العيب في المسئولين
كبار السن لا يعطوا صغار السن اللي زيي الفرصة للابداع
تخيلوا عملت كنترول المدرسة على الاكسيل وطبعت الاحصاءات والشهادات في اخر يوم الامتحان
ولكن البهوات الكبار برضو طلبوا الشيت الورقي وقالوا لازم يكون موجود ومن غيره المدرسة هتتحول للتحقيق
يعني عايز اقول الموضوع ده هيتحقق لما امثالي يكونوا هما المسئولين عن التعليم
ساعتها ان شاء الله لازم ننسف كل الحمامات القديمة ومايبقاش غير الكمبيوتر وبس

ماقمت أنت به عمل رائع ،ولكن الشيت المحفوظ علي الكمبيوتر لابد من طبعه وأرساله للإدارة ، وننتظر منك نموذج للتحضير وأدخل حجرة معلمي الفلسفة

هو التحضير أصبح عيب !!!!!!!!!!!!!!!!!!!!!!!!!!!!!!!!!!!!!!!!

السادة المدرسين الافاضل

انا قمت فى بداية الدراسة 2009- 2010

بعمل دفتر تحضير روعة لمادة الدراسات الاجتماعية اعدادى
ممتاز بكل المقايس تنسيق وشكل والوان

ولكن للاسف الموجهة قالت مش هقدر اوقع علية لان الموجة الاول يشترط انه يكتب بخط اليد
وفعلا اشارت على الذهاب الية وعرض الدفتر علية لعله يغير رائية ولكن للاسف بدون جدوى معه

فاقسمت انى سوف احضر فى كشكول ورقى من ابو ربع جنية وخط زى الزفت ربش والسطور داخلة فى بعضها وبلون واحد وبدون تنسيق ما حدش يعرف يقرا كلمة منه .

وقلت للموجة انا خطى كدا ومعرفشى اكتب غير كدة وفعلا الى اخر السنة والسنة القادمة انشاء الله نفس الكلام

وده حال مصر والتعليم

عليك أن تستمر في التحضير بالكمبيوتر ولاتنظر إلي الخلف
وهذا الموجه مازال يعمل بفكره القديم

اخى الحبيب / أحمد هذه الفكرة تراودنى من زمان جدا لكن التوجيه يرفض هذا ولكنى اقوم بطبع دفاتر اشراف المدرس الأول على الكمبيوتر بالرغم من ان البعض يرفضها والبعض يستحسنها الا اننى اصر عليها منذ اربع سنوات وياريت نحاول جميعا ان نتفق على عمل تحضير واحد على الكمبيوتر ولكن يدعم ايضا باسطوانات شروحات عن طريق البور بوينت وغيرها من البرامج وهل تتذكر فى الماضى كان التوجيه بيمنع ويشدد
على عدم طباعة الامتحانات على الكمبيوتر ولكن الآن لما نلاقى امتحان مكتوب بخط الايد بنتريق عليه

الأخ العزيز أرجو أن تستمر فيما بدأت فيه وسوف يكون نتاج عملك التوفيق إن شاء الله
أرجو أن تدخل حجرة معلمي الفلسفة

يجب أن نستمر في التحضير باستخدام كل التكنولوجيا الجديدة

نحن فى عصر الحاسب

بعد التحضير علي الكمبيوتر يتم طبع التحضير للمتابعة
والباقي يبقي تكنولوجيا

يا جماعة عايزين رائ مسئول فى الوزارة عن الموضوع دة

او مستشار اى مادة يقول رايه

بالنسبة للفلسفة أحنا بنحضر علي الكمبيوتر دون اعتراض من أحد