|
نرجــــو الاجتهاد في حذف سؤال مين قال لمين
|
إخوانى المعلمين
أدعوكم لوقفة إحتجاجية شديدة قبل بدء تصحيح عينات الصف الثانى وأن نمتنع تماما عن التصحيح حتى يتم إعادة النظر فى كل ما تم تحديدة من مخالفات فى الإمتحان والأهم الأسلوب الذى يوضع به الإمتحان إن أصغر مدرس لغة إنجليزية من حيث الخبرة خبرة يمكنه أن يضع إمتحان سليم فنيا أفضل من هذا (الهبل) كما أن باقى الإمتحان تافه ولا يقيس أى قدرات لدى الطلاب |
يا جماعه لو سمحت حد يجاوبنى علشان انا دماغى عماله تودى وتجيب من الصبح
أنا دلوقتى كنت بحل سؤال الاختيارى جيت فى سؤال خرافة القطة البيضاء وكنت محتار فى الثانيه والثالثه والاأنين غلط اصلا فعيدت السؤال مرتين وهما اصلا الاثنين غلط فى ناس بتقولى ان ده غلط وان سؤال الأختيارى كله هيتحسبلى غلط علشان كررته مرتين ياريت مدرس يفيدنى ( مع العلم ان السؤالين نفس الإجابات بالظبط الاختلاف فى حتة القطة دى وفى الإنين غلط اساسا ) هل انا فى أمان ولا كده مستقبلى ضااااااااااااااااااااااع ولو مستقبلى ضاع هل فى خطوات الحق مستقبلى بيها قبل ما يضيع يا رب اجابه تريح الواحد |
انا اسفة اوى انتو بتتكلموا وسورى ف الاخر مدرسين طيب احنا نعمل ايه واحنا اللى قاعدين ف لجنة الامتحان امتحان 2011 لغة انجليزية مرحلة اولى مش صعب ع فكرة علشان نعمل كل ده اعتقد الدنيا كلها ترجمة القطعتين ولو حد قال لا يبقى سورى بقى انت اصلا مش ليك تدرس لغة جمل الاختيارى عجبنى كومنت واحد بيقول لو نزلنا امريكا مش هنقولوا الورك بوك صح عندك حق وانا معاك 10000% انا الحمد لله حليتهم بس بالحظ وبركة دعا الوالدين وده مش ينفع اوقف عليه مستقبل طالب من صيدالة وطب لعلوم وتربية طلعت واحدة حظ صح وواحدة غلط جدا والتلاتة بكل ذكاء انا مقتنعة لحد ناو انها تنفع اسطورة (ده راى شخصى اسطورة و خرفات قريبين من بعض ف المعنى ) الا لو هى متعلقة بقى بالمنهج بتاع تالتة زى ما حضرتكم بتقولوا القصة بقى اعتقد كده والله اعلم عندى كلها غلط تقريبا الحمد لله معلش مين الpeople اللى يقصدهم ف لسؤال ال2 انا نفسى افهم البوليس ولا ايمن ولا البوفسير ولا العلماء ولا عم ايمن ولا اللصوص بجد ربنا يستر يارب الكوتشين ده بالذات اللى بيقول ارجع لنص القصة انا مش داخلة ثانوية عامة حضرتك احفظ كتاب المفروض الكوتيشن ف ناس بتقول خمنوه انا حليته انكل وليد لايمن وانا متاكدة ومفيش شك طلع ممكن وليد وممكن ايمن لنفسه وممكن الكاتب طب بالله عليك ده اسمه ايه ده لو عاوز طالب يفكر يعنى والسؤال ال2 ف الكومبليت بالله حد يرد ويقولى مين ال men اللى ف البيت المهجور ولا اللصوص ولا البوليس اللى راحوا الموقع الاثرى انا اسفة انى طولت انا ع فكرة اكتر واحدة مع فكرة ان امتحان اللغة لازم يجى لغة مش منهج لان احنا ف الجامعات درسنا كلها بالانجلش ومش هتتعلق بمنهج بس اللى انا شوفته ف القصة ده يخلينى مش اتكلم انا كده عملت بتاع حوالى 2.5او 3 ف الانجلش بس يعنى مش من صيدالة لعلوم لا ده من كميا لتاريخ ربنا يستر بقى والحمد لله ع كل حاجة واللى يجيبوا ربنا كويس |
مبروك لأبنائنا الطلاب
تم توزيع درجات اربع جمل اختيارات هم الارقام 2\10\11\16 وهذا هو الرابط للتأكيد http://www.youm7.com/News.asp?NewsID=438453 |
قررت وزارة التربية والتعليم توزيع درجات 4 جزئيات بالسؤال الثالث "الاختيار من متعدد" من امتحان اللغة الإنجليزية للمرحلة الأولى من الثانوية العامة، والذى خاضه 449 ألف طالب وطالبة اليوم الأحد.
قررت الوزارة إلغاء هذه الجزئيات من السؤال الثالث من الامتحان وتوزيع درجاتها على 4 جزئيات أخرى بنفس السؤال بعد التحقق من أن بها مفردات لغوية لم يدرسها الطلاب خلال هذا العام الدراسى، وهذه الجزئيات هى 2 و10 و11 و16. وقال جمال العربى، رئيس عام الامتحان، إن هذا التوزيع للدرجات يأتى بناءً على ما ورد للوزارة من شكاوى بعض طلاب المرحلة الأولى من وجود بعض المفردات من خارج المنهج المقرر خلال امتحان اليوم، وتابع "أمر الوزير بتشكيل لجنة محايدة لدراسة وتقييم الامتحان وانتهت إلى حذف الفقرات الأربعة من السؤال رقم 3 لاحتوائها على مفردات لم تُدرَّس خلال المقرر وتُضاف درجات هذه الفقرات إلى الفقرات 1 و3 و4 و5 على الترتيب من نفس السؤال بشرط ألا يترتب على ذلك ضرر يقع على الطالب الذى أجاب إجابة صحيحة فى الأجزاء المحذوفة، حرصاً على مصلحة أبنائنا الطلاب". وأوضح "العربى"، فى تصريحات صحفية، أن الوزارة ستحقق مع من وضعوا الامتحان وبه هذه الأخطاء. |
هسال سؤال غبى انا اسفة ممكن مستر يجاوبنى عليه
انا طلعت الغلط ف اول جملة وبكل غباء كتبت الاسبلنج غلط هنقض النص درجة كلها ؟ وف القصة عملت اكتر من اجابة فيها حاجات قريبة للصح هتعدى ولا غلط غلط ؟ |
اقتباس:
على حسب قدر الخطأ |
ممكن اعرف اجابة السؤال الثانى فى القصة هم مين الناس اللى قصدهم
|
كتبتها كده content مش فاهمة ازاى بس عملتها كده
السؤال التانى ف القصة عملته ناس كتير جدا ايمن وعمه والوليش والكونينل وابروفسير وف الاخر كتبت دور العلماء اختراع دواء جديد ايه النظام بقى والتانى ف الكومبليت عملت اجابات كتير ع اللصوص وكتبت اجابة فيهم لما دخلوا المنزل ورشوا بالمبيدات وف الترجمة مكنتش عارفة الاشعاع النووى عملتها atomic gases معلش انا اسفة ممكن اعرف كده تقريبا الحاجات دى هتعمل معايا كام درجة غير البرجراف وان الكوتيشن وليد لايمن |
انا اسفة تدخلى
بساللى حضراتكم بتقولوه ده ما هو الا خوف على طلبة اللى بتدوهوم دروس لانهم مش اتدربوا على الاسئلة دى لان من المعروف ان دى لغة مفيش حاجة اسمها قديم و جديد ازاى اصلا لمجرد ان فيه جزء اتلغى مشرحهوش و بالنسبة للقصة فالاقتباس اللى اخده محتاج طالب قارى النص كويس مش مجرد انه حافظ الحاجات المهمة و خلاص ممكن جدا انه يجيب للطالب اقتباس قاله المؤلف للقراء او قاله احد الشخصيات لنفسه ازاى الطلبة ميبقوش متدربين على حاجة زى كده!! اعتقد ان الطلبة محتاجة اعادة نظر فى مدرسيهم مش ف الامتحان لان احنا كمان لما كنا ادهم جالنا سؤال الكتابة عن موضوع فى منهج سنة تالتة و حليناه عادى جدا مش عارفة ليه الثورة خليتنا عايزين السهل و خلاص للعلم انا من فلول النظام :d |
اقتباس:
وماذا عن الفقرة الأولى فى تصويب الأخطاء (من الوحدة الحادية عشر) وسؤال الإقتباس فى القصة لايكفى ما تم حذفه من فقرات يجب الإستجابة لجميع المطالب أنصاف الحلول لاتكفى |
اقتباس:
ولكن القضية فى مصلحة أبنائنا وفى مصلحة بلدنا إنها غيرة الشرفاء على مصلحة مصر التى ظلت تعانى من نظام فاسد على مدار 30 عاما وما زالت تعانى نظاما فرضا جهالة وغباءا على عقول الشباب نظام كان يسعى للتعتيم والتجهيل وإفساد العقول والأبدان نظام أفسد علينا حياتنا وعلمنا وتعليمنا وعلاقاتنا وحتى صلواتنا لدرجة امتدت حتى الأمتحانات فأصبحوا يختارون أشخاصا ليس لهم علاقة بالمنهج لوضع إمتحان هام مثل هذا الإمتحان إمتحان يحدد مصير الآلاف من شباب مصر يكون به هذا الكم من الأخطاء الفنية التى يدركها القاصى والدانى أخطاء لاتمر على أصغر مدرسى اللغة الإنجليزية خبرة الأفندى اللى بيضع الإمتحان بيمسك كتاب صف غير الصف ومنهج غير المنهج منهج تم إلغاءه ليضع منه الامتحان سؤال الإقتباس اللى حضرتك بدافعى عنه به خطأ فنى كبير السؤال يقول من قال لمن؟ بالرغم أن العبارة نفسها لم تكن من جزء من الحوار الذى يدور بين شخصيات القصة ولكن الإقتباس لعبارة وصفية تصف حالة الشاب أيمن وما كان يدور فى ذهنه العبارة كانت تحدد المعاناه التى يعانيها وما يفكر فيه ولم يذكرها شخص لآخر حتى نحدد من قال ولمن قيلت ولا داعى للدفاع عن النظام فى إطار الإمتحان أو من وضع الإمتحان فكلهم فاسدون الأخطاء الفنية فى الإمتحان يستطيع الجميع إدراكها حتى غير المتخصص |
اقتباس:
أنصاف الحلول أصبحت لاتصلح نحن نريد تطهير النظام نريد تطهير النظام التعليمى من الشوائب التى تشوبه وتعكر صفوه وتلوث نقاءه |
اقتباس:
|
| جميع الأوقات بتوقيت GMT +2. الساعة الآن 12:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.