يعنى ايه
معلش بس يا ريت توضح السؤال

يعنى مثلا احضر الماجستير فى سنة والدكتوراة فى سنة وبس

لا طبعا مينفعش
الموضوع مش بسيط و لا صغير
ده لازم تعمل رسالة بتخدلها سنة او اتنين وبيكون فى امتحان جزء اول قبل الرسالة و امتحان جزء تانى بعدها

Mayada_zeen***********
 

بلييييز انا عايزة اعرف هو انا اقدر افتح عيادة اول ما اتخرج من الكلية على طول ولا لازم اعمل حاجة الاول علشان افدر افتح عيادة وامارس المهنة

اه ينفع تفتحى عيادة بعد التخرج و سنة الامتياز و التسجيل فى نقابة اطباء الاسنان على طول و مش لازم تعملى دراسات عليا خالص مش شرط يعنى فى ناس بتعمل و ناس لا و اللى بيعملوا اغلبهم بيخدوا دبلومة عشان ينجزوا فى سنة و نص و بتكون اسهل من الماجستير و الدكتوراة و اسرع و ابسط و فى ناس مش بتعمل و عادى جدا

رد
 

طيب لوسمحت الجامعات الحكومية (كلية طب اسنان ) فيها قسم استثمارى بياخد مجموع اقل.. وليه مصاريف وقد ايه...؟

على حد علمى مفيش اقسام خاصة طب اسنان خالص

طيب اجيب البالطو طويل ولا قصير علما بانى داخل اعدادى

بيتهيألي تجيبه طويل
لأنه كدة كدة حيتبهدل السنة دي و هيترمي

مش فرقة كتير بس يمكن الطويل افضل شوية عشان الكمياء و حتى بعد كده عايز طويل هات عايز قصير هات بس انا بحس ان الطويل له هيبة اكتر من القصير

dr_dodda91***********
 

بليز عايزة اعرف لو حبيت اجيب ضفادع علشان اتمرن عليها فى البيت اشتريها منين؟

هى مش مستاهلة يعنى احنا عمرنا ما جبنا ضفادع شرحناها فى البيت و لا حد فى دفعتنا عمل كده لكن لو عايزة ممكن تسالى حد من العمال فى قسم الحيوان هما ممكن يعرفوا يجيبوا لك

mayada_zeen***********
 

بليز عايزة اعرف هو مذاكرة سنة الاعدادى زى مذاكرة الثانوية العامة فى الكم والصعوبة والقلق ولا ايه؟

الفكرة كلها انك مطلوب تتكيف مع المذاكرة بالطريقة الجديدة و بطبيعة الدراسة الجديدة نسبيا بالانجلش و انك تجيب ورق و كده انما بمجرد انتهاء المشكلة دى خلاص الحكاية بتتحسن
عايز بس اقول ان ممكن نحس فى اول السنة بعدم الثقة فى النفس و نلاقى الوضع صعب شويتين و ده طبيعى و حصل نعايا مثلا فى اعدادى و كنت طول السنة خايف و مش واثق فى نفسى و كده و فى الاخر لقيت الموضوع اسهل مما كنت اتصور و ذاكرت و ظبطت الامور و بقيت الخامس ع الدفعة و لله الحمد
كمية المواد ممكن تكون اكتر شوية من ثانوى بس مش صعبة انها تتذاكر
القلق و الاحساس بالصعوبة هو امر طبيعى و لكن يقل بمرور الوقت و بيبقى عادى بعدين بحيث ان نوع القلق اللى كان عندنا فى اعدادى اختفى بعد كده خلاص
اهم نصيحة اقدر اقولها فعلا ان محدش يفقد ثقته بنفسه ابدا مهما كانت الظروف او الاحساس بالصعوبة فى اول شهر و اتكر دايما انك جايب 97 % على الاقل عشان تدخل هنا فانت مش قليل و على فكرة التقديرات بتتحسب كالاتى :

60% - 65 % مقبول
65% - 75% جيد
75% - 85% جيد جدا
85% فما فوق امتياز