|
اقتباس:
بس قبل ما اقول موقف مضحك افتكرته عايزك تشوفي الموقف ده انا كتبته قبل كده بس حاسس انك ماخاتيش بالك منه اصعب موقف حصل معايا مع انه من ايام الابتدائيه الا انه محفوووووور في ذهني اقتباس:
|
أعزم الصدقة و إذ أضعها في بالي يتبدل حالي و إذ أخطو نحوها يخطو نحوي من لا أعرفهم ، لا أفهمهم ، يقولون لا تخشي شيئاً ، نحن نفعل عنك حين تعجزين و نسد حين لا تقوين فأتوكل على الجليل و هو حسب المتوكلين.
أقسم المال بين مسجد ينتفع بماله الفقراء و دار أيتام تحنو على أطفال أبرياء ، أحتار كيف أرتب الخطوة .... أيهما أولاً ؟ دار الأيتام أقرب ، هناك أضع جزءاً من المبلغ و منها للمسجد. الذي وجدت لجنة الزكاة فيه مغلقة. إذاً إلى دار الأيتام و دفع بقية المبلغ هناك ، فجأة يحل بي التعب و يأخذ مني الإرهاق كل مأخذ ، تتسمر خطواتي فلا أقدر على المشي فأقرر أن اركب سيارة أجرة تنقلني تلك المسافة القريبة التي اعتدت أن أمشيها . تمر سيارة الأجرة تلو الأخرى و أنا لا استطيع أن أشير لأيها ، حتى تمر تلك ، أجل هي المطلوبة. أرشدت قائدها إلى مكان الدار ، و إذ نصل يطلب مني السائق أن أعطي مديرة الدار شريط تسجيل للقرآن كانت تبحث عنه و لا تجده في الأسواق و تطوع السائق بإحضاره لها ثم نسي الرجل مكان الدار فبقي الشريط في سيارته شهرين . أما الأغرب من ذلك فهو حكاية حكاها لي السائق : أوقف سيارته ليستريح و إذا بسيارة من الطريق المعاكس تنحرف و تطير في الهواء و تسقط على السيارة التي بعده دون أن تصيب سيارته بأذى! |
مواقف اجمل من بعض وكلها بتضحك:d
جميل اوى اننا نفتكر ايام زمان ونضحك على نفسنا:d |
اقتباس:
اختي الاصغر طلع في دمغها انها تستخبه ورا شجره كبيره علي شط الترعه وكنا بليل كانت الساعه 10 تقريبا يعني احنا مستخبين لوحدنا المهم الشجره بطلت القصه جدورها ممتده الي داخل الترعه والترعه عميقه ولقيت اختي الي بعد منها اخر العنقود رايحه تستخبه هناك هي كمان اشمعنا اختها!!!!!!!!!!!!! وفجاه مسمعناش صوت لحد والعبه خلصت واحنا افتكرناهم دخلوا البيت يناموا وبعدين لقيناهم جايين مليانيين طين سألنهم في استغراب كنتوا فين لقيت اخر العنقود بطلع دخان من ودنها زي المارد وبتقولي اختك كانت حتزحلق لما راحت تستخبي هناك وانا لما رحت مسكت في رجلي وانا مسكت في الشجره وكان فيه طين كتير والترعه كانت مليانه ميه وقعدت اقاوم لحد ما طلعت ومشينا من وقتها ومها الاتنين بيخافوا من اي ترعه او جسر او حاجه ليها شط وملهاش جاجز:blush: |
اقتباس:
سبحان مقسم الارزاق((الله سبحانه وتعالي)) يعلم ما كان وما هو كائن وما سيكون وما لم يكن لو كان كيف كان يكون اسعدني مرورك جدا ،، تقبل عظيم تحياتي وخالص اعتزازي وتقديري |
اقتباس:
موقف محير بعض الشئ اسعدني مرورك العطر لا حرمنا الله من مشاركاتك ومواقفك المتغيرة ،،، لكي عظيم تحياتي وجل احترامي وتقديري |
اقتباس:
موقف جميل هم شكلهم مش بقوا بيخافوا من الترعه والجسر وكده وبس شكلهم بقوا بيخافوا انهم يلعبوا اساسا:d اسعدني مرورك الكريم ولي ملحوظة صغيرة وانا اعلم علم اليقين انها عن غير قصد ولا تقصديها وهي لا ينبغي ان نقول علي احد مسلم انه يهودي اكرمك الله عز وجل فانا اقولها فقط من باب الدين النصيحه ،، بانتظار مواقف اخري اسعدني مرورك شخصيا تقبلي جل احترامي وتقديري:022yb4: |
اقتباس:
ههههه هيا فعلا مشكلة بالنسبالي ولسة بعاني منها للان بس غصب عني والا مانمش من الاساس :d اه فعلا عانت ، بس ماهو بابا وماما قاموا بالواجب مش كفاية العروسة ال اخدتها وانا لاء :d وشكرا جزيلا لحضرتك يامستر |
موقف آلمني في الصغر
افتكرت موقف وانا لسه صغير كنت عند جدي
وخرجت من البيت ووقفت قدامه شوية عشان اضمن ان العربيات كلها عدت الشارع واعدي انا كمان بعدهم وفي اخر عربية كان في قدامها زلطه ع الارض كانت قدام البيت بالظبط اللي هو بيت جدي وانا واقف قدامه قامت العربية وهي بتعدي داست ع الزلطه دي قامت الزلطه بدورها تقمصت دور سوبر مان وطاااارت وجات في وشي في الحاجب بالظبط:bosyht9::022yb4::022yb4: ولسه عاملة اثر بسيط جدا مش اي حد ياخد باله منها في حاجبي لحد دلوقتي وانا بعد مافقت من الذهول والصدمه والالم حمدت ربنا انها ماجاتش في عيني كانت صفتها الحمد لله كان موقف صعب ومؤلم بصراحه نصيحتي ماحدش يقف قدام بيت جده خصوصا لو كان بيطل ع الشارع والشارع فيه زلطه:d،، تقبلوا تحياتي:022yb4: |
فى يوم انا واصحابى طالعين من الدرس ورايحين البيت واحنا فى طريقنا لاقينا بوتيك ملابس فتح جديد المهم واحدة من اصحابى قالت انا لازم ادخل البوتيك ده اصله كان فى ملابس جميلة لزوم التصييط وكده:d عشان عجبتها جيبة وعايزة تسأل عليها انا قلتلها بلاش تدخل واننا متأخرين وعايزين نروح وهى مصممة انها تدخل المهم احنا دخلنا البوتيك وطبعا هى معانا وداخلة على طول ناحية الجيبة :d وهى رايحة ناحيتها خبطت فى الازاز وهى مش شايفاه:o شكله نضيف وجديد:o ومش اتخبطت وبس وكمان وقعت لانها كانت لبسة كعب عالى:d واحنا فضلنا نضحك عليها وكنا هنموت من الضحك ومن ساعتها حرمت تدخل بوتيكات جديدة تانى عشان متتخبطش فى الازاز الجديد:d |
اقتباس:
|
اقتباس:
لا حلوه يا مستر بس انا حقف عن بنت جدى علشان هو مش ساكن ع الشارع:p:p:p:p طيب انا عايزه اشوف موقف لحضرتك وانت كبير يا استاذنا |
المواقف بصراحه كتيرة جدا بس اللي يفتكرها
وانا مش حاضر حاليا في ذهني موقف مضحك وانا كبير بس حضر في ذهني موقف ايام ما كنت في الجامعة (اسكندرية) كنت ساكن مدينة جامعيه لاني طبعا مش اسكندراني بس مدينتي الجامعية كمان كانت بعيدة اووي عن الجامعه(25.5 كيلومتر) المهم كنت لما بخلص الكليه وعايز اروح للمدينة الجامعيه كنت بركب عربية العامرية وبنزل في الطريق المهم في يوم كنت طالع من الكلية مطحوووووون ومدغدغ ع الاخر بس في حاجه المواصله مش بتاخد وقت كتير السواقين دايما بتوع العامرية وطريق صحراوي بقي كانوا بيطيروا وانا كنت بعمل حسابي اني مانمش خالص حتي ولو كنت تعبان عشان انزل في المكان المناسب المهم المرة دي بقي غفلت كام دقيقه كده مش كتير قليلين جدا و صحصحت كده وفوقت لقيت نفسي عديت المكان الي بنزل فيه بحوالي 6 كيلو اعمل ايه بقي قلت للسواق عندك ياسطي نزلي هنا علي اي جنب المهم نزلت وانا موتي وسمي الانتظار بكرهه كره العمي والطريق الصحرواي رخم والمواصلات مش دايما بتقف علطول المهم قلت اتمشي لحد ماعربية تقف واركب فيها ومفيش ولا عربية وقفت وفضلت ماشي ماشي وجريت شويه صغيرين كده لحد ماوصلت المدينه الجامعية ع الاقدام:blush::bosyht9: انا كنت جعان بصراحه ماكدبش عليكوا بس انا كنت في حاله لا يرثي لها وماصدقت افتح باب الاوضه رميت الاجنده واستقبلت السرير احلي استقبال وبالجزمه وبهدومي ونمت طبعا بس قبل ما اتعمق في النوم بالعافيه قلعت الجزمه ومن يومها لو كنت هموت من التعب حرمت انام تاني او عيني تغفل وانا راكب المواصله دي :) تقبلوا تحياتي:078111rg3: |
ههههههههههه
خلاص بقا يا مستر مش تنام تانى فى الموصلات موقف تانى لو سمحت؟ عايزه اضحك انا |
ههههههههههههههههههههههههههههه مواقف تحفة انا ضحكت كتيييييييير و خصوصا على موقف نقاء الروح التانى هههههههههههههههههههه دا كله نوم يا بنتى ههههههههههههه
فكرنى بموقف كدا قديم كنت فى اولى اعدادى و كانت مدرستنا بترجعنا بدرى فماما قالتلى خدى المفتاح علشان مفيش حد فى البيت لانها رايحة تجيب تيتة بعد الشغل المهم روحت البيت على خير و طبعا لازم انام فى الضهر روحت نـــــــــــمــــــــــــــــــت و نـــــــــــمت :d و جت ماما تخبط مفيييييش حد و تدور على المفتاح .. نست تاخده و تخبط و تخبط و كانت هاتكسر الباب من التخبيط :rolleyes:و تعمل ايه رجعت تانى مع تيتة عندها البيت و رجع اخويا من الكلية و يخبط يخبط يخبط و مفييييييييييييييش حد :oو يعمل ايه اتصل بماما عالموبيل لانه معهوش مفتاح و ماما قالتله تعالى عند تيتة و حكتله اللى حصل و رجعت اختى من الكلية و نفس اللى حصل و راحت عند تيتة لكن اخواتى الصغيرين رجعوا من المدرسة بس راحو عند عمى المرة دى;) امـــــا بابا اللى هوا الامل فيه انه يكون معاه المفتاح .. للاسف ماكنش معاه المفتاح :o و راح برده عند تيتة و عمى اتصل ببابا و قاله على اخواتى و اتجمعت الاسرة الكريمة عند تيتة:d الخلاصة جه اخويا معاه راجل راحو فشو الباب و الحمد لله صحيت على خير الساعة 7 بليل مع العلم انى كنت طالعة من المدرسة الساعة 12 :rolleyes: و نمت 7 ساعات و محدش اتغدى و ضاعت عليا الصلوات :( شوفتو بقى النوم دا هههههههههههههه |
| جميع الأوقات بتوقيت GMT +2. الساعة الآن 08:15 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.