس طمني علي نفسك في السريع كده