![]() |
اقتباس:
و المراهق صعب عليه يفرق بين الاعجاب و الحب و بتبقى مشاعره عاليه اوى و ممكن يتعلق باى حد عامله كويس عشان بيبقى محتاج حنان و اهتمام كبير وممكن لو لقى بنت ابتسمتله يروح يحلم بيها و يتجوزها فى خياله كمان |
يا عم هتلر الفرق بين الاعجاب و الحب معروف طب لو انت مكانى و بتحب هتعمل ايه ؟؟؟ ولا انت مش بتحب برده :d ؟
|
العولمة قضت تماماً على هوية كل بلد
مفيش غير الهند واليابان وبعض الدول اللى لسه محتفظه ببعض العادات القديمه دلوقتى اى حد عشان يبان انه مثقف لازم يستخدم كلمات انجلش فى النص و يا ريتهم بينطقو صح اصلاً بجد انا بستحقر الشخص اللى بيعمل كده بالذات لو بيكلم شخض جاهل باللغه و انا بصراحه بعشق الانجليزى و بحب اتكلم مع اجانب بس عمرى ما هفكر استخدم كلمات انجليزى فى نص كلامى عشان خاطر ابين ثقافتى و احسس اللى حوليا انى متميز يا جماعه اللغه العربيه من ارقى و اروع اللغات و اغنى اللغات كمان كفايه كلمة اسد ليها اكتر من 400 مرادف بجد اللغه العربيه من اعمق اللغات و اقواها و اتحدى اى حد يتقنها بسرعه و يعرف يعوم كويس فى محطيها مش بحرها جرامير الانجليزى كله ميحصلش 200 صفحه بالكتير لكن قواعد النحو مجلداات و فيه اكتر يا ريت كل واحد يعقل و يبطل جو الهطل و الروشنه و يحاول يكون مختلف حتى لو هيعمل حاجه غلط |
اقتباس:
|
المشكلة يا هتلر ( اه اسمك ايه صحيح ؟؟ ) ان الواحد يعمل ايه فى حكاية الشوق دى
|
اقتباس:
|
اسمى ابراهيم
حضرتك انت فى سن مراهقه و المشاعر العاليه قلتلك طبيعيه جداً و هتمر بازمات نفسيه كتير و هتحس باكتئاب كتير اوى و تقلب فى المزاج عادى عادى انت زى ما قلتلك خليك فى الطريق اللى ميغضبش ربنا و اووعى تكلمها من ورا اهلها وغض بصرك لما تشوفها واعرف كويس ان من قدم امر الله قدم الله امره |
اقتباس:
|
اقتباس:
|
طيب انت مشغول بواحدة لكن انا مش مشغولة باى حد ودماغى ديما بتسرح كدة لما اكون بزاكر فى الفاضى وممكن اقعد ساعة ببص للسما بس من غير ما افكر فى حاجة خالص
|
اقتباس:
|
انا بحب البحر جدا
|
انا بحب اكتب واعبر بصراحه وشفافيه حتى لو كلامى هيزعل فئه كبيرة من الناس بجد لما اواجه حد بعيوبه فى وشه و يزعل منى احسن مية مره من انى اجامله و من وراه اجيب سيرته و بلاويه و اخلى الناس تكرهه و هو مش عارف الناس بتكرهه ليه
انا يمكن بواجه و هواجه اعتراضات و هجوم عليا بس انا مقتنع تماماً انى احسن من ناس كتير ممثله و بتنافق نفسها و غيرها عشان مصالح دنيئة بجد حالنا هيبقى افضل لو كل واحد عبر عن اللى حاسه بجد و بطل يجاامل عمال على بطال بجد مش لازم تعيش مع حد قصة حب عشان خاطر متزعلهوش لا انت صارحه من اولها و كده افضل من انه يعيش معاك القصه و ينهار فى الاخر ولو شايف ان حاجه غلط و بتتعبك نفسياً واجه و اتكلم ومتتكسفش و تنافق انت هتعيش اد ايه !! بجد كتمانك الكتير هيجبلك امراض كتيره و هم و هيجى يوم هتنفجر فيه و تندم انك معبرتش عن نفسك بصراحه انا صريح و هفضل كده و مش هقل ادبى او اتطاول على حد لكن مش هنافق و اخبى حقايق مره او صعبه عشان بجد انا هعيش مره مش اتنين او تلاته و مش عاوز اعيش فى كبت و تمثيل http://th05.deviantart.net/fs70/PRE/...ed-d5257i3.jpg |
وانتى يا امانى كبنت رأيك ايه فى الحكاية دى ؟؟
|
انواع البنات اللى بشوفها فى الشارع
اول نوع .. البنات اللى مش واثقه فى نفسها اللى طول الوقت تبص فى الارض و تمشى و هى مضطربه و اكن حد هيهجم عليها و دول بيكونو يا اما مضغوطين فى البيت و ملهمش شخصيه يا اما خايفين من التحرش تانى نوع .. البنات اللى فاكره نفسها فى لوس انجلوس و مشمرين الباضى و مطلعين الاوصه او لابسين الزعبوط و مطلعين شعرهم زى الاجانب و حاطه الهاند فرى و تبص ببجاحه فى عين اى ولد ادامها و ماشيه بثقه و يا ارض اتهدى ما عليكى وده النوع اللى ناسى اصله تماماً و عنده نقص و شايف انه بكده هيكون كوول و ملفت للانتباه مع ان جسمهم هو اللى بيلفتنا فى الاخر مش اكتر تالت نوع ... البنات المحتشمه و دول نوعين نوع محتشم احتشام صح و نوع محتشم احتشام غلط الصح بيكونو لابسين كما قال الحديث و مشيتهم معتدله و مش بيبصو يبحلقو يمين وشمال و عندهم خوف من ربنا كبير انما النوع التانى الغلط اللى بيلبسو نقاب متجسم و عبايات مبينه معالم الجسم و تحس انهم واخدين الاحتشام موضه وفرحانين اوى انهم كده و دول ربنا يهديهم النوع الرابع ... بنت البلد ودول قليييلين اوى واللى بيعجبونى اوى اوى اوى دول اللى تلاقيهم عايشين عيشة اهلهم بالظبط و اللى قلبها طيب و جدعه و متتكسفش انها تقول بجيب هدومى من التوحيد و النور او باكل فول ع الصبح و بحلى بسحلب و بحب اضرب محشى و اسقسق البقسماط فى الشاى و تمشى فى الشارع عادى من غير مرقعه و لبان بيطرقع و تطلب الحاجه من غير سهوكه وده النوع اللى نادراً اما بشوفه و يمكن انقرض |
اتعلمت انى مضيعش وقتى فى الشكوى ابداً و ابدا افكر فى مشكلتى مره و اتنين و تلاته و اجرى ادور على حلول يمين و شمال و مزهقش و مسكتش غير لما اوصل لحل حتى ولو بعد اسبوع المهم مقعدش لحظة اشتكى لحد و اعيط و ده درس مهم اووووووى اتعلمته النهارده
|
اقتباس:
|
انا مقتنع تماماً ان الانسان مينفعش ياخد قرارات مصيريه غير بعد ما يكون وصل لنضج فكرى و نفسى يعنى من بعد ال 25 كده
بجد الخبره شىء مختلف تماماً عن الثقافه انا بجد قريت حاجات كتير اوى لكن محستش بيها غير لما كبرت و كل يوم بحس باللى بقراه عشان كده انا لما احب استشير حد بيفرق معايا السن اوى و بجد الناس الكبيره تستحق نحترمها اوى و نتعلم منهم حتى لو مش مثقفين بجد فرق شااسع بين المثقف و اللى عنده خبره العبره مش بقراية موسوعات و حفظ معلومات يمين و شمال و سماع محاضرات العبره بجد انك تعيش كل ده و تقتنع بيه و يتغلغل فيك بجد انا طول حياتى كنت بقرا عن حاجات مستوعبتهاش غير لما كبرت و بدات افهمها صح السن مهم جداً و اللى يقولك العبره مش بالسن انا بقولك العبره بالسن بجد و اكيد اكيد حتى لو هو غبى او معندوش ثقافه عاليه اكيد هو مر بلحظات اكتر منك نفسيه و سمع يمين و شمال حاجات اكتر منك بسبب فرق السن و ممكن يجمع ثقافه كبيره من حاجات كتير غير الكتب زى مثلاً انه يسمع حد بيتكلم او يشوف برنامج او حتى يشوف ورقه متعلقه على حيطه بجد انا بعلن احترامى هنا لاى حد اكبر منى و عاوز اقول لاى حد اكبر منى انت مدرس وانا تلميذ فى مدرسة الحياة |
اقتباس:
|
كلامك صح مليون فى المية طب لو ما اعرفش اكلم اهلها دلوقتى اعمل ايه
|
كل واحد فينا عبارة عن لعبة والمطلوب مننا نعرف ايه هى الخواص بتاعة اللعبه بتاعتنا و نعرف مميزاتها و عيوبها و نحاول نصلح عويبها لحد ما هيتبقى عيب واحد بس مش هتقدر تغيره هو اللى هيفصلك عن الكمال و حتى لو غيترته ربنا هيبعلتك نقص تانى و هكذا
|
اى حد يقدر يبرر اى موقف مهمها كان حجمه و اى موقف يحتمل النقد السلبى والنقد الايجابى والناس بتحب تخالف المعتاد فلو حاجه الناس بتشكر فيها هتلاقى واحد ركز ع النقد السلبى لمجرد انه عاوز يتميز او حاسس بحقد
و كله ماشى مع خالف تُعرف للاسف |
الصمت مهم اووووى فى مواقف كتير
بجد الحق بقى صعب ينتصر فى زمن الصوت العالى هو المسموع بس |
شجع كل واحد على حسب قدراته
مينفعش تشجع حد قدراته ضعيفه و فهمه ضعيف و تحسسه انك متوقع منه حاجه كبيره لانه هي*** نفسه و النتيجه هتفضل برده ضعيفه عشان ربنا كاتبله كده و بالتالى لما يلاقى انه مش قد قدراته هيحس بالدونية و الحقد و ممكن يفكر ينتحر او يأذى الناس انا مش ضد التشجيع لكن انا ضد انك تديله امل كبير فى حاجه بعيده كل البعد عن امكانياته اكنك بتقنع سمكه انها هتطير شجع كل واحد على حسب قدراته و ظروفه و عرفه انت مستنى منه ايه بالظبط و متخلهوش يبص لحاجات هو مش قدها وانت لو خليته يبص ليها انت كده بتدمره نفسياً بعدين و مش هيحس انه نجح حتى لو عمل انجاز كبير |
اقتباس:
اقصد بكل بساطة ان طول عمري مقتنعة ان الانطباع الاول لا يدوم وانت اثبتلي ده النقاش شيء جميل واجمل مافيه حسن الظن تحياتي http://www.thanwya.com/vb/images/icons/icon7.gif |
اقتباس:
و بعد كده لاقيتينى ايه ؟ |
اقتباس:
الانطباع الاول انك مميز في ارائك عن باقي الشباب مختلف يعني وحدة وحدة مع زيادة مشاركاتك بدات ارائك تفقد حاجة مميزة وبدات تتفق _في رائي_مع اغلبية الشباب في طريقة تفكيرهم سواء كانت صح او غلط مش هي دي المشكلة ومفيش مشكلة اصلا كل الحكاية اني الظاهر محبكاها شويتين فبشوف اللي حواليا بكذا زاوية عموما مشاركتي مش هتفرق معاك كتير واتمنى بجد ربنا يبينلك الحق ويهديك للطريق المستقيم |
اقتباس:
|
اقتباس:
حسب شخصيتك المراهقين عموما باختلاف جـنسهم بيحبوا يثبتوا نفسهم ويكونوا مميزين حتى لو كانوا غلط انا عن نفسي احب اكون مميزة في حاجة مش موجودة في غيري احب مامشيش على الموضة لو مش مناسباني بس ماحبش ادخل جحر الفأر اللي كله بيدخله والكل عارف انه مجرد تقليد للغرب اتمنى تكون فهمتني |
اقتباس:
يعنى انا عيبى انى بحاول اثبت نفسى و ابين نفسى عن طريق الاختلاق و لا ايه ؟ |
اقتباس:
ببساطة شديدة لو انت شايف ان التميز حاجة كويسة وبتدي الشخصية قوة يبقى انت عندك صفة رائعة مش عيب ولا حاجة اما لو انت من الشخصيات اللي شايف ان التميز والاختلاف عن الغير طباع سئ يبقى ده يعتبر عيب_في رأيك_ وهتحتاج تصلحه يعني من الاخر انت شايف ايه رايك ايه دي شخصيتك انت صفاتك انت انت الوحيد اللي هتقدر نفسك اكتر من غيرك انا حتى ضربتلك مثال عن نفسي عشان الكلام يبقى مفهوم وفي الاخر تقلي خليكي مباشرة :bosyht9: |
اقتباس:
|
اقتباس:
مش مهم يا هتلر ربنا يوفقكhttp://www.thanwya.com/vb/images/icons/icon7.gif |
اقتباس:
انا مش هزعل لو للاسوأ بس هزعل لو خبيتى عشان انا بحب اعرف عيوبى واصلحها |
مسا مسا عليكم
|
اقتباس:
|
اقتباس:
|
اقتباس:
|
اقتباس:
|
اقتباس:
|
الواحد يقعد مع نفسه يحس انه سقراط
يجى يتكلم مع الناس بره يحس انه سبونج بوب :( |
سر السعاده انك تفكر فى ايجابيات الحاضر و سلبيات الماضى و تخطط كتير لمستقبلك
|
بابا و ماما عارفين كل عيوبى و عارفين اد ايه انا معاق فى حاجات كتير و عارفين اد ايه انا بوهم نفسى انى ممتاز و عشان كده بيشفقو عليا و بيتغاضو عن عيوبى و كمان انا هكون ضهرهم فى المستقبل اللى هيتسندو عليه لما يشيخو و انا ان شاء الله هرد الجميل بس هكون عارف كويس اوى انى موهوم و كل حاجه فى الدنيا كما تدين تدان وان مفيش حاجه اسمها حب بس فيه شفقه و اشباع شهوه و ملء فراغ و اشباع عطش و فضول و فشخره و محاولة اثبات ذات و احساس بالنقص و محاولة علاج تحقير الذات
يا ريت محدش يعلق على اى كلام ليا بعد كده عشان انا بفضفض مش بناقش و مش مستنى حد يركز ع الجانب السلبى فى كلامى لان زى ما كتبت قبل كده كل كلام ليه جانب حلو وجانب وحش و اى حد على حسب مزاجه ممكن يركز ع الجانب اللى عاوزه و يتماشى مع الموود بتاعه |
grow up your mind
غريبة فلنتفكر صفحات تستحق المتابعه يومياً ع الفيس بوك |
لاحظت ان الانسان نتاج المؤثرات اللى بيتعرضلها فى اليوم و هى اللى بتشكل شخصيته على المدى البعيد
عشان كده لو عاوز تتغير فعلاً لازم تغير بيئتك و كل حاجه بتتأثر بيها بتثبت الصفات الوحشه اللى اكتسبتها لحد ما تتخرج من الجامعه هتفضل محبوس فى بيئه و مع ناس اللى هم اخواتك وباباك ومامتك و هتفضل بنفس الشخصيه اللى متكونه من كل الناس اللى هم اكبر منك اللى هم ابوك ومامتك واخواتك الكبار مش الصغيرين يعنى هتلاقى نفسك بتتكلم زى ابوك شويه و بتضحك زى مامتك و بتهزر زى اخوك الكبير و بتاكل زى عمتك و هكذا و عشان تتغير و تبدأ تكسر كل الحواجز ديه لازم تبعد عن البيئه بتاعتك و تلف و تتعامل على مدى واسع اوى اوى و تسااااااااافر كتيير و متقفلش على نفسك و اتمرمط و بعدين هتلاقى نفسك بجد و هتعرف انت مين و ايه قدراتك اوعى اوعى تستعين بحد فى الامور الشخصيه و حاول تشوف انت هتتصرف ازاى و طلع قدراتك الكامنه و ابرز شخصيتك طول ما انت فى مكان واحد هتفضل شخصيتك كده مهما قريت فى كتب تنمية بشريه او سمعت محاضرات عمو هيما الفقى او عشت فى خيالات كتير عشان تغير نفسك هتتغير ااه بس هترجع تانى زى الاول بسرعه ومش هقول اسباب عشان واضحه اوى انا بعترف انى هفضل معوق لحد ما اغير بيئتى |
نصيحة للى داخلين 3 ثانوى
نيتك هى اللى هتحدد انت هتستريح و لا لا لو نيتك الفشخره و جوايز مامى وبابى و هدايا الاسرة و انك تمسك بالطو الطب فى الشارع عشان الناس تحترمك او تشيل المسطرة التى على كتفك عشان نفس السبب و اللى يسالك انت قسم ايه تقوله بالفُم المليان دااكتوور كذا او باشمهندززز كذا عشان تحسسه انك احسن منه اعرف انك هيطلع عينك فى الثانوى و فى الكلية و مش هيجيلك فرص شغل حلوه كتير و هتقعد مع شلة طلاب كليات القمة المطحونين و اللى طالع عينيهم انما لو نيتك انك تعمل اللى عليك و ده عملك و لازم تتقنه مهما كان و لازم تتثقف عشان ترفع اسم دينك لفوق وتكون قدوة حسنه و رمز كويس للاسلام و مامتك وباباك يرضو عنك و تكون عند حسن ظنهم و تكون خادم لامة الاسلام و تحاول تعمل حاجات خيريه كتير و تساعد الناس بعلمك و مركزك و تكون قدوه لكل جيل قبلك اراهنك هتحس انك مش عاوز السنه تخلص متجريش ورا طرق المذاكره و لا ازاى تجيب النهائية و لا اى حاجه من دول عشان كلهم نفس الحوارات نضف نيتك و توكل و اجتهد بسسسس |
i'm feeling good when i say what i really feel
i feel so good when i write down all my regrets and sad moments i feel so comfortable when i object to any stupid actions or behaviors it's so great to rebel to any damn routine and stop acting like a parrot or monkey wake up guys !! there's no time to stay the same you gotta change now be distinctive change yourself and the world will change |
بجد مفييش حد احسن من حد ابداً
كلنا بجد والله عندنا امكانيات و قدرات بس مختلفين عن بعض للاسف الناس حطت التفوق الدراسى و المادى مقيااس للنجاح ونسيت ان فيه حاجه اسمها ظروف و ان مينفعش كلنا نبقى متفوقين عشان الحياه مش هتستمر و لازم يكون فيه ناس اقل من الناس عشان الحياه يبقى فيها تكامل و على فكره اى حد كل يوم بيتطور و شخصيته بتكبر و قدراته بتنمو اكتر حتى لوووووووو قاعد فى البيت مبيعملش حاجه اصلاً دماغه مش هتقف حتى لو هو غبى اكيد هيبقى عنده وقت يفكر ويتأمل اكتر و ده على فكره بينمى حاجات كتير اوى فى شخصية الواحد و فكره فبالتالى يارييت نحترم كل الناس مش اللى معاهم شهادات عاليه وبس او اللى معاهم فلوس بس حتى لو مش هتحترم ع الاقل متحسسوش بالنقص او انه اقل من اى احد بجد بجد بجد الناس البسيطه و اللى محالفهاش الحظ انهم يكملو تعليم او جالهم واسطه يشتغلو فى مناطق كويسه بتبقى روحهم جميله اوى و متزهقش من القعاد معاهم و بيبقو فاهمين الدنيا اووووووووى و عندهم حكمه ربانيه من غير قراية كتب و حكمة كمان من التعامل مش من القرايه بس و ديه احسن حكمة بجد الناس ديه معاها ميزات كتيير اولها راحة البال و الرضا و الجدعنه و الذكاء الاجتماعى و حاجات كتير اوى اه فيه منهم حقود و معندوش رضا بس برده فيه ناس معاها شهادات عاليه و مغروره و بتعبد نفسها مفيش حد احسن من حد والله البياعه اللى بتبيع عندها خبره وذكاء فى التعامل اكتر بكتيير من دكتورة الجامعه والله فيه دكاترة كتير فى الجامعه تحس انهم دماغهم مبتخرجش بره الكتاب و بس و مغرووووورين مووووت و شويه و هيتفو على الطلاب وفووق كده مبيعرفوش يتعاملو خااالص مع الناس بذوق و الناس بتكرههم و بيدعو عليهم و بيبتسمو فى وشهم مجامله وخلاص و محدش بيطيق يقعد معاهم فبجد متبصش من جوااك بصه وحشه لحد معهوش الحاجات الظاهريه زى الشهاده و الفلوس و ركزو فى النفوس عشان بجد النعمه مبتقباش ماديه بس و كمان الحياه عامله زى الاوانى المستطرقه بتاعة الفيزيا كلنا عندنا مثلاً مثلاً 20 اناء كل اناء يمثل ميزه فى الحياه زى مثلاً اناء الذكاء و اناء القوه واناء حب الناس ليك واناء الفلوس و هكذا فالناس المتفوقه فى الدراسه اوى اناء التفوق مليان اوى على اخره و ده هيسحب السوائل من اوانى كتير اوى زى الصداقه او الترفيه او التعامل مع الناس و صعب جداً يكون عندك كذا اناء مليان على اخره عشان كده الوقت اللى انت بتملى بيه اناء التفوق غيرك بيملى بيه علاقات مع الناس والوقت اللى بتملى بيه اناء الفلوس عشان تبقى غنى غيرك بيملى بيه اناء الاعمال الصالحه عشان يبقى اقرب لربنا منك وهكذا فكرو فى المثال ده كويس و هتفهمو ان مفيش فعلاً حد احسن من حد كلنا يومنا 24 ساعه وكلنا بنعمل نشاطات مختلفه فى نفس الزمن اللى بجد هيميز الناس بقى هو التقوى وده كلام الرسووول صلى الله عليه وسلم مش كلامى اتقى ربنا فى كل حاجه فى حياتك و بطل تمشى مع الشيطان و بطل عنصريه |
تحذيييييييير
الشيطان هدفه الاساسى انه يبعد الانسان عن الناس اللى حوليه و يخليه انطوائى و بعدين يبدأ يوسوس ليه براحته و يلعب بيه و يجيبه يمين شمال لحد ما يعمل الذنوب باقتناع و فى الاخر مش بعيد يلحد عشان كده هتلاقى معظم الملحدين العرب انطوائيين اوى و الناس بتوع الايمو و الناس بتوع عبدة الشيطان حتى اللى بيعمل ذنوب فادحة زى الزنا و المخدرات وعقوق الوالدين عشان كده بالله عليكم سامحوو اصحابكم الجدعيين ومتخلووش موقف واحد يبعدكم عن بعض .. بجد صحابكم دول هم اللى هيحموكو من وساس الشيطان و هياخدو بايديكم للجنة اوعى تلاقى صديق تقى و مؤمن وتفرط فيه لو غلط معااك ساااامحه بس لو غلط غلطة تمس الدين و لا تعرفه بجد الصحاب نعمة كبييييرة اوى بس الصحاب اللى عندهم تقوى زى ما قلت و بيخافو من ربنا اوى مش معنى كلامى انك تتمسك باى صاحب تقابله لا لا لا لا صاحبك لازم يكون قريب من ربنا مش مهم يكون بخيل و لا كريم و لا شجاع و لا جبان اهم حاجه يكون قريب من ربنا و يخاف من الذنوب و يندم عليها ديه كفااايه اوى الكداب مش تقى على فكره لانه استحاله يكون خايف من ربنا و سايب لسانه كده ده تبعد عنه المنافق من غير ما اتكلم تبعد عنه المصلحنجى ده بقى نوعين فيه نوع يديك و تديله و لو عرف حاجه مهمه يقولك و يقف جنبك وقت الشده و تقف جنبه ده صاحبه انما التانى اللى بيسال بس و لما تعوزه فى حاجه يتلكك و يتخابث ده و لا تعرفه تانى اصلاً متصاحبش حد غرقان فى ذنوب وتقول هاخد بايده و اصلحه عشان هيشدك معاه تعمل كده لو معاك حد زيك بس مش لوحدك عشان تأثرو عليه ولو ملاقتوش خليك قريب من ربنا و انزل الجامع كتييير و قرب من ابوك وانتى قربى من امك و خدى نصايحها كلها عشان مش هتلاقى حد يديك النصيحه ديه اصلاً و ساعد اخواتك و مش مهم تتخانقو المهم تتصالحو تانى و اوعى اوعى لو صاحبك الكويس ملاقتوش لمده طويلة تختار اى حد قريب وخلاص و تقول نبقى ننصلح مع بعض عشان هتقعو يعنى هتقعو اكتر و هتفهم بعدين كلامى الحياه فيها حاجات كتير اهم من الرغى مع الصحاب متفكرش فى حاجات مش موجوده معاك دلوقتى عشان متتعبش فكر فى الموجود وبسسس |
to be or not to be
|
جميع الأوقات بتوقيت GMT +2. الساعة الآن 03:28 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.