4 ان اي طلب سوف يقابك بكلمه هذا الطلب شرط في قانون الكادر مثل الاكاديميه والتربوى وغيرها من الشروط

أستاذ أحمد والله الأكاديمية دى أكبر وهم وكدبة كبيرة كمان
والهدف منها هو حرمان المتعاقدين من حقوقهم بالتسويف والتأجيل والتعقيد
وفى النهاية لن يحصلوا على شئ لا فلوس ولا كادر ولا تثبيت

وأهديك أحد التصريحات المستفزة لأحمد درويش عدو الموظفين الأول :

التعاقد ليس بالضرورة أن يكون مستمرا ولا يتمتع بنفس
الامتيازات، وليس من العدالة أن يحول شخص حصل
على وظيفة بالواسطة إلى موظف حكومي.

http://www.egynews.net/wps/portal/reportages?params=75762

أخدت بالك من حتة " ليس من العدالة " دى
على أساس إننا مش موظفين بمسابقات رسمية وإنما مرتشون
سيادة الوزير بيتهمنا كل يوم إننا مرتشين واشتغلنا بالواسطة

والراجل قالها صريحة كمان
التعاقد ليس بالضرورة أن يكون مستمرا

مش بقولكم يا جماعة إحنا ولاحاجة بالنسبة للحكومة
إحنا مجرد متعاقدين مرتشين ليس لنا حقوق
زى عمال التراحيل بالظبط
مع تحياتى للأكاديمية وقانون الكادر !!

ههههههههههه
والله الراجل دا عثل قوى
كل يوم والتانى بتصريح
النهارده بيرمي موضوع التثبيت على الرئيس
امبارح يقولك لا تثبيت ابدا!! وبعدها بيومين نلاقى تثبيت فى التامين الصحى
هو مش عارف بيقول ايه

بس اقولكم حاجة ياجماعة صدقونى كلامه كله عن الناس اللى بتشتغل بعقود زى بتوع الامن والعمالة الموسمية ودول من غير اى اعلان ولا نيلة وكلهم واسطة

انما احنا وضعنا مختلف
وهو قال قبل كده ان فى 75 الف يحق لهم التثبيت

طب إحنا كمدرسين متعاقدين فى الأزهر والتربية والتعليم
عددنا أكتر من 300 ألف متعاقد على مستوى الجمهورية
مين بقى اللى هيثبت ومين اللى مش هيتثبت؟!

ماده 72 او 170 الوزير كاذب ولا ينفذ القانون والاكاديميه سبوبه لاساتذه الجامعات حيث تعقد الاختبارات كل عام وياخذوا مكافات ويرموا لنا الفتات الى مش لاقيينه اصلا

احنا كلمتنا واحده لا التعاقد نعم للتثبيت الفورى للجميع بدون استثناء وبجد انا حزين لان شايف بعض الاخوه المتعاقدين سلبيين جدا ونايمين فى الخط والله يستاهلوا الى الحكومه بتعملوا

ان الله لا يغير ما بقوم حتى يغيروا ما بانفسهم

ياريت نشد حيلنا وبلاش تخاذل اان عندى مشاكل فى النت بس حريص انى اتابع الحمله حتى لو بدخل من عند صاحبى

بالتوفيق لنا فى حملتنا باذن الله

لا تنسوا جميعا ليله القدر
قال ابن عباس رضى الله عنه انها فى ليالى الوتر فى العشر الاخير من رمضان سبع تاتى او سبع تمضى

نسال الله ان يبلغنا اياها

واسالكم جميعا الدعاء لنا بصلاح الحال والاحوال والثبات فى الدنيا والاخره وان تتحق امالنا ومطالبنا وان نحيا حياه سعيده كريمه

الوزير عمل الكادر ومش عارف رايح بينا على فين نظام الكادر دا فى امريكا مش فى مجتمعنا لان هناك وضع مختلف تمام فى كل حاجه
والله منا عاوز ادعى عليه عشان ايام مفترجه ولكن ربنا يهديهم لنا جميعا فى هذه الايام المباركه ويحسوا بنا

اهم حاجه الاتحاد والفرقه ضعف كلمتنا واحده ان شاء الله هنوصل للى عاوزينه

بقترح يا استاذ محمد مخاطبه رئاسه الجمهوريه او رئيس الوزراء مع كل ايميل بنرسله ويبقى ثابت عشان يحسوا بينا ويعرفوا ان فى ناس لا تكل ولا تمل من المطالبه بحقها

وبعدين يعم متجيبلك خط جديد عاوزين نسمع صوتك اوعى تكون بتكلم صعيدى ههههههههه

انت مش هتجيب غير لما تثبت؟

جميع المعلمين المتعاقدين في الازهر متعاقدين عن طريق مسابقة عامة
وهم من افضل الخريجين

وزير التنميه ووزير التعليم بيغالطوا نفسهم احنا من حقنا تثبيت فورى ويقولك الجهه الى انت تابع لها لازم تطلب امال وزاره التنميه بتعمل ايه يعنى هيا اصلا الى وضعت شروط مسابقات الازهر وبتكون مسابقه عامه فعلا ومن انزه المسابقات دا الى فى الخارج بيعرف عنها مش زى فئات اخرى بالواسطه وهما عارفينهم يبقى ليه بيخلطو الاوراق