عندك كليات الهندسة والحاسبات (الخاصة فقط) لإن مجموع الحكومي مش هايجيب على ما اعتقد يعني

بالنسبة لكلية اداب قسم اعلام فدا اه ان شاء الله ممكن انك تخشه .. بس دا ليه تنسيق داخلي

بيجمعوا التلات مواد اللغات بتاعتك (عربي+لغة اولي+لغة تانية) ..

وبياخدوا اعلى ناس متقدمة على حسب الكثافة والعدد المطلوب

ماعتقدش .. لإن فيه فرق مابين المعهد والجامعة .. والا كانوا دمجوا الاتنين في بعض وخلصنا

هوا بس اتفاق في المسمي عشان الاتنين في منطقة واحده

بكل بساطة حاسبات دي بتاعة السوفت وير والبرمجة .. انما هندسة بيتعاملوا معا الكمبيوتر كجهاز وهارد وير

الشغل دا رزق من عند ربنا .. انتا وحظك .. خاصة في ظل الاحباط اللي احنا فيه دلوقتي

بس اهم حاجة تكون داخل القسم اللي انتا بتحبه عشان تعرف تدي فيه وتتفوق فيه

هندسة الشروق كويسة مش وحشه .. بس اعتقد ان هندسة الطيران احلي واحسن

هندسة الشروق فيها هندسة طبية ومدنية ومعمارية وكيائية .. وانا ليا صحاب فيها وبيقولولي كويسة

بصرف النظر عن اي حاجة .. لازم يكون مجموعك يجيب انتظام في كلية تجارة للجامعة اللي انتا عايزها

لو مجابش انتظام يبقي للاسف مش هاتعرف تلتحق بتجارة انجليش .. لان قسم انجليش دا انتظام فيها

حضرتك تقدر تراجع الرابط دا ..

http://thanwya.com./vb/showthread.php?t=135750

ممكن حد يقولى بكام قسم الصحافة فى اكاديمية اخبار اليوم وهل يدرسون بالانجليزى ام لا
وبكام المعهد العالى للاعلام وفنون الاتصال وهل يدرسون بالانجليزى

ممكن لو سمحت اعرف ايه احسن حاجة للهندسة و المصاريف بتاعتها ؟
و ايه رأيك في معهد هندسه وتكنولوجوجيا الطيران ؟ احسن من الهندسة العادية ولا ايه نظامه ؟

انا جايب بالظبط 89.765%

و انا هحط الرغبات اول حاجة كل الهندسات الحكومة بس شكلها بعيدة شوية فياريت تساعدني

مانتا عامل موضوع وقولت انك سألت وقالولك بـ 5500 جنيه

حكاية بقي الانجليزي دي لأ هما مش بيدرسوا انجليش لكن فيه معمل لغات جوا جانبي بيتم الدراسة من خلاله

4000 جنيه .. والدراسة بالعربي مش بالانجليش

مش فاهم سؤالك .. ياريت توضح اكتر

أكيد احسن .. في حالة واحده وهوا انك ترغب في انك تبقي مهندس طيران ..

لإن التخصص هناك بيبقي من اول سنة

لكن لو روحت في جامعة مثلا زي القاهرة هاتتلاقي ان التخصص بيبقي من سنة تانية

فا أكيد كل ماتتخصص بدري كل مادا هايبقي احسنلك اكاديمياً ودراسياً

لا تجيب ان شاء الله هندسة طيران .. لإن السنة اللي فاتت كانت واخده 350 (85.3%)

والسنة اللي قبلها (2007) .. اللي هوا يبقي اعلي تنسيق حصل ومش هايحصل تاني .. كانت 365 (89.2%)

فا ان شاء الله ربنا يكرمك وتجيبها

اقل هندسة تقريبا السنة اللي فاتت كانت واخده في حدود 91% (هندسة اسيوط) ..

ماعتقدش ان فيه هندسة هاتنزل عن 90% فيما عدا هندسة الطيران اللي قولتلك عليها

انا عارف انها بعيدة شوية بس مش هخصر حاجة

و بخصوص هندسة طيران انا في حاجة مش فاهمها في المصاريف

لما هي بتبقل بعلى الاقل 85 ليه في خصم 10% للي فوق ال85 بما ان كل اللي هيتقبل فوق ال85 :d بس اهو كويس

و هي مصاريفها كام السنة دي ؟ و هل في مصاريف اضافية فيها

و سؤالي الاولاني اقصد لو في جامعات هندسة خاصة (هندسة عادية) احسن من هندسة الطيران :)

مانتا عارف بقي يا باشمهدنس .. حركات برده بيعمولها عشان يقولك تخفيض ومش تخفيض

10250 .. ودا التوتال ماعتقدش ان فيه مصاريف اضافية و لا حاجة

عندك بقي جامعة 6 اكتوبر ومصر الدولية والامريكية .. هما دول الجامعات التوب في الخاص

طيب لو سمحت سؤال اخير

دول مصاريفهم كام بعد اذنك

و الف الف شكر ليك

جامعة 6 اكتوبر >> 21850 للسنة الأولى

جامعة مصر الدولية >> 27300

جامعة مصر للعلوم والأداب >> 21800

جامعة فاروس >> اللي جايبين اعلي من 85% : 10500 ، اللي جايبين مابين 70% لـ 85% : 11550

مودرن اكاديمي >> 10000

الجامعة الأمريكية >> على حسب عدد الساعات (غالبا بيبقي 56 الف في الترم الواحد)

طيب انهو احسن مودرن اكاديمي ولا معهد هندسة الطيران ؟

انا عارف سبب سؤالك طبعا

انتا اتلاقيت ان فارق السعر مابينهم يعتبر مش حاجة .. قولت اسأل وافاضل مابينهم

بص ياسيدي .. معهد هندسةالطيران دا بيدرس كل حاجة مختصة عن الطيران

فيما عدا قسمين تقريبا .. معماري ومدنى ..

اما مودرن فا فيها اقسام ميكانيكا وكهربا ومعماري

بمعني اصح الفروق بتتلخص في ان دي فيها اقسام مش موجودة في التانية والعكس

انا اعرف ان اقسام بتاعت طيران هي

هندسة ميكانيكا الطيران

هندسة الإلكترونيات والأتصالات
هندسة ميكانيكا قوى
هندسة كهرباء قوى
الهندسه المدنيه ( مطارات )
الهندسه المعماريه ( مطارات )


المهم انا سؤالي عن ميكانيكا الطائرات و ميكانيكا قوى ( بيدرس برضه عن الطائرات ) هل ممكن يشتغلوا كمهندسين عاديين ؟ ولا لازم في الطائرات