اقتباس:
دى إجاباتى الأكيدة إن شاء الله أهدافا : مفعول به منصوب بالفتحه مرجوه : نعت منصوب بالفتحه ( ده نوع من أنواع النت إسمه النعت السبب ودائما بيكون مشتق ولكن مش عليكم كإستخراج فقط كإعراب ) نتائجها : نائب فاعل مرفوع بالضمه والهاء : ضمير مبنى فى محل جر مضاف إليه ( ملحظه من دلوقتى إوعاك أبدا تنسى تعرب الهاء علشان بيحط عليها درجه ) أن نحقق : فى محل نصب مفعول به ( نحولها فى الأول لمصدر صريح : تحقيق / وخلولوا بالكم من حاجه مهمه جدا مش مطلوبة فى السؤال بس لازم تعرفوها مصدر يحقق : تحقيق مصدر يتحقق : تحقق |
اقتباس:
بس مش كنت عارفه المصدر ..ومش فاهمه ليه في محل نصب مفعولل به يعني انت بتتجيب الصريح وتشوف علامه اعرابه وبعدين يبقي ده محل الاعراب بتاع المصدر المؤول |
شفتوا التنسيق ؟
بترول 98.9 و هندسة 96.2 وصيدلة 97.2 حتي حقوق من 79.8 ده ازاي ده يعني ؟ |
اقتباس:
ربنا معانا ويوفقنا |
اقتباس:
|
اقتباس:
|
اقتباس:
|
اقتباس:
هبدأ ..........فين الترجمه ابت انتي ها؟ |
3 - نصحَ المدرِّسُ الطالبَ قائلاً : اُدْرُسْ ، ادرس
ادرس دي توكيد لفظي .....بس فين المؤكد؟ |
اقتباس:
انا كمان هبدأ بكره ان شاء الله |
اقتباس:
وفيها ايه تنقص واحد في الميه انت قدها ان شاء الله انت ممتاز ماشاء الله عندي جيو واحياء وقريبا انجليزي معاهم |
السلام عليكم
رجاله تالته ثانووي دفعه 2017 أنا من الدفعه اللي قبليكو كنت علمي رياضه والحمد لله ربنا كرمني من عنده بمجموع 97.7 هقولكو تقريبا اللي طلعت بيه من السنه دي 1- رضا ربنا هو أول وأهم حاجه صلاه وقرآن يا ريت ورد يومي حتى لو صفحه (خير الأعمال أدومها إن قل ) 2- أمك وأبوك ارضيهم لأنهم بجد هيتعبو معاك جدا السنه دي ومش هيرضو يزعلوك في حاجه فانت متزعلهمش عشان رضاهم ده بالدنيا الاستاذ بتاعي كان بيقولنا أبوك وأمك لو مش راضيين عنك لو حالل صح ممكن المصحح يحسبهالك غلط .. ! ودي حقيقه انا مكنتش بعررف اروح امتحان غير لما أمي تحضني وتدعيلي كتير 3- حاول تساعد غيرك ومتبخلش على حد بمعلومه بجد هتعرفف فايده الكلام ده بعدين 4- طبعا ذاكر أول بأول مش لازم تحبس نفسك 24 ساعه مذاكره ولا الكلام الاهبل بتاع نام 4 ساعات بس اقل حاجه من 6 ل8 ساعات اقل من كده هيعمل مفعول عكسي 5- متمشيش اووي مع كلام اصحابك اللي هو أنا ضايع وانا مش هلحق حاجه او الماده دي صعبه أو اي حاجه من الكلام ده في الاغلب هيحبطك وهيولد عندك قناعه في عقلك الباطني ان الماده دي صعبه اقلك متاخدش دروس مع اصحابك اصلا :d عشان متخسروش بعض .. ! 6- اعصابك يا برنس هي اهم حاجه انت ممكن تكون مقفل الماده خمناشر مره وتتوتر وتضيع كل حاجه 7- الغي الغش من دماغك خالص لانك لو اعتمدت عليه هتضيع انا مغشتش ولا كلمه والحمد لله ربنا كرمني آخر كرم 8-طبعا نصيحه مهمه لبتوع رياضه حاول توازن الأمور بين الرياضه وباقي المواد متذكرهاش على حساب باقي المواد ومتركنهاش برضه محتاجه حل كتير جدا جدا جدا جدا للصبح مش هنخلص 9- ادعي ربنا كتير جدا وحاول تستفيد من الوقت الخفافي ده اللي هو كله بالهداوة يعني زود كلمات الحفظ وقط الترجمه وجمل النحو مش هتلاقي وقت بعدين 10- اهتم بالعربي هو اللي وقعلي المجموع ناقصه فيه هو بس 5 درجات الحمد لله في المشاركه اللي جايه بقى هكلمكو عن كل ماده شويه لو في نصيحه جت في دماغي تاني أكيد مش هبخل عليكو بيها أنا كنت مكانكم قبل كده وكنت محتاجه لأي نصيحه تساعدني |
اقتباس:
|
اقتباس:
|
اقتباس:
بالنسبة للمصدر : يعتبر المفعول المطلق ( يعنى زى : لعب : لعبا ) طبعا مش لازم يبقى إعرابه مفعول مطلق المصدر المؤول : أن + الفعل المضارع أو أن + اسمها وخبرها أو ما + الفعل ( يريت تكون آخر حاجه نستخرجها ) المهم لما يقلك اعرب المصدر المؤول : أحنا مع نفسنا هنحوله لصريح يعنى نحقق : هنخليها مع نفسنا كده تحقيق : بعد نشوف مكانها إيه كإعراب وعندنا هنا فى الجملة نستطيع أن نحقق يبقى كأنها : نستطيع تحقيق : طبعا الفاعل ضمير مستتر تقديره نحن تحقيق مفعول به يبقى إعراب المصدر المؤول : فى محل نصب مفعول به ولكن لو قلنا حول المصدر المؤول لصريح وإعربه هنحوله وهنكتبهوله فى الورقه طبعا وبعد كده هنعربه إعراب عادى خالص : مفعول به منصوب بالفتحه |
اقتباس:
أهم حاجه تذاكر وتجتهد وملكش دعوه بأى حاجه خالص |
اقتباس:
ادرس التانيه : فعل أمر عادى لكن هيه الغرض منها التوكيد لكن كإعراب عادى جدا |
جزااك الله خبر يا دكتور استفيدوا منه يا جماعة ع قد ما تقدروا ما شاء الله عليه
|
** العربي **
بسم الله اكلمكو شويه عن العربي وبما انها اكتر ماده كنت خايفه منها فكلامي هيفيدكو جدا باذن الله لانه عباره عن محاولاتي خلال السنه العربي بجد كان عاملي عقده من وانا صغيره وعامله حسابي من قبل ما ادخل انها اكتر ماده هنقص فيها وقد كان :d بصو بقى عملت فيها 7 رجاله في بعض وقلت هاخد درسين طبعا موضوع متعب جدا خصوصا ان المدرس التاني كان بيدي حصتين ي الاسبوع فقررت اني هسيب واحد منهم المهم المدرس التاني ده كان شاطر جدا وكان بيخليني اذاكر بالجزمه كان بيسمع كل حصه وده مطلوب وخلصلنا النحو بدري جدا وده فادني كتير لاني بقيت بحل قطع كتير في وقت كان ناس فيه لسه مخلصتش بس عيوبه انه مكانش بيعمل امتحانات وحوار ان احنا خلصنا النحو بدري كان مأثر على باقي الفروع اللي هي في الأغلب ما أخدتش حقها في المذاكره بس دي قصتي مع المدرسين وخلاصتها خليك مع حد بيحل نحو كتير وفي نفس الوقت مركز برضه مع باقي الفروع وبيعمل امتحانات علطول وبلاش درسين في أي ماده بجد حوار متعب وهتيجي على حق باقي المواد أماكن المذاكره : كتاب المدرسه في التعليق والأدب كلام كنت بسمعه وعرفت قيمته في الآخر بس كتاب الأضواء أو الرساله مفيدين في معاني الكلمات ومظاهر الجمال في النصوص والقراءه القصه انا ذاكرتها في الاخر خالص لان استاذي مكانش مديهالنا وفي واحد ع اليوتيوب اسمه محمد السخاوي تقريبا حفظني القصه كنت بسمعه واقراها كذا مره من كتاب المدرسه واحاول احل عليها على قد ما اقدر الامتحان ده طبعا لازمن ولا بد منه :d كتاب حلو جدا واسئلته حلوة وفي الجون وبتلم الدرس كله في كل الفروع ده غير النحو اصلا ده حاجه تانيه كفايه الـ 100 قطعه اللي في الاخر وامتحانات الثانويه العامه لا بجد كتاب مفيد جدا ومن الاخر ذاكره علطول العربي ده حل نحو كتير حاول تكتب تعبير خلال السنه للامانه انا كان اول موضوع كتبته بعد امتحان تانيه ثانوي كان بتاع امتحان تالته :d :d بس دي حاجه مش كويسه يعني حاول تكون احسن مني النصوص ذاكرها حلو جدا احفظ معاني وتعبيرات وايحاءات الكلمه وايهما افضل وراي النقاد والتعليق يا جماعه التعليق من كتاب المدرسه القراءه احفظ اسئله ومعاني كلمات وبعدين ارجع اقرا الدرس كويس من كتاب المدرسه وهي من أسهل الفروع وامتعها القصه قولتلك فووق بس حاول تقراها وتاخد عنها فكره او تحضر المسلسل بتاعها قبل ما تبدأ البلاغه حل قطع بلاغه كتير بس مش قووي لانها مبتتكررش خلي اسلوبك حلو في سؤال التجربه الشعريه ودرب نقفسك على الاستخراج الكتير دايما استاذي كان بيقولي اسلوبك حلو في الشرح حتى لو مش فاهمه بتعرفي تحتالي على المصحح :d النحو ♥♥ عشقي الوحيد في العربي خلصو بسرعه وخليك مع استاذ أسامه عز الدين أستاذ عملاق اكتشفته في لأخر للأسف بس استفدت بنصايحه فتره الامتحانات ووما قبلها حل قطع نحو كتير جدا بجد هتستفاد حتى لو مش مخلص المنهج هتسترجع المواضيع بسرعه حاول تتعلم الاعراب كامل وصح ومتنساش الهمزات واعراب الهاء او ان النون اتحذفت للاضافه الحاجات دي بتاخد بالك منها مع التكرار الأدب وما أدراك ما الأدب كنت بحبه تخيل ونقصت فيه برضه بس اجابه كانت ناقصه وده بقى بيرجع لاني مكنتش بذاكره من كتاب المدرسه من أول السنه عاوز حفظ وحفظ وتكرار كتير وعلطول وحل كتابه ومذاكره وحفظ كميه كبيره جدا حاول تفهمه شويه بس في الاخر محتاج تحفظه خليك مع حد بيسمعه علطول وذاكره من كتاب المدرسه لو تلاحظ خلال النصايح انا كررت كلمه احفظ كتير انا من الناس اللي بكره الحفظ ومبعرفش اصلا بس غصب عنك لو عاوز تجيب فيها درجه لازم تحفظ ! بس ده العربي طولت معلش بس حبيت اقولكو كل اللي في قلبي وادعولي ربنا يكرمني في كليتي الجديده باذن الله ربنا معاكو ويكرمكو وحظكو يكون احسن مننا ♥ <3 |
اقتباس:
ومبروك ليكي بس انا معرفتش انتي عملتي ايه :friendsxs3: |
اقتباس:
كلامك مظبوط |
اقتباس:
اصلا انت من اكتر الناس اللي استفدت منهم ومن معلوماتهم في النحو خلال السنه وده اصلا السر فان انت لما تساعد غيرك ربنا هيكرمك وانت ربنا كرمك لانك مبتبخلش على حد بمعلومه ما شاء الله عليك وربنا يوفقك والدفعه الجديده تستفاد منك :) |
اقتباس:
|
في نصيحه كده على العربي كنت شوفتها قبل كده بس حاولت اطبها بس كنت بكسل وده كان بيرجع لاني مكنت بحبه طبعا ده مش مبرر اني ماذاكروش بس انا كنت ببرر لنفسي بكده
المهم .. بعد ما تكون شويتين في المنهج تبدأ تاخد يوميا نص تذاكره وتراجعه كويس جدا في الاول اول كام اسبوع يعني اسبعين تلاته كده هتلاقيك بتطول بس بعدين بالتكرار هتلاقي الوقت اللي اخدته فيه بدأ يقل الوقت say مثلا كنت بتاخد النص على تلت ساعات بعدين هتلاقيك بتاخده على ساعتين في الساعه الفرق خد المدرسه الأدبيه اللي مع النص مره في مره هتلاقيك بتاخده فى ساعه ونص خدلك مكانه درس قراءه وهكذا فصلين قصه هتلاقيك راجعت العربي اكتر من مرة وحفظته بمجهود قليل حاول بجد تاخد بالنصيحه دي مهمه ومفيده جدا ومتستكترش التلت ساعات ممكن تضيع وقت اكتر منه بالعكس لما هيبقى روتين ثابت مش هتحس بالموضوع وهترتاح جدا جدا في الاخر وطبعا زود على دول 7 قطع نحو وبلاغه خلال الاسبوع وموضوع تعبير كل شهر مثلا وانا اضمنلك تقفل الماده كبيره محتجاك بس تديها حقها ربنا يوفقكو يا رب |
شوية حجات مهمه خلوا بالكم منها
فيه حجات مهمه ومدرسين كتيرة جدا بيتنشوها ومش بيشرحوها بتبرير إنها مش مهمه . لكن إحنا هنا معدناش الكلام دوت ولازم نذاكرها وأنا دلوقتى هنبهكم على الحجات دى الى إنتم ممكن تشوفوها تافه وملهاش أى لازمه
فى العربى : قصة الأيام : المقدمة الى قبل الفصل الأول مهمه جداااااااااااااااااااااااااااااااااااااا حتى لو المدرس مشرحاش لازم تتذاكر وتتقرى . وكتاب الإمتحان كان عاملها تلخيص كويس إحفظوه كله النحو : الوحده الأولى ( النطق والإملاء ) مهمه أوعوا تتنشوها زاكروها من دلوقتى الإنجلزى : لازم تقروا ال Reading و Listening مهم جدا جدا أوع حد فيكم يطنش إنه يقراه والحل الكتير . على الأقل من تابين أو 3 على قد ما تقدر وإياكم إنكم تهتموا بـ Find و Choose وتسبوا الباقى لازم تحلوا على كل أنواع الأسئلة وبالأخص ترجمه واسبيكرز و فايند واتشوز ( مهم جدا الأربعة دوله ) والقصه هتظبط معاكوا لو ذاكرتوها من كتاب المعاصر جاااااااااااااااااااااامد جدااااااااااااااااااااا الفيزياء : أوعوا تتنشوا النظرى ( والله أهم بكتيييييييييييييييير من المسائل ) أنا النظرى كان بياخد منى مجهود رهيييييييييييييب جدا ( لأنى كنت بحله تحرىرى فى كشكول خارجى ) وأول ما أخله وأبدأ فى المسائل بلاقى الدنيا سهله جدا جدا ( برضو تحريرى ) وهفيدكم جدا لو إنتم جبتوا كشكول كبيييييييير وحليتم فيه كتاب الإمتحان ( يكفى فى الفيزياء فقط ) لإن هيجي عليكم وقت هتبقوا عايزين تراجعوا فيه المسائل الى غلطم فيها وممكن متفتكروش حليتوها إزاى |
اقتباس:
بإذن الله عايزين كلنا نقدم كل الى نعرفه والى الخبرات الى أستفدنا بيها للدفعة الجديدة علشان ربنا يكرمه |
اقتباس:
وأنا بدأت شويه أهو وناويه بإذن الله اساعدهم على قد ما أقدر لأن احنا كنا محتاجين اللي يساعدنا ده غير اني لما كنت بلاقي حد من الدفعه اللي قبلينا زي دكتور محمد حمزه أو الباشمهندس أحمد خالد كنت بفرح جدا وبطمن وكنت بحب أسمع نصايحهم علطول ربنا يقدرنا ان احنا نساعدهم ويقدرهم انهم يذاكرو السنه دي ويكرمهم بالمجاميع اللي نفسهم فيها |
اقتباس:
|
اقتباس:
ربنا يوفقك يا رب في كليتك فرحتلك بجد :blush: ♥ ♥ |
اقتباس:
طب ولا أسنان إن شاء الله ؟ |
اقتباس:
يااارب وانت كمان يا سوسو انا والله فرحانة لكل اللي هنا ربنا كرمنا كلنا اخر كرم هتروحي جامعة ايه يا سو يمكن نتقابل بقي:078111rg3: |
اقتباس:
ان شاء الله طب ان شاء الله مجموعي يجيبها |
اقتباس:
|
اقتباس:
توزيع جغرافي :bosyht9: |
اقتباس:
ازاي مش هوا يتبع الي قبله |
بصى انتى قولى توكيد لفظى بس المشكلة انها جملة مش عارفة محلها الاعرابى ايه
فالافضل ان تكتفى بان هو توكيد لفظى للجملة السابقة ادرس |
اقتباس:
احنا متابعينك ومبسوطين انك بتساعدينا:) |
اقتباس:
يعنى مثلا : قال الله تعالى ( يا آدم اسكن أنت وزوجك الجنه ) أنت : توكيد لفظى : للضمير المستتر المحذوف أنت ( يا آدم اسكن وزوجك الجنه ) لو اعتبرنها كده . |
اقتباس:
هو بيكون اسم او فعل او حرف او جملة وهنا المثال جملة اكدتها جملة تانية فتانية دى توكيد فعلا مش على سبيل البلاغة هى اى حاجة بتتكرر بتكون المراد منها التاكيد على الى بيتقال ومش شرط اسم وبس |
اقتباس:
زي احمد احمد في المدرسه لله اكبر الله اكبر.......نلعب نلعب بالكره بس هو اي يعني توكيد الحرف والضمير دول |
اقتباس:
|
اخدت جيو النهارده الاستاذ قال سهله ف حفظها اسهل ف تبخرها فاهمين طبعا
|
انا بس عندي مشكلة اني مش مستوعب اني بقيت في 3 ثانوي يعني عقلي الباطن متوقف عند 2 اعدادي ، نفس الكلام على العمر يعني لو حد سالني عندك كام سنة اول رقم بيجي فبالي 14 مثلا :d
|
السلام عليكم
بدأتو دروس يا جماعة ؟ أنا لسا هبدأ تقريباً في نص 8 |
اقتباس:
|
اقتباس:
|
اقتباس:
|
اقتباس:
طب ليه التاخير لنص 8 احنا الابتدائى عندنا هيبدا كمان يومين |
اقتباس:
أحنا في الجيزة تقريباً كل سنة كده ، أخويا كان كده برضه |
اقتباس:
|
جميع الأوقات بتوقيت GMT +2. الساعة الآن 05:05 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.