من المتعارف عليه ان الثانوي العام يخش جامعات حكومية .. لكن الثانوى الأزهرى مالوش الا جامعة الأزهر فقط

بدليل ان مافيش حد في ثانوي ازهري يقدر يخش كلية سياسة واقتصاد .. او حتى اعلام ..

عشان دول مختصين بالثانوي العام .. وفي ذات الوقت فيه تنسيق للثانوية العامة وتنسيق تاني للأزهر

اذن تسنتجي من دا ان الازهر لوحده والثانوي العام لوحده .. وماحدش يقدر يتعدى على التانى

لا دي عادية .. تابعة لجامعة الأزهر .. ومقرها في مدينة نصر (القاهرة) ..

بس بيتهيألي والله اعلم ان فيه فروع للأزهر في المحافظات

بس سواءا كدا او كدا .. هوا ماينفعش اصلا الموضوع دا للأسف

مافيش حاجة اسمها الأحسن .. فيه ان هندسة حاسبات بتطلعك مهندس كمبيوتر ..

وحاسبات ومعلومات بتطلعك مبرمج او داتا بيز ادمن ..

وانا قولت الفروق مابين حاسبات ومعلومات وهندسة حاسبات في المشاركة رقم 870

اكيد .. تقريبا بياخدوا من جيد

ههههههه .. اه فعلا هاتكون اتدبست في تجارة عربي ..

لكن انتا تقدر تحول من تجارة لأى كلية تانية بس دا بيبقي في خلال فترة التحويلات اللي بيعملها مكتب التنسيق

والنسبة بتاعة التحويلات بتبقي محدودة طبعاً ..

شعبة عربي حوالي 200 جنيه .. لكن انجليش حوالي 6000 جنيه

انا سمعت ان ميكانيكا طيران هو هو المنهج بتاع ميكانيكا عادية بس بياخدوا حاجات زيادة

بس المهم

انت متأكد ان هندسة الطيران لسه في مطار امبابه ولا اتنقلت لمطار 6 اكتوبر ؟؟ لانها تفرق كتير

ايون .. والدليل موجود اهو

http://www.tansik.egypt.gov.eg/appli...9/Dalil145.gif

اتفرج ع العنوان في اول سطر هاتتلاقيه كاتب مكتوب امبابة / الجيزة

طيب الحمدلله

لحسن لو كان في 6 اكتوب كان هيبقى الطريق 3 ساعات ( يعني 6 ساعات في اليوم مواصلات )

بس الحمدلله انه في امبابه اقرب


و الف شكر ليك على المجهود

و جزاك الله كل خير

25الف :frown: دا أنا بحبسها 15 بس :frown: معلش هاتقل عليك عندى كمان سؤالين
1- هل هناك مصاريف أضافية ولا السعر دا شامل كله (يعنى مصاريف المراجع الخ....)؟؟؟؟؟؟

2- هل المصاريف دى بتزيد كل سنة ولا ثابتة؟؟؟؟

لو سمحتم ياجماعة أنا عايز أعرف مصاريف كلية التجارة شعبة اللغة الانجليزية

لا طبعا .. دي حاجة ودي حاجة تانية ..

معظم الجامعات في مصر سواءا خاصة او حكومية بتبقي مصاريف الجامعة حاجة ومصاريف الكتب حاجة تانية

ماعرفش صراحة .. بس الطبيعي انها المفروض يا بتبقي ثابته يا بتنقص (مش تزيد)

على حسب الجامعة ..

بس معظم الجامعات الحكومية مصاريفها بتبقي ماكسيمم 5000 جنيه

طب ياريت سؤال يا فامبير هي مصاريف حقوق انجليزي جامعه بني سويف كااااااااااااااااام؟
ارجو الرد السريع

لو سمحت انا عايزه اعرف شروط قسم الالمانى والاعلام كليه اداب حلوان وهى بتفرق من مرحله اولى لمرحله تانيه ولا

لو سمحت انا عايزه اعرف شروط قسم الالمانى والاعلام كليه اداب حلوان وهى بتفرق من مرحله اولى لمرحله تانيه ولا زى بعض

لو سمحت انا عايز اعرف ايه معاهد الحاسبات و المعلومات الي متوفرة دلوقتي
و يا ريت تقولي احسنهم و مصاريفهم