السلام عليكم ورحمة الله وبركاته الاخوة والاخوات الكرام كيف حالكم جميعا يارب تكونوا بخير انا حبيت اعرض عليكم الخبر ده لللى مش عارفه وكل واحد يدعى للجميع بالتوفيق والسداد
الأئمة يفضون تظاهرهم.. وأوائل الجامعات يرفضون قرار شرف

الخميس، 16 يونيو 2011 - 18:56
http://www.youm7.com/images/NewsPics...0111318380.jpg الأئمة يفضون مظاهرتهم
كتب عز النوبى
http://www.youm7.com/images/graphics/lg-addthis-en.gif http://www.youm7.com/images/graphics/igoogle.gif
رفض أوائل خريجى الجامعات المصرية، المتظاهرين أمام مجلس الوزراء، اليوم، قرر رئيس مجلس الوزراء، عصام شرف، تعيين أوائل خريجى الجامعات المصرية على الكادر العام وليس الخاص، مطالبين بالمساواة بأوائل خريجى الأزهر وبتحويل قرار تعيين الـ20 الأوائل عن كل من دفعة 2003، 2010 من الكادر العام إلى الكادر الخاص والمراكز البحثية.

استنكر محمد محمود علام، ممثل ائتلاف أوائل خريجى الجامعات المصرية، هذا القرار طالب بالمساواة وتعيين الـ20 الأوائل أو خارج الـ20 على كادر خاص وليس كادرا عاما، متسائلا كيف أنا أول على دفعتى ويتم تعيينى إداريا؟

وقالت صفية خيرى، إحدى أوائل الخريجين، لابد من تعيين الحاصلين على الماجستير والدكتوراه على كادر عام والأولوية للتقدير وليس للتوزيع الجغرافى والمساواة مع أوائل الأزهر، وتعيين الأول والثانى من كل قسم وشعبة على كادر خاص وليس عاما، مرددة "زينا زى الأزهر لازم حقنا يظهر".

بعد تظاهر 8 ساعات فض الأئمة المستبعدون أمنيا من قبل جهاز أمن الدولى السابق، من أمام مجلس الوزراء بعد التفاوض مع الدكتور مصطفى الهوارى، أحد مستشارى رئيس مجلس الوزراء الذى وعدهم بأنه سينظر فى طلباتهم بتكوين لجنة ثلاثية من وزارة المالية ووزارة الأوقاف والتنمية المحلية، لمناقشة تلك الطلبات بتعيينهم وحفظ حقوقهم المالية والمساواة بالدرجة الوظيفية لأئمة الأوقاف.

وأكد أحمد الشوربجى، منسق الوقفة الاحتجاجية، وأحد الأئمة المستبعدين، أنه سيتم نقل الاعتصام إلى وزارة الأوقاف لحين تحقيق تلك المطالب.

السلام عليكم يا أهل المنتدى الكرام وأخص بالسلام الدكتور الفاضل عبد الرحمن والأخت العزبزة أم رهف
ايه أخبار الأزهر هل من جديد بعد فاكس الثمانية الأوائل على الشعب التي ليس لها أقسام غير في الدراسات العليا وعلى فكرة هو وصل في أغلب الكليات يا ترى حيثبتوا على الكلام ده يارب يصدقوا في كلامهم , وجزاكم الله خيرا

اشكر حضرتك على ذوقك
الشرف لينا احنا
ربنا يجازيك كل خير يادكتور

وعليكم السلام
حتى الان لاجديد المفروض بعد الحصر مايخلص من جميع الكليات هيروح رئاسة مجلس الوزراء ومنها التنظيم والادارة
ربنا يسهل بس لسة مافيش جديد غير موضوع الحصر فقط

جزاك الله كل خير يا أخت أم رهف وربنا يحقق لينا كلنا ان شاء الله كل ما نتمناه ولكل مجتهد نصيب سلميلي على رهف ربنا يخليهالك وتطلع هي كمان من الاوائل وان شاء الله استبشر بالخير وألف مبروك مقدما لنا جميعا , الحلم على الأبواب ينتظر الإذن ربنا يسهل ان شاء الله

يا جماعه ازيكو
اولا انا اسفه ان اول مشاركه ليا معاكو تكون فيها حالتي كده
انا عندي احباط فوق الوصف
كان عندي امل كبير اوي وكنت متابعه الموضوع ده كتير وكنت بجمع الجرايد وبدور علي النت وبحاول اعرف مصيري ايه في التعيين
انا خريجه جامعه بنها دفعه 2007 تربيه عام شعبه بيولوجي وتقديري جيد جدا مع مرتبه الشرف 84.26%
ولما اتخرجت انا شوفت كشف الاوائل والله بعنيا سنه ما اتخرجت كنت رقم 20 وكان اسمي موجود وصاحبتي قالتلي كمان ان اسمنا اتنشر في جريده القليوبيه( لاني من سكان القاهره)
لما دخلت علي موقع اكاديميه البحث العلمي ملقتش اسمي لانهم واخدين 12 بس والباقي 8 من اساسي
مع العلم ان في 2 من اوائل اساسي معاهم جيد جدا بس مش بمرتبه الشرف
يبقي حقي يجيلي احباط ولا لا
يعني انا اتعب في ثانوي واجيب مجموع ادخل بيه عام عشان في الاخر اساسي بتقدير اقل ياخد مكاني
انا مش بقلل من اساسي والله بس الاحساس بالظلم وحش
وكمان غالبيه الاوائل في عام متعينين حكومي في المدارس وفيهم اتثبت وفيهم هيتثبت السنه الجايه
نفسي اعرف بس اعمل ايه
معلش انا طولت عليكو بس فعلا نفسيا الله اعلم بيا

الى الاخت ام رهف:
كل سنة وحضرتك طيبة انا بسأل عن اوائل الازهر هل بيتم حصر اسماء العشرين الاوائل لدفعات من 2002 الى 2010 لجميع كليات الازهر؟؟؟ ولا ال8 مراكز الاولى فقط زى مقريت فى المشاركات؟؟؟؟؟ ارجو الافادة بالله عليكى


ولى قريب خريج كلية الشريعة والقانون بتقدير جيد ومركزه الثانى عشر على الدفعة لسنة 2006 بسأل هل حيكون ضمن الاوائل ولا لا ؟؟؟؟؟؟؟؟؟؟؟ وشكرا لكى مقدما

عمي قول يارب

الاخت بحراوية من دمنهور السلام عليكم أنا جنبك في دسوق أحب أتعرف عليكي إنتي دفعة كام وكلية ايه ؟ طبعا أختنا أم رهف بتجيب على طول آخر أخبار الأزهر ربنا يكرمها ويباركلها , وأخر الأخبار هي حصر الأول والثاني على كل شعبة وقسم والتمانية الاوائل على الشعب التي ليس فيها أقسام غير في الدراسات العليا زي شعبة اللغة العربية وزي ما قالت أختنا رهف دا لسه مجرد حصر وربنا يسهل إن شاء الله ويعملوا بيه , أما حصر العشرين الأوائل فده فعلن اتبعت بيه فاكس بس مش عارفة اتلغى ولا لسه بعد القرارات الأخيرة دي ,وكمان زوجي سأل في الكلية عنده الموظف قاله هما الأول بعتوا طالبين حصر بكل من حصل على مرتبة شرف وبعدين العشرين على الدفعة وبعدين العشرة على الدفعة وآخر قرار هو ما ذكرته أولا وربنا يسهل الأحوال إن شاء الله

هـــــــــــــــــــــــــــــــام وعاجل
 

تحية طيبة لجميع أعضاء المنتدي وأخص دكتور عبد الرحمن
والله شاهد علي إن تعبت كتير علي ما سجلت في المنتدي علشان معنديش إميل غير الياهو
وكان نفسي أسألك يا أستاذ عبد الرحمن سؤالين مهمين جدأ
1- هو فعلاً المعلم المساعد مش متأمن عليه لأني فعلاً ذي ما حضرتك قولت أن اتصلت علي الهيئة العامة للـتأمينات الاجتماعية ومل***يش ملف تأميني مع العلم إن فيه ناس معايا معلمين مساعدين ليهم رقم تأميني .
2- أيه الفرق بين التعيين علي الكادر العام والتعيين علي الكادر الخاص من حيث المرتب وغيره .
3- إيه المقصود بمديريات الخدمات بالمحافظة لأني أصلاً خريج حقوق وعلي كلامهم هشتغل بتخصصي يعني شئون قانونية بس فيه بقي في المحافظة .
4- هل فترة عملي وهي سنتين ونصف في التربية والتعليم يمكن ضمها لمدة تعييني في حالة التعيين بمشيئة الرحمن ولا لأه لأني مش مثبت .
5- أنا حاصل علي دبلومتين ومعايا شهادة أنهما يعاملوا معاملة الماجستير من الناحية العلمية والقانونية هل أبقي من أصحاب الماجستير والدكتوراه ولا لأه لأني ملقيتشي إسمي في الأسامي إلي موجودة علي الأكاديمية .
وياريت حضرتك متستغربشي إني خريج حقوق وشغال مدرس هو دا كان حال البلد انا مدرس مواد قانونية في مدرسة ثانوي تجاري .
وعذراً علي كثرة الأسئلة لكني فعلاً بقالي حوالي شهر بحاول أسجل ولكن دون جدوي وأنا موقن بإن حضرتك عندك الإجابة فياريت ترد عليا في حالة قراءة المشاركة . وجزاك الله خيراً

يا جماعة ارجو الرد من ضرورى .

كل سنة وانتى طيبة ياحبيبتى وربنا يعود علينا الايام بخير
الاخت منى ابو الجود اجابت حضرتك جزاها الله خيرا
وبالنسبة للفاكس بحصر العشرين الاوائل الفاكس اللي اتى للجامعة بعده بحصر الاول والثانى فقط واوائل الدراسات العليا لما سألت عنه في الجامعة قالت الموظفة ان الفاكس الثانى لغى فاكس العشرين الاوائل
ولسة زي ماقال الشاعر
ستبدى لك الايام ماكنت جاهلا ويأتيك بالاخبار مالم تزودى
ماعلينا الا الانتظار
وفقنا الله واياك