معلش اتلخبطت صح الترم من 132 وفي 36 درجه اعمال سنه
بص دي درجات اخر السنه العربي :60 انجلش:50 لغه تانيه:30 الجبر:20 الهندسه:20 الاحياء_الكيمياء_التاريخ_الفيزياء_الفلسه_الجغرافيا :20 وزيهم الدين والحاسب والتربيه الوطنيه والماده التطبيقيه:p |
اقتباس:
على اساس انك كنت مركز في اولى :friendsxs3: |
اقتباس:
خلاص يا بودي هم البوقين إللي لازم يتقالوا للكل :006et4::d |
مستوى رفيع عربي ولا انجليزي؟
يا جماعة يا ريت تنصحونا اللي عنده خبرة وشا ف مناهج المستوى الرفيع
هاتختاروا ايه مستوى رفيع؟ |
يا ريت تجاوبوا على الاستطلاع الموجود فوق؟
|
احنا خلينا ف المضمون وادينا شايفين الانجليزي كل مرة مش عارفة بيجيبوا منين
مع اني والله بحب الانجليزي اكتر |
ما هي المشكلة انا نفسي اعرف على الاقل نظام الامتحان والمناهج
(بس انا بكره العربي موووووووت) |
والله وانا كمان بكرهه اوووووووووي
مش عارفة ليه بندرسه ع اساس ان انا عارفة ليه بندرس المواد التانية يعني!!! |
أنا اخترت انجليزي لكن احتمال اجنن وادخل رياضة بصراحة من حبي ليها
|
انا أخترت انجليزى والله اعلم لكن مقدرش انصحك لانى مجربتش ومعرفش انهى الاحسن لكن ربنا يوفق واللى انتى شايفاه احسنلك اعمليه
|
انا طالعه تانيه وهختار ان شاء الله المستوي انجليزي لاني مش بحب العربي ولا الجغرافياولا الفلسفه
|
بصى انا كنت عربى تقريبا العربى درجته مضمونة بس هو فيه 14 درس بتحفظيهم بس هم مش بيتفهمو خااااالص يعنى مش تحولى تفهمى اى حاجة وممكن كمان مش تعرفى تحفظى علشان كبرهم وكدة بيجى بلاغة وبيجى نحو يعنى اعربى كدة مش اكتر انا مش بعقدك بس انا قولت اللى انا شعرت بيه انا وكل اصحابى اما الانجليزى انا سمعت السنادى سمعت بس ها انا سمعت انه كان جاى صعب شوية بس انتى اسألى اللى كانواا انجليزى ايه اخبارووو يعنى العربى تقريبا مضمووون اكت دة من رأيي بس انامش جربت الانجليزى والله الموفق |
بصو ياجماعه انا داخلة اولى ثانوي السنة دى
ومعرفش اى حاجة فى اى حاجة بس انا عاوزة اعرف هاخد كيميا وتاريخ واحياء الاول ولا فيزيا وجغرافيا وده بيبقى ع أى أساس ؟ وكمان فيه ناس كتير بيقولو لى ريحى وبلاش دروس السنة دى عشان السنة الجاية اعمل ايه وشكرااا على الملتقى الرائع :) |
انا عن نفسى حاخد رياضة
|
بكره العربى جدا
يبقى أكيد إنجليزى من منطلق ايه اللى رماك على المر |
|
عربى احسن وسهل جدااااااااااااا
انتى ممكن من النهارده تاخدى كل يوم درس تذاكريه مش هياخد من وقتك حااااااجه خااااالص فى خلال اسبوعين تكونى ضمنتى 10 من 10 فيه تدخلى المدرسة مرتااااااااحه ومش شايله هم المستوى خااااااالص |
اى دة فى ناس بتقول هتاخد رياضه طب ازاى ع مااعتقد هو يا عربى ياانجليزى بس ياريت تفهمونى
|
والله انا بنصحك نصيحة اخت كبيرة انا كنت خدت السنةاللي فاتت مستوي رفيع انجليزي وده علشان بكره العربي ولكن ندمت ندم علشان مأخترتش العربي من الاول علي الاقل العربي مش هتحفظي كلمات مش عارفها ولا كلمات مش عارفة معانيها
المهم ان العربي بأذن الله هتكوني ضامنةالنهائية بس الانجلش مفتكرش انا جبت فيه السنة دي 8من 10 بس وكان صعب وفيه جمل مش في كتاب المستوي من اصله انا بنصحك انك تختاري عربي وتتوكلي علي الله |
اقتباس:
أنا اخترت انجليزي بس كلامك دا خوفني وقلقني منه. |
اقتباس:
ربنا يستر اقتباس:
ان شاء الله انجليزي ده ابيخ حاجة في العربي القراءة |
اقتباس:
لاني بحب الرياضة بس خايفة لحسن الاقيها في الاخر عبء كبير علينا باالاضافة للمواد الاساسية ربنا يستر |
لا ياجماعة بلاش رياضة انتو مش ضامنين الامتحانات هتيجى ازاى
خليكو ف المضمون مابين العربى والانجليزى كل واحد يختار اللى يريحه انا عن نفسى ان شاء الله عربى وربنا يستر |
انا اخترت العربي عشان بتوع السنة اللي فاتت حذرونا من الانجلزي
|
ا[]عتقد انك تصلي صلاة استخارة لربنا وربنا هيوفقك السنة دي زمايلي في3ث قالوا ليا لنه جاء سهل والغلطة فيه بربع درجة غير العربي تماما فيه الغلطة بدرجة انا واخد انجليزي والله الموفق مع اني بكرهوا خالص الانجليزي.[/
|
اللي ناوي ياخد رياضة يتوكل علي الله و ميحاولش يخلي حد يغير رأيه لان دروسه مكملة للمنهج و الاسئلة مش صعبة و اصحابي كانوا واخدين رياضة وجابوا عشرة فيه وكان في اصحاب ليا واخدين احياء وبردو جابوا عشرة
بس الانجلش كله 5 حصص أو 6 بالكتير و الرياضة 8 أو 9 حصص بالنسبة للعربي معرفش حاجة عنه ومش عايز اعرف لاني مش هقدر احفظه و الأدبي ياخد جغرافيا اسهل و درجتها مضمونة |
بصى ياقمر انا هكلمك عن الانجلش لانى كنت واخداه وهشرحلك بالظبط هو عبارة عن ايه وسامحينى لو هطول بس انا عاوزة اديكى فكرة كاملة وانتى تقررى
انجلش عبارة عن 3 وحدات انا هسميهم وحدات عشان اقدر افهمك اكتر الوحدة الاولى عبارة عن 3 دروس عن جزر الهاواى اول درس بيشرح الاسامى والمكان والمميزات بتاعت الجزر والتانى عن الرياضة اللى فى جزر الهاواى والتالت عن العادات والتقاليد الوحدة دى بجد ممتعة اوى وانا كنت بعشقها بصراحة المهم كل درس من دول المدرس بتاعك هيديكى عليه كام سؤال تحفظيهم وهتدخلى الامتحان تلاقى منهم 2 الوحدة التانية عن طبيبة ايطالية اسمها ماريا وبرضه الوحدة دى 3 دروس الاول عن طفولتها والتانى عن بيت للاطفال عملته والتالت عن انجازاتها ومؤتمر حضرته ودى برضه وحدة لذيذة اوى وبرضه المستر هيديكى على كل درس كام سؤال تحفظيهم هتدخلى الامتحان تلاقى منهم 2 الوحدة التالتة عن القضايا العالمية الدرس الاول عن الزيادة السكانية ودة درس لطيف برضه الدرس التانى عن التلوث ودة برضه لطيف جدا الدرس التالت عن الثورة الخضرا ودة اساسا مبصتلوش لانه كلامه صعب شوية وهحيلك ليه مذاكرتوش بس تحت فى نظام الامتحان برضه المستر هيديكى على كل درس كام سؤال تحفظيهم وتدخلى هتلاقى منهم 2 كدة خلصنا الدروس ندخل بقى على الجراميييييير الجراميييير سهل اووووووووووى والله جدا ومفيهوش حاجة انا عن نفسى كنت بكره درس واحد بس بتاع الافعال وحروف الجر بس دة لعيب فيا حتى فى المنهج العادى كان عندنا دروس شبهه بس برضه كنت بكرهها انما الباقى كله حلو جدا ندخل بقى على نظام الامتحان اولا الامتحان تقريبا 9 اسئلة وعليه كله 40 درجة وبيتقسم بعد كدة على 4 عشان يبقى من عشرة يعنى الواحدة فى تشوز بيبقى عليها 1/8 درجة تقريبا اول سؤال بيبقى 10 تشوز سهلين لو انتى مذاكرة كويس هتحليهم كلهم صح تانى سؤال بيبقى 5 فايند زا ميستيك وبرضه حلو مش معقد زى فايند زا ميستيك بتاع الامتحان العادى بتاع الانجليزى تالت سؤال بيبقى 5 ريرايت من المنهج برضه بس ممكن واحدة منهم تبقى لفة سنة بس لو فكرتى ثانية واحدة هتحليها صح رابع سؤال بيبقى عبارة عن 6 اسئلة على الدروس اللى انا شرحتهالك فوق بتختارى منهم 4 بس عشان كدة حتى لو ذاكرتى هاواى وماريا بس هتحلى 4 اسئلة لان كل وحدة زى ماشرحتلك فوق بيجى عليها سؤالين بس مش اكتر بس برضه زيادة احتياط حاولى تاخدى فكرة ولو بسيطة عن درس التلوث والتعداد السكانى وممكن تسيبك من درس الثورة الخضرا دة مش لازم لو صعب عليكى مش مهم السؤال الخامس قطعة كومبريهنشن عليها 4 اسئلة بتجاوبيهم من القطعة زى قطعة الامتحان العادى السؤال السادس قطعة كومبريهنشن بس عليها 4 تشوز السؤال السابع قطعة كومبريهنشن عليها واحد تشوز بيسألك فيه يااما ايه النهاية المتوقعة للقصة يااما القصة دى بتتكلم عن ايه ودى بتبقى سهلة خالص على فكرة ومش معقدة السؤال التامن اكتبى حوار بين شخصين كل واحد يتكلم 3 مرات من غير سلامات ودة بيبقى والله سهل اووووى واى حوار فى سياق الموضوع هتكتبيه هيحشبهولك صح السؤال التاسع والاخير اكتبى مقال من 20 سطر عن موضوع ودة هيديكى فيه موضوعين تختارى منهم واحد وهتكتبيه اكنك بتكتبى براجراف عادى بس طويل شوية انا اخدت المستوى على مدار السنة فى ست حصص كل حصة بملزمة ذاكرت ملزمتين بس وجيت ليلة الامتحان ذاكرت الاربعة التانين وحليت اسئلة كتاب المدرسة اللى المستر كان حاطيطهالى فى ملزمة لوحدها ودخلت الامتحان وجبت 9 ونص فانتى لو ذاكرتيه كل ماتخدى حصة تذاكريها على طول وماتراكميش عليكى حاجة بحيث انك ليلة الامتحان تبقى بتراجعى بس والله هتقفليه انا عشان استهترت بيه ويعتبر مذاكرتوش غير ليلة الامتحان كنت هقفله بس دة نصيب وكل الحكاية نقصت نص درجة فبجد هو حلو والله ومش صعب زى مابيقولوا والله بس هو محتاج انك متستهتريش بيه وتهتمى بيه شوية هتقفليه |
اقتباس:
علي فكره اولي كانت بالنسبالي مش سهله يعني حاولي تزاكري ومتناميش يعني ممكن تقللي شويه بس لكن بلاش النوووم خالص ولو محتاجه درس في اي ماده ابقي خدي |
اقتباس:
شكراااااااااااااااااااااااااا على الشرح الجميل دا أنا ان شاء الله هاخد انجلش مستوى من غير تفكييير :) ياااااا رييييييييت حد كان عربي يشرح نفس الشرح كده عشان نطمن ونعرف نقرر القرار النهائي :):) |
يا جماعه انا جايب فى تانيه 98.3 باذن الله يا ترى ممكن الحق هندسة بترول
|
انجليزى اكيد
معظم اوائل الثانوية العامة مختارين انجليزى |
يا جماعة دلوقتى فىالمرحلة الاولى بيكون مقرر علينا سنة كاملة وموجود 5 مواد بس وسنة كاملة طبعا تخلى الواحد يضبط المواد ده كلها مادة مادة وكتاب كتاب والمرحلة الثانية نفس الكلام بينطبق عليها ايه بس اللى بيخلى الدرجات تحت 400 وليه مش بنلاقى غير 20 او 30 واحد بيجبوا فوق 408 من انحاء الجمهورية كلها اتمنى ان حد يقلنا عشان نعرف السبب ومنقعش فى الاخطاء ده :friendsxs3: |
اقتباس:
شكرا كتير كتير والف شكر ربنا اعمال السنة ده ايه نظامها معلش هتعبك معايا |
احسن فصول المتفوقين ولا الفصول العاديه
|
بصي يا بنتي انا مختارة انجلش مبدئيا بس لو في نصيب اخش رياضة (ده لاني لحد دلوقت مش عارفة هخش ايه ) هاخد رياضة احسن يعني بس :) |
اقتباس:
بااااااااااارك الله فيكي الحمد لله انتي كده طمنتيني بس مكن اطلب منك طلب لو تعرفي على النت اي ملفات او ملازم لمستوى الرفيع انجلش يا ريت ترفعيها لنا هنا وجزاك الله كل خير |
اقتباس:
احنا هنا بنتناقش بس وعلى فكرة ده مستوى رفيع عشان المفروض يعني احنا عايزين نرفع مستوانا في مادة معينه والله اعلم ففي ناس فعلا اخدت رياضة وجابت النهائية برده ربنا يوفقنا جميعا لما فيه الخير |
اقتباس:
|
اقتباس:
هو انا اعرف قشور كدة عن العربى ممكن اقولك اللى انا عارفاه وان شاء الله حد من الشباب اللى كانوا عربى هيدخلوا ويقولولكم العربى عبارة عن 14 درس قراءة بس مش عارفة هما بيتكلموا عن ايه بالظبط عشان ماافتيش بس اللى اعرفه ان المهم منهم 10 يعنى فيه 4 ممكن متذاكرهمش الامتحان بيجى عبارة عن سؤالين قراءة كل سؤال من درس والسؤالين دول بيبقوا شبه سؤال القراءة اللى فى الامتحان العادى يعنى قطعة وعليها 3 او اربع اسئلة وقطعتين بلاغة النحو بيبقى جواهم دة بصراحة اللى اعرفه من بنوتة زميلتى كانت واخدة عربى وان شاء الله حد من الشباب يدخل يفيدك وانا برضه لو عرفت عنه حاجة هاجى واقولكم ان شاء الله ربنا يوفقكم |
ونصيحة ياشباب لو هتاخدوا انجليزى ياريت ليلة الامتحان تحلوا الاسئلة اللى بتنزل فى الجرايد هتفيدكم اوى ولو مدرس الانجليزى العادى بتاعكم مش كويس متاخدوش معاه مستوى وروحوا لمدرس تانى انا المستر بتاعى بصراحة كان ممتاز اوى عشان كدة اخدت معاه المستوى كمان بس فيه بنات صحابى كان المسترات بتاعتهم مش كويسين فى المنهج العادى واخدوا معاهم مستوى ونقصوا فياريت بس تاخدوا بالكم لو انتم جبتوا درجات كويسة فى الانجلش العادى مع المستر بتاعكم خدوا معاه المستوى انما لو لا يبقى خدوا المستوى مع حد تانى تكونوا عارفين انه كويس عشان يديكم كل حاجة وربنا يوفقكم
|
اقتباس:
لأ عادي هي ساعات إللي بتنجح اصلا بس ماتحتهاش في دماغك قوي |
بصي بالنسبه لادبي فاحسن مستوي جغرافيا لانها صغيره ومجامعها كبيره
اما بالنسبه للعلمي فانا كنت واخده عربي وجبت فيه 10 |
اقتباس:
|
الترمين من 300 علشان فيه حوالي 36 درجة اعمل سنة وبتضاف على كل المواد فيها اعمال سنة
|
اقتباس:
اقتباس:
بارك الله فيكي زجزاك كل خير ربنا يسترها ان شاء الله معانا |
خمنوا كده .........تنسيق السنه {2012-2013}الجايه هيبقي ازاى؟؟؟؟؟؟؟؟
طبعا كلنااااا عارفين ان الدرجات السنادى عالييييييييييييييييييييييييه جدااااااااااااااااااا
فا ايه توقعاتكم بالنسبه بتنسيق .......... طب صيدله طب اسنان هندسه وهكذااااااااااا خالى بالكم انا بقول توقعات يعنى مش اكيده بس خمنوا كده |
اكيد اعلىـــــــــ بس اتمنى ينزل
|
على حسب الإمتحانات لسة بدري قوي قوي
|
محدش يعرف الامتحانات هتبقي ازاي؟؟؟
وبكدا مش هنقدر نحكم عادي التنسيق ممكن ينزل او يرتفع ان شاء الله خير |
فين الاعضاااااء
|
جميع الأوقات بتوقيت GMT +2. الساعة الآن 05:53 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.