|
صحيح .. انا معايا كلام عـن الفيزياء و علم النفس زى كلام رياضه 2 ان شاء الله هنزل الكلام ده قريب بس مش عارف انزله ده فـ علوم و لا رياضه و لا ادبـى :blush: امممممم صحيح و العربـى و الانجلش كمـان :022yb4: |
اقتباس:
نزله في ال3 جروبات:blush: |
اقتباس:
الفيزيـاء ( علوم / رياضه ) علم النفـس ( عـلوم / رياضه / ادبـى ) عربـى و انجلش ( علوم / رياضه / ادبـى ) ان شاء الله هـ عمل كده . . :) |
تنبيـه : مش انـا اللى كـاتب الكلام ده .. عشان انـا ادبـى ^_^ بس لقيـت ممكـن تكون مفيده ليكـم بالتوفيق . . . :) نبدأ . . :mellow: الفيزياء أولا لو مش هاتعرف تاخد دروس فى بقيه المواد لظروف عندك حاول انك تاخد درس فى الفيزياء الفيزياء الدرس فيها مهم وهتلاحظه بعدين الفيزياء بيسموها فزاعه الثانويه العامه وكونك تسمع ان عندك الفيزياء 15 فصل فى خمس أبواب ولما تمسك الباب الأول الى فى المذكره الأولى والأستاذ يقولك دا لسه أربع مذكرات زى دى هاتخاف منها لكنى بصراحه كنت بحبها أكتر من الكيميا مش عارف ليه الفيزيا ماده من خمسين يمكن كتير يقولك أصعب ماده تقفل فيها الخمسين لكن صدقنى لو ذاكرتها من الأول هاتقفل الخمسين وادى وقت أكبر لمذاكره الفيزيا عن أى وقت تانى لأى ماده تانيه لأن الفيزيا طويله ومافيهاش توقعات كتير يعنى أبدأ مع مدرسك فى الدرس أول بأول وراجع معاه وحاول تخلص كل جزأ هوا بيخلصه وانت فى الأخر أقسملك بالله هاتستريح جدا فيها وهاترجعها بكل سهوله فاكر لما قلت فى النصائح الأولى ان لو الفرصه رجعت ليا كنت هاعمل ايه وقلت كنت هذاكر طول السنه من مذكره واحده للشرح ومذكره واحده للمراجعه وواحده للامتحانات طبعا أنا أقصد لكل المواد لكن فى نفس الوقت كان السبب هوا ماده الفيزياء فعشان ماده الفيزيا طويله وماده عايزه فهم مش حفظ انت هاتحس بقيمه الكلام دا فى الأخر ان شاء الله لما تذاكر من مذكره واحده لكن تكون مذكره تعرض الموضوع بطريقه سهله وكمان تكون بتحتوى على كل الى انت محتاجه سواء بقى مذكره الأستاذ فى الدرس أو مذكره من المذكرات الى هنا وأنا برشحلك مذكره أوميجا وأنا جايبهالك هنا فلما تذاكر من مذكره واحده طول السنه هاتلاقى ان المدرس بيراجع كتير فلما تخلصوا الفصل الأول أو الباب الأول يقولك هانراجع عليه فتقراه من المذكره تانى حتى لو كانت أول مره حاسس انها صعبه والتانيه بتكون سهله وهكذا لحد ماهتوصل لمرحله صدقنى هاتحس فيها انك واكل الكتاب والمذكره كلها وحافظها كويس بعد الفهم ودا عشان فى الامتحان لما يجيلك السؤال وتيجى تجاوب عليه لازم تفتكر أولا هوا فى أى باب يعنى مثلا هوا فى الكهربيه ولا الحديثه ولا الباب الأول ولا أى باب ولما تحدد الباب تلغى الأبواب التانيه من عقلك فى السؤال دا وتبدأ تدور فى مذكره الباب الأول الى انت مذاكر منها وبردو تحدد فى الباب دا السؤال دا بينتمى لأى جزه فيه فتعرف مكانه فى المذكره وهتلاقى عقلك بيجيب الحل من المذكره دا لو انت نسيت حبه الى انت مذاكره أو نسيت اجابه السؤال فاتخرج الاجابه بالطريقه دى لكنك ان شاء الله هاتجاوب عليه من أول مره يمكن حد من الى بيقرأ يقول ياعم هوا أنا إيه عشان أعمل كدا إنت محسسنى إنى سوبر مان علشان تقولى واكل الكتاب أكل.. صدقنى انت هاتقول كدا كتير فى أول السنه لكن لو معملتش كدا هاتحس بالندم فى أخر السنه وهاتحس ان دا هوا الأصح ليك والى كان المفروض انك تعمله ولو عملت كدا ان شاء الله فى الأخر هاتعمل زى ما أنا بقولك كدا لأنى وربنا هوا دا الى أنا كنت بغلط فيه وهوا الى أنا كنت بحس بيه فعلا لما بذاكر أى جزء بالطريقه دى الفيزيا سهله لو انت عايزها سهله وصعبه لو انت متكدر منها فخدها على انها ماده سهله وبسيطه ومراجعتها من الأول هايفيدك جدا الباب الأول هوا 3 فصول الموجه والصوت والضوء وتطبيقات اعرف ان فى الامتحان لازم يجيبلك منه أسئله فالامتحان بيكون متقسم بحيث ان كل فصل يجى منه حاجه فى الامتحان يعنى عشان يكون الامتحان شامل المنهج وهوا باب أكتر فيه تعريفات وكدا اعرفها وافهمها وبعدين احفظها وان شاء الله هتلاقيه سهل الباب الثانى الى هوا خواص الموائع المتحركه والساكنه هوا باب ركز فيه حبه على المسائل الى فيه وبعض التجارب الباب التالت قوانين الغازات وأنا لو وصفت الباب دا هاوصفه بباب التجارب فلو لاحظت انه فيه تجارب تقريبا أربعه زى معامل التمدد الحجمى وجهاز وجولى وكدا فعشان كدا انت تذاكر كويس جدا التجارب دى لأنه فى الامتحان بيجيب واحده منها وبيعتبرها سؤال للطالب الفوق متوسط أو المتفوق وبيكون جزء كامل من سؤال غالبا عليه 3 درجات فانت حاول تضمنها بمعرفتك للتجارب دى وهيا تعتبر ثوابت عندك فى المنهج الباب الرابع وهوا الكهربيه الكهربيه دا باب مهم وكبير هوا باب أكتر للفهم عنه الحفظ يمكن من الأول هاتلاحظ انه مليان قوانين وتعريفات فطريقه مذاكرته الأفضل من وجهه نظرى هيا انك تعرف القانون تفهمه وتحفظه ولو فهمته وحفظته تعرف تخرج منه كل الأسئله المتعلقه بيه من تعريفات ومسائل وأى حاجه فمثلا قانون زى شده التيار الى هوا i = Q / T بس مجرد إنك تفهم القانون دا i = Q / T تقدر وبكل سهوله تطلع منه إجابه لخمس أسئله ع الأقل فكونك تعرف ان ال i هيا شده التيار وال Q هيا كميه الكهربيه وال T هوا الزمن وان شده التيار بتقاس بالأمبير والكميه الكهربيه بالكولوم والزمن بالثانيه تقدر من فهمك لدا انك تستخرج تعريف لشدت التيار فتقول ان شدت التيار بتساوى كميه الكهربيه على الزمن اذا شده التيار هى كميه الكهربيه التى تمر فى موصل خلال الثانيه الواحده كمان تقدر تجيب تعريف للأمبير فتقول ان الأمبير هوا وحده قياس لشدت التيار اذا الأمبير هوا شدت التيار الكهربى وترجع بقى لقانون شدت التيار الكهربى فتقول ان الأمبير هوا شده التيار الكهربى الماره فى موصل عندما تمر فى موصل كميه من الكهربيه مقدارها 1 كولوم فى 1 ثانيه نفس الكلام أقدر استخرج تعريف للكولوم فتقول ان الكولوم وحده لقياس كميه الكهربيه وهكذا لكل القوانين الى تقابلك ان شاء الله وبالطريقه دى ماتحاولشى انك تحفظ لكن حاول انك تفهم فالفهم هايساعدك على عدم النسيان وكمان هايساعدك على انك تكون مرن مع المسائل الى بتجيلك فى الامتحان مهما حاول واضع الامتحان انه يضحك عليك كمان يمكن هايلفت انتباهك فى الباب دا أو الوحده دى قواعد تحديد الاتجاه زى البريمه اليمنى وفلمنج لليمنى واليسرى ولينز وأمبير لليد اليمنى كلها سهله ان شاء الله ولها طريقه فهم بردو مش حفظ طريقه سهله تخليك تجمعهم كلهم بسهوله وتعرف تعريفاتهم واستخدامهم وفيه كمان أجهزه القياس زى الجلفانوميتر والأميتر والفولتميتر والأوميتر اجمعهم فى جدول واعرف استخدامات كل منهم وطريقه التعديل والتوصيل مع الجلفانوميتر ومع الدائره وكدا الباب الخامس وهيا الفيزياء الحديثه الباب بيحاول يقولك ان كل الى انت بتدسه فى الأول دا بيتسمى فيزياء كلاسيكيه أو قديمه يعنى وفى فيزياء حديثه بتتعامل مع الالكترونيات والمستوى الذرى وكدا يمكن الباب أربع فصول أهم مافيهم التعليلات والتجارب والبوابات المنطقيه والليزر طبعا ودا مهم تقريبا الامتحان مش بيخلى منه خليك مع مدرسك فى الشرح والمراجعه واهتم شيويه بالفيزيا وانت هاتحصل درجتها كلها ان شاء الله المراجعات والامتحانات المراجعه فى الفيزيا مهمه جدا والمراجعه للفيزيا ماينفعشى تكون اخر السنه بس المفروض انك بتراجع من أول السنه أول بأول مع المدرس ومع الشرح سواء فى الدرس أو المدرسه ولكن نفترض انى خلصت الامتحان الى كان عليه الدور وبعده امتحان الفيزيا فهما هايدوك قبل الفيزيا مش أقل من 6 أيام نفترض انهم فعلا 6 أيام أولا خصص خمسه لمراجعه كل وحده فى يوم لوحده ولكن مراجعه وحده فى يوم هتلاقيك ان شاء الله حافظها من مذاكرتك ليها وتراجعها بردو من المذكره الى انت بتذاكر منها طول السنه وتحاول تخلص فى اليوم بتاع كل وحده دا كل ما يتعلق بالوحده من شرح وتلخيصات وتعريفات وأسئله ومقارنات واستنتاجات وكل دا الحمد لله موجود فى التحميلات فى المراجعه وبعد ماتخلص الخمس أيام للخمس وحدات اليومين التانين حل أكبر عدد من الامتحانات واحد يقولى هما يومين هايقضوا؟... أقله طبعا هايقضوا وهاتحل فيهم امتحانت كتيره جدا ان شاء الله لأنك فيها بتحل وانت عارف الاجابات مش لسه هاتعرف الأسئله وتشوف اجابتها وتحاول تتوقع وتقول الامتحان دا جاى أو لأ لكنك ان شاء الله هتحل امتحانات كتير فى اليومين دول وبكل سهوله عشان تنام وتصبح يوم الامتحان وانت متطمن . ربنــا يوفقنــا جميعـــا . . . :) |
سمعت قرار بخصوص " رياضه 2 " قرار وزارى : امتحـان الميكانيكـا سوف يصبح بـه اسئله نظرى مش عارف الصراحـه ده حلو و لا وحـش بس قولت اقول هنـا .. و يارب يكون خبـر حلو ليكـم لو خبـر وحش كـ آنـى مقلتوش :blush: ربنـا معاكـم . . :) |
اقتباس:
ينهار ابيض ..وزاري مرة واحـدة ع ما اعتقد انة بيكون سؤال نظري هايف جدا زي ***عرف القدرة مثلا*** او*** اذكر نص قانون نيوتن الاول وهكـذا*** .. مش جديد يعني وفي امتحانات قبل كدا كتير جة فيها سؤال نظري زي 2009 مثلا ف الديناميكا كان جابلهم سؤال (عـــــرف القدرة ) ولو واحد مش حافظ التعريف وكتب القانون بتتحسب لية الدرجة كاملة عادي .. ثانكس ع الخبر يا مارك:) بالتوفيق لينا كلنا |
كمل طيب والرياااااضه 2 كملللللللللللللللللللل والنبـــــــــــــــــــــــــــــــــــــــــــــ ــــــي
|
السلام عليكم :] , عاملين ايه فى المذاكره .. احب اذكركم إن فاضل بس شهرين و نصف هههههههه .. اى خدمه .
كل يوم هذكركم فاضل كام يوم عالشان متنسوش . ربنا معانــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــا . |
يا جماعه, فى واحد صحبى كدا عنده مشكله و انا عاوز احاول اساعده بس مش عارف اقوله ايه ممكن تساعدونى ؟
|
مشكلته انه ما كانش بيذاكر من اول السنه, و لا اى ماده ..للاسف... بس هو كان بيذاكر اوقات فى الاول يعنى هو كان بيحضر دروس و بيمتحن بس ما كان بيذاكر غير فى بعض الاوقات فى الفيزياء و العربى .
بس الرياضه 2 مجاش جنبها بس هو فالى انو فاهم معظم الدروس بس هو ماذكرهاش لحد الان و علم النفس و الانجلش ماجاش جنبوهم . هو زى ما تقولوا ضميروا صحى الان و طلب نصيحتى يعمل ايه و ازاى يقدر يلم كل حاجه .... بصراحه انا معرفتش اقولوا ايه لانه فى وضع غريب و فاضل 3 شهور بس , قولتلوا هسألك و هاقولك ؟!؟!؟ لأو فى حد يا جماعه عنده نصيحه ليه يقولى و يساعده و ربنا هيجزيه خير ... |
يا جماعه تلات اسئله لو سمحتم ردوا يا باشمهندسين
أول سؤال فنيه عسكريه احسن ولا الهندسه العادي ؟ التاني : دلوقتي انا زهقان جدا وبزاكر في شقه لوحدي اوك ومعايا فلاشه النت ومضيعه وقتي تنصحني بايه مع العلم ان مكنتش كده السنه اللي فاتت خاااالص وكنت بزاكر طبيعي وجبت 97 هل البرشام بتاع التركيز ده مفيد يا جماعه ؟ ياريت لو حد عنده معلومااات عنه يقول |
ما فيش حد عنده نصيحه لصاحبى ولا ايه ؟! فين النـــــــــــــــــــــــــاس ؟!؟!؟
|
اقتباس:
|
انا كنت واخد اقتصاد وحولت علم نفس اول السنة ودفعت فلوس وكده المفروض فيه حاجة تانى اعملها ارجو الرد سرؤيعا جدا
|
اقتباس:
لا خلااص كده تمام هى بقى حتجيلك متعدله فى رقم الجلوس الجديد ان شاء الله لما تستلمه لان حينزلك رقم جلوس جديد بنفس الرقم بس لونه مختلف |
طيب والفنيه عسكريه ياااااااااا جماااااااااااااااااااااااااااااااااااعه ردوا بجد انا متسوووووووووووووووح؟؟
|
بالله عليكوا لتدخلوا وتهتموا ضروري
يا جماعة لو سمحنوا حد عارف ايه نظام قصة العربي في الامتحان؟؟ بيقولوا هيجيبوا سؤال من الجزء التاني وسؤال من الجزء الثالث يعني سؤال القصة مبقاش مقتصر علي فصل واحد ولازم نذاكر كل الفصول اللي عنده اخبار ياريت يفيدنا |
يا جماعه ما ترودوووا عليا في موضوووع الفنيه عسكريه ده ؟ .. هي الاحسن ولا هندسه وايه مميزاتها وعيوبها ؟؟ يا باشمهندس خالد او اي حد في هندسه ؟؟ |
اقتباس:
|
اقتباس:
لا مفيش الاستماره اللى عملتها فى سنه 2 ملهاش علاقه بالكلام خالص مجرد انك دفعت 15 جنيه وقلتلهم غيرولى الماده دى (( كده انت مهمتك انتهت )) هما بقى مهمتهم انهم يبعتوا ورقه انك غيرت الماده دى وعلى اساسها بقى ينزلك رقم جلوس تانى بنفس الرقم بس بلون مختلف وخلص الموضوع على كده انا لسه مغير ماده السنه اللى فاتت 2012 |
اقتباس:
|
طيب يا بشمهندسن , انا غيرت ماده فى اول السنه و دفعت الفلوس و كله تمام بس محدش قالى فى رقم جلوس بلون تانى ولا حاجه ؟ ولا هو لازم اروح اشوف الحوار ده !!!!؟!؟! اصلى لم اروح المدرسه الى الان !_!
|
اقتباس:
لا على شهر 4 كده روح المدرسه فى شئون الطلبه هما حيقولولك اذا كان رقم الجلوس نزل ولا لأ لانه ايه اللى يثبت انك غيرت ماده .. لازم يدوك رقم جديد فيه المواد اللى انت داخل تمتحنها فاكيد لما تروح المدرسه على شهر 4 كده حتلاقى الرقم الجديد نزل |
طيب تمام , شكرا يا بشمهندس :rolleyes: , سؤال تانى معلش :p هو الاماكن اللى كنا قاعدين فيها فى ثانى الثانوى هى هى نفس الاماكن اللى هناقعد فيها فى لجنه الثالث الثانوى ؟ اصل انا كنت قاعد اخر القاعه فى مكان حلو اوى :022yb4::022yb4: .. يا ترى هو هو نفس الاماكن ولا لأ ؟ و لو نفس الاماكن بعد ما انا غيرت الماده و نزل رقم الجلوس الجديد بيأثر على مكانى ولا اى حاجه و لا رقم الجلوس الجديد ده اكنو هو هو القديم :o:o .. أسف على الإطاله و شكرا ::excl:
|
اقتباس:
لا يا باشا لجنه تانيه خالص ومكان تانى خالص رقم الجلوس مش بيأثر عليك فى أى حاجه لانك نفس رقمك فى 2 ثانوى يعنى نفس ترتيبك بس اخلاف لونه فقط والماده اللى غيرتها حتتحط بدل الماده التانيه وخلاص على كده متقلقش نفسك فى حاجه .. الموضوع بسيط جدا ربنا معاك :) |
اها , طيب تمام :) , شكرا يا بشمهندس و ربنا يستر و ميكنش مكانى قدام يـــــــــــــــــــــــــا رب اكون فى اخر اللجنه :028ja7::028ja7::028ja7::028ja7: ..
|
ازيكم يا جماعه عاملين ايه قلت اشقر عليكم بس يا رب تكونوا تمام و فى خير
|
اخر سؤال , معلش هتعبك معايا .. هو طبيعى اننو يكون فاضل شهرين و نصف و لسه تكون حاسس ان الرياضيات هضيعيك ؟!؟! :o:o:o:o مع انى حاسس ان باقى المواد حلوه و هقدر المها .. بس الرياضيات حاسس انها مصيبه ليه معرفش , مع العلم انى باخد مع واحد طول الوقت بيقولنا اكيد هتشتموا فيا و تدعوا عليا طول السنه بس لما تظهر النتيجه و تعرف انك مقفل الرياضيات هتدعيلى و هو مش وحش و بيحل كل حاجه مع العلم انه متاخر كتير عن باقى المدريسين ...و كمان انا خايف جدا من وقت الامتحان !!!!! الامتحان طويييييييييل و محتاج و قت و فيه مسائل صعبه :(:( يا ترى اخر السنه مع التوتر هقدر اظبط نفسى فى ساعتين بس !!!!!
|
ياجماعه معلش اسالكم سؤال بيقولوا ان الجدول نزل هل ده فعلا
|
اقتباس:
|
اقتباس:
لا متخفش خالص والله انا كنت زيك كده وكنت برده حاسس انى ضايع بس لما تمسك الامتحانات وتحلها حتحس انك ثبتت فى المنهج جامد وحتكتسب خبره جامده وكمان حتكتسب ثقه جامده اوى بص والله من وجهه نظرى ان امتحان الميكانيكا 2012 كان بيقيس الطالب السريع فى الحل وكمان اللى اعصابه مستريحه لان بدايه الامتحان كانت مساله مش صعبه انما اول مره تيجى مكلكعه كده وعشان كده اغلب اللى اعرفهم وانا منهم اول ما شفناها اعصابنا اتوترت فى اللجنه وده اكبر غلط اعتقد انه ممكن يغلس عليكم فى الوقت فانت عندك 3 اسئله تختار 2 فحاول تختار اكتر اتنين واثق منهم اوى بحيث تخلصهم حل ومراجعه ولو معاك وقت يبقى تحل التالت عشان تطمن بس متخافش الامتحان مبيبقاش جامد اوى يعنى .. بس ممكن تلاقى تكه فى كل سؤال بس بتتجاب مع التفكير والاعصاب المستريحه لان التوتر بيضيع اى حاجه حتى لو كنت عارف الاجابه مع التوتر حتنساها وتتلغبط |
اقتباس:
التفاضل اللى بالنسبة لى مرعب الصراحه و خاصة التطبيقات انتوا عملتوا ايه فى امتحانكم يا باشمهندس |
اقتباس:
مكدبش عليك والله انا المعدلات الزمنيه والتطبيقات كنت داخل خايف منهم اوى يعنى امتحانا كان لا سهل ولا صعب يعنى يتحل بس مساله التطبيقات كانت معقده معايا اوى فى الامتحان حلتها غلط بس انت لو حليت كتاب المدرسه فى التطبيقات حتتظبط معاك انصحك الدليل غبى جدا فى الجزء ده |
ان شاء الله يجى الامتحان معتدل و حلو , و شكرا يا بشمهندس على النصايح الحلوه ديه :) , معلش لو مافيهاش رزاله انت كنت جايب كام فى تانيه ثانوى ؟
|
اقتباس:
يا باشا لا رزاله ولا حاجه تأمر :) :) كنت جايب فى 2 (( 201 )) |
حلو و ربنا يوفقك :078111rg3::078111rg3::078111rg3::078111rg3::07811 1rg3::078111rg3::078111rg3::078111rg3::078111rg3:: 078111rg3::078111rg3::078111rg3::078111rg3::078111 rg3::078111rg3::078111rg3::078111rg3:
|
اقتباس:
ربنا يخليك ويوفقك يا كبير السنادى :) :) |
مفيش أخبار عن نظام الامتحانات السنة دى
|
يا جماعه انا بتوتر جدااا فى الامتحانات :( وهو ده اللى ضيعنى فى تانيه ثانويه كنت خايفه جدا من الرياضه انها ممكن تيجى صعبه والحمد لله جت سهله وعلى الرغم من كده اتوترت ومعرفتش احل كويس وجبت 45 :'(بس الحمد لله على كل حال ... فى ناس بقى بتخوفنى وبتقولى اذا كنتى فى رياضه واحد عملتى كده امال رياضه اتنين هتعملى ايه .لو سمحتوا ساعدونى ويا ريت كل واحد يقول هو بيذاكر الرياضه ازاى او ايه هى اكتر طريقه فعاله فى المذاكره هل احل امتحانات كتير ولا اذاكر كل فصل واحل عليه ولا ايييه ؟؟؟
|
اقتباس:
اما بالنسبه للمذاكره فعادى جدا بما اننا فى اخر 2 شهرين فالحل انك تحلى امتحانات و النماذج بس ! و ربنـــــــــــــــــــــا يوفقنا كلنا و يجى الامتحان سهل و حلو يــــــــــــــــــــــــــــــــــــــــــــا رب . :022yb4::022yb4::022yb4::022yb4::022yb4::022yb4::0 22yb4::022yb4: |
انا رياضه معاكم وعندى سؤال
فى التفاضل فى كتاب المدرسه على التطبيقات لنقط الانقلاب اخر سؤال وهو نفسه اللى جه فى دور اول 2004 اللى هو رسمة المستطيلين دول كتاب المدرسه عامل اجابه وكتاب الامتحانات عامل اجابه تانيه انهى الاجابه الصح مع العلم ان الطريقه للتوصل الى الاجابتين مختلفه وادعولنا الله يخليكوا نلحق هندسه انا خايفه اوووووووووووووووووووووووووووووى |
لو سمحتوا لو حد موجود يقولى المساحه الكليه لمتوازى المستطيلات
|
اقتباس:
|
اقتباس:
|
اعــــــــــــــــــمـــــــــــــــل ايـــــــــــــــــــــه في الهـــــــــــــنـــــــــــــدســـــــــــه الفـــــراغـــــــــــــــيــــــــــه
|
اقتباس:
احفظ القوانين كويس وطبق كتير بس الاول ارسم رسومات التمارين كتييييييييييييييير عشان تتعود عليها وتفهمها بسرعه |
اقتباس:
شكرا جدا ربنا يكرمكم |
انا معاكم ان شاء الله
|
بسم الله الرحمن الرحيم
السلام عليكم و رحمته و بركاته كنت من فترة قريت ف ( اجتماعيات طالب ) ان في خبر ان هيبقى في تركيز ع الجزء النظري ف الرياضيات 2 خاصة الميكانيكا و لقيت جريدة الجمهورية برضو مهتمة بالنظري ممكن اعرف اصلا ايه الجزء النظري المطلوب مننا بالله عليكم عشان من اول السنة ومخدناش نظري ف الدروس ؟؟ يعني ايه النظريات و البراهين و التعاريف المطلوبة مننا في الميكانيكا و الجبر و التفاضل و التكامل ؟ مش لازم تعرفلي التعريف بس اكتبي مثلا مقرر عليك تعريف الازدواج و انا هجيب التعريف من كتاب المدرسة بالله عليكم بس الرد عشان ربنا يعلم انا حالتي عاملة ازاي بعد الخبر اللي قريته ده بعد ما كنت متطمن للرياضيات :) |
شوف المستر بتاعك انا المستر هيدينا شويه تعريفاات مثلا ع شويه اثباتات في الديناميكا
ربنا يوفقك :) |
| جميع الأوقات بتوقيت GMT +2. الساعة الآن 09:25 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.