بصي يااستاذة احلام
موضوعنا في الازهر داخل في الغريق اللي هو مش واقعى وانا شخصيا خايفة يوقعونا على جدور رقبتنا في الاخر
اولا موضوع مرتبة الشرف ده اتلغى
واحدث حاجة ايه ياستى
ان رئاسة الوزراء بعتت فاكسات للجامعة بحصر الاول والثانى على الكليات مع الفصل بين الاصول والفروع وعدم المقرنة بين الدفعات
مع العلم ان هناك كليات زي اللغة العربية والطب والصيدلة واللغات والترجمة وكليات تانية مالهاش شعب في الدراسة لكن ليها اقسام في الدراسات العليا
الكليات دي بردو طلبو حصر بالاول والتانى على كل قسم من اقسام الدراسات العليا
ولاحظى انا قلت حصر
يعنى ماحدش عارف هيتعمل بيه ايه يااما معيدين ودي بعيدة شوية
يااما اداريين
يااما عقود لسة مابانش
ربنا يوفقك ويسعدك ويارب اكون افدتك
اه على فكرة الكلام ده للدفعات من 2002 حتى 2010
وده اخر كلام في الجامعة لحد امبارح

يا ترى فيه اخبار عن ميعاد تعيين الاوائل ولا برضه لسه مفيش اخبار ؟؟؟؟
ياريت تطمنا يا دكتور ؟؟؟؟

ارجووووووووووووووووووووووووووووووووووووووووووووووو وووووووووووووووووووووووووووووووووووووووكم حد يرد علي انا خريجة الازهر 2009/2010 بتقدير عام جيدجدامع مرتبة الشرف ايه وضعي ممكن حد يسأل علشان انا مش بقدر اخرج من المنزل نظرا لظروف البلد المليانه بالدم شكرررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررً

شكرا لرد حضرتك
اختى كانت مدرسة بالعقد العادى اخصائية نفسية فى مدرسة ثانوى لمدة سنتين وانقطعت من شهر 12/2010
يعنى منفصلة عن العمل من حوالى 6 شهور
ارجو من حضرتك لو فى اوراق تتقدم تقولى اقدمها فين

أسئلة مهمة
 

بارك الله فيك يا دكتورنا الجليل وجعل كل حرف تكتبه حسنات تملأ ميزانك لأنك بصراحة أراحت ناس كتيرة على المنتدى ولكن أنا عندي إستفسار بسيط معلش يعني أنا عارفه إني أسئلتي كترت ولكن ده عشمي فيك كبير :

1- إمتى هيتم التعيين يعني هيكون في شهر كام يعنى هم مثلا ممكن يتأخروا يعني الموضوع ممكن يوصل لشهر 1 القادم على إعتبار السنة الجديدة ولا الموضوع هيتم في أول شهر يوليو ؟

2- الجوابات هتأتي لنا إلى البيت ولا إحنا اللي هنروح نقدم في مكان معين طيب وهم هيعرفوا منين العناوين وخصوصا الناس اللي بتنقل إلى عنوان آخر .

3- الناس اللي متخرجة من كلية التربية هيتعينوا في مدارس قريبة من مساكنهم ولا هيوزعوهم في أماكن بعيدة وهل هما هيطلبوا مننا نختار المكان اللي إحنا عايزنوا ولا هما اللي هيختاروا المكان .

4- أنا متخرجة من كلية التربية وأنا حاليا بشتغل في وظيفة إدارية بعقد مؤقت في إحدى الكليات فهل هما هيبعتوا لي الجواب يخيروني بين العمل في وزارة التربية والتعليم أو البقاء في الوظيفة الإدارية ولا هيقولوا هي بتشتغل عايزة إيه تاني من الحكمومة , طيب وهما هيبعتوا الجواب لي فين .

معلش أنا عارفة إني أسئلتي كتيرة بس أنا عارفة إن حضرتك أبو الكرم كله والله فعلا إحنا بنحبك في الله وجزاك الله خيرا على مجهودك معنا .

من فضلك يا استاذة رحيق سمعت اخبار عن اللي كان شغال بالحصة وانقطع او استغنوا عنه هياخد عقد هل الكلام ده صحيح وهيكون عقد زي العقود اللي فاتت ولا ايه ارجو الرد

السلام عليكم يا أختي أم رهف كيف حالك ورهف عاملة ايه ,فينك من زمان يا رب تكوني بخير , بالنسبة للكلام الي حضرتك قولتيه هم حقيقي طلبوا حصر بالأول والثاني في الدراسات العليا وإزاي حيكون الحصر ده ؟؟؟؟ كمان انا لسه سمعه خبر انهاردة انهم بعتوا فاكس للكليات بحصر الثمانية الأوائل من كل شعبة هل الخبر ده صحيح ممكن تتأكدي منه

معلش يا أخت رهف أرجو منكي إفادتي لأن الموضوع ده بجد شاغلني لأني كنت الأولى في الدراسات العليا ولما سمعت انهم حيخدوا الأول والثاني من كل شعبة وكل قسم حسيت بالظلم لأن شعبة اللغة العربية في كليتي مفهاش أقسام غير في الدراسات العليا وأنا الرابعة على شعبة اللغة العربية والأولى في الدراسات العليا في السنتين قسم أدب ونقد ومن العشرين الأوائل على الدفعة كلها

طمنبني يا اخت أم رهف وجزاك الله خيرا

وعليكم السلام اختى الغالية
انا بخير الحمد لله ورهف بخير الحمد لله .معلش انشغلت عنكم شوية في مشاكل صحية دعواتكم لي بالشفاء
ايوة هما فعلا طلبو حصر بالاوائل وكلية اللغة العربية فعلا طلبو اسماء الثمانية الاوائل من كل دفعة من 2002 حتى 2010 والله المستعان ربنا ييسر الكلام ده لسة بقالو يومين ومستنيين موافقة وزارة المالية على الدرجات والدكتور عصام شرف بنفسه
بيتابع الموضوع
اما عن حصر اقسام الدراسات العليا فده مالوش دعوة بدراستك اودراستى في الدراسات العليا لاء بيتم ازاي؟
بياخدو مثلا عدد بواقع اتنين لكل قسم من اقسام الدراسات العليا يعنى هما بعتو اسماء 8 من دفعتك هيتراجع الورق ولما ييجي قرار التعيين ان شاء الله في الكلية بقا بيوزعوا الاوائل بواقع مجموع الدرجات في مواد القسم في سنة التخرج والكلام ده لسة بدري عليه
المفروض يصدر قرار التعيين اولا
دعواتك وربنا يريح قلوبنا جميعا ويكرمنا في الدنيا والاخرة

ارجو انى اكون افادتك وربنا يسهل ويعمل الصالح لنا جميعا

جزاك الله خيرا يا أختي العزيزة أم رهف , وعلى فكرة انا الي سمعته انهم طلبوا حصر الثمانية الأوائل على كل شعبة مش على الدفعة كلها ، اما بالنسبة لأوائل أقسام الدراسات العليا في الشعب الي مفهاش أقسام أثناء الدراسة فأحب اقولك الي فهمته منك وتقوليلي انا فهمت فهم صحيح أم خاطئ ؛ انا فهمت انهم بعتوا الثمانية الأوائل على شعبة اللغة العربية مثلا ربعدين لما ييجي التعيين يوزعوا كل اتنين على قسم بحسب درجات المواد ........... طيب نفترض ان احدهم فعلا مقيد بقسم معين وقرب ياخد الماجستير حيكون التصرف ايه ؟؟؟؟؟؟؟؟
كمان معنى الكلام ده انهم حيعينوا التمانية معيدين صح ولا ايه
والله المستعان وارجو ان يهدينا لصالح الأعمال وأن يتم شفائك يمنحك أتم الصحة والعافية