اوكى يا عبد الهادى انا انشاء الله هاجيبلك الملغى كله فى جميع المواد يوم السبت

بس انا عايزك تدعلى لوالدى بلرحمه

وتدعى لنفسك وتدعلنا كلنا ان ربنا يوفقنا

اولا السلام عليكم وبجد وحشتونى اوى وانا كان عندى ظروف ومكنتش بفتح وكل سنه وانتوا طيبين وانت ياحمصه انت صاحب احمد يحي صح ولا لا وانت ياعبد الهادي انت لعبت معايا كورة قبل كده فى ار الملاعب وانت بتلعب حاررس مرما صح وانت ياامير ازيك وفينك مش بتفتح الميل ليه وربنا يوفقنا وننجح ونطلع تانيه حقوق وزاكروا وشدوا حيلكوا ويارب تكون السنه الجايه سنه جديده وتكون احسن من سنه 2009 وناخد كاس الامم الافريقيه وكل سنه وانتوا طيبين يارجاله

ايووووة هو كده بالظبط يامحمد انا اكيد اعرفك؟ صح

اشطه ياحمد انت ممكن تكون عرفنى شكلا بس لانى برده عارفك شكلا وانت كنت بتاخد عربي فى ثانوى مع استاذ ربيع المهم ذاكر بقي عشان الامتحانات وياريت لوعندك ميل اوتليفون وانت فى مجموعه كام واكيد هشوقك فى الجامعه

ازيك يااسماعيل انت كنت بتأخذ درس انجليزي عند مدرس اسمه علاء في شارع الالفي عند مكتبة العجوز وانت في الصف الثالث الاعدادي .... ارجوك رد عليا لو كنت انت

anta fin ya 3m amir

لا ياعبد الهادي مش انا انا من اكتوبر ياعبده

ازيكم يا شباب كليه الحقوق

عاملين ايه

وحشينى اخر حاجه

عاملين ايه فى المذاكره

ربنا يوفقنا جميعا

هااااااا مفيش حد عايز منى اى حاجه

انا تحت امركم انا رقم موبيلى فى البروفيل بتاعى اوكى

الى عايز منى اى حاجه انا تحت امره

ازيك ياأمير انا طلبت منك الملغي في المجموعة ج وانت قلت لي هااكتبهالك يوم السبت الماضي والنهاردة الاثنين هل هي معاك اعذرني لأني مابرحش الجامعة خاااالص لان ظروف وقتي لاتسمح ولكني ذهبت لشراء الكتب مرة والملازم مرة ومرة علشان اقابل اي حد لكن دون جدوي ومرات اخري قليلة علشان اعرف الملغي ايه لكن ماعرفتش..... ولك جزيل الشكر ياصديقي

انا اسف جدا ليك يا عبد الهادى انا هكتبلك كل الملغى دلوقتى وكمان هكتبلك الاسءله المهمه فى تاريخ النظم واعذرونى مره تانيه

اولا يا جماعه ده الملغى فى مجموعه (ج ) النهائى

نبدا بلمدخل لدراسه العلوم القانونيه

من 21 الى 22 دور الفقه المصرى فى تعريف الحق
من 57 الى 110
من 143 الى 144
من 167 الى 180 احكام الولايه
من 183 الى 189 طبيعه الزمه الماليه
من 204 الى 218 انواع الاشخاص الاعتباريه
من 251 الى نهايه الكتاب
ماعدا استعمال الحق

ثانيا علم الاجرام

الملغى تاريخ علم الاجرام
التكوين الشخصى
المرض
الادمان
العوامل الثقافيه والاقتصاديه


ثالثا تاريخ النظم

الجزء الاول من الكتاب

من 1 الى 23
من 18 الى 100
مرحله التدوين
مدونه مانو
الالواح الاثنى عشر
ملخص المدونات

الجزء الثانى من الكتاب

الكتاب كله ما عدا
نظام الحكم والاداره
النظام الجناءى


دلوقتى دى اهم السئله فى تاريخ النظم جاى منها الامتحان ان شاء الله
س1 __ تكلم عن عصر القوه
س2 __ تكلم عن عصر الاحكام الدينيه والاحتكام للاله
س3__ تكلم عن عصر العرف
س4 __ تكلم عن مدونه حمورابى
س5 __ تكلم عن مدونه بوخاريس
س6 __ تكلم عن مدونتى صولون و دراكون
س7 __ تكلم عن نظام الحكم والاداره فى مصر الفرعونيه
س8 __ تكلم عن النظام الجنائى فى مصر الفرعونيه



ج8 __ عنصر جرائم عامه و جرائم خاصه

العقوبه مش مهمه

اللهم قد بلغت اللهم فاشهد

استاذنكم تتدعو لوالدى بلرحمه والمغفره

السلام عليكم
ازيكم يا شباب وحشينى اخر حاجه
كل سنه وانتوا طيبين
وان شاء الله تبقى سنه سعيده علينا كلنا بلنجاح ان شاء الله

شكرا جدا يا امير على المجهود الكبير ده انت ماتعرفش انت وفرت عليا اد ايه وان شاء الله ربنا يغفر لوالدك ويدخله فسيح جناته ويغفر له جميع ذنوبه وعايز اشكرك مرة تانية على مجهودك الكبييييييييييييير ده ولو عايز اى خدمة اقدر اعملهالك انا تحت امرك

مرسى جدا جدا ليك يا عبد الهادى على دعوتك الجميله دى

وده جميل انا هفضل شايلهولك طول عمرى

وبجد انا عايز اعرفك علشان اخدمك بعنيا

بص انا رقمى فى البروفيل بتاعى ياريت تتصل بيا علشان نشوف بعض فى الامتحانات

هــاي عليكــم

اولا هابي نيو يـر

ويارب تكون السنه دي احسن من غيرها ونحقق كل احلامنا


ثانيــا : وحشتــوووونـــي جدا جدا جدا

بصراحه انا كنت من بعد العيد في المعمورة
وتعبت بعديها

ومشغوله شويه في الجامعه والمحاضرات



المهــم عايزه اشوفكـم كلكم انا هنزل يوم التلات 5/1

ابقي ابعتلولي رساله خاصه عشان نتقابل :)

الف سلامة عليكي يادينا انشاء الله لما نتقابل كلنا هانعمل جروب جامد جدا وننتخب امير هوه الزعيم علشان امير عطاء وبيحب الخير لأصحابه

عندك حق والله ياعبد الهادى

السلام عليكم ورحمه الله وبركاته اولا الف سلامه عليكي يادونا وانت كلامك صح ياعبد الهادي وايه ياحمصه مش بتفتح الايميل ليه وانت يامير انت لما كلمتنى على الايميل انا والله مكنتش قدام الجهاز
وهابي نيووووووووووووو ييييييييييييييييييييييير

هاى على الجروب كله

عاملين ايه يا شباب وحشنى طحن
كل سنه وانتوا طيبين

اولا الف سلامه عليكى يا دينا ويارب تكونى كويسه دلوقتى
ثانيا مرسى ليك يا عبد الهادى انتا واحمد ومحمد على الكلام الجميل ده

ودى يا جماعه شرف ليا كبير اوى انا مستحقوش وبجد انا محظوظ انى عندى اصحاب زيكم

انشاء الله عايز اشوفكم كلكم فى الامتحان يا ريت تحققولى الامنيه دى بليييز

لا انت شاب رجولة ياأمير

وتستاهل اكتر من كده

والف سلامة عليكى
يادينااااااااااااااااااااااا

مرسى ليك جدا يا احمد
لا اكيد حد فيكم يستاهل الموضوع ده اكتر منى

لان بجد اكيد كلكم احسن منى بكتير

وبجد مرسى ليكم جدا وانا متشكر على الكلام الجميل ده

الله يسلمكو كلكو

امير انتـا فعـلا الكومانــدا بتاعنــا


عـايـزيــن نتقــابل يــووم التــلات :)

مبروك يا امير على نجاحك ف انتخابات الشله :039uw8: وانت ابن حلال وتستاهل فعلا على مجهودك مع الناس كلها رغم اختلاف المجموعات ربنا يكرمك ويوفقك :friendsxs3:


بالتوفيق ان شاء الله وغفر الله لك ولوالدك واسكنه فسيح جناته ونصيحه انت ادعيله بنفسك ولا تقطع دعاك



إذا مات ابن آدم انقطع عمله إلا من ثلاث صدقة جارية أو علم ينتفع به أو ولد صالح يدعو له
صدق رسول الله

اولا ازيك يا دينا عامله ايه يا رب تكونى كويسه دلوقتى

وانا بجد نلت شرف كبير جدا مش من حقى لان الى انا بعمله ده واجب عليا وفرض تجاه اصحابى

وان شاء الله زى ما انتى قولتى نتقابل يوم الثلاثاء فى الجمعه

بس يا ريت حد يكتب فيكم هنتقابل الساعه كام وفين بلتحديد

مرسى ليكم تانى مره

ثانيا الباشا ياسر اجمل شخصيه عرفتها

بجد يا ياسر انا مش عارف اشكركم ازاى على كلامكم الجميل ده وبجد

انا نلت شرف مش بتاعى

وبجد انا بشكرك جدا جدا على دعوتك دى وان شاء الله تكون فى ميزان حسناته

وياريت ان شاء الله انتا تبقى فى المركز بتاعك يوم الاربعاء علشان عايز اشوفك

ومرسى ليك جامد على كل الى انتا قولته ومرسى للجروب كله

وبعدين ياامير انت شخص زى العسل

ماشي اسماعيل يعني امير زي العسل اومال انا زي ايه ياخويا
حاضر بس لما اشوفك يوم الثلاثاء انشاء الله

ربنا يرحم والدك ياامير
_ اللهم من احييته منا فاحييه على الاسلام ومن توفيته منا فتوفه على الايمان
_ اللهم ارحمه رحمه واسعه وتغمده برحمتك
_اللهم ارحمه فوق الارض وتحت الارض ويوم العرض عليك
_ اللهم قه عذابك يوم تبعث عبادك
_ اللهم انزل نورا من نورك عليه

انت حبيبي ياعبد الهادي من ايام الجيزة

طب والنبي لو هتتقابلوا يوم الثلاثاء قولولى هتتقابلوا الساعه كام فيييييييييين عشان انا مشوارى بعييييييد ورررررررررخم اوى

وانتوا كلكوا زى العسل والسكر والحلاوة كمان وانا هموت واشوفكوا

طب ياجماعة لما نتقابل كل واحد هايشوف الثاني هايتخض لاني كل واحد راسم في خياله صورة لصديق المستقبل
يعني مثلا انا طويل جدا وشعرى اصفر وعيونى زرقاء ولونى ابيض

بس بعد الزلزال اصبحت مواصفاتى الان
قصير القامة..... قلت الحمد لله مش مهم
وشعرى اسود .....وقلت الحمد لله مش مهم
وعيونى سوداء...... وقلت الحمد لله مش مهم
ولونى قمحاوى ..........وقلت الحمد لله مش مهم
بس المهم انى دخلت حقوق القاهرة وهابقى وكيييييييييييل نيابة اد الدنيا ااااااااااااااااااااااااا ههههههههههههههههههههههههة

هههههههههههههههههههههههههههههههههههههههههههههههههه ههههههههههههههه
هههههههههههههههههههههههههههههههه

حد يقتررررررررررح هنتقااااااااااابل ازااااااااااااااااااى انا ممكن اكلم امير وحمصه والباقي معرفش

حمصــــــــــــــــــــه الي هو اناااااااااااااااااااااا

امال مين هو فى حمصه غيررررررررررررك
يابرنس

لا مش قصدى انا بعرف الناس بس

دعااااااااااااااااااااااااااااية يعنى,.

اشطه ياحمصه

طب ماعرفتش هنتقابل ازاى ياحمصه

اولا انا بجد بشكركم كلكم على الكلام الجااااااااااامد جدا ده

ومرسىىىىىىىىىىىى كتيــــــــــــــــــــــر على كل الى انتوا قولتوه

وبجد تحت امركم فى كل حاجه

انا بقترح يا جماعه ان احنا نتقابل يوم الثلاثاء الساعه 12 صباحا

ويكون الجروب كله مستنى بعض عند يافطه المأويه 100 بتاعت الجامعه

الى امام كليه الحقوق وان شاء الله كلنا هنعرف بعض

بس يا ريت اى حد فيكم يتصل بيا علشان انا مش معايا غير رقم احمد وياسر بس

ويا ريت بجد كلنا نتقابل يوم الثلاثاء

بس يا جماعه لو حد عنده تعديل على اقتراحى يا ريت يقول ويعدل

اوكى

تانى مره انا مش عارف اشكركم ازاى

انتوا فعلا جروب جامد طحن ومن اعز اصحابى الى انا اعرفهم

مرســـــــــــــــــــــــــــــــــــــــــــــــ ــــــــــــــــــــــــى:078111rg3:

اوكشين انا موافق على الاقتراح ده

انا مـوش هينفع انزل الصبح

لان محاضراتي بتبدي الساعه 6

يعني نقدر نتقابل ع الساعه 5

وانا معرفش فين المأويه دي

انا كل اللي اعرفه مدرج 6 و3 ومحدش يسألني علي حاجه تانيه في الجامعه

لو فيها غلاسه مني

ياريت ميعاد الساعه 12 دا يتغير :) :)

ياامير لو هتروح الجامعه بكرة ابقي حاول تفتح الايميل بليل وانت كمان ياحمد لو اكيد هتنزلوا الجامعه بكرة

احنا ممكن نتقابل احنا يو الثلاثاء زى ما امير قال ولو انتى يادينا عندك محاضرات الساعه 6 اكيد انتى بتيجي الجامعه بدرى شويه واحنا هنيجي الجامعه ومش هنمشي على طول احنا عايزين نقعد مع بعض شويه وممكن تلحقينا يادينا ان شاء الله اما انتى لو مش عارفه فى المئويه فاحنا ممكمن نتقابل فى مكان تانى وهو مقر اتحاد الطلبه اللى هو عنده علم مصر الكبير اللى موجود امام مدرج 6 ومفيهاش غلاسه ولا حاجه وكل واحد يحاول يعمل اللى يقدر عليه