|
دلوقتى معاكم سري جداا ( مشاركة 132 ) اقتباس:
انا كويسة جداا ومفيش اى حاجة مضايقانى دلوقتى لمجرد انى اتكلمت ومع الوقت نسيت اللى كان مضايقنى وضاغط على اعصابى اصلا الحمد لله اقتباس:
بس شكرا على اهتمامك اقتباس:
ربنا يكرمك --- انا حاسة انى خرفت وقولت كلام كتير ومش عارفة اذا كان واضح ليكم ولا هو واضح بالنسبة لى بس لكن بجد شكرا على كل حاجة واسفة انى جيت ف النص كدة بس كنت عايزة ارد عليكم فى امان الله :) |
بصراحة الموضوع جميل جدا بارك الله فيكم جميعا
|
هو دلوقتي مين اللي بيتكلم انا مش عارف اي حاجة خالص:slap1qk6: لا بس الموضوع ضرب معاكي يا ايمان :d داخل علي 8 صفحات ماشاء الله اوعي تفهميني صح انا مش بحسد:d ( عمرها محصلتلي :d ) |
موضوع جميل و هادف بس حاسس ان الحكايه بقت لخبطه اوى ربنا يعينكوا |
دلوقتى معاكم سري جداا ( مشاركة 132 )
اقتباس:
ع فكرة انا عرفتك يارزلة 29 ميزد :d لو انتي يبقى المفروض بذكائك يبقى عندك احتمالين يااما انا مت يااما الموبيل سايلنت وانا قدامك اهو:bosyht9: اقتباس:
ايه ته:blush: بس ع فكرة انا حونينة ف الموضوع ده بس :bosyht9: لينا حساب تاني برة يا .... سري:slap1qk6: ع فكرة المشاركة بتاعتك دي انا عكيت فيها جامد وكنت هخلي حد يحذفها قبل مااخد شوية التريقة دول بس حصل خير :d المهم انك ارتحتي ياقمر وانا فعلا والله مش بحب اخمن مين سري بس انتي بردك ده اتكشفتي ع الاقل قدامي :p اقتباس:
ربنا يكرم حضرتك يارب وياريت تتابع معانا:) اقتباس:
ع فكرة عينك وصلت بالسلامة ياشريف:d وانا معتش فاهمة حاجة خالص ولا انت والموضوع اتلخبط واتقلب رأسا ع عقب حمدلله ع سلامة عينك :bosyht9: :d:d:d اقتباس:
ان شاء الله هنحاول ننظمه شوية جزاك الله خيرا:) |
اقتباس:
بسم الله الرحمن الرحيم الاجابة الصحيحة هي النملة |
السلام عليكم
بصراحه يا جماعه انا مش لاقي كلام اقوله بجد وملوش لزمه اصلا اني اقول لان الاخوه والاخوات اللي بيساعدوا كلهم بجد اساتذه وانا عن نفسي اتعلمت منهم حاجات بس انا برضو هرخم وهدخل علي اخر سري جدا اقتباس:
الاول صلي علي النبي مبدأيا انتي بسم الله ماشاء الله من كلامك واضح ان علاقتك بربنا كويسه واي حد علاقته بربنا كويسه -والكلام لاغلب سري جدا اللي كانوا قبل حضرتك كمان - بيكون مبتلي بطرق مختلفه اختبار يعني من ربنا ربنا عايز يشوف دا مؤمن وهيصبر ولا لا دي حاجه الحاجه التانيه احنا اعضاء منتدي الثانويه اغلبنا في سن المراهقه وفي سن المراهقه المراهق بيحب يقلد الكبار حضرتك خوفك علي كل اللي بتحبيهم واللي قريبين منك دا مش حاجه وحشه بالعكس دي بتدل علي انك قد المسؤليه بس هي محتاجه تتقنن ( حلوه الكلمه دي :d) او تتظبط بمعني اخر متبقاش عامله زي الحنفيه اللي بتسرب يعني حضرتك لازم تتحكمي في عواطفك ومتقوليش مش هقدر لا هتقدري لان عواطفك ملهاش عقل ومش بتفكر غير في اللي يرضيها فقط يبقي الحاجه التانيه انك لازم تتحكمي في عواطفك ومتنسيش انك في مرحله مراهقه وعادي ان عواطفنا تبقي زياده شويه حتة انعدام الثقه بالنفس دي ليست الا وهم حضرتك لو مكنش عندك ثقه في نفسك مكنتيش هتقدري تتكلمي كدا وتواجهينا بمشكلتك حتي ولو بعضويه مستعاره يعني حضرتك بالفعل عندك ثقه بنفسك ومتحاوليش تكرري كلمة انك ثقتك بنفسك قليله لان الكلمه دي في حد ذاتها بتقلل الثقه بالنفس خدي بالك وفي الاول والاخر طبعا الدعااااااااااء انتي ماشاء الله عليكي علاقتك بربنا كويسه ادعي وانتي بتقيمي الليل ادعي في الفجر ادعي واتكلمي مع ربنا زي ما بتكلمينا كدا وانتي سجده وان شاء الله هيستجيبلك وشدي حيلك في الثانويه العامه وحاولي بقدر الامكان تفصلي بين مشاكلك وبين المذاكره وربنا معاكي ومع كل اللي زيك :) ومعانا احنا احنا كمان :giljotiiniug3: |
اممممممممم بصى يا حبيبتى و الله بجد مش تعرفى الكلام بتاعك اثر معايا ازاى و لله حسيت بيكى و اتخيلت الكلام معاكى :( بس حقولك حاجه انتى بتقولى و بتسالى نفسك اذا كان هو حيقدر يعيش من غيرك لو كنتى انتى اللى لا قدر الله اتوفت طيب ليه مش تعكسى السؤال دلوقتى لو هو شافك بالحاله دى و المنظر اللى بتحكى عليه ده هل كان حيفرح هل كان حينبسط انك بتضيعى حياتك و وفتك و بتجرحى فى قلبك كل يوم عشان الموضوع ده هل حيفرح بيكى و انتى مش عارفه تذاكرى و بتضيعى مستقبلك اكيد اكيد لاء و لا عمره حيحبك تعملى فى نفسك كده بصى انتى دلوقتى حاسه بطاقه سلبيه و بتدايقى كل ما تفتكرى الموضوع ده و تحسى انك مش عايزه تعيشى و الاحاسيس الصعبه دى حوليها لطاقه ايجابيه افتكرى قد ايه حتكون فرحته لو طلعتى من الاوائل على الدفعه قد ايه حتكون فرحته لو حفظتى القران و ختمتيه قد ايه حتكون فرحته و انتى عايشه حياتك بجد :) محدش بيقولك انسيه بس اتعايشى مع الذكرى خليها دافع جواكى اقعدى مع نفسك و قررى انتى عايزه ايه و عايزه تكونى ايه و تبقى مين و فرحيه و فرحى نفسك ادعيله دعاكى بيوصل عشان انتى تعتبرى ولد صالح بيدعيله و ان شاء الله ان شاء الله تتقابلوا فى الجنه :) فكرى فيها و احسبيها بجد ربنا يكون فى عونك بجد :):):) فى رعايه الله |
والله انا مش عارف اقولك ايه بس فعلا مشكلتك دي انا حستها جدا واثرت فيا جدا جدا
بس هرجع وهقولك انتي احسن من غيرك كتير انتي لسه والدك ووالدتك عايشين ربنا يديهم الصحه وطولة العمر انا هحكيلك علي حاجه كنت قرأتها في بريد الاهرام واحد والده ووالدته توفوا وهو عنده 15 سنه وعنده اخت اصغر منه انتي متخيله الهم اللي اترمي عليه مره واحده وهو لسه صغير يعني في سنه دا لسه بيبدأ مرحلة المراهقه واللي بيكون فيها في امس الحاجه لوالديه ومعاه اخت صغيره طب دا يعمل ايه بالله عليكي الولد دا ساعد نفسه وشال مسؤلية اخته واشتغل وكانوا قرايبه بيساعدوه واتخرج من الجامعه واتوظف في مكان محترم جدا وفي وظيفه محترمه جدا ومن كتر اعجاب المدير به وبأخلاقه جوزه بنته وارجع واقول ان الولد دا يتيم الاب والام وشايل هموم الحياة كلها فوق راسه من وهو لسه اصلا مش عارف يشيل نفسه انتي كنتي متعلقه جدا بجوز خالتك لانه كان حنين عليكي وكان بيحب طيب لو هو دلوقتي شايفك وانتي عامله في نفسك كدا ومتضايقه تفتكري هيبقي مبسوط الواحد مننا بيحاول يعمل اقصي حاجه عشان يسعد المتوفي او يخفف عنه جوز خالتك اكيد نفسه انك تفضلي فكراه بس اكيد لو هو يعرف ان الذكره بتاعته هتعمل فيكي كدا هيتمني انك تنسيه وبعدين انتي عندك باباكي ومامتك ربنا يخليهملك وصدقيني والله دعوتك ليه وقرأت القرآن له احسنله وافيدله من الحزن والكآبه اللي انتي عاملها في نفسك دي وشدي حيلك في الثانويه وفرحيه لانه اكيد حاسس بيكي وربنا يخفف عنك الحزن وشدي حيلك السنه دي |
اقتباس:
اممممممممم اها عارفاها القصه دى و بردو كان فى قصه تانيه شبهها تقريبا كانت فى التراث اليهودى بيقولك ان واحد كان تعبان اوى كان عايش هو و مراته و اولاده السته و والده و والدته فى اوضه وحده صغيره و طبيعى مش مكفياهم المهم راح للحكيم اليهودى قاله انا كذا و كذا و مش قادر اعيش و خلاص مش قادر استحمل المهم راح الحكيم قاله طيب انا حقولك على حل المشكله بتاعتك بس تعمل اللى انا بقولك عليه بالظبط و مش عترض المهم وافقه و كل حاجه راح قاله خد الكلب ده خليه يعيش معاكوا :d بصله كده و قاله يعيش معانا قاله اه المهم اخده و عيشه معاهم و رجعله بعد اسبوع قاله ها ايه الحال قاله وحش مش عارفين ناكل و لا نعيش منه و شغال يهوهو :d المهم قاله كويس خد الحمار ده بردو و قعده معاكوا خده و رجعله بعد اسبوع قاله حرام و احنا خلاص و صلنا لاخرنا قاله كويس كويس خد البقره دى و خليها عندكوا :d الراجل كان حيتشل بس سمع الكلام و رجلعه بعد اسبوع قاله حرااااااااام المهم راح الحكيم قاله خلاص عليك كده رجعلى الكلب و الحمار و بقرتى الغاليه و رجعله بعد اسبوع قاله ها كيف الحال قاله تماااااااااام بجد الدنيا حاسسها واسعه اوى بدون الاصوات و الكلب و الحمار و البقره ياااااااااه بجد انا دولقتى كويس :) طيب كده هل الحكيم لو بنصينالها عمله حاجه لاء كل اللى عملهوله انه خلاه يعيش فى وضع اصعب و يعرف ان فى حاجات اصعب بكتير من اللى هو فيه فحس انه قادر يتعايش مع مشكلته و بكده اول خطوات حلها دى قصه كده و ليها تفسير تانى ان اسرائيل الحكيم و احنا الراجل الغلبان و الوضع العصب هو احتلال فلسطين تقريبا قالتها جولدا مائير او حد تانى من رؤساء الوزراء الاسرائيلين بعد حرب 67 :romarioxp6: اقتباس:
ههههههههه غلط للاسف رجعت معانا من الالف للصفر تانى :bosyht9: الاجابه الصح استظراف للبيع :slap1qk6: فى رعايه الله |
:romarioxp6:
اقتباس:
ربنا يسامحك انا مكنتش اقصد كدة:romarioxp6: |
اقتباس:
هههههههههههه لحقت تشوفها ;) طويب يا سيدى الفاضل انا اسفه لو مش كان اللى فهمته هو الصح تقبل اعتذارى :) فى رعايه الله |
اقتباس:
لاء الاجابة غلط مش النملة:romarioxp6: بصو ياجماعة بما ان احمد مش موجود هقولكو اللي فهمته من القصة انا كنت مفكرة يميم بتهزر يعني هو يقصد اننا كل مشاكلنا مهما كانت صعبه اهون من مشاكل الناس التانية واننا نحمد ربنا عليها ونحاول نحلها واحنا واثقين ان حالنا احسن من غيرنا ختى لو لاحظتو هنا ف سري جدا هتلاقو مشاكل سهلة ومشاكل اصعب ولسه هيجي الاصعب بس وبعدين دي قصة ياجماعة اعتبروها حدوتة قبل النوم:d |
[
ياربي ياسارة بجد مش عارفة اقوك ايه انا فعلا اتأثرت اوي بمشكلتك والله مش عارفة اقولك ايه انا من امبارح قاعده اتخيل ف اللي بتحكيه ده ومش عارفة ارد عليكي اقولك ايه بس زي ماولاء قالتلك هو هيبيقى مبسوط بيكي لو كنتي احسن بجد بدل ماتدايقي نفسك كده ادعيله كل ماتفتكريه ادعيله قربي من خالتك جدا وشدي حيك ف مذاكرتك لان ده اكتر حاجه هتبسطه مش عارفة بجد اقولك ايه والله وقاعده افكر من امبارح اصلي لو قلتلك انسيه هبقى بضحك ع نفسي وبضحك عليكي يعني هما الكلمتين اللي قولناهم دول محدش عرف يقولهملك الخمس سنين الي فاتو بصي انتي متركزيش غير ف مذاكرتك وتحاولي تدعيله كتير اكيد الدعا هيفيده اكتر مما تقعدي تعيطي عليه كل ماتلاقي نفسك زعلانه عليه افتكري انه محتاج لدعاكي اكتر من زعلك ومش عايزك تضيعي وقتك ف التفكير فيه سارة انتي بجد انسانه جميلة بجد ربنا يديم عليكي طيبة قلبك دي يارب مستنينك تاني ياحببتي |
اقتباس:
بس قولت الدكتور زومبا عاوزله ترحيب سبيشيال :022yb4::022yb4::022yb4: طبعا بااذن الله هتنضم لقايمة الاساتذه واللي بيدخل هنا مش بخرج تاني ع فكرة لو مش كان باارادته يبقى ....باارادته بردو:d ربنا يكرمك يارب واحنا مش اساتذة ولا حاجة احنا اخوات بس واهم حاجة اننا نساعد بعض ف انتظارك كتير تاني هنا عشان زي مانت شايف فيه نقص ف الايدي العاملة:bosyht9: |
اقتباس:
لالا وعلي ايه بإيرادتي احسن من ايرادتي:d لالا قايمة اساتذة ايه بس وانا اجي ايه في كل اللي موجود يعني بسم الله ماشاء الله اللي موجودين بجد محترفين وعاجبني انهم مش مطيبتيه لا دول فعلا بيحلوا مشاكل بجد ربنا يكرمكوا كلكوا ويارب اقدر اساعد ولو بحاجه بسيطه علي قدي :) وهتلاقيني موجود كتيييييير باذن الله واهو الواحد يساهم عشان الايدي الناعمه برضو......قصدي الايدي العامله :d |
السلام عليكم انا رديت على المشكلة دى امبارح مش عارف النت فصل ولا اية الى حصل الرد منزلش ورديت الصبح والجهاز هنج وفصلت وكنت كاتب رد كبير قوى فى المرتين مش عارف فية اية يلا خير نحاول نكتبة تانى بسم الله حضرتك هنعمل حاجة حلوة قوى فى المشكلة دى هتريحنا كلنا انا كل مشكلة هتقابلنى واحس انها مشكلة بجد من كلامك هحددها بالون الاحمر وتحت نمسكهم مشكلة مشكلة ونحلها مع بعض ان شاء الله كدة مش هنسيب ولا جزئية منكلمش فيها وبعد ما اخلص كلام هشيل التحديد عشان انتى متحسيش ان المشاكل كتيرة بسم الله نبدا بقى انا مش هعرض مشاكلك انا حددتة لنفسى عشان امسكة نقطة نقطة واكلم فية كلة عشان منسيبيش جزئية الا ونكلم فيها ونحلها ان شاء الله اول نقطة عاوز اكلم مع حضرتك فيها انتى لية مبتثقيش فى نفسك ؟؟ حاولى تحددى هدفك فى كل قرار بتخدية او بتفكرى فية حاولى متبقيش مترددة قوى خليكى دايما مع ربنا وهوة هيرشدك للطريق الصح بفضل الله انا حاسك قريبة من ربنا بس اية رايك تقربى اكتر من ربنا تخلى كل هدفك فى الحياة هيا لربنا قبل كل حاجة هترتاحى قوى بفضل الله فى النقطة دى وهتلاقى نفسك عارفة انتى راحة فين ومطمنة من الطريق الى انتى ماشية فية لان الى ارشدك للطريق دا ربنا لو محتارة فى اى حاجة صلى صلاة استخارة اقفى مع نفسك شوية وادعى ربنا ربنا عمرة ما هيسيبك ابدا ان شاء الله النقطة دى ترتاحى فيها نقطة تانية انا حاسس من كلامك واسلوبك انك مش اجتماعية قوى او بمعنى تانى مش اجتماعية بالدرجة المطلوبة لية مش بتحاولى تقربى من الناس مش اى ناس طبعا حددى ليكى اصدقاء اوفياء يبقو معاكى على طول متخبيش عنهم اى حاجة وهما كذلك قربو من بعض قوى متحاوليش تخبى مشاعرك ابدا عشان انتى متحسسيش نفسك انك غير الناس متحسسيش نفسك ان لو حد عرف الى فيكى هتقلى فى نظرة حطى فى دماغك ان مش انتى بس الى عندك مشاكل شوفى القصة الى احمد رضا كان كاتبها كدة فى الصفحة الى فاتت هتعجبك قوى مفيش مخلوق سعيد على طول ولا بردة مخلوق حزين على طول بس بتبقى بدرجات عند كل فرد وكل واحد شايف مشكلتة انها اكبر مشكلة وملهاش حل لية لانها مشكلتة مش حاسس بمشاكل غيرة لو حس بمشاكل غيرة والله هيتمنى انة يرجع لمشكلتة تانى يبقى حل النقطة دى ثقى فى الناس اكتر شوية وحاولى تبقى اجتماعية وتتاقلمى على الوضع الى احنا عايشين فية هترتاحى اكتر واكتر فى النقطة دى بفضل الله هقول كمان حاجة هنا انتى بتقولى ان المشكلة فى نظرنا بسيطة هقولك حاجة مفيش مشكلة اسمها بسيطة مهما كانت صغيرة حتى لو محدش شايفها غير صاحبة المشكلة بردة مشكلة كبيرة جدا فى نظرها زى هحكيلك حاجة مرة كان عندى درس وجعنى قوى قوى ورحت لدكتور اسنان فبقولة اصعب وجع هوة وجع الدرس وعدت دى هوة دكتور صاحبى يعنى بعدها باسبوع حصل ليا حادثة ورجلى اتكسرت بس كلها المهم كان جاى يزورنى فى يوم وكنت فى التعب جامد فبقولة بجد اصعب وجع هوة وجع العظم فضحك كدة وقالى فاكر يوم ما كنت بتخلع درسك قولت اية قولت لة دا وقتة لا مش فاكر قالى قولت ليا اصعب وجع وجع الدرس وربنا ضحكت على نفسى عاوز اوصلك من النقطة دى ان مفيش تعب اسمة سهل وتعب اسمة صعب ومفيش مشكلة اسمها بسيطة ومشكلة اسمها كبيرة وصعبة كل مشكلة صعبة جدا على صاحبها وفى نظرها انها اصعب مشكلة بس بفضل الله تتحل يتبع فى الرد تانى |
بالنسبة لنقطة ان مفيش حد بيحس بمقدار التعب الى فى صاحب المشكلة دى انا معاكى فيها بس احنا هنا فى الموضوع دة بنحاول نعمل حاجة حلوة قوى بنحاول نتاقلم مع صاحب المشكلة ونعيش المود اىل هوة عايش فية ونقرب منة ومن مشكلتة اكتر بنحاول نعيش المشكلة معاة مهما عملنا مش هتبقى بدرجة صاحب المشكلة بس على الاقل درجة قريبة جدا من صاحب المشكلة تكاد ميبقاش فية فرق بينا وبينة ان شاء الله ودا الى انا والله بحاول اعملة مع حضرتك ندخل بقى فى المشكلة الرئيسية بتاعتك اولا عاوز اقولك كلمة خلاصة فى الموضوع دة بس هعلق علية كلة بردة الدنيا مبتقفش لاى حد والا كانت وقفت لرسول الله صلى الله علية وسلم ومحدش بردة بيموت عشان حد ولو حتى كان بيحبة حب ميتوصفش والاكان الصحابة ماتو عشان الرسول صلى الله علية وسلم لانهم كانو اشد حبا مننا مليون مرة لبعض متفقين فى النقطة دى ؟؟ نكمل بقى فى الموضوع الرئيسى اولا ربنا يرحمة يارب ويرحم امواتنا جميعا يارب انتى فعلا حاسة انة كان بيحبك اكتر من والدك وكلنا كدة يعنى انا حاسس ان خالتى بتحبنى اكتر من امى والله بجد مش بهزر بس دا احساس غلط بيجى نتيجة لزيادة الحب من الشخص الغريب شوية دة يعنى مش معنى انة بيحبنى وبيخاف عليا وكدة يبقى بيحبنى اكتر من بابا او ماما لا طبعا مش صح بالمرة هوة اة ممكن يكون بيحبك وبيعتبرك بنتة بجد وكل حاجة بس مهما وصلت درجة حبة ليكى مش هتوصل لدرجة حب باباكى ليكى ولا حتى نصها بس الاب والام لازم بردة يبقى شادين على الاولاد شوية ودا عشان بيحبوهم وبيخافو عليهم اما زوج خالتك الله يرحمة كان اة بيحبك بس مش من دورة انة يشد عليكى عشان كدة كنتى حاسة بحبة قوى انا عارف ان النقطة دى خارج الموضوع شوية بس حبيت اوضحها لان هيبقى ليها نتايج كتير سلبية عليكى بعد كدة ان شاء الله مش هتحصل النقطة الى بعد كدة نتيجة لكلام اتكلمت فية فوق انى عاوزك تتاقلى على الوضع الحالى تامنى بكل حاجة مش تحسى ان الماضى حاجة والحاضر حاجة تانية هيا كلها حياة وكل الى بيحصل فيها دة ممكن يحصل كل يوم بحلوة ومرة دى حاجة بتاع ربنا مش بادينا ابدا يارب اكون قدرت اوصلك النقطة دى الموقف الى بتحكية دا بتاع جارتكم والله والله حسيتة قوى بدرجة لا تتخيليها لانة حصل معايا شخصيا بنفس تفاصيلة بس مكنش جارتنا يعنى كان واحد صاحبى الى بيقولى على وفاة واحد صاحبنا وانتى تحمدى ربنا انها عدت على كدة انا حصلت ليا حالة نفسية وفضل مغمى عليا 3 ايام مش فايق نهائى والحمد لله انتى ربنا صبرك وفضلتى متماسكة دا فضل من عند ربنا نيجى لجزئية تانية مهمة قوى انتى لية خايفة من الموت ؟؟ كلنا هنموت على فكرة من فترة كدة والله والله كنت بصلى ادعى انى اموت والله كنت بتمنى الموت وبستناة كل لحظة الموت راحة قوى للى قريبين من رينا انا مش قريب من ربنا بالدرجة المطلوبة بس الى حد ما الحمد لله ربنا يكرم الى فى بالى ساعدنى وخلانى اقرب من ربنا اكتر واكتر احنا لازم نستعد للموت فى اى وقت واى مكان وخالى دى فى دماغك هتريحك قوى من احب لقاء الله احب الله لقاءة لو مشينى كدة هنرتاح قوى والله وربنا يكرمك ويريحك يارب النقطة الى بعد كدة انتى بتقولى لو تحطى نفسك مكانة هيبقى عامل ازاى كل الى هيعملة هيدعيلك بالرحمة وهوة اصلا مفيش فى ايدة غير كدة ولا انتى فى ايدك غير كدة الى فى ايدنا بجد اننا ندعى من قلبنا بنية صافية وان شاء الله ربنا يقبل الدعوة وكدة يبقى انتى ريحتية قوووووووووووووى وارتاحتى اكتر واكتر بفضل الله وكمان انتى بتقولى نفسى اشوفة ولو لدقيقة هتفرق معاكى فى حاجة اتحداكى لو شوفتية دلوقتى وعرفتى تقولى لة كلمة واحدة والله دا لو حصل وطبعا من رابع المستحيلات ( بس انا بحاول اعيش معاكى نفس احساسك ) هتتعبى جدا جدا كمان مش هترتاحى ابدا ولا حاجة عاوزة ترتاحى بجد ادعيلة على طول بالرحمة كدة هوة هيرتاح وانتى هترتاحى بفضل الله وعلى فكرة الدنيا زى ما قولنا مبتنتهيش على موت واحد والا كانت انتهت لموت الرسول صلى الله علية وسلم احنا لازم نامن بالقضاء والقدر ودا ان شاء الله راحة لة انتى بتقولى انة كان تعبان ومريض جامد وكدة يبقى دا راحة لة بفضل الله وان شاء الله ربنا يدخلة فسيح جناتة يارب وغير كدة انتى بتقولى لو الموضوع عند حد تانى المفروض يبقى منسى لا مفيش حاجة بتتنسى بس مشاغل الحياة بتنشط عوامل على حساب عوامل تانية يعنى مش بننسى حاجة بس نشاطها علينا بيبقى اقل مش بتروح يعنى فاهمانى حضرتك ؟ انتى بقى فية حاجة انتى ازاى اصلا تحطى نفسك فى مكانة بعد الشر عليكى ان شاء الله ربنا يحميكى لشبابك انتى كدة بتحملى نفسك فوق طاقتها بكتير حاولى تتاقلمى مع الواقع الى احنا عايشين فية عشان متتعبيش اكتر من كدة ربنا يريحك يارب ويفك عنك النقطة الاخيرة انك فاكرة ان الموت هوة الحل !! متزعليش منى كدة انتى ضعيفة وبتهربى من الواقع عمر الموت ما كان حل لمشكلة انا كنت زيك فى فترة زى ما قولت ليكى بس بردة كان هروب من الواقع والحمد لله مسكت نفسى وقدرت اصمد وتحديت كل المشاكل والحمد لله اهوة احسن مليون مرة من الاول انتى لازم تبقى كدة تفكرى فى حلول صح مش الموت لان الموت مش حل ابدا يارب اكون قدرت اساعدك ولو بجزء بسيط على قد ما قدرت عاوزك تعلقى على كلامى كلة وتقولى كل الى عندك وتفضفى وكلنا معاكى وهنساعدك على قد ما نقدر وكلنا اخوات ومش هنسيب بعض ربنا معاكى يارب ويفك عنك يارب فى رعاية الله |
معلش انا متاسف انى طولت عليكى بس بجد انا اتاقلمت قوى واندمجت اوى مع مشكلتك ياريت تعذرينى فى رعاية الله |
أنا عندى مشاكل كتير مش قادر على حلها بس اصعبها بتحصل معايا من سنتين تقريبا
أنا كنت أنا محمود اعز أصحابى ربنا يرحمه بقا كنا فى يوم متاجرين ملعب بالليل وبعدين فضلنا نلعب يمكن لقبل الفجر بشوية واحنا راجعين كنا أخر اتنين مروحين وكنا ماشيين بنهزر ونلعب الكورة لبعض على الطريق المهم انا مش عايز أدخل فى التفاصيل دى او مش عايز افتكرها المهم جت عربية نقل كبيرة ( مبتمشيش على الطريق الا بالليل اصلا ) خبطت محمد ومات أنا شفت كل حاجة بعنيا بجد كان منظر مروع وساعتها بدات أشوف كل حاجة صغير صغيرة اوى عن الحجم الطبيعى وكمان بعيدة بعيدة أوى أوى والحالة دى بتحصل كتير خصوصا لما بكون مخنوق او بفكر فى حاجة او ببكى او قبل ما انام لو بكلم فى واحد احس انه بعيد بعيد اوى او بقى شايفه صغير فى حين انى بشوف نفسى ضخم وببقى خايف من كل حاجة كل حاجة ولما بجئ أنام أبص لأخر السرير احس انه فى مدغشقر الموقف ده بقا بيتكرر معايا كتير أنا عارف انا ممكن اكون مريض نفسى وفعلا جربت العلاج النفسى بس تعبت اكتر والمهدات كنت بخدها تقريبا كل يوم انا مش عارف اعمل ايه وده غير الاحلام والكوابيس اللى بحلم بيها كل ليلة واللى بقوم دايما مفزوع فى نهايتها أرجوكم أرجوكم حد يقولى اعمل ايه أنا خلاص تعبت واسف على الازعاج |
عارفه المشكلة الاساسية ايه ؟
المشكله اننا بنحاول نساعدك وانتي مش عايزه تساعدي نفسك شعور اليأس اسهل بكتيييييير من الشعور بالامل لان شعور الامل انتي بتتعبي عشان تحسيه بس بمجرد ما بتحسيه بترتاحي انما شعور اليأس طول ما انتي سايبه نفسك كدا هيفضل عندك لانه مش محتاج انك تعملي مجهود عشان توصليله بالعكس دا انتي كل ما مبتعمليش مجهود بيزيد عندك لازم تساعدي نفسك احنا وان كنا بنساعدك مساعدتنا مجرد نصيحه انما احنا مش هنقدر ندخل جواكي ونساعدك للاسف اضغطي علي نفسك واستعيدي توازنك بنفسك لان هو دا اللي جوز خالتك الله يرحمه كان هيتمناه ليكي وربنا يعينك يا رب ويقويكي وتجيبي التقدير اللي انتي عايزاه :)( كدا كويس ؟:d) |
اقتباس:
الاعمال بالنيات بقي :d |
اقتباس:
موقف زي الموقف اللى حصل لصاحبك وخصوصاً إنه كان من أعز اصحابك اكيد الموقف ده حيفضل في الذاكرة ومش حيتنسي أبداً لكن لما تتأثر بالموضوع تتأثر بإنك تاخد الموضوع كعظة وتعرف انه الدنيا ممكن تخلص بلحظة وانت بتهزر في اي وقت لازم برده لما تفتكره تفتكره بالخير وتفتكر ايامكم الحلوة مع بعض لكن متتأثرش بالناحية السلبية للقصة وتفتكر دايماً الموت والكوابيس وتحس الدنيا مش الدنيا وتحس نفسك حاجة تاني وما إلى ذلك وانت مش مريض نفسي ولا حاجة بس متأثر بالموقف زيادة وليك حق تشوف كل حاجة صغيرة جداً فما الحياة إلا دقائق وثواني وكل اللى فاكرها كبيرة وبيحاول إنه يبني ويعمر فيها كإنه حلخلد فيها يبقى غلطان لو كل واحد عرف إنه الموت قريب والدنيا احقر من صراعاتنا على الملك مش حتلاقي اللى بيحصل دلوقتي والموضوع حصل معاك من سنتين يعني فترة كافية لإنك ترتاح من الكوابيس والقلق وححاول قبل ما تنام تتوضى وتقرى سورة قبل النوم وتقول دعاء النوم وتنام وحتنسى بعدها كل المشاكل وتذكر إنه مفيش حاجة مرض نفسي هي مجرد مشكلة نفسية أنت تهيأتها وانت تقدر تغلبها والمهدئات عمرها ما كانت حل لأي مشكلة |
انا شوفت حكاية انك شوفتيه وشوفتي كل اللي حواليه دهب بس مش لاقيها عشان اجيبها اقتباس:d بصي ياستي دي اكيد رؤية حلوة يعني دلوقت هو زمانه ف الجنه متهني ولا حاطك ف دماغه اصلا:bosyht9: سوري ياسارة:d بصي زي مارغده قالتلك حطي عبارات مشجعة كل ماتفكري فيه اقري الادعية اللي كتبتيهاله وزي ماقولتلك كل ماتزعلي عليه افتكري ان زعلك ده هيضرك ومش هيفيده انما لما تدعيله هتستفادو انتو الاتنين هو ف حاجة لدعواتك اكتر من زعلك وانتي ف حاجة انك مش تكوني مدايقة اكتر وزي ماعادل ورغده قالولك ساعدي نفسك انك تتغلبي على زعلك ده وتعملي اللي قولناهولك مش تاخديه نصايح وخلاص لاننا مش بنواسيكي احنا بنحاول نحل معاكي ياريت تسمعي الكلام ومتنشفيش دماغك الله يخليكي :bosyht9: |
اقتباس:
ثانيا ربنا يرحم محمد يارب ويسكنه فسيح جناته يارب ثالثا انا حاسه ان مشكلتك فيها شبه كبير من مشكلة ساره انك متأثر بردو بموت حد كنت متعلق بيه بص هو ممكن زي مادايموند قالتلك تروح لدكتور نفسي بس قبلها في حل احسن بالنسبة للنوم والكوابيس انك تقول اذكار قببل النوم الفاتحة وايه الكرسي وقل هو الله احد والمعوذتين ودعاء انا بقوله اللي هو بتاع بسمك اللهم وضعت جنبي وبك ارفعه اللهم ان امسكت نفسي ف ارحمها وان ارسلتها ف احفظها بما تحفظ به عبادك الصالحين دول اللي انا حافظاهم تحط ايديك ع بوقك كده وتقولهم ف ايديك وتمسح بيها وشك وراسك ومش تفكر ف الموضوع ده يعني متحطهوش ف دماغك ولما تفتكر موضوع صاحبك ده ادعيله مش عارفة بقى ف حته انك بتشوف الحاجات صغيره دي عاوزة دكتور نفسي او دكتور عيون :d بس خد بالك انا عرفت ان دكاترة الامراض النفسية بيدو دوا للناس يخيهم يقولو كل اللي جواهم بكامل ارادتهم وهما حاسين بنفسهم وبلاش المهدئات لانها ممكن تكون السبب ف كده بس ده اللي اقدر اقولهولك ولو افتكرت حاجة تاني هبقى ارجع اقولها |
انــا مش عارفــه هي مشكله ولا ايه بالظبط
انا عايزة اعرف انا ايه انا ف الاول مكنتش اعرف ولا ولد اصلا وبعدين اتعرفت ع واحد من منتدي تاني كده وكان بجد اخ بالنسبة لي وبعدين اخوه جيه واتعرف عليا وبجد كانوا اخواتي اوي وكل حاجه وواثقة فيهم وف احترامهم وناس كويسة يعني وبعدين اخو الولد ده اكبر مني بـ10 سنين وبعدين كنا بنتكلم عادي وكان بيبقي عنده مشاكل وكنت بحاول اكلمه وبقف معاه وكده ودي طبيعتي يعني عادي وبعدين لقيته قالي انه بيحبني ومعرفش ايه الي حصل بس انا اعترضت وبعدين وافقت تاني عشان حسيت اني بحبه بجد اوي وانا دلوقتي بجد بحبه جدا بس مش عارفه واحد صاحبه اتكلمنا قبل كده وقالي انه بيكدب عليا وانه مش عنده السن ده يعني ولا حتي الوظيفة دي وانه لسه بيدري وحبه حجات كده ورجعت كلمت حبيبي وقالي ان الكلام ده غلط واتخانق مع صاحبه واانا بجد مش عارفه قلقانه ومش عارفه بس هو انسان محترم جدا جدا ووعدني كمان انه هيتقدملي بس يعني مش وقته ليا انا عشان انا مش ينفع سني دلوقتي ومش عارفه وكمان مش قايله لاهلي محتاجه راي حد !!!!!!!! |
كمان كت عايزة اقول ان علاقتي بأهلي مش اوي انه يخليني احكيلهم عليه يعني
وبجد مش عارفه اعمل ايه ومشكلتي كمان اني حتي وانا بحبه كل ده بس معظم الوقت ببقي حزينة عشان مش بيبقي معايــا وكمان بحزن بسرعه اوي من كل الي حوليا وده مخليني مش عارفه استمتع بحياتي زي مانفسي استمتع بيها ومش عارفه اعمل ايه مستنيه ردودكوا !!! |
اممممممممم مع انى مش مقتنعه اننا ندخل فى المشاكل العاطفيه و كده فى الموضوع هنا بس ارد و خلاص المهم اولا كده انتى قولتى ان انتى كلمتيهم اخوه و بعدين قلبت مع اخو الولد ده طويب من هنا يبتدى الغلط او ابتدى من سيعه ما كلمتى الولد و انتى عندك و لو استعداد قليل انك تحبيه هو او اخوه ما دام فيه استعداد بيدخل الشيطان و الكلام بيبدا و هو ده اكبر غلط مش حتعرفى تتحكمى فى نفسك و حتلاقى نفسك مياله ليه حتى لو انتى اساسا و لا تعرفيه دى طبيعه بشريه صرفه عشان مشاعر المراهقه اللى بتبقى فى السن ده بيبقوا ماشيين بمبدا حب اللى قدامك مهما كان مع ان المبدا الصح جد من تحب و لا تحب من تجد :) اللى اقصده ان انتى اولا مش حبتيه او حسيتى بشعور كاذب انك حبتيه عشان هو هو بس فى الاغلب و بنسبه 90 % على الاقل عشان هو كان هناك و انتى كنتى مش لاقيه الحب و الحنان زى ما نتى قولتى مع اهلك و اخواتك فدورتى عليه حسيتى انك لقيتيه عند اخو الولد ده ( مش عايزه اقول حبيبك عشان الحب الحقيقى عمره ما يكون كده ) فأقنعتى نفسك انك بتحبيه :romarioxp6: حتعدى عليكى فتره و حتى لو هو فضل و طلع مش بيلعب بيكى شطرنج صدقينى حتزهقى و تحسى ان مش هو ده اللى انتى عايزاه اول ما تنضج مشاعرك و تقدرى تحكمى على الامور صح يبقى ليه من الاول :) كده مسكنا اول حته من ناحيه شعورك انتى تانى حته بقى من الناحيه العمليه هو اساسا اساسا مش حيقدر يتقدملك دلوقتى و انتى سنك مش يسمح عشان واضح انك لسه فى ثانوى فدلوقتى حتى بدون ما انا اتكلم ايه الحل فى رايك هل حتفضلوا كده تحبوا فى بعض و و عود الجواز لو مش كنتى تعرفى مدهونه بزبده يطلع عليها النهار تسييييييح :bosyht9: لازم معرفه الاهل و تبقى على الاقل على الاقل معروفه فى العيله ;) |
امممممممممم نمسك بقى اخر حته و اللى حبيت انى اختم بيها هى من الناحيه الدينيه بصى يا حبيبتى زى ما قولتلك فوق ان اللى بيحب بيبقى قلبه فاضى من الحب محتاج انه يحب و مش لاقى الحنان اللى هو عايزه و ده بيخليكى اى حد تشوفيه تحسى انك بتحبيه و يبدا الشيطان يزين ليكى الكلام و انه بيفكر زيك و انه طيب و انه و انه ويقول ابن القيم رحمه الله: "القلب إذا أخلص عمله لله لم يتمكن منه العشق فإنه يتمكن من القلب الفارغ" فاهمانى فيه حديث عن الرسول صلى الله عليه وسلم عن ابن عباس رضي الله عنهما أنَّ رجلاً قال: يا رسول الله! في حجري يتيمة قد خطبها رجل موسر ورجل معدم، فنحن نحبّ الموسر وهي تحب المعدم! فقال رسول الله صلى الله عليه وآله وسلم: "لم يُر للمتحابين مثل النكاح". هذا الحديث أخرجه ابن ماجه والحاكم والبيهقي والطبراني وغيرهم.. وقال الحاكم: صحيح على شرط مسلم ولم يخرجاه.. والحديث حسن بمجموع طرقه.. وقد صحَّحه الشيخ الألباني رحمه الله في صحيح الجامع. يبقى خلي بالك قوي من قوله –صلى الله عليه و سلم- : "لم يُر للمتاحبين مثل النكاح" .. هو ده الأصل اللي هنتكلم عليه .. (حب = جواز) ... و ليس ( حب = جواز + لما تُفرج ) و ليس (حب = جواز لما أمهد لأهلي) و ليس (حب = جواز + بس لما نخلص الكلية ربنا يسهل) :bosyht9: مش لسه قدامك كتير لحد ما تكون نفسك و تجيب الشقة و المهر و اللذي منه هل دلوقتى انتوا حتعدوا تحبوا فى بعض لغايه امتى الحديث واضح بتحبوا بعض يبقى جواز مفيش اشتغالات و تلفوانت و شاتات و هبل من ده يروح يخطبك مش قادر يبقى خلاص الموضوع ينتهى انسيه عشان ربنا و ربنا حيديكى اللى احسن منه الحب و الجواز و الله دول رزق ربنا اللى بيديهم و هو وحده اللى عارف ايه اللى فيه الاصلح لينا قال رسول الله صلى الله عليه و سلم : "إن روح القدس نفث في روعي أن نفسا لن تموت حتى تستكمل أجلها و تستوعب رزقها فاتقوا الله و أجملوا في الطلب و لا يحملن أحدكم استبطاء الرزق أن يطلبه بمعصية الله فإن الله تعالى لا يُنال ما عنده إلا بطاعته " فاهمانى لسه بدرى و الله على الحب بجد عارفه كان فيه مثال قريته قبل كده بيقولك الطفل الصغير مثلا ... حمادة لو شاف تفاحة حمراء و جميلة :006et4: هيحب ياكلها .. صح ؟؟ بس هو لسه بيرضع http://www.ebnmasr.net/forum/images/...new/suzeta.gif, معدته لسه مش متعودة على التفاح .. و لسه مش وقت أكل التفاح ليه .. لو كل التفاحة و صمم , و هو لسه صغير .. ايه اللي هيحصل له ؟؟ بطنة هتوجعه لأن معدته مش متعودة لسة , و مش ده الوقت المناسب لسه .. .. يعني لو أكل قبل المعاد . هيبقى فيه نتيجة سلبية .. صح و لا لاء حتقوليلى طاب و انا اعمل ايه دلوقتى فى نفسى اقولك اقفلى عليه بالضبه و المفتاح و ارمى قفله فى ابعدها بحر و اوعى تفتحيه لحد دلوقتى و لو حد حاول يسرقه و يدخل ابعدى و و الله و الله لو عملتى كده حتلاقى ان ربنا يزوقك بواحد أحسن من اللي انتى سبتيه زمان .. لأنه كما يقول السلف (من ترك شيئا لله .. عوضه الله أفضل منه) يقول ابن القيم: "وحسب قتيل العشق أن يصح له هذا الأثر عن ابن عباس رضي الله عنهما على أنه لا يدخل الجنّة حتى يصبر لله و يعف لله و يكتم لله , لكن العاشق إذا صبر وعفّ وكتم مع قدرته على معشوقه، وآثر محبة الله وخوفه ورضاه، هذا من أحق من دخل تحت قوله تعالى: (وأمّا من خاف مقام ربه ونهى النفس عن الهوى * فإّن الجنّة هي المأوى)" "إنه من يتق و يصبر فإن الله لا يضيع أجر المحسنين انا بقولك الكلام ده و انا عارفه كويس اوى انه صعب و اانا مش بقولك كده و انا بعمله و بطبقه بالحرف بس بحاول انى اعمل كده احنا بشر مش ملايكه و ربنا غفور رحيم :) ربنا يوفقك يا رب و يهديكى للى فيه الخير ان شاء الله :):):) فى رعايه الله |
اقتباس:
انتي متتصوريش انا اتعلقت بيه جامد اوي ومـش عارفه اسيبه خالص وكمان هو انسان محترم اوي وانا قبل كده جربت الموضوع ده عشان اخوه مكنش موافق وفضل يزعق وحجات كده وقالي حرام وكده روحت قولتله اننا مش هنقدر نكمل وكده وجرحته :( وبعدين انا مقدرتش بجد وكانت حالتي وحشة اوي اوي وكنت مقولكيش حالتي ولا بذاكر ولا باكل ولابعمل اي حاجه وكنت تعبانة اوي و مش هقدر اسيبه بجد بحبه وكمان مقدرش اقول لاهلي خايفة اوي يحرموني منه ومش عارفه اعمل ايه :(:( |
اقتباس:
انا حياتي هتنتهي وبعدين انا جربت وكنت قربت انتحر خلاص كنت هخسر كل حاجه وبعدين انا اصلا مش بدخل اي حد لقلبي خالص كل النــاس الي اعرفها بحدود وانا والله محترمه اوي واصلا مش بكلم حد الا ف حدود الادب بس ومش عارفه اعمل ايه انتي خلتيني ايأس اكتر بس انا عارفه انه انسان كويس والله ومحترم اوي ومش ممكن يكون بيلعب بيا بس انا متعلقه بيه اوي وهموت بجد لو بعدت عنه |
اقتباس:
هو الانسان الي يستحق مشاعري وقلبي وكمان انا لما كنت بكلم اخوه قبله كانت صداقهـ كان اخويا وهو عارف ومش شاكك فيا وكمان بقوله علي اي حد كلمته وهو بيعرف كل حاجه وبعدين هو كويس وعلي طول هو الي بيخليني اذاكر ومش اقعد ع النت كتير واصلي والحجات دي كلها هو بجد السبب في انه يخليني ابقي يعني حد كويس طيب اقول لاهلي ؟؟ طيب وافرض موافقوش وحرموني منه انــا هموت بجد لو ده حصل هو عايزني اقول لاهلي بس انا قولتله نأجل الموضوع وهو وافق :( انا عايزة اقول لاهلي بجد ودي اكتر حاجه هتريحني ومش تقلقني بس انا خايفة اوي بجد من الي هيحصل افرض مش خلوني اكلمه تاني هيبقي ايه العمل ؟!! مش هقدر بجد مكلموش تاني :( |
اقتباس:
بالنسبة للمشكلة الرئيسية مش هعلق عليها لان كل الكلام الى ممكن اقولة ولاء ودكتور دايموند قالوة واكتر مليون مرة ربنا يكرمهم يارب بس لاحظت حاجة فى ردودك عاوز اعلق عليها شايفة التلات جمل الى بالاحمر دول ؟؟ دول الى هعلق عليهم الاولى والاخيرة نقطة واحدة وفكرة واحدة الى هيا انك حاطة فى دماغك ان من بعدة الدنيا انتهت الياس متملكك قوى بدرجة كبيرة بصراحة انتم علاقتكم من البداية غلط يبقى لازم تستحملى نتايجها بقى بمعنى انك اة هتتعبى شوية وتنجرحى شوية بس انتى مش اول ولا اخر بنت تفوق وتعرف انها غلط وتجرح نفسها بايدها قبل ما هوة يجرحها لان من الاخر الى لاحظتة انك فى ثانوى واكيد مش هتجوزو غير لما تخلصى يعنى مهما كنتو بتحبو بعض مش هتكملو مع بعض الابصعوبة جدا عامل الزمن لة تاثير على فكرة جامد خالى بالك من النقطة دى حاجة تانية هوة فى نظرك ملاك بس مفيش ولد ملاك ولا حتى انا يعنى كلنا شباب ومراهقين والشيطان بيلعب بينا كلنا يارب النقطة دى تكون وصلت زى مانا اقصد دى جزئية تانى جزئية بردة فى النقطة دى اولا محدش بيموت عشان حد والدنيا مبتقفش لحد بمعنى ان لو الدنيا بتقف لحد كانت وقفت لرسول الله صلى الله علية وسلم ولو حد بيموت عشان فارق حبيبة كان الرسول صلى الله علية وسلم مات عشان السيدة خديجة اعتقد مكنش فية حب اكتر من حب الرسول صلى الله علية وسلم للسيدة خديجة يارب قصدى يكون وصلك تانى نقطة بقى الى هيا فى النص الى انتى قولتى لة ناجل الموضوع وهوة وافق مش عارف اول ما شفتها فضلت باصص عليها شوية كدة لية يمكن افتكرت جملة كدة مش عارف اية علاقتها بالموضوع بس انتى هتفهمى الى انا اقصدة جملة فلاحى قوى اخر حاجة (( عزومة مركبية ))معرفش لها معنى غير كدة ابحثى عنها فى القاموس بقى لو مش فاهماها ههههههههههه متزعليش منى انا والله عاوز مصلحتك وخايف عليكى لاننا هنا كلنا اخوات والله واكتر كمان بس معنى انة يقولك قولى لاهلك وتقولى لة ناجلة ويوافق على طول كدة يبقى اصلا هوة مكنش عندة استعداد وبيقولك كدة لمجرد انة يحسسك انة مبيلعبش بيكى ودى احنا مجربينها كتير ودرسناها كتير وحتى فى علم النفس بس انا تاريخ لو مها هنا هتقولك اسمها اية فى علم النفس :d على اى اساس بيقولك قولى لاهلك وبعدها يوافق انكم تاجلو تقدرى تقنعينى ؟؟ طيب هوة لو شايف انة صح وعلاقتة صح لية مقالش لاهلة ؟؟ متابع ان شاء الله فى رعاية الله |
سري اللي قبلي خلص :romarioxp6: |
اقتباس:
تقدر حضرتك تكلم هنتابع المشكلتين مع بعض كلنا تحت امرك فى رعاية الله |
انتو بتحاربونى .. هتشتغلوا أخصائيين نفسيين و أجتماعيين من ورايا:stickjo4: مش تستشيرونى ولا إيه :slap1qk6: ربنا يكرمكم يا رب :) متابعة فى صمت :bosyht9: |
اقتباس:
هههههههههههههه انتى بتشمى اسمك ولا اية انا لسة قايل اسمك فى الرد الى فات انا كنت مستغرب ان معانا متخصصة نفسية هنا ومش متابعة الموضوع منتظرين متابعتك ياحاجة مها منورة والله انا عامل شغل فى موضوع ايمان دة بسحب رجل الاعضاء هههههههههههههههه يلا فى رعاية الله |
مش عارفة حب المنتديات ده كتر كده ليه .. دا بقى ألعن من وباء انفلونزا الخنازير :d عايزة بس أحاول أقنع الآنسة الجميلة صاحبة المشكلة برأى البنات من الواضح إن اللى بتكلميه ده مش بيحبك .. على فكرة انا مش عايزة أكرهك فيه لأ .. انا عايزاكى تولعى فيه :bosyht9: لحد إمتى هتفضلى تبيعى فى كرامتك ؟؟!!! .. كرامة البنت هى عرضها و حياءها و إحترامها لذاتها وكل حاجة و بعدين انتى لسه صغيرة على الحب ده الواحد كل ما حب وهو كبير كل ما كان حبه عقلانى و هادف بنية كويسة يعنى لكن أنا شايفة إنه حب مراهقين مش أكتر معلش بقى .. لان الشخص اللى بتتكلمى عليه ده .. الله أعلم بناواياه بس صدقينى مفيش واحد يكون بيحب واحدة ويخليها ماتقلش لاهلها .. مهما كانوا أهلها و فى نوعية من الشباب بيكونوا عارفين دماغ البنات كويس جداً هو شافك من النوع اللى عايزاه ينصحها .. روحى صلى روحى ذاكرى هو عارف إنك بكده هتتعلقى بيه مش عارفة أقول كلام أحسن من اللى الإخوة قالوه صدقينى لو فضلتى كده هتندمى .. ويجى يوم وتضحكى على نفسك ومن كتر الضحك عنيكى هتبكى وصدقينى الولاد مش بيحبوا البنات اللى بيموتوا فيهم دول مش عايزين إلا الوش الخشب:slap1qk6: بصى حتى لو كويس زى ما بتقولى حاولى تتخيلى كده إن الامور مشيت و هو اتقدملك و أهلك سألوه انت تعرفها منين .. هيقولهم إيه؟؟ بلاش دى .. تفتكرى إنهم هيوافقوا .. الاجابة الأكيدة لأ.. دا فى مصلحتك انتى .. يبقى كده كده الموضوع ده لازم ينتهى :bosyht9: ولما تنهيه انتى أحسن ما يزهق هو منك ويسيبك ( ماتزعليش منى ) طيب أقولك على حاجة جربى تكلميه بطريقة ناشفة .. إديله على دماغه .. عارضيه وكدبيه فى كل كلامه .. هتقلب خناقة و جايز ساعتها هيقولك اللى انتى مش قادرة تصدقيه .. ولو ماقلش سيبيه ماتكلمهوش فترة طويلة مش ساعتين و ترجعى تكلميه :dيعنى قد شهر اتنين و حطى فى عقلك إن لو كلمتيه هتضيعى كرامتك أكتر ما هى ضايعة .. و قولى لأهلك لو ولدتك مثلاً و كلميها بشويش و ربنا يعزك ويعز بنات المسلمين و جربى انتى مش خسرانة حاجة بالعكس هتكسبى .. و ركزى فى مذاكرتك دلوقتى أهم من أى شىء .. |
بجد الموضوع اكبر من اللي في دماغكم انا دلوقت ولا باكل ولا بشرب ولا اي حاجة وطول الوقت ببكي بجد ومش عارف اركز لاني خلاص افكاري بجد ادمرت فعلا في كل حاجة لدرجة اني فكرت بجد اني حياتي ملهاش لازمة وفكرت 300 مرة في الانتحار اشمعني انا يعني من ياقي زملاتي هم في فكر تاني وانا غيرهم خالص |
اقتباس:
مش قولتلك ادخلي يابت وانتي قولتي ....... ولا بلاش:006et4: ع العموم اكيد منورة يامهموهتي:friendsxs3: اقتباس:
انا داخلة اهزر واطلع برة الموضوع الاصلي :028ja7: مش ليا نفس لحاجة هبقى اجيلكم ف سري:bosyht9: يلا بالتوفيق وخلو بالكو من الولد قصدي الموضوع الشقي ده:d وياجماعة اللي عنده اي حل لمحمد يتكلم سلااااااااام وهرجع بردو:blush: |
اقتباس:
هو قال لاهله قال لوالده ووالدته ووافقوا هم عندهم الحجات دي عادي بس عندنــا مش عارفهـ مش واثقة فيهم هي دي كل الحكايه ومقدرش اسيبه بجد هيحصلي حاجه وانا جربت بقولكوا كت هنتحر بجد ومقدرتش خالص وبالنسبة لرد اسيل رزق بجد مش اقدر اسيبه بحبه اوي وهو انسان كويس بس انا مش عارفه وخايفة ومقدرش اسيبه خالص حياتي هتنتهي والله انا جربت وكنت هموت ومقدرتش و Dr.diamond انا هقوله يكلم اهلي علي الاقل ابقي ف النور :( تسلموا يا جماعه معلش تعبتكوا معايا وسري موجود لحد غيري :) شكرا جزيلا ليكم :078111rg3: |
اقتباس:
اصعب واهم مشكلة فى سرى جدا حتى الان من وجهة نظرى هرد كتير على الجزئية دى بس دلوقتى هسال سؤال واحد عشان ابقى عارف اتكلم على اى اساس التفكير الى هوة بدا عندك من 14 سنة دة لسة فى دماغك لحد دلوقتى ؟؟ عاوز رد مفصل على السؤال دا بعد اذنك وانا متابع معاك طول المشكلة بفضل الله فى رعاية الله |
اقتباس:
ايه مخليكى مصدقة انه قال لوالده ووالدته ولو حصل وهو فعلا عمل كدة ووافقوا عاادى دى طبيعة ف معظم الشعب المصرى لما الولد يقول انا باحب تلاقى الاب والام مبسوطين بيه وفخورين ويقولوا الولد كبر والبنت بتموت فيه لكن لو اخته راحت قالتلهم انا باحب هايتقال قطع رقبتها .. البنت دى مش متربية .. طالعة لمين دى !! مش كدة برضو ؟ طبعا ف الحالتين غلط اولا غلط انهم يشجعوا الولد يتعمق ف علاقة مع بنت وهما عارفين انه مش ناضج وانه هاييجى يوم ويسيبها وغلط انهم يعاملوا البنت على انها زيها زى اى كرسى ف البيت المفروض انهم يحتووها ويتكلموا معاها بالراحة وقتها بس هى هاتفهم ومش هاتخاف تحكيلهم كلامى ده مالوش لازمة بس هابقى اطبقه مع اولادى باذن الله لو كان ليا عمر اقتباس:
بصراحة ومن غير زعل الرد ده منك يعتبر هروب من انك تقتنعى بالكلام اللى ولاء ودياموند ومحمد ومها قالوه والكلمة اللى ف ردك بالاحمر دى متناقضة مع ردك اللى قبل كدة اللى هو ده .. اقتباس:
يعنى مش هايحصل انك تقوليله يكلم اهلك ولو حصل هايرفض ويتحجج باى حاجة انا مش عارفة بجد انا ليه باقول كدة بس ده اللى حسيته ومتأكدة ان احساسى صح المشكلة انك مش قادرة تقتنعى ان الحياة مش بتقف على حد وانك لما حاولتى الانتحار كان ضعف منك ولما بطلتى تاكلى وتنامى برضو ضعف لو اديتى نفسك فرصة هاتنسى الوقت بينسى اقولك على حل حلو اوى اليومين دول انسى كل حاجة خالص بعد الامتحانات حاولى تتعرفى على اصحاب كتير ( شور اقصد بنات عشان لو مش بنات يبقى باحطك ف مشكلة اكبر ) ولازم تتأكدى انهم كويسين ومحترمين وحاولى تشغلى نفسك بيهم وتقربيلهم هاتلاقى مع اصحابك دول اللى انتى مش لاقياه ف اسرتك ودورتى عليه مع الولد ده اممممممممم ايه تانى اه .. اهم حاجة مش لازم تقنعى نفسك انو كداب هو ممكن بجد يكون بيحبك اوى وصادق معاكى ف كل كلمه وبيحلفلك بكدة وانتى مصدقاه بس ايه مخليكى فاكرة انه صادق مع نفسه مش يمكن يكون بيوهم نفسه .. زيك كدة ومع الايام هايفهم انه كان غلط وييجى ف دماغه الكلام اللى مش ف دماغه دلوقتى يعنى هو دلوقتى اكيد بيقولك انه بيحبك عشان اخلاقك وانتى محترمة ووو ممكن بعد كدة يراجع نفسه ويقول ما هى احتمال كانت على علاقة بحد قبلى واحتمال تبقى على علاقة بحد بعدى لانك زى ما عرفتيه ف السر من ورا اهلك ممكن تعرفى واحد تانى ف السر من وراه انا طبعا ماقصدكيش بكلامى والله بس هو ده اللى ممكن ييجى ف دماغه بعدين ولو حصل كدة قبل ما ترتبطوا رسمى هايسيبك وتكونى اتعلقتى بيه اكتر من الاول وساعتها هاتحسى نفسك اتجرحتى اوى ولو حصل ارتباط رسمى حياتكم هاتبقى جحيم وتنفصلوا بصى يا سرى انتى لو بتحبيه هاتسيبيه عشانه وعشانك لان ده احسن ليكو انتو الاتنين وهاتقدرى تستحملى لحد ما تنسى خاالص بجد الوقت بينسى اوى وحاولى ف الفترة دى تغيرى ايميلك اللى كنتو بتتكلموا من عليه وماتفتحيش القديم خالص عشان لو لقيتيه قدامك واتكلمتوا هاتلاقى كل اللى بتعمليه بيضيع مرة واحدة بجد انا حاسة ان كلامى قاسى عليكى بس هو ده اللى لازم تواجهى نفسك بيه انا حاساكى انسانة كويسة بجد والله وعشان كدة انا متحمسة اقنعك بجد انا عايزاكى تكملى وماتنسحبيش من الموضوع لازم تواجهى نفسك وماتقفليش الموضوع وتقفلى معاه تفكيرك وتقولى هافضل على حالى لحد ما ربنا يسهلها واللى يحصل يحصل لازم تحطى حد من دلوقتى انتى فتحتى الموضوع وماينفعش تقفليه غير لما تكونى انتهيتى منه بجد وماتحاوليش تقنعينا انك موافقة على كلامنا وبينك وبين نفسك بتقولى اننا مش فاهمينك صدقينى بجد مش هاتلاقى حد فاهمك اكتر بس انتى اللى مش عايزة تفهمينا او بمعنى ادق مش عايزة تواجهى نفسك بكلامنا عشان خاطر نفسك وعشانه هو حاولى .. والله ما قادرة اقولك اكتر من كدة ومستنية ردك اللى هاتقوليه وتبقى فعلا قاصداه مش مجرد انك بتقوليه عشان تريحينا وتحسسينا اننا عملنا حاجة ربنا يحفظك .. |
اقتباس:
انا حاسه فعلا انه زى ما مسز رخمه بتقول انك بتهربى مننا ;) و الكلام ده مش طالع من قلبك لو كنتى قادره تقولى لاهلك كنتى قولتلهم من زمان من البدايه خالص عشان انتى انسانه محترمه بجد و انا بجد حاسه بكده طويب انا حسألك بس على حاجه و عايزه منك جواب عليها هى و بس بدون مش حقدر اسيبه و حموت و الكلام ده هل انتى عندك رؤيه واضحه ليكوا بعد خمس سنين مثلا ؟؟؟؟؟؟؟؟؟ ندخل فى لب المشكله بالنسبالك اقتباس:
و الله كلامك ده هو اكبر حاجه مخوفانى عليكى غلط و الله يا بنتى بصى انا حجيبلك حته من مقال كنت قريته قبل كده عن مفاسد الحب ته :bosyht9: و شوفى انتى بنفسك و احكمى انتى فيكى و لا لاء :) العلامة ابن القيم حين قال وهو يتحدث عن هذه المفاسد فقال : أحدها : الاشتغال بحب المخلوق وذكره عن حب الرب تعالى وذكره ، فلا يجتمع في القلب هذا وهذا إلا يقهر أحدهما الآخر ويكون السلطان والغلبة له . الثاني : عذاب قلبه بمعشوقه ؛ فإن من أحب شيئاً غير الله عُذّب به ولا بد كما قيل : فما في الأرض أشقى من محب *** وإن وجد الهوى حلو المذاق تراه باكياً في كل حين *** مخافة فرقة أو لاشتياق فيبكي إن نأوا شوقاً إليهم *** ويبكي إن دنو حذر الفراق فتسخن عينه عند الفراق *** وتسخن عينه عند التلاقي والعشق وإن استعذبه صاحبه ؛ فهو من أعظم عذاب القلب . الثالث : أن العاشق قلبه أسير في قبضة غيره يسومه سوء العذاب ، ولكن لسكرة العشق لا يشعر بمصابه . الرابع : أنه يشتغل به عن مصالح دينه ودنياه فليس شيء أضيع لمصالح الدين والدنيا من عشق الصور الخامس : أنه ربما أفسد الحواس أو بعضها إما إفساداً معنوياًُ أو صورياً . أما الفساد المعنوي فهو تابع لفساد القلب ، فإن القلب إذا فسد فسدت العين والأذن واللسان ، فيرى القبيح حسناً منه ومن معشوقه ، فهو يعمي عين القلب عن رؤية مساوئ المحبوب وعيوبه ... اهـ رحمه الله .- عاوزه تصدقى أكثر إن ده مش اسمه حب .. و إن ده تعلق و عشق بس .. ؟؟؟ هاتى ورقه و قلم و جاوبى على السؤال ده :): السؤال هو : اذكرى 5 عيوب في اخو الولد ده بقى بتاعتك .. !!! ها مش عارفه ؟؟؟؟ شفتى بقى ؟؟ :d ما هم قالوا من زمان .. اسمع قالوا ايه : كانوا يعرّفون العشق فيقولون أنّه: "الميْل الدائم بالقلب الهائم، وإيثار المحبوب على جميع المصحوب، وموافقة الحبيب حضوراً وغياباً، وإيثار ما يريده المحبوب على ما عداه، والطواعية الكاملة، والذكر الدائم وعدم السلوان.." ويترتّب عنه "عمى القلب عن رؤية غير المحبوب، وصَمَمهُ عن سماع العذل فيه". –العذل يعني اللوم , يعني ما يصدقش إن له عيوب , أو شايف محاسنة أكثر من عيوبه- , وأما دواء هذا الداء العُضال : فقال فيه ابن القيم - رحمه الله - : ودواء هذا الداء القتال أن يعرف إن ما اُبتُليَ به من هذا الداء المضاد للتوحيد ؛ إنما هو مِن جهله وغفلة قلبه عن الله ، فَعَلَيْهِ أن يعرف توحيد ربِّه وسُننه وآياته أولا ، ثم يأتي من العبادات الظاهرة والباطنة بم يشغل قلبه عن دوام الفكرة فيه ويُكثر اللجأ والتضرع إلى الله سبحانه في صرف ذلك عنه ، وأن يرجع بقلبه إليه وليس لـه دواء أنفع من الإخلاص لله ، وهو الدواء الذي ذكره الله في كتابه حيث قال : ( كَذَلِكَ لِنَصْرِفَ عَنْهُ السُّوءَ وَالْفَحْشَاء إِنَّهُ مِنْ عِبَادِنَا الْمُخْلَصِينَ ) فأخبر سبحانه أنه صرف عنه السوء من العشق والفحشاء من الفعل بإخلاصه ، فإن القلب إذا خلص وأخلص عمله لله لم يتمكن منه عشقُ الصور:) ؛ فإنه إنما تمكن من قلب فارغ كما قيل : أتاني هواها قبل أن أعرف الهوى *** فصادف قلبا خاليا فتمكنا وليعلم العاقل أن العقل والشرع يوجبان تحصيلَ المصالح وتكميلَها ، وإعدامَ المفاسد وتقليلَها ... ومن المعلوم أنه ليس في عشق الصور مصلحة دينية ولا دنيوية ، بل مفسدته الدينية والدنيوية أضعاف ما يُقدّرُ فيه من المصلحة ، فـليس شـيءٌ أضيعُ لمصالح الدين والدنيا من عشق الصور : أما مصالح الدِّين فإنها منوطة بِلَمِّ شعث القلب وإقباله على الله ، وعشقُ الصور أعظم شيءٍ تشعيثا وتشتيتا له . وأما مصالح الدنيا فهي تابعة في الحقيقة لمصالح الدين ، فمن انفرطت عليه مصالح دينه وضاعت عليه ؛ فمصالح دنياه أضيع وأضيع . انتهى كلامه - رحمه الله ها ايه رايك و الله انا بكلمك بالمنطق و مش كلامى انا عشان مش يكون غلط من قله خبره او كلام و بس ده كلام ابن القيم و اعتقد او يا ريت تكونى عارفاه قربى من ربنا و الله و الله حتلاقى ان كل ده ملوش اى فايده خلاصه الموضوع يا سرى انك تحددى هدفك مستعده انتى ملك الموت يجيلك و انتى بتكلميه يا ريت يا ريت تردى على السؤالين دول السؤال اللى فوق و اللى تحت مستنياكى :) فى رعايه الله |
اقتباس:
امممممممم المشكله دى فعلا متعمقه شويه بس انا ححاول اقول لحضرتك اللى اقدر اتكلم بيه و هو يمكن اسلوبه مش علمى بس ححاول ادور فى الموضوع ده تانى :) بس عامه الفكره العامه انك مش تعمقت فى الدين الاول قبل ما تبتدى تسأل عارف لما واحد جاهل بحاجه و بعدين يبدأوا يشككوه فيها طبيعى حيشك و يبدأ يقول ليه كذا و ليه كذا مع انه لو عمل اكتر حاجه منطقيه و فتح الكتاب و بدا يقرى و يشوف و يتعمق كان الموضوع بلنسباله انتهى ربنا قال ان اللى بيدور عليه ربنا بيهديه و بيشرح صدره و كل الاسئله اللى بتسالها لاما بتلاقى جواب عليها لاما تعرف انها من المسلمات اللى المفروض كونك مسلم اى مسلم لربنا بكل حاجه و فى كل حاجه حاول تعرف الدين الصح فين و اقرى للعالماء الكبار كتير و ادعى ربنا كتييييير :) اما بقى على تانى مشكله فهى الانفصال اللى عندك عايز تعيش فى يوتوبيا و بتفاجئ كل يوم بحقيقه ان مفيش يوتوبيا فى الارض و ان العالم اللى بتحلم بيه مش حتلاقيه الا فى الجنه ان شاء الله طيب دلوقتى الحل ايه انك تحاول تتأقلم على حاله الانفصال دى و تعرف ابعاد الواقع اللى انت عايشه دلوقتى مش حل انك تهرب من كل حاجه بالنوم و البعد عن الناس البشر حيفضلوا بشر و مش حيتغيروا عشان حد يبقى لازم انت اللى تتغير عشان تعرف تواكبهم خليك انت تطبق المفردات دى فى حياتك بس لما تلاقيها مش مطبقه مع اللى حواليك اقنع نفسك ان الدنيا دى دار ابتلاء لينا و ربنا حيشوف اللى حيصبر عليها فعدم تحقيق المفاهيم دى ما هو الا نوع من الابتلاء اصبر عليه و واجهه و تعامل معاه :) انا ليا كلام كتير فى الموضوع ده بس مش حقدر دلوقتى يا ريت حضرتك ترد على كلامى و ان شاء الله نكمله :) فى رعايه الله |
اقتباس:
اقتباس:
مش من 14 اوي يعني لما وصلت ل16 زاد اوي الموضوع دة وكل يوم بيزيد والمشكلة ولا حد بيعبرني لدرجة يعني بجد التفكير دة لية احنا بنمسح Shoes من فوق مع ان الجزء اللي بيتوسخ هو اللي تحت |
اقتباس:
وقرأ كتير وبردة موصلتش للي عايزة اما حكاية الهروب دي فانا فعلا بهرب من كل حاجة حتي بهرب من نفسي احيانا يعني لازم اكذب واغش عشان ابقي في نظرهم كويس دة بجد انا في نظرهم دلوقتي متخلف وكدة تلاقي انا بناقض في نفسي لاني من جوايا بسعي للمثالية ولازم في الحقيقة اعمل غير كدة وبكدة تزيد الحكاية |
اقتباس:
هههههههههههه معلش على الضحك بس انا كتير فكرت فى الحكايه دى بردو عادى يعنى انك تسأل فيها ;) هو فى تفسير منطقى للموضوع بس هو مش الشوز يعنى اللى بيتمسح الشوز بيتخلع و بيتمسح الشراب من فوق دلوقتى لو حضرتك لابس شوز و خلعته و مسحت مثلا على الشراب من تحت حيتبل صح تيجى تمشى حتلاقى الشراب بقى طين اساسا و جربها حضرتك بنفسك اما بقى لو مسحت من فوق فمفيش تراب بيوصل فاهمنى :) اما بقى ما ينسب للإمام على بن أبى طالب- رضى الله عنه- أنه قال: "لو كان الدين بالعقل لكان أعلى الخف أولى بالمسح من أسفله"، فقد أوله العلماء بأن معناه: لو كان الدين بظاهر العقل، وليس عند التمعن فيه. :) فى رعايه الله |
اقتباس:
يعني مثلا يجيلي الشيطان ويقولي انت مخلوق لية اقولة عشان اعبد ربنا يقولي هو ربنا محتاج انت تعبدة اقولة لا انا اللي محتاج اعبدة يقولي طب واية لازمة الموضوع دة اساسا واية لازمة الخير والشر والدنيا دي اساسا ماكان ربنا يبقي لوحدة وبعدين يجي يقولي انت دلوقت مخير ولا مسير يعني بتتكلم بمزاجك ولا ربنا عايزك تتكلم |
اقتباس:
امممممممم صراحه رد حضرتك ده بيؤكد وجه نظرى ان حضرتك مش متعمق اوى او مش بتسمع كتير فى الدين عشان حضرتك بتسأل فى الاساسيات و هى التسليم و حته مخير و لا مسير دى فى حاجات و كلام كتير عنها معلش لازم اقوم دلوقتى بس حرد على حضرتك تانى فى رعايه الله |
| جميع الأوقات بتوقيت GMT +2. الساعة الآن 04:51 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.