من المشرف على المادة والاقدم؟
معلم أ/أ بتاريخ 1/9/2012 معه ليسانس
او معلم أ/أ بتاريخ 1/10/2012 معه ليسانس + دبلومة خاصة

السلام عليكم ورحمه الله وبركاته
في البدايه اشكر سيادتكم علي هذا المجهود الهائل وعوضكم الله هذا المجهود وجعله في ميزان حسناتكم
المشكله يا اخي
ساسردها بإختصاربقدر الامكان
حيث انه في يوم الخميس الموافق 5 / 7 / 2012 م أنه حضرت الي المدرسه كالعاده في المواعيد الرسميه وبعد ان مضيت في دفتر الحضور والانصراف بعد مرور حوالي ساعتين إذ بمدرس اّتي متاخرا لظروفه الخاصه
فبدأ ناظر المدرسه " أ / غ" بتوبيخه أمام ضيفه ثم بعدها بقليل إذ بناظر المدرسه قد بدأ التكلم بنبره حاده وقال بنفس اللفظ " علي ّ الطلاق لأشطب علي المدرسين كلهم علي الطلاق طلاق نصاري "
فاذا به يمسك القلم الاحمر وسيبدأ بالفعل في التشطيب إلا انه طلب من أ / ب ان يقوم بالاتصال بابنه أ / ر. غ لكي يحضر الي المدرسه لكي يمضي في الدفتر حتي لا يشطب عليه - اثناء ذلك قلت له : اتصل انا بقي بباقي المدرسين اشوف لماذا لم ياتوا واطلب منهم الحضور مثلما فعلت مع ابنك واذا به يقول لي " طيب ابقي اتصل بحد كده " فقلت له " طيب ما حضرتك هتتصل بأبنك " فقال لي " مين انت علشان تقولي كده – انت رئيسي في العمل – أنا هنا اعمل اللي انا عايزه . فبدأ سيادتكم بالتكلم بصوت عالي جدا فطلبت منه ألا يصرخ في وجهي فقال لي " انت ايه انت ده انا مشغلش عشره زيك عندي " فقلت له " يا استاذ غ ايه اللي بتقوله ده " ثم اضاف فقال " ده نهار ابوه اسود " و " يخرب بيت ابوك " بينما انا اتمالك اعصابي اتساّل لماذا كل هذا الغلط فيّ

ألا انه قد تجاوز كل الحدود حينما سب ابي المريض وقال لي " أنت ابن كلب " أما مسمع ومراّي المعلمين
والغريب سيادتكم ؛ انه انا اصغيت لطلب المعلمين زملائي بعدم شكوته لمدير الاداره إلا انه وهو الذي اخطأ في حقي جدا واذا به هو الذي يبادر بكتابه مذكره فيّ ( معتمدا في ذلك علي اتصالاته و حنكته في كتابه المذكرات التي تدين اي شخص حتي وان كان مظلوما )
والاغرب انه عندما تم استجوابي في الشئون القانونيه بإدارة ابنوب التعليميه و شهد المعلمون الذين كانوا في مكتب مدير المدرسه وهم الشهود الاربعه الذين احضرتهم تم استجوابهم الاغرب انهم بالرغم من انهم في الغالب شهدوا ضده اخذت جزاء بخمسه ايام
وانا متعاقد عقد 2 /5 / 2011 أو الذي تحول الي عقد 1 / 7 / 2011
فأنا لا أعلم هل انه وانا لم أخطأ في حقه إلا كرد فعل للخطأ
واحيط علم سيادتكم انه قد استعان بمدرين اثنين منهم واحد خالف ضميره وشهد ضدي
فهل استحق هذه الخمس أيام وهل سيؤثر ذلك في مستقبلي الوظيفي
وايضا انني قد كتبت هذا النص في تظلم ورفعته لمكتب وكيل الوزاره في اسيوط ولم يتم الرد حتي الان
أرجو الرد للاهميه
وشكرا لك يا اخي الكريم

تعديلات 155 تنص على ان بدل الاعتماد يحسب على اساس 1/7/2012 وذلك فى الجدول الملحق بالتعديل ونقيب المعلمين الاخوانى اكد ذلك
اذا لماذا يصرف على الاساسى القديم؟

لو سمحت اريد ان اعرف كيفيه رفع القضيه امام القضاء الاداري

حضرتك انا كنت اتنقلت من ادارتى لاداره تانيه فى 4- 10 اللى عدى وخدت مرتب شهر 10 من ادارتى السابقه وطبعا حضرتك عارف ان 50 فلميه نزلت من شهر 10 اللى فات المهم ان الادارين الاتنين فى مدرستى الحاليه والسابقه عملولى ال50 فلميه لكن مدرستى السابقه قبضوهم من زمان ومدرستى الحاليه اتعمل اجراءاتهم ولسه متمش قبضهم وانا طبعا مخدتهمش من مدرستى السابقه لانى كنت عارفه انهم اتعملوا فى مدرستى الحاليه وانى هاخدهم منها المهم بقى دلوقت ان فيه حرب دايره بين المدرستين ادارى مدرستى السابقه مصر انى لازم اخدهم من عنده وان المفروض مدرستى الحاليه هى اللى تتراجع فى اجراءاتها ومدرستى الحاليه بعتت ليه جواب انهم بالفعل اتعملولى ولو حضرتك تفتكر انا كان بينى وبين الادارى دا مشاكل كتير وتقريبا سايبه المدرسه بسببه وهو دلوقت بعت مليون جواب للمدرسه انه عملهم وكلم مدير المدرسه نفسه ومن الاخر الموضوع اصبح موضوع عند وانا بعت للادارى دا وقلتله انى فى كل الاحوال مش هاخدهم منه حتى لو مدرستى الحاليه رجعتهم بناءا على خطاباته وانه عملهم بالفعل مش هاخدهم وانه هيرجعهم فى كل الاحوال لكن مفيش فايده وعمال يلف بيهم على اصحابى هناك بيقنعهم ان حد ياخدهم يدهوملى ويبعت للمدرسه اللى انا فيها جوابات وكلها بنفس المعنى لدرجه انه بيكتب فوقها افاده للمره التانيه والتالته لدرجه ان الناس مستغربه موقفه وقرفت منه وامبارح بعتلى انى لو مجيتش خدتهم هيشتكى السكرتيره فى مدرستى الحاليه فى النيابه الاداريه لانه لما سال قالوله المفروض ان هو اللى يعملهم بما انى خدت مرتب عشره من عنده
فبغض النظر عن انى شايفه ان اللى بيعمله دا مش منطقى لان الطبيعى انى لو بفرض انى اداريه مكانه وهو ليه معايا فلوس انى هبلغه مره واتنين لو مجاش خدهم هتصرف فيهم لكن دا بعت ولا عشر مرات وديا وكل مره كنت برد انى مش هاخدهم لانهم اتعملوا فى مدرستى وبعت للمدرسه رسميا خمس مرات واتصل بمدير المدرسه شخصيا والسكرتيره بعتتله خطاب رسمى انها عملت اجراءاتهم وبرده مفيش فايده وبصراحه حضرتك انا قرفت ودماغى وجعتنى من الراجل دا وكمان الناس قرفت منه واتخنقت من خطاباته ومش لاقيه تفسير منطقى للى بيعمله ولما الناس قرفت وقالتله خلاص هى فى كل الاحوال مش هتاخدهم منك سواء اتعملوا فى مدرستها او لا شوف انت هتعمل فيهم ايه كان رده انه مش عارف يوديهم فين وبناءا على ايه طب لما هو مش عارف امال مين اللى هيعرف ؟؟؟؟؟؟؟؟؟
دا الموضوع باختصار اسئلتى بقى
هل حضرتك شايف ان اللى بيعمله دا عادى وطبيعى ؟ ولا متعمد مضايقتى للخلافات السابقه اللى بينا
هل لو قدم فعليا مذكره فى النيابه الاداريه فى السكرتيره زى مابيقول السكرتيره فى مدرستى الحاليه ممكن تنضر فيها لانه كان باعتلها انه هيعملهم بس هى نسيت وقتها ؟
هل ممكن يجبرنى انى اخد مستحقات ماديه ليا غصبن عنى او يشتكينى لدا ؟