|
السلام عليكم
ازيك يا دكتورة معلش بقالى يومين بدور عالدروس ربنا ييسر الحال انا رحت درس كيميا والمدرس كويس الى حد ما وطيب فى معاملته بس بصراحة اما قريت كلامك واهمية الالتزام بكلام المدرسة شكيت فيه :) لان المفروض اما نحل نكتب القانون قبل الحل وكده ونكتب الرموز يعنى القانون ده حلينا بيه كتير بس هو مكتبهوش خالص لا هو بيكتب عربى بس مش بكتب بالرمز كامل زى كده M1V1/Ma=M2V2/Mb اكمل معاه والتزم انا بكتاب المدرسة فى حلى ولا ايه وبصراحة انا مش عارفة احكم عليه كويس فى نقطة الدقة دى خصوصا انها بتضيع الحاجات التافهة دى وبردو مش لاقية غيره فى الوقت الحالى بس بصراحة بيشرح ويعيد اكتر من مرة اكمل ولا لا واستمر معاه فترة عشان اقيمه كويس |
اقتباس:
زى الفيزيا |
اقتباس:
بصى يا جميل .. لو انتى عايزة على ما تخلصى المنهج ان شاء الله يكون ال5 كتب محلولين كلهم و خلصانين .. يبقى بعد كل يونيت ف الدرس تحاولى تحلى من ال 5كتب .. بحيث انك تقسميهم مثلاعلى ايام الاسبوع " انا كنت بعمل كدة :) " .. يعنى مثلا لو الدرس الاحد .. انتى هتذاكريه يوم الاتنين و تحلى عليه من سنيور الاول " اللى هوالكتاب اللى المدرس ملزمك بيه " .. يوم التلات تحلى مثلا سيربرايز .. الاربع توب ستيودنت .. الخميس جيم .. الجمعه ذابست .. و السبت اجازة :d .. او يعنى لو كنتى ملحقتيش تحلى الكتاب ف يومه تبقى تعمليه يوم السبت دة او لو فى حاجة ناقصه او كدة .. كدة تضمنى ان شاء الله ان على ما تخلصى المنهج هتلاقى ال 5 كتب دول مافيهومش سؤال ماحليتهوش .. خصصى وقت كدة معين ف اليوم للانجلش .. خصوصا ان هو هيبقى فاكهة المواد بالنسبة لك .. لانه اقل ماده ف المذاكرة و اكتر مادة ف الحل .. بمعنى انك مثلا و انتى بتذاكرى اليونيت مش هتبذلى مجهود كبييير اووى زىمذاكرة فصل فيزيا و لا درس احياء مثلا .. و ف نفس الوقت باقى شغله كللللله حل .. ف مثلا خليه اول حاجة تعمليها بعد ما ترجعى من درس .. عشان دماغك هتبقى مش مستحملة دش تانى.. ف هيبقى سهل بالنسبة لك انك تقعدى تحلى .. او خليه الصبح اول ما تصحى .. كدة يعنى .. انتى ظبطيها يعنى .. بسالمهم انك تحاولى تظبطيله وقت تلزمى نفسك بيه .. عشان لو سيبتيها لظروفها كدة زحمة المواد هتاخدك و هتكسلي و هتلاقى نفسك بتحلى من سنيور بس و ركنتى باقى الكتب .. :) بالتوفيق يا قمر ;) |
اقتباس:
و الله العظييييم انا ما بعمل اى حااااجة خاااالص استحق عليها الكلام ده كله .. ربنا يكرمك يا رب و يفرح قلبك زى ما فرحتنى بكلامك دة .. انتو اخواتى و الله و ربنا وحده اللى عالم .. دى اقل حاجة اقدمهالكو :) بالنسبة لمدرس الفيزيا لو سألك على حوار الاسلوب وكدة .. خليك متاكد ف البداية 100% ان اسلوب الملزمة هو هو اسلوب كتاب المدرسة ف التعريفات و كل حاجة .. انا راجعت فيها على حاجات معينة كدة على اد ما الذاكرة جابت معايا يعنى :d .. و لو اتاكدت منكدة و بدات تكتب بالاسلوب دة و مدرسك سالك .. قله يا مستر انا بذاكر من كتاب المدرسة .. عشان هو اريحلى و اضمنلى ف المذاكرة .. و دة اسلوب كتاب المدرسة .. مش المهم يا مستر ان الاجابة كدة صح ؟؟؟ ;) .. العبها معاه من ناحية كتاب المدرسة دى .. دة لحد بس ما تشوف مدرس تاى باذن الله يحل لك الازمة دى و يبقى بيحفظك جوة الحصة كلام كتاب المدرسة :) و ربنا معاك ف الكيميا .. ولو احتجت اى حااااااااجة فيها قولى .. ربنا يقويكو يا رب و يسعدكو ;) |
اقتباس:
بصى يا حبيبتى .. ف الكيميا بالذات انتى كلامك صح ف نقطة القوانين و الكلام ده .. بس برضه اللى هو بيعمله مش غلط بنسبة 100% على حسب ما فهمت منك انه مثلا بدل ما بيكتب M1V1/Ma = M2V2/Mb .. بيكتب ( كتلة المول من كذا X حجمه / تركيز الحمض ) = ( كتلة المول من كذا X حجمه / تركيز القلوى ) .. دة لو انا كنت لسه فاكرة القانون صح يعنى :) .. دة مايعتبرش غلط لا عاااادى مفيش مشكلة .. القانون بالرموز هو اختصار بس مش اكتر و هو ممكن يكون بيعمل معاكو كدة عشان يثبتلكو القانون ف الحصة بحيث انكو تحفظوه لانه لو قعد يقول M1 M2 للصبح هتنسو او يمكن تتلغبطو .. انتى بقى لو شايفة انه ف باقى النواحى تمام و زى الفل و شرحه كويس انتى فاهمة منه و كلام النظرى اللى ف المنهج هو ملتزم فيه باسلوب كتاب المدرسة .. " اللى هى التعليلات و قارن و التعريفات " و الكلام دة .. بيحفظهولكو زى ما كتاب المدرسة كاتبها بالظبط و معندوش مشكلة غير هى حكاية القوانين دى بس .. ف تمام مفيش مشكلة ان شاء الله كملى معاه .. و يا ستى لو قلقانة ابقى انتى جمعى القوانين ف ورق خاص بيكي كدة القانون بالعربي زى ما المدرس بيكتبه .. و جنبه القانون بالرموز .. و لما تيجي تحلى اكتبى الاتنين جنب بعض .. او القانون بالعربي ف سطر و بالرموز ف السطر اللى تحته و التعويض بعد كدة .. اهو حتى تبينى للمصحح انك عارفة المعلومة كاملة .. لو هى دى بس الازمة .. لا كملى مفيش مشكلة :) .. سيري يا نورماندى على بركة الله :d |
اقتباس:
معلش هى هتعملك ازمة شوية ف انك بتكتبي عربي ف الكيميا و انجلش ف الفيزيا .. بس حاولى بقى ربنا معاكى ف الكيميا القانون يتكتب بالانجلش من الشمال لليمين .. و التعويض يتكتب بالعربي من اليمين للشمال :d هتستمتعى بالكيميا و الله :) .. ربنا معااااااكى يا حبيبتى .. و ابقى طمنيني عاملة ايه ف الدروس ;) |
بصو يا شباب عشان نقطة التزام المدرس بكتاب المدرسة دى ملخبطاكو شوية ..
انا بقولوكو كدة ليه ؟؟؟!!! عشان انا ف تانية ثانوى كنت باخد مع مدرس .. هو يعتبر صغير عنده بتاع 40 سنة كدة و لا حاجة .. ف كل الناس قعدت تقولى بلاش و خليكي مع المدرس اللى عنده خيرة .. دة فلان بقاله 40 سنة ف التدريس يعنى قبل ما مدرسك ده يتولد و مش عارف ايه .. كلام كدة كتير .. بس انا صممت اخد معاه عشان كان بيدينى ف المدرسة فاولى ثانوى و كنت مرتاحة جدااا معاه .. طبعا تانية ثانوى بالنسبة لى كانت اول مرة اخد دروس و اول مرة مدرس هو اللى يشغلنى و هو اللى يقولى اعملى و سوى .. انا طول عمرى انا اللى بحدد لنفسي ايه اللى يتعمل و ايه اللى مايتعملش .. ف النقطة دى كانت عاملالى ازمة شوية :cool: .. المهم لما اخدت معاه اول كام فصل كيميا اللى انت درستوهم السنة اللى فاتت زى ما انتو عارفين كلهم نظرى و دش ممل و رخخخم جداااااا .. و تاريخ الذرة و مين اكتشف ايه و مين عمل ايه .. ف انا بقى كنت بذاكره باسلوبى .. و لما جه يعملى امتحان على الفصل الاول تقريبا اللى هو كله رغى ده نقصنى فيه بتاع 5 او 6 درجات على النظرى بس :blush: .. طبعا انا جاتلى صدمة عصبيه .. انه ليه كل دة يعنى ... كانت واحدة من الجمل اللى مش هنساها عمرى .. لما كنت كاتبة " لان الكوانتم غير قابل للتجزئة " .. قام عاملى عليها غلط .. قلتله ليه كدة .. قالى افتحى الكتاب كدة .. فتحته و شاورلى على الاجابة اللى هى كانت " لان الكوانتم لا يتجزأ " .. قلتله طب فرقت ايه :excl: قالى فرقت ان ده كلام كتاب المدرسة .. لكن دة كلام علياء عادل :bosyht9: انا كنت هتشل اول ما عمل معايا كدة و على مدار اول 3 فصول كنت بنقص ف امتحاناته بالهبل بسبب الحاجات دى .. لحد ما الدنيا بدات تحلو شوية من الفصل 4 عشان كان فيه معادلات و كدة .. لدرجة انه هو بقى يعملى امتحان نظرى و مابقاش يعملى امتحان معادلات زى ما كان بيعمل لباقى المجموعات من بعد نهاية الفصل 5 عشان بيكون كم المعادلات كبير زى ما انتو عارفين ;) المهم ان انا جيت ف اخر السنة لامة المادة جداااا .. دة رقم واحد .. بكتب باسلوب كتاب المدرسة بمنتهى السهولة .. لانى ماتدربتش على انى اكتب باى طريقة تانية من اول السنة ..و الدنيا كانت زى الفل الحمدلله .. بفضل ربنا ثم فضل المستر دة ..لانه كان بيتابع معايا من امتحان لامتحان .. مثلا ايوة كدة التعليلات اتظبطت .. لا اتكى على تعريفات الفصل ده .. لا اظبطيلي مقارنات الجزء دة .. ف كان مريحنى جدااااا ..و بفضل ربنا جبت 50 ف الكيميا بالرغم ان امتحانا كان واحد من عجائب الدنيا السبعه :d .. الحمد لله على النقيض بقى الفيزيا السنة اللى بعدها .. اخدت مع مدرس برضه كان بيدينى ف الفصل ف اولى ثانوى .. و دة بقى عنده بتاع 58 سنة.. يعنى كلها سنتين و لا حاجة و يطلع معاش .. و بقاله سنين طويييلة ف التدريس و كل الكلام الحلو دة .. طلع عينى و الله يا جمااعه :( .. لانه و لا كان ملتزم بكتاب المدرسة ف شرحه و لا ف ملزمته .. و انا كنت زى الهبله بذاكر من الملزمة لان كتاب المدرسة هو كان واخده منى و مرجعهوليش غير على شهر 3 باين .. اول ما جابهولى بقى و ابتديت اعمل اللى بقولوكو عليه ده ف انى اقارن كلام الملزمة بكلام كتاب المدرسة .. لانى كنت قلقانة من كلام ملزمته عشان كنت ساعات بلاقى اسئلة ف كتاب الامتحان على معلومات هو مش جااااايب سيرتها ف الملزمة من بعيد و لا من قريب .. و لما كنت اسأله .. كان يقولى دة كتاب الامتحان بيزودحاجات من عنده سيبك منه :o .. اول ما جبتكتاب المدرسة بقى و بدات اقارن جاتلى صدمة عصبيه .. على كم المعلومات اللى انا حافظاها بشكل غير الموجود ف كتاب المدرسة .. و كم المعلومات اللى هو ملمحلهاش حتى ف ملزمته .. هى اه حاجات صغيرة عشان الامانه .. مش حاجات كبيرة يعنى .. بس موضع اسئلة من نوعيه " اختار .. اذكر وظيفه " و الكلام ده .. بقيت ف فترة المراجعه دى عاملة زى ما اكون بذاكر من اول و جدييييييد .. قعدت حوالى شهرين بس اراجع فيزيا .. او يمكن قولو بذاكر فيزيا من اول و جديد .. اللى هو الوقت اللى انا المفروض كنت اقعد اخلص فيه امتحانات الثانوية العامة .. بس كنت كل ما افتح امتحان اقعد اعيط لما اقارن اجاباتى باجابات النموذج الرسمى بتاع الوزارة .. طبعا المستر دة و لا كان متابع حلى .. و لا بيشوف انا بحل ايه و لا مابحلش ايه .. و لا عمره قالى هاتى كدة وريني اسلوب كتابتك للاجابات .. ف كان محملنى حمل زياده اللى هو ان اناادور بنفسي ايه هى الطريقة الصح للاجابه .. طب اكتب ازاى طب اعمل ايه و الكلام ده كله .. كنت شايلة همه فوق حمل المذاكرة .. و كانت النتيجة انى جبت ف الفيزيا 49 :blush: عشان كدة انا عماله انبهكو للنقطة دى اووووووى عشان ماتغلطوش غلطتى دى .. لانى لو رجع بيا الزمن استحاااالى اخد معاه تانى :cool: انا رغاية اووووى انا عارفة :blush: .. انا بس حبيت اوضحلكو اهمية النقطة دى عشان تخلو بالكو منها ربنا معاكو ;) |
الرغى حلو عشانا يادكتورة والله رغيك بفايدة ارغى كتيــــــــر
والله استفدنا كتير جداااا وبقينا من اول السنة عارفين هنمشى ازاى وسبحان الله كل الاسئلة مكملة يعنى في حاجة مخدتش بالى منها ومسألتش في حد غيرى بيسأل وبتكون نقطة مهمة جدا واستفاد ان شاء الله خير وفى ميزان حسناتك ان شاء الله اما حكاية الرسايل الخاص انا لسة محصلتش الـ 100 عشان احصل الـ500 وبعت رسايل فانتى يادكتورة لو قادرة تبعتى ع الخاص ابعتى فيسك :) |
الاسئلة اللى كنت هسألهالك لما طبقتها فهمت وعرفت
يعنى الكيميا زى مقولتى بقيت بجيب ورق واكتب الجزئية اللى دى ممكن سؤال علل والتعريفات فلما طبقت عرفت انى بلم مذكرتى وبثبتها فكنت هسألك يعنى انى هتشتت وهاخد وقت كبير وممكن احل وبس بس بجد كلامك لما طبقته فادنى جدا وقولت لما هاجى اراجع مش هاخد الوقت ،، والفيزيا بحاول اطبق زى مقولتى بس المدرس بتاع الدرس بطئ جدا لسة مدخلناش في مسائل وبصراحة انا معايا كتاب الامتحان فيزياء مراجعة نهائية بتاعة السنة اللى فاتت بتاع تالتة ممكن مش جايب كل الجزئيات البسيطة اللى اخدناها انا جربت مدرسين فيزيا واحد بياخد كم كبير اوى وومكن في اخر الحصة مخنا يقف ومش نفهم بس ميزته بيعمل امتحان كل حصة بس سبته خلاص المدرس التانى بطئ جدا بس بصراحة كل حتة بفهمها كويس اوى عكس التانى ممكن تكون نقطة ساقطة وكمان بيدينا واجب حلو وفى وسط الحصة بيدينا مسألة ع القانون فعجبنى ان شاء الله خير ،،، الجولوجيا مادة رخمة طلعت ،، وبعدين مفروض في حذف يعنى يعنى اللى في ادبى هياخدو كل انصاص مناهج لكن بتوع علمى ياخدو مادة كلها المضافة مفروض يكون في عدل في الحتة دى لعله خير وبارك الله فيكى يادكتورتنا |
اقتباس:
https://www.facebook.com/allyaa.adel بس ابقى ابعتيلي مسج مع الريكوست عشان اعرف ان دة انتى بس .. عشان مابقبلش حد غريب :cool: |
اقتباس:
|
طــمنــيــنا عـــليــكى فــــى الكــلــيه
|
اقتباس:
الحمدلله ان كلامى فادك ف حوار الكيميا ده .. ربنا يقويكى :) بالنسبة للفيزيا عادى ان المدرس يكون بطئ .. اصلا ممنهجكو صغييييرا اووووى ف مهما كان بطئ برضه هتخلصو بدرى ان شاء الله .. المهم ان انتى تبقى فاهمة و مستوعبة .. و كتاب الامتحان بيقسم الفصل الواحد لدرسين و تلاتة .. اول ما تلاقى نفسك خلصتى مع المدرس كمية كويسه اد درس من كتاب الامتحان حلى على طول انا سمعت انهم خفضولكو منهج الجيولوجيا من 11 فصل ل 6 فصول باين .. اتاكدى كدة و ربنا معاااااكو ;) |
طيب انا كنت عايز أسأل، هنبتدى المذاكره بجد من شهر كام، علشان دلوقتى معيش أى كتب خارجيه مفيش غير ملازم الدرس فابذاكر الدرس و أحل كام سؤال و مش بلاقى حاجه أعملها و أعد فاضى بقيت اليوم، فا إمتى بقى هبتدى المذاكره بجد ؟
|
ياريت يادكتورة انا اخدت درس حاسة ان المستر مش متكمن من المادة اوى وسألته سؤال حاول يجاوب بس حتى اللى معايا في الدرس مش فهمين اجابة السؤال
يمكن عاوز يدينا اللى في المنهج وبس وفى واحد تانى هجربه واشوف صحبتى قلتلى كأنه بيقرا من الكتاب بس بيمتحن كل حصة وفى ناس بتقول كويس يعنى كان لازم جولوجيا انا حاسة ان الدرس بيتابع بس مش بفهم حاجة المادة مش تتفهم اصلا كلها حفظ دا من اول حصة كدا ربنا يستر بس برضه متفائلة إن شاء الله يمكن اللى جاى كويس |
اقتباس:
ابعد عن الحاجات الملخصه و شغل ال س و ج دة .. دة للمراجعه مش دلوقتى خاااالص ربنا معاااك :) |
اقتباس:
|
اقتباس:
لسه و الله مفيش حاجة خالص عن الكليه .. رحت قدمت الاحد اللى فات و اشتريت العضم :022yb4: .. وماما قربت تطردنى من البيت بسببه .. و نزلت يوم التلات مع بنت صحبتى طالعه تالتةان شاء الله .. كان عندهم كورس اسعافات اوليه نزلت حضرت معاها المحاضرة و روحت المستشفى و لبست البالطو :cool: و لسه بقى يوم السبت ان شاء الله الكشف الطبي و يوم 15/9 ان شاء الله ال welcome day اللى هيعرفونا فيه ع الكليه ;) بس كدة :) |
ههههههههههههه عضم ،، ربنا يقويكى يادكتورة
وعقبال منشوفك دكتورة كبيرة وان شاء الله تكون سنة سعيدة عليكى :) |
اقتباس:
دى الكتب مالية السوق ف كل حتة .. و كل الشباب هنا اهوو شغالين منها عادى .. عموما انت مش هتحس فعلا انك ابتديت مذاكرة الا لما الكتب تنزل عشان هى دى اللى هتحل منها و تشتغل منها .. ربنا يكرم و تنزل على طول بقى عندكو .. لو كدة حاول تنزل انت تجيبها من اى حتة تانية عشان تكسب وقت اما عن حوار الشهور دة ف بص .. انا قلت هنا قبل كدة .. ان انتو احتمال كبييير تلاقو النظام ماشي معاكى كدة .. شهر 9 و 10 .. لسه بتخرجو من مود الاجازة و بتدخلو ف مودالدراسه و بتحاولو تتعودو و كدة شهر 11و 12 و 1 .. هتبقو خلاص دخلتو المود و عرفتو تذاكرو ازاى و ظبطو دروسكو و حياتكو استقرت الى حد كبير شهر 2 و 3 ..الزهق هيبدا يجي بس مش اووى يعنى .. هتبقو بتقفلو المناهج و بتبداو مراجعه ف الحماس هياخدكو شوية شهر 4 و 5 .. الضغط النفسي بقى و قرب الامتحانات هيخليكو ماتعملوش حاجة ف حياتكو غير المذاكرة و بس شهر 6 .. طبعا مش محتاجنى اقولكو فيه حاجة :d .. نهاااااية التعب و القرف و الشدة شهر 7 هتيجو كلكو تفرحونى و تقولولى انكو دخلتو كليات طب لن شاء الله ;) انا مستنية شهر 7 اهوو من دلوقتى :) |
اقتباس:
بصى ابعدى عن المدرس اللى مش متمكن دة لو انتى مش فاهمة منه .. روحى لمدرستفهمى منه و يخليكي تستوعبي المادة كويس .. و يتابعك فيها بالامتحانات و الاسئلة و الحل و كدة .. عشان ماايبقاش عندك فرصه تطنشيها او تركنيها وسط الزحمة .. معلش هى فعلا مادة دخيلة عليكو .. بس نصيبكو كدة بقى هنعمل ايه :( بلاش تكونى فكرة عن المادة من اول حصة كدة .. انتى لسه ماشوفتيش منها حاجة ..و من كلام دنيا اللى انا حطتهولكو هنا .. ان بلاش تكونو انطباع من اول او تانى حصة .. لانها مادة جديدة عليكو اول مرة تتعرضولها .. مش زى الفيزيا و الكيميا اللى كان عندكو فكرة عنهم من اولى و تانية حافظى على شوية التفاؤل دول .. و استعيني بربنا و ان شاء الله هتعدى على خير :rolleyes: |
والله جبت كتاب برافو بالعافيه، مفيش أى كتب نزلت للغات خالص خالص، و بقالى أسبوعين بسأل ولاحياة لمن تنادى كل يوم يقلولى بكره، مش لازم بقى، و بعدين إحنا هنقفل المنهاج شهر 1 بالكتير أوى، إحنا بناخد نص المناهج، إدعيلنا بالتوفيق بقى ^^
|
اقتباس:
عشان كدة ماما مش طايقانى .. عمالة تقولى انتى جايبالنا قتيل ف البيت :d و عقبال ما انا اشوفكو كلكو دكاترة كباااااااار كدة .. و اششوفكو احسن ناس ان شاء الله بالمناسبة .. كلكو عايزين طب بشري و لا حد ناوى على حاجة تانية ؟؟؟ .. اسنان مثلا او صيدله ؟؟;) |
اقتباس:
طب هقولك .. خد نمرة دار النشر بتاعتة الكتب و كلمهم اسالهم هينزلوها امتى عشان ما تدوخش نفسك .. على الاقل هات دلوقتى كتب الانجلش و العربي اللى هم كدة كدة هتدرسهم عادى لحد ما ربنا يفرجها :d بادعيلكو و الله كلكو ربنا يوفقكو و يكتبلكو الخير كله ان شاء الله ;) |
Yasmeena.R .. انتى بعتيلي الريكوست ؟؟
انتى اللى حاطة صورة البيبي اللى لابس احمر دة ؟؟:d |
من فتره كنت بفكر أنزل الفجاله فى يوم، يالا ربنا معانا ^_^
|
اقتباس:
أنا عن نفسى نفسى فى بشرى و أتخصص عظام علشان دراعى إتكسر من كذا شهر كده و إتجبست شهرين ^_^ فحبيت الموضوع أوى، و لو قلشت بشرى الأسنان حلوه برضه، إنما مش عايز صيدله، صيدله لأاااا :d |
اقتباس:
بص فى مكتبة اسمها الوعى العربي " هى اسمها كدة و الله :d " دة رقمها-25919965 كلمهم اسالهم ..دول بيبقى عندهم كل الكتب اللى اتعملت ف الدنيا عشان بس ماتضربش المشوار على الفاضى ;) |
اقتباس:
لا ان شاء الله مش هتقلش و لا حاجة .. و تنورنا ف طب القاهرة بعد سنة من دلوقتى ان شاء الله :) |
اقتباس:
أنا عايزاك تدعى كده طول مانتى قاعده، هقوم بقى أزاكر الBio خلصت الفصل الأول عندنا إلى هو الهيكل العظمى و الحاجات ديه ولازم أحل عليه، سلام :D |
اقتباس:
ايوووة بقى قوم حل على الفصل ده .. ربنا معااااااااااك |
اقتباس:
تمام كدا ولما أخلصهم اشترى بقى كتب مراجعة مش كدا |
اقتباس:
|
اقتباس:
|
ااااااشطة :d انا هبئا معاااااااكو ويااااااااااارب نستفيد من بعضنا :friendsxs3:
بس هتبئا اسالتي كتير انا وخصوصا في حكاااية اني مش بعرف اذاكر :oمع اني رايحة تالته اهئ اهئ يلا باذن الله هنتغير ونذاااااكر سووووووووا :bosyht9: تقبلو مررروري :078111rg3: |
اقتباس:
وممكن تبقى تشوفى ايه اسوا كتابين مثلا و ماتجيبهومش مراجعه و تجيبي مكانهم ف المراجعه كتب تانية .. كدة يعنى .. من باب التنويع ,,, بالاضافة كمان لدليل التقويم ماتنسيهوش :) |
اقتباس:
مستنياكى اهوو ;) |
اقتباس:
|
اقتباس:
و ماله يعنى رايحة تالتة و مابتعرفيش تذاكرى .. نتعلم سوا و كله يبقى تمام ان شاء الله اقري بس الموضوع من الاول عشان لو فى حاجة من المشاركات ممكن تفيدك او ترد على اى اسئلة عندك .. و اى حااااااجة تانية احنا ف الخدمااات :d |
السلام عليكم
معاكم ان شاء الله ايه رأيكم فى الجيولوجيا ؟؟؟؟؟؟؟؟؟؟؟؟؟؟ |
ايوة انا اللى حاطة البيبى اللى لابس احمر بعتلك مسج يادكتورة
نفسى في طب بشرى في اى حتة بس ادخله بس كان نفسى برضه الققصر العينى بس طبعا دا بعيد مش توزيعى الجغرافى |
اقتباس:
ههههههههه .. ربنا ينولك اللى ف بالك يااارب ان شاء الله و تدخلى المكان اللى تحبيه :d |
السلام عليكم لو سمتحوا اي حد من الخبراء هنا يقوي في فرق بين نازعتني ... ونازعتني اليه ؟ مثلا في كتاب الوسام جايبين في المعاني بتاعت نص غربه وحنين .. ان نازعتني اليه : اشتاقت ................................... الاستاذ بتاعي كاتب في الورق ان نازعتني : صارعتني وخاصمتني ......... انا بقابل اسئله في كتب زي الوسام مثلا .. بيجيب اختيارات والسؤال بيكون كده مرادف نازعتني ( خاصمتني - اشتاقت - جادلتني ) ده السؤال الاول السؤال التاني بقا نوع الموسيقي في النص في تقسيمتين قدامي بردو وحده بتاعت الكتب زي الوسام مثلا بردو بتقول ان الموسيقي نوعين خارجيه وهي ظاهره في وحده الوزن والقافيه والتصريح وحسن التقسيم + الالفاظ زي ال س وال ص و ع والنوع التاني هو الموسيقي الداخليه وهي خفيه تظهر في اختيار الكلمات الموحيه .. وروعه الخيال وجمالة وجوده الافكار وترتيبها صدق العاطفه وقوتها ******************************** التقسيمه التانيه بتقول ان الموسيقي نوعين خارجيه في وحدها لوزن والقافيه وداخليه . والداخليه نوعين خفيه في صدق العاطفه وقوتها .. وجوده الافكار وترتيبه .. الافاط الموحيه وروعه الخيال وجماله وظاهره في حسن التقسيم والتصريع والجناس ومراعاه النظير ...... اسف علي الاطالة منتظر حد من الخبراء بتوعنا يرد عليا بقا :* |
اقتباس:
بصراحة هو بيكتب القوانين زى ما كتبتيه كده شكلى ظلمت المستر :rolleyes: :d بس هو بصراحة كويس وشرحه حلو وباله طويل عليا اوووووووى ربنا يزيده يارب :022yb4::022yb4::022yb4: حلوة نروماندى دى هههههههههههههههه بصراحة كنت عايزة احكليك على موضوع تانى انا ان شاء الله اخدت درس انجليش وكيميا وفيزيا والمواد التانية اللى هى تعتبر نظرى الى حد كبير ناوية اذاكرها لوحدى يعنى الاحياء والجيو والعربى والفرنش مواد سهلة يعنى ونظرية او بمعنى اصح مواد صماء مفهاش فهم كتير وكده كده عايزةحفظ والوقت مش مساعد انى اخد 7 دروس اسبوعى كتبير اوى اعمل ايه اثبت على كده ولا لا انا متأزمة بصراحة من الدروس الكتير :mad: |
عارفة يا دكتور كلامك اوحى لى بشئ كان محيرنى كتير
وهو ليه فى ناس مش بتعرف تجيب مجموع فى ثانوى كبير اصل انا عيلتى معظمهم دخل علمى وحو ل فى 3 عشان المجموع بيكون صغير لان معظم الناس بترمى كتاب المدرسة وتتجه لمذكرة المستر اللى بتكون مختصرة كلام كتير اوووووى ومركزة عالنقط التافهة او بمعنى اصح الواضحة وسايبة اللى بين السطور اصل انا كنت بكلم بنت عمى وقالتلى "الثانوية العامة دى حظ يعنى انا ذاكرت مذكرة المستر وحفظتها وراجعت المنهج 3 مرات ومجبتش مجموع " بس طبعا الكلام ده هى نفذته بس المصحح زى ما المدرس بتاعك كان بيقولك بيتلكك وحكاية الكونتم لا يتجزء دى فعلا دقيقة اوى وناس كتير مش بتركز فيها وزيها كتير وكتير العيب مش فى المادة او الامتحان او الثانوية بزاتها العيب فى مذاكرتنا احنا اللى غلط ومش بنلتزم بكتاب الوزارة بس انا الصراحة فى ابتدائى واعدادى كنت بذاكر منها وكنت متفوقة وكان الامتحان بيجى منها بالكلمة والرقم ربنا يعينا يارب ويوفقنا للى فيه الخير وادخل اسنان ان شاء الله :) ربنا يكرمك ويجزاكى كل خير يارب بصراحة انتى عملتى معانا اللى كل الناس معملتهوش وتعبتى معانا جامد وكلنا والله بنحبك جدا لانك مبتبخليش علينا بحاجة يارب اشوف الناس كلها كده وبتحب الخير لبعض وانا ان شاء الله هتعلم منك ومش هبخل على حد بحاجة وهنصح كل صحابى يقرو كلامك الجميل ده وفى النهاية كل واحد والله بياخد نصيبه |
اقتباس:
الفكرة ف المواد اللى انتى مش عتيزة تاخدى فيها دروس مش انها مواد نظرى او لا .. الفكرة ف كلامى معاكى قبل كده عن الفايدة اللى هتحقيقها من الدروس .. فكرة المتابع و التقويم و الكلام ده .. مش فارقه بقى دى مواد نظرى و لا عملى .. عموما لو كده مفيش مشكله حاولى كده تطبقي الكلام ده .. بس خليكى حاطة عينك على مدرسين كويسين ف المواد دى .. بحيث انك لو تراجعتى عن قرارك ف اى وقت يبقى البديا قدامك .. و رأيي الشخصى انك تاخدى ف الاحياء بداية من جزء ال دى ان ايه .. لان اظن انه محتاج مدرس يمشيكى فيه واحده واحده على الاقل ف الاول .. بالتوفيق يا كوكو :) |
انا رايحة 2 ثانوى عام و من ساعة اما دخلت ثانوى و انا حاسة انى مستواية فى الانجليزى نزل فيه شوية عن الاول
فا انا عايزة اشترى كتاب خارجى و محتارة جدااااااااااا و مش عارفة اية مميزات و عيوب كل كتاب تنصحونى بكتاب اية ؟؟؟؟؟؟؟ و لو مفيهاش رخامة منى و ياريت توضحولى مستوى و عيوب و مميزات كل كتاب انا لسة فى 2 ثانوى فمش عايزة كتاب يكون فى اسئلة صعبة اووووى و مش بتيجى فى الامتحان يعنى يكون وسط و معقول و اهم حاجة يكون منظم و مرتب و يفتح النفس على المذاكرة اجيب اية بقى ؟؟؟؟ |
اقتباس:
صح كده برافو عليكى .. بصي انا كنت قلت هنا قبل كده .. ممكن حد يذاكر و يموت نفسه مذاكرة و مايجبش مجموع .. او مايجبش المجموع اللى كان مستنيه .. و يقول انا اتظلمت و التصحيح و الناس و الدنيا .. طبعا مغيش خلاف ف حتت العك اللى بيحصل ف التصحيح .. بس و الله العظيم ربنا بيبقاله حكمه من كده .. ابسط مثال .. انا عندى واحده صحبتى كانت علمى رياضه .. و كانت مش شايفه قودامها غير هندسة .. زى كل طلبه علمى رياضه .. حتى لما كنت اقولها حطى لنفسك بديل بحيث انك ماتلقيش نفسك تايهه لو لا قدر الله هندسة مجتش .. كانت تقولى لا مفيش قدامى غير هندسه .. المهم لما النتيجة طلعت جابت 94 % و دخلت مرحلة تانية ف التنسيق .. ف كده طبعا هندسه كانت طارت .. الدنيا اسودت ف عينها و فضلت تقولى انا اتظلمت و مش عارف ايه و قررت تعمل تظلم .. كنت فى الفترة دى بحاول اقنعها بحاسبات و معلومات او تخطيط عمرانى او فنون تطبيقيه .. بس هى كانت رافضه كل دة .. لحد ما جه وقت ملو الرغبات بتاعتهم ف التنسيق و كتبت حاسبات بعد هندسة .. ف الفترة دى بقى قعدت نقرا عن حاسبات و اقسامها و مجالات شغلها و تتكلم مع ناس فيها .. لحد ما اقتنعت بيها جداااا . اتحمست ليها اكتر من حماسها لهندسه .. لدرجة انها اختارت حاسبات حلوان بدل القاهرة عشان حلوان فيها قسم مش موجود ف القاهرة .. و هى عايزة القسم ده .. بعد كده بقى نتيجة التظلم طلعت و اخدت درجات فعلا وصلت ل 97.5% .. قلتلها هااا هتحولى هندسه القاهرة قالتلى لا .. قولتلها لا ليه بقى ما انتى كنتى هتموتى عليها .. المهم قعدنا نتكلم استشفيت منها انها متمسكة بحاسبات و مش هتحول .. قلت ما بينى و بين نفسي سبحان الله .. عشان ربنا عالم انها هتحب مجال اادراسه ف حاسبات اكتر و يمكن تكون ناجحة فيه اكتر من مجالات هندسه .. و لانها عمرها ما كانت هتفكر ف حاسبات لو كان مجموعها جاب هندسه من الاول .. ف ربنا سخر المصححين انهم يظلموها عشان تفكر ف ااكليه اللى هتبدع فيها ان شاء الله بغض النظر هى كليه قمة و لا لا .. و بعد كده برضه ربنا رجعلها حقها .. ماسبهاش مظلومة ..بس بعد ما باعتلها علامة على الطريق الصح .. ربنا يوفقها .. اللى عايزة اقوله يا شباب ان و الله العظيم بجد كل واحد بياخد على اد تعبه المهم انك تتعب و تتعب صح .. انت لو مسكت بلونة مخرومة و فضلت تحاول تنفخها لحد ما نفسك يتقطع هتتعب .. بس هتتعب ف الطريق الغلط .. و دة هيخلى النتيجة ف الاخر صفر ربنا يوفقكو كلكو و يهديكو يااااارب :) |
اقتباس:
سيربرايز .. اسئلته سهله و مفيده سينور .. لذيذ و فى اسئلة مستواها عالى بيت باى بيت .. اظنه مناسب بالنسبة لك .. توب استيودنت .. مستواه عالى شوية ذا بست .. معنديش عنه معلومات عشان مكنتش شغاله منه . جيم .. برضه ممكن يكون مناسب ليكى .. اسئلته حلوة و مفيده بالتوفيق :) |
[size="4"]
اقتباس:
الحاجات دى انتو تفيدو بعضكو فيها اكتر منى .. انا بس عايزة الفت نظرك لحاجة .. فى فرق بين المعنى " المرادف " .. و المراد .. فمثلا .. معنى نازعتنى خاصمتنى و جادلتنى و الكلام ده .. اللى هو المعنى اللى لو دورت عليه ف المعجم هتلاقيه .. معنى الكلمة بغض النظر هى محطوطة فين او متوظفه ف انى جمله .. لكن المراد من نازعتنى اليه .. اشتاقت .. اللى هو معنى الكلمة ف سياق الجمله .. عشان كده حطلك الكلمة اللى بعدها " اليه" ..لانه مايقصدش ان نفسه اتخانقت معاه .. هو يقصد انها كانت مشتاقه للرجوع لمصر .. معظم الكتب الخارجيه بقى ما بتراعيش الحتة دى .. زى السؤال اللى انت حاطه ده .. يبقى طالب معانى و هو مديك ف الاختيارات مراد .. او العكس .. لكن ماتقلقش مايقدرش يعملها كده ف الامتحان ان شاء الله .. ثانيا ف حتة الموسيقى دى .. بص دة هتاخده ف البلاغه .. ممكن تفتح الجزء بتاع البلاغه تبص ف حتة الموسيقى دى و تطبقها بعد كده على النصوص اللى عندك .. بس هى ثابته على فكرة ما بتتغيرش .. الظاهرة اللى هى وحدة الوزن و القافيه - المحسنات البديعيه اللى ليها اثر موسيقي بس " الجناس و التصريع و السجع و الكلام دة " - وممكن تطلع كام لفظ كده برضه من باب الاستشهاد .. على فكرة لو كتبت محسنات يبقى لازم تطلع امثله .. يعنى تقول " مثل الجناس ف قول الشاعر ... " كده يعنى الخفيه بقى .. ف حسن اختيار الالفاظ و جزالة العبارة و وضوح الاسلوب و ترابط الافكار و سهولة المعانى و الكام حاجة دول .. بيبقو محفوظين اصلا برضه يا ريت حد من الشباب هنا يساعدك ان شاء الله .. ربنا معاك :)[/size] |
| جميع الأوقات بتوقيت GMT +2. الساعة الآن 07:36 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.