الخبر ده من عالجروب اياه
تم ارسال فاكسات الي الجامعات بحصر 2003 2004 2005

ان شاء الله يكون الكلام ده صحيح
ربنا يوفق الجميع

الخبر نزل فى الاخبار النهاردة تعيين 30 الف من اوائل الخريجين مبروك

جزاك الله خيرا

ياجماعة فيه خبر عاجل
وصل اليوم فاكس للجامعات بعمل حصر للعشرون الأوائل على كل كلية الأوائل على الكلية بالكامل مش على كل قسم ..
الجديد قى إنهم من دفعة 2003 وحتى دفعة 2010 لأن التعيينات القديمة كانت واقفة حتى 2002 ...
وجاء هذا الفاكس استدراكاً للفاكس الأول الذي تضمن حصر الدفعات من 2006-2010 ..
عموما التعيينات ستكون في الجهاز الإداري للدولة وبنسب من الدفعات الأقدم للأحدث بمعنى مثلا- وده مثال - السنة دي تعيين دفعات 2003- 2005 والسنة الجاية 2006- 2009 وهكذا .. والتعيينات ستكون من العام المالي الجديد يعني في شهر 7 القادم ...
شكراااااااا ......... د.عبدالرحمن المنياوي

الحمد لله تم اضافة الاوائل من 2003
وده الخبر في جريدة الأخبار

ياجماعة انا ازهر بس عاوزة اسأل على حاجة يعنى ايه الجهاز الاداري للدولة دول اداريين بس الفاكس اللي جه للازهر مكتوب فيه للتعيين في وظيفة معيد كل في كليته وتخصصه

الازهر مضمون القرار كدا واضح فعلا معيدين

اما التربية والتعليم مش واضح قوي بسبب عبارة الجهاز الاداري لكن لما سالت قالوا معيدين

هو الخبر بيقول في الجهاز الاداري للدولة
بس انتي سألتي فين وقالولك معيدين للكل وللا حسب احتياج كل قسم؟

ياحبيبتي الازهر واضح بس مش عقلانى عارفة يعنى ايه جيد جدا وامتياز مع مرتبة الشرف ل8 دفعات على مستوي الجمهورية ده معناه الافات مؤلفة ده فيه كليات وخاصة الاقاليم بيوصل عدد ال جيدجدا فيها ل800 و1000 احيانا طبعا انا مش معترضة وربنا يكرم بس اذا كانو مش راضيين يثبتونا يبأة هيجيبو الدرجات دي كلها منييييييييييييين؟؟؟

عندك حق أختي الفاضلة ام رهف

بس الشيخ ابو الطيب بصراحة عمل كتير للعاملين في الازهر خاصة بعد اكتشاف الفلوس الكتيرة اللى مكنش حد يعرف عنها حاجة
فالقرار دا متقلش هباءا بالعكس لانهم عارفين ميزانيتهم واحتياجهم للمعيدين لانهم عايزين يشجعوا طلاب الازهر وحاجة حلوة بجد ومش هيقولو قرارات ويرجعوا فيها ابداااااااا خاصة في الظروف دي
اما العدد كبير بقي ملكوش دعوة المهم ياخدوا بالقرار
وبجد خييييييييييييير كتييييييييير ربنا يوفق حضرتك وكل المتفوقين

انا سمعت انه هيكون 20 على الكلية

مش القسم

الكلام دا صحيح ولا ايه ؟؟؟؟؟؟

لو سمحتى يارحيق يعنى ايه موضوع الكليات اللى كانت فرع انا تربية دمنهور 2009 كانت جامعة اسكندرية ودلوقتى بقت جامعة دمنهور داوقتى اروح اسأل في اسكندرية ولا دمنهور؟

شكرا ليكى اختى رحيق انا عاملة موضوع عن التعيين بردو لما فاكس الازهر وصل في اخ دلوقتى كاتب انهم طالبين في احدى الكليات ورق الحاصلين على ممتاز مع مرتبة الشرف فقط من دفعة 2002 حتى 2008 ربنا يوفق ويارب الامور تتضح لصالحنا جميعا ازهر وتربية وتعليم....... والله ياجماعة اقل شيء ان المتفوق يحصل على تقدير علمى ومادي ده اول طريق تفوق الشعوب بأكملها

http://www.algomhuria.net.eg/algomhu...e/detail05.asp ياجماعة شوفو الرابط ده وقولو رأيكم ياترى هل هناك مايفيد بذلك رسميا ام ان هذه مجرد اجتهادات اعلامية ينى ايه الاول على كل كلية ده لو حصل دي تبقى كارثة ادمية

أولا التعيين في الجهاز الإداري بالدولة يعني في المصالح الحكومية بالدولة بمعنى خريج السياحة والفنادق مثلا يتم تعيينه في هيئة التنشيط السياحي أو الإدارة السياحية بالمحافظة أو بالمدرسة الفندقية أو بالعلاقات العامة في أي جهة حكومية يعني بتتعين في تخصصك بس مش عضو هيئة تدريس بالجامعة ...
طيب هتقولوا الكلية اللي كانت في فرع ودلوقتي بقت جامعة زي موضوع دمنهور وموضوع كفر الشيخ أقولكم دي مش مشكلة لسببين الأول الكلية ملفاتها واحده لو انتقلت من انتسابها لجامعة الإسكندرية وأصبحت مستقلة في جامعة دمنهور مثلا، العميد مطالب بإعداد كشوف الأوائل عن كليته ولو عوز تسأل إسأل في كليتك مباشرة ... السبب الثاني سيادتكم بتتعينوا في محافظتكم حتى لو ماكانتش نفس المحافظة اللي درستم فيها .. بمعنى انت أصلك وعنوانك في المنوفية وانت من أوائل جامعة القاهرة تعيينك هيجيلك على المنوفية في الجهاز الإداري الحكومي هناك على حسب عنوانك المسجل في الكلية أيام الدراسة .. وبعدين يا جماعة فيه حاجة اسمها رغبات كل واحد ليه مجموعة من الرغبات يختار منها 3 رغبات ويرتبها والموضوع يدخل في تنسيق زي تنسيق الثانوية العامة بس الحكومة هي اللي بتعمله يبقى كل ما تقديرك كان أعلى كانت فرصتك في التعيين في اختيارك الأول أكبر .... أرجو الاستفادة للجميع وشكرا ... د.عبدالرحمن المنياوي

متفهميش غلط
 

الموضوع حضرتك فهمتيه غلط أولا الخبر مقسم قسمين القسم الأول 30ألف خريج من أوائل الجامعات على مستوى 2003 / 2006 قصدهم العشرون الأوائل وده فعلا الحصر اللي تم في الجامعات أما حكاية الأول على الكلية مش القسم جاءت هذه الفقرة تفسيرا لموضوع هياخدوا الأوائل على الكلية ككل والا على كل قسم ؟!! فجاءت الفقرة تأكيدا أنهم الأوائل على الكلية ككل وهذا بالفعل العرف المعمول به سابقا قبل إيقاف تعيينات الأوائل ...
القسم الثاني وده مبشر جدا جدا جدا ... وهو أنه سيعلن قريبا عن فتح باب التوظيف الحكومي لحوالي 130 ألف خريج جامعي لشغل 130 ألف وظيفة حكومية بالجهاز الإداري بالدولة وفقا للأعلي مؤهلا ثم الأقدم تخرجا ثم الأكبر سنا.. ده معناه إنه بالإضافة للعشرون الأوائل السابق ذكرهم سيتم تنزيل مسابقات تعيين لباقي الخريجيين وسيتم المفاضلة بينهم عن طريق المؤهل الأعلى ثم التقدير ثم الأقدم تخرجاً ... وده على فكرة كان موضوع منتشر أيام حكومة اتلجنزوري وتم إيقافه أيام حكومة عاطف عبيد .. وأعتقد إن الموضوع ده هيخدم التربية والتعليم جدا لأنها هتستوعب أعداد أكبر ...
أما موضوع الأول على الكلية والأول بس هيتعين بصراحة فهمك للموضوع بالشكل ده ضحكني جدا .. ما اهو الأول ع الكلية متعين معيد وبعدين الحصر اللي اتعمل في الجامعات تم استثناء المعينين كأعضاء هيئة تدريس منه يعني تعدي عشرين واحد بعد المعيدين اللي اتعينوا من دفعتك ....
أرجو أن تكون الأمو اتضحت وأتمنى الإفاده والاستفاده ...

شكرا على التوضيح يادكتور بس ماتزعلش انا مافهمتش معنى كلام حضرتك خالص يظهر انى كنت منفعلة جدا وانا باقرأ الخبر وكمان وانا باقرأ كلامك لكن بعد شوية رجعت وقريت الخبر تاني لقيت ان كان عندك حق تموت من الضحك وانا متأكده انك قلت لنفسك هما دول اللي عاوزين يكونو معيدين ده في قصور واضح في القدرات العقلية شكرا مرة تانية ع التوضيح والافادة واضحك الله سنك

على حسب شهادة التخرج ياسارة
يعنى لو شهادة التخرج جامعة اسكندرية يبقي تسألي في إسكندرية
ولو شهادة التخرج جامعة دمنهور تسألي في دمنهور

شكرا يارحيق

السلام عليكم ورحمة الله وبركاته
انا عايزة استفسر بس عن اوائل الخريجين 2002 مصيرهم هيكون ايه لانه مش كل الناس اتعيينت وقتها وبعدين حتى اللى اتعينوا اتعينوا فى وظائف مش مناسبه لمؤهلاتهم وبعدين حضرتك يا دكتور عبد الرحمن قلت انه فيه وظائف اداريه هيتم اعلان مسابقة ليها طب دى هيتم التقديم ليها ازاى وبعدين الناس اللى اتعينت ممكن تقدم فيها ولا ايه وهتكون تبع التنظيم والادارة ولا ايه؟ انا الاولى على دفعتى 2002 كلية الاداب جامعة جنوب الوادى ولم اعين معيدة لان الكلية وقتها قالت انه احنا لائحة قديمة ومش عايزينا وكانو منظرين على الدفعة اللى بعدينا انا اخدت تمهيدى ماجستير 2005 وحاليا باحضر ماجستير فى جامعة اسيوط وهل المفروض اسال وادور عن حقى ولا اتغاضى واسكت؟؟؟؟؟؟ ارجو من سيادتكم الرد

ربنا يسهل ويكرم الكل

ام رهف ايه الجديد بالنسبة للازهر ... ممكن تقوليلي القرار بالظبط :)

؟؟؟؟؟؟؟؟؟؟؟؟؟؟؟؟؟؟؟؟؟؟؟

أنا سألت اليوم سكرتير رئيس الجامعة لان الرئييس مكنش موجود وعرفت التفاصيل
ال 20 الاوائل على كل كلية تم حصرهم وارسلوهم

وفي بعض الاقسام مااخدوش منها احد واقسام اخري اخدوا اكتر من واحد وده لان الحصر كان على مستوي الكلية مش القسم

وتعيينهم هيكون تعيين على طول مش تعاقد لكن في الجهاز الاداري هيبدأو بالاماكن ال محتاجة في الجامعة ثم الباقي يعينوهم في تخصصاتهم في اماكن اخري في الدولة
لكن ممكن ياخدو منهم معيدين لكن لكن لكن عدد قيلي حسب الاحتياج الشديد للقسم والاولى فالاولى


لكن الاكيد انهم هتيعينوا قبل 1/7

والله الموفق

السلام عليكم ورحمة الله وبركاته
دائما كنت اطلع على هذا الموضوع من اول مابدأ لكن بدون ان اشارك فيه
لكن اليوم وجدت نفسى مشتاق لكتابة رد او اكثر فى هذا الموضوع
لان الموضوع ده يعتبر الحيطه اللى انا كلنا متكلين عليها الاول اعرفكم بنفسى
اخوكم شريف بكالوريوس تجاره دفعة 2005 للأسف فرع كفرالشيخ جامعة طنطا
ترتيبى على الدفعة بتاعتى كان من ضمن العشره الأوائل الكام باه الله اعلم
الكلام ده على الفرع ايام مكانت كفرالشيخ جامعه
انا عاوز اعرف من حضراتكم رد سريع على الكلام ده
بالنسبالى انا هياخدوا الاوائل على كفرالشيخ ولا طنطا
وياريت يارحيق نعرف منك بالظبط الحصر ده من دفعة كام لكام
لانى امبارح كلمت موظفة فى تجارة كفرالشيخ قالتلى ان اللى جالهم
حصر من 2006 ل 2010 ولسه موصلش الباقى
ياريت نعرف باه هل يتعملنا حصر انا كمان زى ماجايه فى الجرنال امبارح ان التعيين
من 2003-2010 ولا ايه اللى هيحصل
وبالتوفيق للجميع

ما شاء الله ربنا يوفق يارب .. بس هو الاختيار علي حسب ايه في الاقسام مهي دي حاجة مطمنش برده

آسف على تأخير الرد يا جماعة ..

مهما يعملوا مش هيحبطونا ولا هنيأس
لأن اليأس قوة الضعفاء
وهنواصل دراستنا وربنا مش هيضيع تعبنا
وأملنا كبير في ربنا


بين غمضة عين وانتباهتها .... يغير الله من حال إلى حال


وألف حمد وشكر لله على كل شيء

ايوة كده هوه ده الكلام الصح ان الله لا يضيع اجر من احسن عملا

ياجماعة ذهب مجموعة من زملائي بكليات الدراسات الإسلامية بالاسكندرية والمنصورة إلى مكتب رئيس الجامعة
لعرض مجموعة من المطالب وسأضعها في المرفقات
وقال لهم أنه سيتم تعيين الحاصلين على درجات علمية ، ولكن الأمر يحتاج إلى وقت . ولم تستمر المقابلة سوى بضع دقائق .وقد أكد مدير مكتبه أنه ستقام مسابقة عما قريب .







الملفات المرفقة
طلب.doc‏ (22.5 كيلوبايت, المشاهدات 4)
دي كانت مشاركة احد الاساتذة فيما يخص الازهر حبيت انقلها ليكم علشان الكل يكون على دراية بالموضوع سواء ازهر اوتربية وتعليم

التعيين الكل قال انه في الجهاز الاداري كل واحد على حسب تخصصه
يعني ممكن حد يتعين في ادارة الجامعة على حسب الاماكن المتوفرة
وممكن في الشباب والرياضة
وممكن في التربية والتعليم سواء الادارة او مدرسين في مدارس
كدا يعني على حسب دا المقصود يعنى مش معيدين

لكن لو فيه اقسام محتاجة ضروري معيدين ممكن ينظروا بقي لاوائل هذا القسم ورئيس القسم يطلب ان عنده عجز ومحتاج
ويتحول الطلب للعميد ثم رئيس الجامعة ثم وزارة التعليم العالى ثم وزارة المالية وهكذاااااااا

وبعدين يجيلهم الرد بالموافقة او عدم الموافقة بحجة مفيش درجة مالية والظروف متسمحش و و و
والله أعلم

وفي الآخر اللى له نصيب في حاجة هيشوفها

من الآخر بإذن الله
 

السلام عليكم يا أفضل منتدى خاص بالتربية والتعليم .. وآسف لتأخير الرد ... حيث كان عندي مشاكل في النت أمس ...
ودلوقتي كنت حابب أوضح بعض الأمور:
1- بالنسبة لتعيين الأوائل هيكونوا العشرون الأوائل على الكلية بالكامل وليس على كل قسم وبكده هتلاقوا أقسام بيتعين منها كتير وأقسام قليل وأقسام لأ..
2- التعيينات هتكون من دفعة 2003 -2010 .. والتعيينات هتكون في وظائف إدارية بالدولة (مش كأعضاء هيئة تدريس) في الجامعات ودي نقطة مهمة بأكد عليها وهارجعلها في الآخر واوضح السبب ..
3- يعني إيه الهيكل الإداري في الدولة يعني في المصالح الحكومية .. زي الانت مثلا خريج آداب مكتبات .. تتعين أمين مكتبة في المكتتبات العامة أو تتعين في قصر الثقافة وهكذا.. طيب احتمال الأعداد تكون أكبر من الوظائف المتاحة .. يبقى الجامعات هتستوعب عدد منهم كموظفين يعني موظف في رعاية الطلاب أو في شئون الطلبة أو في الإدارة المركزية أو في مكتبة الكلية أو في السكرتارية وهكذا...كمان ديوان عام كل مافظة هيستوعب بعض الأوائل ويعينهم فيه كموظفين إداريين..
4- والتعيينات يا جماعة هتكون على الدرجة الثالثة التخصصية مباشرة وليس كعقد قابل للتثبيت بعدج ذلك..
5- بالنسبة للأخت بتاعت 2002 أحب أبلغها إن دفعتك اتعينت منذ تخرجها طب انت ليه لأ؟!!! احتمال حضرتك الأولى على قسمك آه بس مش من ضمن العشرون الأوائل على جميع الكلية وده وارد .. طيب انا من العشرون ومتعينتش .. احتمال يكونوا بعتولك ع الكلية علشان تملي رغبات التعيين وحضرتك موصلكيش خبر فعلشان كده استبعدوك.. واحتمالات كتير .. بس المهم لو حضرتك لسه متمسكة بفرصتك يبقى ما عليكي إلا بفاكس بجنية وارسليه على وزارة التعليم العالي بلغيهم انك من دفعة 2002ومن الأوائل وترتيبي كذا على كل الكلية وتم تخطي تعييني وهيدرجوا اسمك ضمن الناس صدقيني ومتهمليش.. الحمد لله انا كنت من ضمن من قابلوا السيد وزير التعليم العالي شخصيا وأثروا في قراره بزيادة تعيينات الأوائل بعد أن كانت قاصرة على دفعات 2006-2010لتشمل دفعات 2003-2005 ايضا..
6- بالنسبة لمسابقة التعيينات الخارجة عن الأوائل واللي تم الإعلان عن أنها سوف تشمل 130 ألف خريج تاني .. طبعا ده موضوع كان بيحصل وتم ايقافه .. وبتبقى مسابقة عامة بتنزلها الوزراات مع التنظيم والإدارة والتقديمات فيها بتكون إما في ديوان المحافظة أو في المديريات المعنية في كل محافظة ومعايير الاختيار بتكون الأعلى مؤهلا ثم الأعلى تقديرا ثم الأكبر سنا ..
7-بالنسبةلتعيينات الأوائل في التربية والتعليم خريجي كليات التربية يتم تعيينهم في الإدارات المختلفة كمعلمين مساعدين لحين اجتيازهم اختبار الكادر فينتتقلون لوظيفم معلم .. بس الفرق أصبح إيه؟!!! المطلع على قانون رقم 155 لسنة 2007 الخاص بتنظيم الكادر وترتيب وظائف التربية والتعليم ينص على أن وظائف التعليم الثابتة هي : (معلم مساعد-معلم-معلم أول-معلم أول أ -معلم خبير -كبير معلمين) ... وهذه هي الدرجات الوظيفية الثابتة لكن الخطأ كان إن المعلم المساعد قبل الثورة مربوط بتعاقد مميز مشروط الن المعلم المساعد ثابت لحين اجتيازه اختبار الكادر يعني محدش يعرف يقولك مع السلامة .. وكمان الوزير د.أحمد جمال الدين في صدد إصدار قرار بعقد امتحانات الأكاديمية 3 مرات سنويا .. ودراسة أن يسبق الامتحان دورة تأهيلية تعقدها الوزارة .. يعني سعادتك تتعين على درجة معلم مساعد وتمتحن الكادر بعد تعيينك بـ 3 شهور بالكتير وتنتقل لدرجة معلم على طوووول..
8- نرجع لموضوع التعيين كأعضاء هيئة تدريس بالجامعات يعني وظائف (معيد-مدرس مساعد-مدرس) أحب أوضح نقطة هامة جدا مسببة اللغط ده..
من ضمن أوائل الخريجين فيه ناس اسمهم طلاب المنح الدراسية ودول المعروفين باسم ( الباحثين ) ودول ناس كانوا الأول أو الثاني أو الثالث مثلا على دفعته وماتخدش معيد فالجامعة أعطته منحة لمساعددته لاستكمال دراساته العليا وشرطت عليه عدم العمل الحكومي أو الخاص خلال مدة المنحة .. وفيه ناس حصلت على المنحة لاستكمال الماجستير ومخلصتوش لغاية دلوقت وفيه ناس خلصت الماجستير وفيه ناس خلصت الماجستير وأخدت منحة لاستكمال الدكتوراة كمان ..
الناس دي سيتم تسكينهم في الجامعات كأعضاء هيئة تدريس وفقا لاحتياج الأقسام .. يعني اللي واخد منحة ماجستير وماخلصهاش يسكن على درجة معيد .. واللي خلص الماجستير من المنحة يسكن على درجة مدرس مساعد .. واللي خلص دكتوراة من المنحة يسكن على درجة مدرس ... يعني هيدعموا الجامعة من الناس اللي الجامعة بتصرف عليهم لاستكمال دراستهم العليا مش هيجيبوا حد محضر على حسابه أو حد لسه خريج وقاعد في البيت علشان يدعموا بيه الجامعات ويسيبوا الناس اللي صرفت الدولة عليهم وترميهم في الشارع .. وعلى فكرة ده نص كلام الدكتور عمرو عزت سلامة وزير التعليم العالي في برنامج صباح دريم أول أمس (حملوه من اليوتيوب) وهو نفس ما أكده الوزير خلال اجتماعه معنا الأسبوع الماضي ..
وطبعا اللي يحب يتأكد يقرأ نص الفاكس الأخير المبعوت للجامعات والذي يشدد على مايلي :
إرسال أسماء الـ20 الأوائل على كل الكلية دفعات 2003-2010 .. على أن يتم استبعاد الأسماء التي تم تعيينهم كمعيدين منهم .. وضرورة إرسال أسماء طلاب المنح الذين حصلوا على منح دراسية من الجامعة وأنهوها بنجاح وحصلوا على الدرجة العلمية سواء كانت ماجستير أو دكتوراة (ودول أسمتهم بعض الجامعات بالحاصلين على درجات علمية أعلى) وطبعا اللي هيقرأ خبر تعيين الأوائل في الأهرام أو الجمهورية أو الأخبار أول ما طلع أكد على عمل حصر لأوائل الجامعات وحصر المنح التي بالداخل والخارج إرجعوا للمصادر علشان عضويتي لا تسمح بوضع روابط كنت أدعم كلامي بالمصادر..
أتمنى أكون وضحت وجهة نظري وأن تكون الفائده عمت ..

وشكراااااااا لاهتمامكم ..... وأرجو التواصل ....

د.عبدالرحمن المنياوي

دكتور عبد الرحمن المنياوى بارك الله فى حضرتك
ومش عارفين كنا نعمل ايه من غير حضرتك والله
المهم انا فى ورطة كبيره لان زى حضرتك مااولت المفروض التعيين
على اوائل كل كلية من دفعة 2003-2010
ولم يتطرق الامر الى فرع او جامعة الوزير محددش كده
قال كليه وخلاص
انا طالع من العشره الاوائل على كفرالشيخ دفعة 2005
ايام مكانت الكليه فرع من جامعة طنطا
المفروض طبقا لكلام حضرتك الكليه عندنا تبعت من 2003 ل 2010
ولكن للأسف الشديد بعتوا من 2006-2010 اى من ساعة مابقت جامعة مستقله
بس اى ذنبى انا باه انا مالى بالجامعة والفرع
الموظفه هناك قالتلى روح شوف باه اسمك فى طنطا مش هنا
وانا ان شاء الله هاروح طنطا يوم السب اعرف باه ترتيبى على كل الجامعة
مع انى عارف صعوبه ان اكون من 20 اوائل على الجامعة
بالله عليك يادكتور اولى حضرتك اعمل ايه
ابعت فاكس للسيد الوزير وهل فعلا الفاكس ده هايتقرى ولا ايه
بارك الله في حضرتك وجزاكم الله خير ومنتظر الرد

السيد شريف :
أولا بس أنا حابب أعرف منك بعض التوضيح..
لو انت كليتك كانت تبع جامعة كفر الشيخ وفي 2006 اتقلبت بقت تبع جامعة طنطا .. مع العلم أن هناك بالفعل كلية تربية في جامعة كفر الشيخ وكانت ماشية معاكم في نفس الوقت في 2005 ..
لو كلامي صح .. يبقى المعيار هو ترتيبك على كليتك وقت تخرجك يعني في 2005 أما الكشوف دي مسئولية مين فدي مش مشكلتك انت .. يعني القصة بتمشي إن كل كلية بتبعت كشوف لرئاسة الجامعة بالعشرين الأوائل عنها ولازم كليتك تبعت أوائلها في 2005 وما قبلها حتى لو كانت فرع ودي مسئوليتها مش مسئولية جامعة كفر الشيخ لأن في كفر الشيخ فيه كلية مناظرة ليكم وبها عشرين من الأوائل غيركم تماماً .. والمنافسة لم تكن بينكم كطلبة ليتم مقارنتكم عند التعيين .. والدليل على كده .. عند ضم كليتك من جامعة كفر الشيخ لجامعة طنطا هل تم تغيير الموظفين وتغيير العميد وتغيير الدكاترة ؟!!!!!!
طبعا لأ طيب ليه مش هما كانوا على قيد جامعة كفر الشيخ؟! يعني كده تم نقلهم دون أي طلبات نقل منهم مع إن القانون بيقول النقل بين الجامعات يتم عن طريق طلب نقل ويجب توفير البديل ؟!!
القصة في أن تحويل الفرع من فرع لجامعة يشمل ضمنيا تجويل العاملين والطلاب وهيئة التدريس بشكل تلقائي من قوة الجامعة الأم إلى قوة الجامعة الجديدة وهذا ما حدث في جامعتي بني سويف والفيوم عند تحولهما عن جامعة القاهرة !!!!
طيب من المسئول عن بعت كشف بإسمك ؟! المفروض كليتك وتقول إن دفعات 2003-2005 دول كانوا تبعنا أيام ما كنا فرع !!!
بس طبعا الموظفة اللي مش فاهمة والعميد اللي عاوز ينفض ويريح دماغة من الدوشة رموك على جامعة كفر الشيخ.. على أساس جامعة كفر الشيخ ترسل كشفين كشف بأوائل كليتها الأساسيين وكشف بدفعات كليتكم التي كانت فرع وده تهريج ولن يحدث لأن الوزارة لن تستقبل من كلية واحدة 40 اول من ثلاث دفعات .. وهيبقى مصيرك الظريف في الشارع لأنك هتتقارن بالناس اللي كانوا أساسا في كفر الشيخ !!!!!!
طيب تعمل إيه دلوقت ؟!!!
تتوجه مباشرة لرئيس جامعة طنطا وبأقصى سرعة وتوضح له الأمر علشان يبعت بسرعة استدراك وكشف بأسماء الدفعات الثلاثة اللي وقعت أو على الأقل يتصل برئيس جامعة كفر الشيخ ويخليه هو يبعت الكشف والاستدراك موضحا الأسباب .... وأكرر ياريت حضرتك تتمسك بطلبك وتخلي رئيس الجامعة ينفذه وانت واقف !! وده بعد الثورة ما بقاش موقف صعب يعني .. ما تخافش لتلاقي نفسك في الشارع؟!!!!
طيب معرفتش أعمل حاجة والريس طنشني ومااخدش حق ولا باطل ؟!! على طول سيادتك تطلع على وزارة التعليم العالي في شارع القصر العيني وتسيب شكوى واستفسار بحقك وتاخد رقم الشكوى وهيقولولك تعالى خد الرد بع أسبوع أو إسأل عليه بالتليفون وبالرقم !!!!!
ما تكسلش يا شريف !!!
وياريت تكتب توضحلي إذا كنت أنا فهمت الموضوع صح والا لأ !!!!

شكراااااااااا
د.عبدالرحمن المنياوي

ايه اللخبطة دي بقى

يا د.عبد الرحمن دي قوانين جامعة وبعدين الأستاذ شريف خريج2005 فرع كفر الشيخ لكنه كان جامعة طنطــــــــــــا
يبقي اسمه يتبعت مع جامعة طنطا اعتبر مثلا ان الفرع لسه فرع فكان هيتبعت بردو تبع جامعة طنطا
فمصيره مثل السنين اللى قبله دا الواقع وهو لما يسأل بنفسه هيعرف ده لان انا فعلا سالت كتيير في التعيين دا وسألت كمان على الكلام دا حظه بقى انه اتخرج قبل ماكفر الشيخ تبقي جامعة بسنة واكيد خير بس يقول يارب اللى أرحم من الكل

وبعدين جامعة كفر الشيخ انطلب منها ارسال الاسماء من اول 2006 يعنى من اول ما بقت جامعة وارسلوها

وكل الجامعات ارسلوها هو كل اللي يعمله يسأل في جامعة طنطا اسمه من ال 20 على كليته كلية التجارة ام لا . ويعرف دا من مكتب رئيس الجامعة

تمام يادكتور عبد الرحمن بارك الله فيك
كده ان شاء الله هاروح الاول بس كده جامعة طنطا اعرف ان كنت مرتب
هناك ع العشرين الأوائل ولا لا
وبعد كده اطلع على جامعة كفرالشيخ لان ده فعلا حقى
طالما هايعينوا من 2003-2010 يبقى ده حقى
وعلى فكره يادكتور انا كليه تجاره وليست تربيه
لانى لو كنت تربيه مكنتش اتكلمت كتير كده انا شغال مدرس
بس انا حاليا بحضر رسالة الماجستير فى المحاسبة والواحد نفسه
يشتغل شغلانه فى تخصصه
ميرسى لحضرتك بجد يادكتور

دكتور عبد الرحمن جزاك الله خيرا .. هل الكلام ده هينطبق علي جامعة الازهر برده؟؟؟؟

شكرا يادكتور ع التوضيح