بوابة الثانوية العامة المصرية - اى حد داخل هندسه الازهر بنات القاهره يتفضل بالدخول لو سمحتم

بوابة الثانوية العامة المصرية (https://www.thanwya.com/vb/index.php)

- جامعة الأزهر (https://www.thanwya.com/vb/forumdisplay.php?f=212)

اقتباس:

المشاركة الأصلية كتبت بواسطة الفارس المتألق (المشاركة 1886823)

والله انا من ساعت الدراسه ما ابتدت ومعظم اللي يقابلوني ويسألوني ناوي تدخل ايه وأقلهم نظم يقلولي يا ابني بلاش ودي مالهاش شغل كتير في مصر واي واحد ممكن ياخد كورسات ويشتغل شغلك

سيبك من الناس دول

بس الحمدلله الاسبوع اللي فات سمعت كلام كويس شجعني اكتر ان ادخل القسم ده ان شاء الله وان هي فعلا لها شغل كويس ان شاء الله بس طابعا كله او معظمه يعني في القاهره

خير بشرنى

اهم حاجه دلوقتي ان السنه دي تعدي علي خير وبعد كده ربنا ييسر لكل واحد مافيه خير له ان شاء الله
انا اللي اعرفه ان فيه تبع الجيش حاجه اسمها فنية عسكرية ودي زي كلية الهندسه بس طبعا تبع الجيش وليها مميزات كتير طبعا بس الالتحاق فيها بيكون بعد الثانويه بس انا مافكرتش ان اقدم فيها لان مش بحب الحياه العسكريه
بس انا اول مره اسمع عن اكاديمية الشرطه دية وايه هي شروط الالتحاق بيها ومكانها فين؟

بص هى عبارة عن دراسة بعد الكلية مدتها 7 شهور
واسمها اكاديمية الضباط المتخصصين
واللى يتخرج منها يشتغل تبع الشرطة ويتخرج برتبة ملازم اول ومرتبة مش بيقل عن 3 الالف فى الشهر او اكتر بكتير كمان وهاتشتغل فى مجال تخصصك
يعنى مستوى مادى ومركز اجتماعى وفى مجال تخصصك

اقتباس:

المشاركة الأصلية كتبت بواسطة الفارس المتألق (المشاركة 1886736)

انا متشكر جدا يا بشمهندسه علي المعلومات القيمه دي كلها
وربنا يجعلنا نصيب فيها ان شاء الله

العفو على ايه اى خدمه ويا رب يجعلنا نصيب احنا كمان

اقتباس:

المشاركة الأصلية كتبت بواسطة Eng.Rasha (المشاركة 1887211)

اي المعلومات الجامده دى يا شا وان شاء الله انتى ناويه تروحى دول يا حبيبتى اهم حاجه عندهمالانضبات والمواعيد كمان وانتى ما شاء الله عليكى مش توصى:blush:

اقتباس:

المشاركة الأصلية كتبت بواسطة eng.rasha (المشاركة 1887203)

بناخدها هناك فعلا بس احنا عندنا دكتور مازن دكتور زى العسل مش زى الدكتور اللى عندكم اللى اسمه تقريبا محمود حافظ لانى سمعت عنه حاجات حلوة كتيييييييير

ربنا يبعدنا عنه يارب ويخلى لنا دكتور مازن

هو فعلا اسمه د.محمود حافظ هو يمكن بيبقي سعات صعب في التعامل بس هو ما شاء الله عليه منظم جدا
دا لدرجة ان الكتاب اللي هو عامله مسجله برقم مسجل عشان يحفظ حقه وماحدش ينقل منه حاجه ودا طبعا حقه

اقتباس:

المشاركة الأصلية كتبت بواسطة eng.rasha (المشاركة 1887211)

بس الحمدلله الاسبوع اللي فات سمعت كلام كويس شجعني اكتر ان ادخل القسم ده ان شاء الله وان هي فعلا لها شغل كويس ان شاء الله بس طابعا كله او معظمه يعني في القاهره

خير بشرنى

انا ليه ناس قريبي متخرجين من كلية حاسبات ومعلومات فكان من مده وزارة الاتصالات عامله اعلان عن وظائف خاليه وكانوا عايزين خريجي هندسه وعملنلهم ميعاد للتقديم وخريجي حاسبات ومعلومات عملنلهم ميعاد تاني فلما راحوا في المعاد المخصص لخريجي هندسه ماردوش يقبلوا ورقهم يعني فعلا فيه في سوق العمل فرق بين خريج هندسه واي حد تاني شغال في المجال وخلاص

وعرفت ناس برده متخرجين من نظم ومعلومات من سنه وشويه تقريبا وشغلين ماشاء الله بمرتب حوالي 3 تلاف ،واكيد فيه نماذج كتير كويسه بس احنا اللي ماشفناش

بص هى عبارة عن دراسة بعد الكلية مدتها 7 شهور
واسمها اكاديمية الضباط المتخصصين
واللى يتخرج منها يشتغل تبع الشرطة ويتخرج برتبة ملازم اول ومرتبة مش بيقل عن 3 الالف فى الشهر او اكتر بكتير كمان وهاتشتغل فى مجال تخصصك
يعنى مستوى مادى ومركز اجتماعى وفى مجال تخصصك
متهيألي سمعت عنها قبل كده ان هي بتاخد اطباء برده بس مش متأكد
بس هو انت تعرفي مكانهم فين؟ ومتاكده ان اللي بيتخرج بيشتغل تبع الشرطه؟ ولا تبع الجيش؟ وايه هي شروط الالتحاق؟ يعني لو تقدري تعرفي معلومات اكتر ابقي قللنا

السلام عليكم ورحمه الله وبركاته
ازيكم يا احلى مهندسين فى مصر (طبعا مش شباب الازهر )
المهم بقى عايزه طلب منكم وهو انى عايزه اسال عن ورق للرياضه انا معايا مذكرات بس هو فى حاجه
نحل منها عشان الامتحان وكده يعنى ورق مسائل لو حد يعرف ياريت يرد عليا
وكل ترم وانتم طيبين

بقولك ايه ياسمين انتى بعتى الميل من غير متقولى ده ياهو ولا هوت ميل ولا اى حاجه او هو جالى كده وانا مش عرفت ابعتلك الميل بتاعى لانى لازم اكون عملت اكتر من خمسين مشاركه ممكن ارخم عليكى تبعتى الميل تانى معلش يا قمر بتعبك معايا ولو ينفع رشا كمان تبعتى الميل بتاعها ونكون كلنا اصدقاء اوك
يالا سلام يا قمر:av4056bb7jp3:

اقتباس:

المشاركة الأصلية كتبت بواسطة نورالحياه (المشاركة 1889848)

من عنيا يا سارة انتى تؤمرى

اقتباس:

المشاركة الأصلية كتبت بواسطة نورالحياه (المشاركة 1888945)

بصى ذاكرى اسئلة الكتاب المحلولة ومحاضرات دكتور محمد كويس واى حاجة تانى حليها كدا من باب زيادة افكار

وربنا معانا يارب

اولا السلام عليكم ورحمه الله وبركاته
ثانيا تسلم عيونك يا قمر وانا هستنى الميل بتاعك انتى وياسمين
وميرسى ليكى على الرد على الرياضه
وربنا معانا يارب ومع كل الناس
يالا سلام

العفو على ايه يا ساره الميل بتاعى على الياهو على فكره وطمنونى عملتو ايه فى امتحان الرياضه والانجليزى كمان معلش مكنتش بقعد على النت بقالى فتره كنت مخنوقه منه شويه بس الحمد لله حاليا

أهلين يا جماعة

يارب تكونوا ماشيين كويس فى الامتحانات

بالتوفيق ...

أهلين يا جماعة

يارب تكونوا ماشيين كويس فى الامتحانات

بالتوفيق ....

اقتباس:

المشاركة الأصلية كتبت بواسطة Einstein (المشاركة 1915208)

أهلين يا جماعة

يارب تكونوا ماشيين كويس فى الامتحانات

بالتوفيق ....

اهلا بيك:av4056bb7jp3: وشكرا على المرور:d

شكرا يابشمهندسه على هذا التوبيك لكى نلتقى جميعا على حب الله ورسوله انا معاكي في اعدادي هندسه

اقتباس:

المشاركة الأصلية كتبت بواسطة sasa kassem (المشاركة 1938923)

شكرا يابشمهندسه على هذا التوبيك لكى نلتقى جميعا على حب الله ورسوله انا معاكي في اعدادي هندسه

العفو يا بشمهندس على ايه وياريت ما تحرمناش من مشاركاتك:078111rg3: