|
اقتباس:
انا بالعافية مستنية الاسبوع ده ههههههههههه اقتباس:
على فكرة نسيت اقول فيه ورقة متعلقة عند شؤون الطلاب مكتوب عليها على طلاب الفرقة الاولى علوم الحضور لمدرج 1 يوم السبت 14/2 الساعة 12 للتعريف بنظام الساعات المعتمدة ( ده طبعا للى عايز) اظن كله حيحضر لأنى بجد نفسى افهم النظام ده و اعرف الفرق بينه و بين النظام العادى |
اية يا جامعة اسكندرية تم الاستضافة عندنا فى جامعة المنصورة
وخصوصا اللى هيستبلوكم كلية علوم جامعة المنصورة ونحن دائما نرحب بكم وعمو تامر حسنى طبعا هيجيى |
اقتباس:
|
على فكرة يا شباب انا واحدة صحبتى راحت الكلية من يومين وقالولها ان النتيجة ان شاء الله على بداية الدراسة
|
يعنى الترم التانى عشان ما حدش يفهمنى غلط
|
ان شاء الله
و انا برده فى وحدة صحبتى رايحة الكلية انهاردة و حتقولنا قالولها ايه و حبقى اقولكم ان شاء الله كثفوا الدعوات بقى كله يدعى :d |
على فكرة درجات الميد ترم لاولى علوم لمادة الكيميا ظهرت فى طريق الحرية الدور التانى
وفى الدور الثالث بمبنى الرياضة فى الشاطبى ممكن اى حد يعرف بس اذا كان ناجح او راسب فى امتحان الترم والنتيجة خلال ايام لانهم بيصححوا لسه فى درجات الكيميا بتاعة الترم هى دى اللى ناقصة بس |
نتيجة علوم طبيعية لاولى علوم ظهرت النهاردة وان شاء الله بكره نتيجة بيولوجى وجيولوجيا فى الشاطبى
|
انا قلقانه جدااااااااا لسه عارفه ان معظم الدفعه طالعه بالكيمياء وحقوق الانسان مش عارفه ليه حقوق الانسان مع انه كان سهل بس الكيمياء دي معروفه ربنا يستر في باقي المواد كمان وكمان عرفت انهم بيعدلوا في النتيجه وبيرفعوا الدرجات دلوقتي ربنا يستر بكره ان شاء الله هروح اجيبها ادعوووووووووولي
|
فعلا انا كمان سمعت ان معظم الدفعة طالعة بالكيميا وحقوق انسان وزى ما بتقولى بيرفعوا فى الدرجات ربنا يستر واهو يا خبر بفلوس
|
محدش عارف امتى النتيجة هتتعلق بالظبط انا الصراحة احترت كل يوم اسمع ميعاد مختلف واروح الاقى امة لا اله الا الله عشان يعرفوا اذا كانوا ناجحين ولا راسيبن فى مواد بس انا عايزة اعرف التقديرات يا ريت لو حد يعرف ميعاد النتيجة بجد يقول عشان انا فقدت اعصابى
|
انا عرفت انها بكره هتتعلق وبالليل هتنزل عالنت
|
ونتيجه عملي الكيمياء ظهرت في طريق الحريه في الدور الثاني
|
اقتباس:
اقتباس:
يا سلام احساس جميل و رائع ان الواحد يحس انه من ضمن الناس و يحس انه فعلا له قيمة يلا الحمد لله انا رحت انهاردة و جبت النتيجة و جبت تقدير عام جيد مرتفع و طبعا الرياضة نسفت بيا كالعادة و طالعة بحقوق انسان يا فرحة ما تمت يلا الحمد لله |
انا الحمد لله جبت جيد بس طلعت بحقوق الانسان واللغه>>>>>>>تقريبا الوحيده اللي طالع باللغه
بس الحمد لله انها جت فيها مجتش في حاجه تقيله والله ربنا كرمني بجد ان شاء الله تتعوض في الترم التاني ومبرووووووووووووووووك يانهى الف مبروك |
سلام عليكم..
انا جبت النتيجة النهاردة و الحقيقة انا اتضايقت شوية الرياضيات البحتة اوكيه طلعت بيها ضعيف مفيش مشاكل انا كنت عارف .. لكن الرياضيات التطبيقية انا كنت متأكد اني هنجح فيها بس طلعت بيها ضعيف كمان و زي الغالبية انا طلعت بحقوق الانسان اضعيف للي كنت فاكر اني حليت فيها فوق الممتاز كنت بقى عايز اتأكد هي السيميستر (semester) يقصدوا بيها التقدير العام لو كده يبقى ازاي التقدير العام يطلع و انا مش ناجح في كل المواد؟ عموما انا السيميستر عندي جيد منخفض (c) و اللغة جبت فيها امتيااااااااز مرتفع(A) اهو اي حاجة تعمل منظر للواحد كده يا ريت الباقي يدخل يقول عمل ايه و انتي يا Nogha و hanoooooooda مقولتوش يعني عملتوا ايه في باقي المواد؟ عموما مبروك و كلنا ناويين للمواد نية سودة في الترم التاني ان شاء الله انا جبت الجدول بس السكاشن اتغيرت و بعدين في تعارض بين محاضرة حاسب الي و سكشن فيزياء زي الترم الاولامي و بعدين كمان انا اتفاجئت بننا هناخد حاسب الي نظري و عملي و هناخد احصاء و على فكرة الرياضيات البحتة بتاعت التيرم الاولاني ليها محاضرات تاني لكن التطبيقية لا هناخد بتاعت الترم التاني و هتلاقو كده بالنسبة لبيولوجي و جيولوجيا بالنسبة لموادهم سلام... |
اقتباس:
اعرف ناس طالعين بيها و مبرووووووووك يا جميلة و الحمد لله انها جت على كدة ههههههههه اقتباس:
شوية؟ ده احنا كنا حنروح فيها اقتباس:
انا اللى قلل تقديرى النبات و الرياضة (ال 2 بكرههم و كنت متأكدة انى طالعة بيهم بس الحمد لله. جبت فيهم مقبول. طبعا وحش بس كفاية على الرياضة و البوتانى) هههههههه اقتباس:
حد بقى حلو كدة ينزلنا مذكرة حقوق انسان على المنتدى هنا اهه ده اللى كان ناقص الدكتور الزفت بتاع حقوق انسان صلح 1200 ورقة فى يوم و نص ده لو بيقرا الاسماء مكنش لحق حسبى الله و نعم الوكيل و الكلام ده انا جايباه من الكنترول يعنى صح 100% اقتباس:
بس مش عرفة اجابة سؤالك بصراحة |
اقتباس:
الرياضة و النبات مقبول و الباقى الكيميا النظرى جيد الكيميا العملى جيد جدا مرتفع و الحيوان جيد جدا مرتفع يعنى من الاخر سقطة حقوق انساااااااااااان و ممتازة فى الحيوااااان هههههههههه حاجة تشل و الله و مبروك للكل و الحمد لله و طبعا الترم ال2 حيكون حاجة تانية خالص ان شاء الله الواحد خلاص اتعلم و كانت شدة ودن و لا يلدغ المؤمن من جحر مرتين و اظن التقدير مش صعب اذا كنا مذكرناش الترم ال1 و جايبين ما شاء الله تقديرات حلوة فمابالك لما نذاكر العملية مش صعبة ان شاء الله بس ربنا معانا فى الفزيا و النبات (تاااااااااانى) بالنسبة للجدول فانا برده جبته و شايفه مريح بس و لا يوم اجازة ده حرام المهم لقيت محاضرة الحيوان يوم الخميس حتكون فى نفس وقت سكشن الكيميا و الله بيهرجوا ان شاء الله نشوف لنا حل للموضوع ده متنسوش يوم السبت فى مدرج واحد العميد عامل لقاء للتعريف بالساعات المعتمدة و للرد على اسئلتنا حتكون الساعة 11 مش 12 (المعاد اتغير) و حنشتكيه من موضوع حقوق الانسان ده اقتباس:
ايوة عملوا مجموعة جديدة (ب5) للى طالعين بمواد عملين رياضة بحتة و حيوان و كيميا و نبات ايه الاخبار يا وان واى؟ عملتى ايه؟ طمنينا |
انا جبت مقبول في الرياضه والنبات الحمد لله اني عديت
وجيد جدا منخفض في الكيمياء النظري b وجيد جدا مرتفع في العملي b+ وممتاز في الحيوان والتقدير العام جيد c+ وكنت عايزه اسال سؤال هيموتني هو الواحد بيتخصص في اعلى تقدير ليه ولا بمزاجه ؟؟؟؟؟؟؟؟ ومبروووووووووووووووووووووووووك لينا كلنا والترم التاني نذاكر بجد بقى ربنا معانا,,, |
انا الحمد لله جبت جيد جدا مرتفع وطلعتش الحمد لله بأى مادة
جبت فى الحيوان امتياز والنبات جيد جدا منخفض والرياضة جيد مرتفع والكيميا العملى والنظرى جيد جدا مرتفع انا الصراحة كنت بذاكر اينعم كنت بريح شوية بس الحمد لله عرفت ان كلية العلوم مش مستحيلة ولا معقدة زى ما بيقولوا ولا الواحد عشان يجيب تقدير كويس لازم يذاكر 48ساعة فى ال24ساعة تسالوانى ازاى اقولوكم معرفش اهوا هو ده اللى بسمعه ان شاء الله نشد حيلنا فى الترم التانى ونرفع راسنا ونفرح اهالينا اللى فى منهم ولادهم كانوا زعلانين عشان هما دخلوا علوم مدخلوش صيدلة ولا اسنان ولا هندسة بس لازم الواحد يقدر النعمة اللى هو فيها الله اعلم لو الواحد دخل كلية من الكليات دى هيبقى الحال ازاى على العموم قريب هنعرف من اصحابنا اللى فى كليات تانية ونتقابل ان شاء الله فى داوشة الترم التانى وامتحاناتها |
اقتباس:
بس اظن انه حسب التقدير العام و دى حاجة وحشة يعنى انا اللى منقصنى الرياضة و انا عوزة بيوكمسترى ممكن الرياضة تتسبب فى انى مدخلهوش طب و انا مالى بالرياضة اهاهاها اقتباس:
و فعلا و الله مش صعبة خالص ان شاء الله |
الف مبروك ليكم كلكم حتي اللي شال ماده اهه اتعلم اكيد وربنا حيكرمكم في السنه الجايه
بالنسبه للكليه انا مش شايف انها صعبه هي بس عايزه شوية خبره انا واحد من الناس بذاكر اخر شهر وربنا بيكرمني الحمد لله اوصيكوا بشوية حاجات -احفظ الاساسيات وافهم المنهج كله متحفظش المنهج كله لانك مش حتفتكر حاجه ومش حتعرف تحل الموضوع كله بيعتمد علي الفهم -اعرف ان الدكتور اللي حيصحح ورقة الاجابه دا عايز يشوفك فاهم ولا لا فانت حل كانك بتكلمه وبتسبتلله انك فاهم الجزئيه اللي فها السؤال واضربلكوا مثل علي دي انا كان عندي امتحان هندسه فراغيه في اولي ومكنتش مذاكر كويس وكان ست اسئله اختار منهم خمسه كل سؤال مسألتين وكان تلاته جبر وتلاته هندسه المهم انا حليت او سؤلين جبر وبعد كدا اول سؤال هندسه وبعد كدا عكيت في السؤال الاخير جبر يعني كتبت اللي عرفه وسبت السؤال التاني هندسه واخر سؤال بقي كان مسئله واحده عليها 40 درجه وتتحل في اربع صفحات ورسم وكلام كبير وكان الوقت خلص انا حلتها بالعربي لاني اصلا مكنتش اعرف احلها بالرياضه لان محدش حلها المهم كتبت كدا "الوقت بيخلص وانا والله مذاكر وعرف المسأله احنا حنحل المعادله دي مع المعادله دي والناتج نعوض بيه في المعادله دي ونطلع النقطتين ومن النقطتين نعوض في دي ومن دي نجيب دي وهكذا" والحمد لله جبت امتياز لاني اسبتلها الدكتوره يعني اني فاهم -اخر حاجه في زهني دلوقتي انك داخل الامتحان دي يعني داخل سباق وقبل متدخل لازم علي الاقل تشوف نموزج امتحان مش لازم تحله بس تشوفه وتعرف انت حيجيلك كام سؤال لانك ممكن تكون مذاكر كل حاجه ومتحلش وتطلع متحسر اعرف الامتحان كام سؤال وقسم الوقت علي الامتحان يعني كل سؤال له جزء من الوقت لو عداه سيبه وادخل في غيره وسيب مكان لو في حاجه تانيه عايز تكتبها ولما تخلص ارجعله اعمل علامه للسؤال اللي انت مش عارفه وعلامه للسؤال اللي عايز تكتب فيه حاجه تاني دا في ورقة الاسئله واللي متعرفهوش متفكرش فيه الا لما تخلص اللي تعرفه -كن واسق في نفسك سؤال شايف انه مكتوب غلط سيبه لما يجي الدكتور ومتفكرش فيه وجيب غيره انا قلتلكوا الكلام دا متأخر بس لما تتلسع حتعرف قيمته كويس |
معلش انا الدغ في الثه بكتها سين في الكتابه
وفي حاجه كمان افتكرتها كل دكتور وله طريقته وكل ماده ولها طريقتها في المذاكره يعني |
انا عامل موقع للكليه وفيه منتدي ياريت تقولو رايكم ايه
www.lec-of-fun.co.cc |
اقتباس:
حاجة رااااااااائعة d: بتنفع وقت الزنقة برده هههههههه شكرا للنصايح و و لا متأخر و لا حاجة ان شاء الله و ان شاء الله اعملها |
ايه يا جماعة مين حضر محاضرة العميد؟
انا حضرتها و فهمت .. بس مش عارف بقى موضوع الملف بتاع بكرة .. انا عارف موضوع التسجيل .. بس هل فعلا زي ما قال هنختار المحاضرات اللي مواعيدها تناسبنا . يعني كل واحد يختار محاضراته بنفسه؟؟؟؟؟؟؟؟؟ ده كده يبقى هايل.. و لو فعلا صح .. هنختار السكاشن كمان ولا صعب عشان العدد؟؟؟؟؟؟ و كمان حتة الكارت المغناطيسي اللي بيقول يتاخد بيه الغياب بمكنةفي المدرج. ايه التكنولوجي ده. حد فاهم حاجة؟؟؟؟؟ |
انا بقى معايا كيميا وبحتة
بس هو اللى هياخد مادة فى السامر كورس هيدفع 250جنيه بجد ولا لآ؟؟؟؟؟!!!!!!! |
انا محضرتش محاضرة العميد وومش فاهمة حاجة من موضوع التسجيل وايه الكارت المغناطيسى عشان الغياب ده وكمان سمعت ان الاسبوع ده مفيش محاضرات يايرت حد يفهمنى بوضوح عشان كل ما اسال حد الاقيه مش فاهم هو كمان كويس من فضلكم ارجو المساعدة
|
فهمونا .. اتخنقنا
اقتباس:
بالنسبة للسامر كورس الواحد معرفش اي حاجة عن المبلغ اللي هيندفع. و بعدين يا ريتهم ما عشمونا خرمنا احنا ودانا. العميد قالك هتختار المحاضرات زي ما انت عايز .. طلعت نختار المجموعة كلها بيعة واحدة..و لسه منعرفش السكاشن ايه نظامها.. العملية ملخبطة اوي اوي يا جماعة. التسجيل النهاردة خنقني جامد و ما صدقت اني روحت,انا بس سجلت في المواد و خدت 16 ساعة والمادة الاختيارية خدت برمجة حاسب. المهم ان الواحد مش مش فاهم حاجة .. فينك يا نغة انتي بيولوجي بس برضه شكلك انتي اللي هتفهمينا. و انا شكلي مش رايح بكرة عشان اتخنقت. يلا اللي فاهم يفهمنا عشان احنا مش فاهمين. و على فكرة و انا بكتب الرد ده اكتشفت ان تقديري العامC بس معناه اعلى درجة في المقبول مش جيد زي ما كنت فاكر:(.. و الـ-B اكتشفت ان معناها جيد مرتفع و ده تقديري في الفيزياء و الكيمياء العملية و C+ يعني جيد منخفض و ده تقديري في الكيمياء النظرية .. انتوا اكيد عارفين الكلام ده بس انا اللي فهمت غلط .. و فعلا هجيب جيد ازاي و انا طالع بمادتين.:confused: يلا مش فارقة كتير و كله محصل بعضه .. و بعدين لما انجح في المواد اللي طلعت ببيها تقديري العام هيعلى. يلا سلام و راي ريت حد يفهمنا موضوع الجداول و التسجيل و كده. |
انا حضرت محاضرة العميد و بجد اللى محضرهاش فاته حاجات كتييييييييييير و عجبتنى اوى الكروت الممغنطة دى. ما شاء الله البلد بتتقدم بينا d:
موضوع التسجيل ده دوووووووخنى و تعبت جدا جدا و روحت نمت لتانى يوم و مش حروح الكلية تانى الا يوم الاربع ده بعد يوم التسجيل الواحد عايز يريح شهرين اقتباس:
انا كنت فكرة ان كل مادة اختار المجموعة اللى تعجبنى يعنى ممكن فيزيا مثلا اخدها مع ب3 كيميا مع ب1 و هكذا بس فهمت بعد كدة اننا بنختار المجموعة كلها و انا عن نفسى اخترت انى اكون زى ما انا فى ب4 و خلاص مش حوجع دماغى اما بالنسبة للسكاشن فهى اتغيرتو و المفروض انها تكون اتعلقت يعنى بس التغير فى الارقام بس حسب ما فهمته يعنى مثلا ب4 كانت السكاشن من 11 ل14 اصبحت من 16 ل20 انا سجلت 19 ساعة علشان حجرب حظى الترم ده و ادخل حقوق انسان تانى (انا فضيالها و وراها لغاية ما اخلص منها ههههههه) العميد قالى انى ممكن ادخلها 8 مرات بالنسبة للمواد الاختيارية فهى منكدة عليا اوى انا حاخد لغة عربية (هما مصرين يطلعونى بحاجة السنادى) علوم بحار علوم بيئة بجد المواد الاختارية دى وحشة اوى و سأنا العميد هل هى دخلة فى التقدير قالنا طبعا دخلة |
اقتباس:
و الله ان شاء الله اول ما حفهم اى حاجة حفهمكم على طول ادعولى افهم بس ههههههههههه بجد يا جماعة انا حسة الترم ده بدأ كدة بلخبطة و حاجة فعلا صعبة عالعموم اللى عاوز يسأل حاجة يسأل و اى حد يعرف يرد يبقى يرد و ان شاء الله نساعد بعض اقتباس:
هو اكيد كمان حسب المادة |
19 ساعة ازاي . مش الحد الاقصى 18 ساعة
انا بالنسبالي اخترت برمجة حاسب.. بس قلقان يبقى فيها رياضة و خنقة بقى. و الساعات بتعتي زي ما قولت خدت 16 ساعة يعني ما خدت كل الساعات. هو انا لازم بعد كده هاخد اللغة العربية و القانون و البيئة .. او لغاية ما اخلص خمس ساعات من الاختياري؟ على فكرة الاسبوعين الجايين ممكن الواحد يغير في التسجيل.. مش عارف بقى اخد الساعتين اللي فاضلين و اهو اخلص من الخمس ساعات الاحتياطي؟.. فكرو ابقو قولولي رأيكوا بالنسبة بقى للحاجة المشتركة و هي حقوق الانسان العميد قال اعملوا فيها تظلم . طيب اللي سجل فيها و تظلمه اتقبل؟؟؟؟و انا حاسس ان معظمنا هنتقبل لو عملنا تظلم. و عموما زي ما قولتي يا نغة يا ريت اي لما يعرف حاجة يقولها على طول و نساعد بعض لان برضه زي ما قولتي الترم بدأ بلخبطة جامدة اوي و يوم التسجيل خلاني اكره الكلية و روحت برضه نمت لغاية بالليل. ربنا يكون في عوننا |
ما هو انا اخدت 18 ساعة + 1 ساعة اللى هى بتاعت حقوق انسان يعنى 19 ساعة
اللى انا فهماه ان المفروض بالنسبة للبيولوجى منقلش عن 18 ساعة يعنى كحد ادنى مش كحد اقصى الا للى طالع بمواد دخلة فى التقدير فعدد ساعاته بتقل انا رأيى نخلص كل الساعات المطلوبة مننا السنادى يا عالم السنة اللى جية حتبقى ايه و موادها اصعب و حنقول ياريتنا كنا خلصنا من المواد دى و حنفضل نأجل لغاية امتى ما هو احنا كدة كدة حناخدهم يبقى ناخدهم على رواقة كدة ههههههههههه و دة طبعا مجرد رأيى الشخصى اقتباس:
لو كدة فأنا عيزة اعرف اعمله ازاى علشان انا عيزة اعمله يمكن اكون ناجحة حقوق انسان ده اللى كان ناقص بقينا بدل ما نتكلم عن المواد اللى زى الفيزيا و الكيميا بقينا بنتكلم عن حقوق انسان حاجة تكسف و الله d: |
شكلي كده هروح اغير في التسيجل و اخد لغة عربية و قانون مثلا
بس على فكرة بالنسبة لموضوع سنة تانية انا شايف انها هتكون اسهل سنة في الكلية بالنسبة لعلوم طبيعية عالاقل. عموما مش مجالها دلوقتي. بالنسبة بقى لموضوع السكاشن هنعمل فيه ايه .. انا لما كتبت الجدول كتبته من غير سكاشن. و كل ما نسأل حد يقولنا هتبقى تتظبط .. محدش عرف حاجة؟؟ انا هروح النهاردة اشوف ايه النظام. |
اقتباس:
كل المرشدين نصحونا اننا مناخدش القانون دة السنادى و نأجله اقتباس:
انا مش فهماهم خالص و كلهم حفظين نفس الكلام مفيش حد بيفهم اقتباس:
لو لقيت الورقة بتاعت السكاشن نزلت قولنا انا اصلى لسا حروح بكرة و لو فهمت حاجة جديدة قول برده احنا اخواتكd:d:d: |
انا سالت فى شئون الطلبة وقالوا ان مواعيد السكاشن هتتعلق يوم السبت فاستغربت طيب اللى عنده سكشن يوم السبت هيعمل ايه وبيقولوا تعالوا برده كل يوم شوفوا يمكن ينزل يوم قبل يوم السبت
حد فاهم حاجة وجع قلب |
اقتباس:
فعلا يعنى لو اكتشفت ان عندى سكشن السبت كدة خلاص راح عليا يا ما شاء الله حلوووووو يعنى من الآخر محدش فاهم حاجة بقينا كلنا فى الهوا سوا الحمد لله d:d: |
السلام عليكم
ازيكم ياجماعه ياااااااااااااااااااربي عالدوخه ليه ميخلوناش في نفس السكاشن بتاعه الترم الاول ليه عايزين يدوخونا وجع دمااااااغ انا يوم السبت رحت من الساعه 8 الصبح ووقفت طبعا في الطابور الجميل ويوم الاحد اخدت الجدول الجديد عشان اختار انهي مجموعه وكنا بنحسب اننا نختار السكشن كمان كنت رايحه من 8 الصبح لحد 3 ونص وكل ده قاعده بظبط في مواعيد السكاشن وفي الاخر قالولي مش احنا اللي بنختار السكشن اتغاظت اوووووي ورحت اقدم الملف قالولي خلاص خلص وقت التقديم تعالوا بكره ورحت والحمد لله قدمته بطلوع الروح انا اخدت المواد الاساسيه واخدت معاها لغه عربيه ومدخل قانون والانسان والبيئه لانه قالي لازم التلاته دول شرط للتخرج ولازم اخدهم لكن علوم البحار ومقدمه في علوم البيئه مش مهمين دول مواد اضافيه وقعد يقولي هتتعبي لو اخدتي التلاته دول قلتله وعلى ايه اخد مواد ملهاش لازمه اخلص من اللي عندي احسنلي مع اني كان نفسي اجرب علوم البحار بس هجرب محاضراتها واشوف ولو استمتعت بالماده هاخدها واجرب الله اعلم يمكن الواحد يتتخصص فيها لو مخدش اللي بيتمناه (الكيمياء طبعا) واخدت اللغه كمان وقالي طنشي حقوق الانسان فطنشتها وهشوف بعد كده ايه النظام وربنا يسهل بس اللي مضايقني ان في دكاتره بيقولوا ان مفيش السنادي مدخل قانون ولا الانسان والبيئه ودكتور تاني يقول لازم اخد اللغه العربيه ومدخل القانون والانسان والبيئه طب اسمع كلام ميييييييين والله حاجه تخنق مفيش حد بيفيد ولا حد بيفهم عدل فين الصح مش عارفه قولوا يااااااااااااااااااااااااااااارب |
انا عايزة افهم حاجة عشان خلاص قربت اتجنن دلوقتى اكتر من ربع الدفعة او نصهابيولوجى قدمت فى المجموعة الاولى والتانية ومحدش تقريبا قدم ولا فى الثالثة ولا فى الرابعة طيب ايه نظام السكاشن يعنى العدد كده مش هيكون كبير طيب مش مفروض بنظام الساعات المعتمدة ان عدد الطلبة فى المجموعة ما يزيدش عن 300 بالكتير طيب ازاى واكتر الطلبة مسجلة فى مجموعتين انا مش فاهمة هما ليه غيروا النظام كده فجاة ليه مخلوناش ثابتين فى مجاميعنا وسكاشنا
كمان انا سمعت ان المحاضرات الوحيدة اللى شغالة لعلوم هى الفيزيا وانا الحمد لله محضرتش ولا محاضرة لانى كنت لسه بسجل ومش فاهمة حاجة ولا زلت والحمد لله يا ريت لو حد حضر محاضرات تانية يقول ويقول لو عارف ايه نظام توزيع السكاشن مع العدد المهوووووول ده فى كل مجموعة وبالاخص الاولى والتانية |
انا رحت النهاردة و في شئون الطلبة طبعا يا ريتهم حافظين و مش فاهمين دول حتى مش حافظين.
المهم قالولي روح للمرشد الاكاديمي و رحت ناحية مدرج1 و لقيت طالب طالع فقولتله عملتا يهفي السكاشن فقالي هتتعلق يوم الخميس. بصراحة يوم الخميس بقى اخر فرصة عشان زي ما قولتوا اللي عندو سكاشن يوم السبت يبقى عارف بالنسبة بقى للمحاضرات .. انا اعتقد ان المفروض اول اسبوع ما فيش لانه اسبوع التسجيل .. في محاضرات شغالة بجد ولا ايه؟؟ اصل انا هروح بعد بكرة اشوف السكاشن و بعدينالدراسة ابدأ احضر يوم السبت. و كمان بقى حقوق الانسان نعمل التظلم اللي العميد قال عليه فين؟؟ و ازااي؟؟ مش يمكن ننجح فيه و يوفرلنا ساعات معتمدة! اقتباس:
انتي بتقولي عالمواد الاختيارية .. ان مواد بعينها اجباري و مواد تانية اختياري؟؟ انا على حد علمي ان الطالب ياخد منهم ما يكافىء خمس ساعات و خلاص انتو بيولوجي معندكوش مادة برمجة حاسب في الاختيارية؟؟ اصل انا اخترتها و هي على ما اذكر تكافىء ساعتين مش هغير مواد الا لما اعرف موضوع الاختياري ده كويس هو المرشد مش بيفهمنا ليه بس؟؟؟؟؟؟؟؟؟تحس انه عايز يخلص و خلاص. و اللي يروح النهاردة يبقى يقولنا برضه ايه الاخبار |
يا هنووووود
اقتباس:
اقتباس:
اقتباس:
الكلام ده هو اللى صح انتى متلخبطة يا هنود هما كلهم مواد اختيارية و انتى تختارى منهملغاية ما يعلولك 6 ساعات علينا 18 ساعة منهم 12 المواد الاجبارى |
جماعة احنا الاسبوع اللى جاى هنكون فى نفس السكاشن بتاعة الترم الاول ولا حتتغير ؟عشان فى واحدة صحبتى راحت النهاردة(الخميس) خلوها تلف على الدكاترة وتطلع الاقسام عشان قالولها ان هتتعلق اسماء الطلبة قدام الاقسام بمواعيد السكاشن راحت ملقتش حاجة وراحت شئون الطلبة برده مفيش اى افادة وقعدت تلف لغاية ملقتش اى شىء مفيد ياست وروحت
وفى حاجة جديدة كمان سكشن الكيميا اتنقل من طريق الحرية للشاطبى ياريت لو حد عنده اى معلومات جديدة بخصوص السكاشن او الجدول يدخل ويفيدنا |
انا اللى اعرفه انها حتتغير و ان الورقة حتنزل يوم السبت و الشؤؤن هى اللى قالت كدة
اقتباس:
انا دى عرفاها اصل فيه معيدة كيميا بحبها اوى اللى هى الدكتورة دينا (لو حد يعرفها) قالتلى انه خلااااااص مش حنروح مبنى سوتر اللى فى المجمع علشان سكاشن الكيميا اتنقلت الشاطبى الحمد لله |
ايه يا معلم ... ازاي سكشن الكيمياء اتنقل من طريق الحرية للشاطبي ..
الشاطبي مفيهوش معامل كيمياء غير معمل واحد للكيمياء الحيوية و بايظ و فاضي... اكيد بقى تقصد انه اتنقل للمجمع النظري (سوتر) عشان في هناك معامل الكيمياء الفيزيائية و مكتوب عليه كلية العلوم. بالنسبة للسكاشن بجد مش فاهمين اي حاجة .. اولا السكاشن اتغيرت يبقى ازاي هنكمل في سكاشن الترم الاول. و بعدين بكرة مكتوب في الجدول ان في ست سكاشن فيزياء علوم طبيعية هتشتغل .. هنعرف ازاي و هنعمل ايه؟؟ قالو يوم الخميس السكاشن هتبان..انا مروحتش بس انت قولت ان في حد راح و ملقاش حاجة يبقى الناس دي بتهرج بقى. |
اقتباس:
انا كنت معشم صحابي اني جايلهم :angry2: ليه بس كده!!! طيب و معمل الكيمياء مكانه فين بالضبط في الشاطبي بقى؟ |
اقتباس:
لا و الله ليا كتييييييير جدااااااااااااا و ليا قرايب كمان بس انا اصلى مش بحب المجمع ده خالص ابقى روحلهم المجمع و انت تعرف ان معايا حق اقتباس:
بس اظن انه فنفس مبنى الحيوان (على حسب كلام د. دينا) و عالعموم ادينا حببدأ و نشوف بس المصيبة اننا منعرفش سكاشنا انا مضطرة اروح بكرة من 8 الصبح لأنى خايفة يفوتنى حاجة منهم لله مش قدرين ينزلو السكاشن الخميس يعنى انا رحت الخميس و مكنش فيه اى جديد |
ههههههههههههه
انا روحت المجمع كذا مرة ... مش عارف يعني مش بتحبيه ليه ؟؟.. مدام صحابك فيه اصل انا كمان مليش صحاب في الكلية هو بس في المجمع و لما يكون في وقت فاضي ببقى عايز اروحلهم بس مكونتش بروح لاني هدخل بصفتي ايه؟ و قلت بقى مدام لينا كيمياء يبقى هدخل زي ما انا عايز ... على رأي كتكوت انا غضبااااااااااااااااااااااااااااااااااااااااااااااا ان و بعدين كتبوا ليه في الجدول ان الكيمياء بمبنى سوتر .. برضه مصممين يعشمونا عالفاضي |
انا الحمد لله ليا اصحاب كتير فى الكلية و زى العسل و اولهم هنووود d:.
و بالنسبة لأصحابى اللى فى المجمع فبقابلهم فأى مكان تانى محبكتش المجمع ده تدخل تلاقى الملزق (ة) و المكسح و المحمر و حاجة تخلى الواحد نفسه تتسد و اللا البنات ده انا كرهت نفسى و الله هى مرة اللى رحته و ان شاء الله الأخيرة و لن أكررها ههههه الحمد لله الذى عافانا مما ابتلاهم به و فضلنا عن كثير ممن خلق :d:d:d:d:d |
ااااه انتي تقصدي موضوع البنات اللي هناك و كده .. مش عارف و الله اصلي انا مروحتهوش ولا مرة في عز الدراسة يعني لما كنت بروحه بيبقى مش زحمة ..
بس برضه عايز اشوف صحابي .. بس بقى هموت و اعرف كتبوها في الجدو سوتر ليه ... انا بقولكوا غاويين يخنقونا مش مصدقيني طيب ما يخلوا مثلا بيولوجي شاطبي و علوم طبيعية سوتر ... اومال هيعملوا ايه بالمبنى اللي في سوتر .. هيأجروه قانون جديد؟ عموما مش عايز ادوشك معايا يا نغة .. يلا "مصائب محمد فوكس عند نغة فوائد" |
اقتباس:
اقتباس:
اقتباس:
الواحد خلاص متوقع منهم اى حاجة ليس عالمجنون حرج اقتباس:
اقتباس:
|
| جميع الأوقات بتوقيت GMT +2. الساعة الآن 06:14 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.