هو الاحصاء اللى هيا الرياضة مقدور عليها
كلة بيقول سهلة
المشكلة فى الاقتصاد بردة عايز حفظ

اكيد تختلف طبعا

بس انا قريت ان كتاب الاقتصاد يمكن نص علم النفس او اقل كمان

هو دة اللى لازم اقولهولك
مش كل الناس زى بعض
ممكن واحد يحب مادة و واحد ميحبش نفس المادة
فدة مش حكم

بس علي الاقل حفظ الاقتصاد هيبقي اقل من حفظ علم النفس

^_________________________________________^

ربنا يكتبلك الخير يا كونان
وخلاص اتوكل علي الله وصلي ركعتين استخارة
واللي في الخير الاكتر ربنا يكتبهولك

طب كويس اوي كده كلامكم فجأة انقلب 180 درجة عشان يريحني ^_^

هوا ده اللي هعمله
جزاكم الله خيراااااااااااااااا انا مبسوط اوي

يا كونان شوف اللي انت حاسس او في خير يعني مثلا مادة زي الكيمياء في ناس و احنا داخلين سنة ثانية كانوا يقولوا دي معقده و صعبه

و لكن بالعكس و الحمد لله انا كنت شايف انها كانت تعتبر مادة حلوه و كان برضو فيها شوية حفظ فده مش مقياس
احنا بس بناخد آراء غيرنا و في الآخر اللي يطمن ليه قالك أتجه إليه
و ربنا يوفقك ويوفقنا جميعا و كل واحد يأخد علي قد عمله

في يا جماعة موضوع تاني عاوزين نتناقش فيه
انا في اللجنة بتاعتي كان في غش في بعض المواد بس أنا و الله مسألتش واحد عن كلمة
بس اللي قدامي كان أحياء و هو صاحبي و كان بيغشش و سبحان الله اللي كان بغششوه ده جاب مجموع اعلي منه و اللي بيغش ده ما كنش يستحق المجموع ده علي حد معرفتي ليه في السنسن اللي فاتت
و أنا و الله مكنتش برضي أغش و الحمد لله
و علي فكره احنا كنا بنمتحن الفرنساوي في مدرسه و الالماني في مدرسه
و في ناس كانوا بيحلفولي ان المدرسة اللي كان فيها الالماني كان فيها غش رهيب و فعلا مجاميع الالماني اعلي من الفرنساوي
انا مش عاوز اظلم حد بس انا اعرف ناس فيهم كتير و هما فعلا كانوا يستحقوا مجاميعهم دي و ربنا يحميهم
فهل انا أخطأت عشان مرضتش أغش؟

لا طبعا مش غلطت .. خير ما عملت
الغش عمره ما هيتمحي من الوجود و اللي عايز يغش براحته و خليه يدخل الكلية اللي عايزاها مش من عرقه وتعبه و لو عنده ضمير اكيد هيشعر بتأنيب الضمير طول عمره و بعدين ممكن يدخل كلية بعد كده ويبقي فاشل زي ما هو الحال دلوقت اللي غش و دخل ثانوي و هوا لا يفقه اي شئ ! وكمان سمعت والله اعلم ان رزقه بعد كده يبقي حرام ..
انا برضه كان عندي غش في اللجنة بتاعتي و طبعا مش غشيت و لا غششت حد ^_^
مفروض كل واحد ياخد علي قد تعبه .. انا بحب اللجان الصعبة جدااااااا حتي الواحد يعرف يركز في الحل
في رأيي لو ركزت و حليت هتحقق احسن ما تغش و مش تبقي مركز بتكتب اي حاجة وخلاااااااص !!
ده غير الناس اللي بتغشش غلط وكده ..
واكيد بتنرفز لما حد يغش و يجيب اعلي مني بس خلاص خليه يفرح في الدنيا و في الاخره بقي ينال جزاءه
اكيد يعني الدنيا مش تساوي حاجة بالنسبة للاخره
بس طبعا مش عايز اظلم حد .. لان اكيد مش كل اللي جاب مجموع جابه بالغش .. الناس بتتعب و بتذاكر و ربنا بيوفقها بدون و لا كلمه غشها و في الاخر يقولوا اكيد غش حرام برضه يعني !!