ازيك واهلا بيك
ان شاء الله فى نية للمذاكرة يعنى
يا دكاترة ممكن لو حد يقدر ينزل امتحانات السنين اللى فاتت يبقى ينزلها

عايزين نبدا نذاكر بقى .. الكل كان حاطط امل على الـ10 ايام دول انه يلم فيهم المنهج

ادي نصهم راح واحنا لسة مفتحناش كتاب ..

ربنا يسهل ونلحق نفسنا ..

انا نفسى اشارك معاكم فى البرنامج بس للاسف البرنامج متحملش معايا

المشكلة يا دوك ان احنا او انا يعنى عن نفسى مش طالبه معايا مذاكرة نهائى

]المشكلة يا دوك ان احنا او انا يعنى عن نفسى مش طالبه معايا مذاكرة نهائى
والله انا كمان نفس النظام
مش طايق اذاكر وكل يوم اقول ها ابدا بكره
يلا علشان نسقط كلنا مع بعض

ههههههههههههههههه

يا فرحتي بيك ..

هوه ممكن يكون في اي مشكله مع حضرتك في الجهاز ممكن نحاول تاني

يا تويت ..

تحمله من الروابط الجديدة .. مجربة وشغالة .. وسريعة جدا ..

وان شاء الله معادنا هيكون قريب جدا .. قبل ما الدراسة تبدا ..

10000000شكر يا دوك بس انا المشكلة عندى فى الجهاز وكل ما اعمله install يكتبلى الاتى the application has failed to start because quartz was not found re installing the application may fix this problem

فيا ريت لو حد بيفهم فى الكمبيوتر يقولي اعمل ايه ومرة تانى يا دوك الف شكر و جزاك الله خيرا

عاملين ايه يا جماعة فى المذاكرة هو صح فى امتحان هستولوجي يوم الاحد

سلام عليكم
بانسبه لموضوع المذاكره انا فقدت الامل خلاص وبالنسبه للامتحان هوه مش الاحد الجاي ده الي قالوهولي اصحابي يعني مش اكيد بيس احنا اصلا لسه فاضلنا محاضره هستولوجي

يا جماعه لكل عملاء فودافون في عرض الف رساله *4040#

ما تنسونيش بقى في المسيجات

على فكرة يا دكتور موضوع الالف رسالة ده مش حلو اوى وهيخلص الرصيد على الفاضى لان الدقيقة هتكون ب50قرش :abdoog8:اصحابى جربوه ويا دكتور مصطفىشكرا على التعاون ومعلش هتعبك معايا:av4056bb7jp3::d

يا جماعة محدش يعرف الدراسة هتبدا السبت ولا الاحد

شكرا يا دكتور مصطفى والله مجهود رائع جزاك الله خيرا وانا بصراحة يعنى عندى حاجة اقولها ويا ريت ميحصلش لحضرتك حاجة البرنامج بردوه متحملش معايا

:slap1qk6:لاتعليق مش كده

والله انا اول ما شوفت الرد اشتغلت ضحك .. :av4056bb7jp3:

وانا اضحك اضحك .. :022yb4:

وقولت خلاص كدة حرام .. انا هارمي الكومبيوتر من البلكونة واخلي وصلة النت حبل غسيل واعتزل المنتدى دا خالص :blink:

لكن برده مش مشكلة ..

وعملا بالمقولة .. لا ياس مع الحياة .. ولا حياة مع الياس .. :bosyht9:

انا رفعت البرنامج على موقع تاني .. (لان صراحة الرابط الاولاني اسرع بكتير واحسن لكن ساعات .. ساعات يعني بيخرب ملفات .. شوف جات على حظك سبحان الله .. :rolleyes: )

http://www.4shared.com/file/16441099...528_setup.html

لكن الرابط دا ان شاء الله شغال 100 % .. ويارب ميحصلش مشاكل تاني ..

بس مش مشكلة انا خدت الحكاية على انها تحدي .. وان شاء الله البرنامج هيتحمل يعني هيتحمل ..

بس لو طلعت الدراسة يوم السبت يبقى انا مش هبقى موجود يوم الجمعة .. اللى هوا بكرة

وساعتها انا احتمال اروح فيهــا ..:giljotiiniug3:

ولو البرنامج مشتغلش بردوه احتمال اروح فيها بس بطريقة تانية :romarioxp6::av4056bb7jp3: ..... :d

ازيكم كلكم عاملين ايه يارب تكونوا بخير انا كنت عايز اعرف اخر ميعاد حددتوه للبرنامج
وحاجه تاني انا جبت قاموس طبي في حاجه حلوه قوي بيجيب رسومات لاي حاجه تكتبها فيه هوه حلو قوي للهستولوجي لان اي حاجه بنكتيها او اي اسم شريحه بيجبلنا رسمتها وعليها البيانات انا والله كنت عايز ارفع البرنامج في المنتدى بس المشكله النت فصل عندي في البيت ومساحه البرنامج حوالي 500 ميجا فا ان شاء الله انا هادي البرنامج لمصطفى يوم الاحد وهوه يرفعه واللي عايز ينزله من النت هوه اسمه umd او unified medical dictionary

السلام عليكم

هوا ف الحقيقة انا داخل من موبايل لان النت عندي مقطوع

والدراسة اتاكدت يوم السبت ان شاء الله

وان شاء الله ع معادنا بكرة دا للي هيقدر يدخل بكرة

والسلام عليكم

يا دكتور مصطفى انا متاسفة بجد لانى منزلتش اسامى المواد الكيميائية وخصاءصها :blush:
انا كنت عايزة اظبطهم فى ورقة وبعد كدة اصورها بالموبايل وانزلها بس مش عرفت:bosyht9:

عادي يا دكتورة ..

جزاك الله خير ..

وان شاء الله هبقى اخدهم من عبده او اي حد يوم السبت ..

اهلا بيكم يا دكاتره
 

اولا ازيكم
بصراحه انا عاجبنى اللى انتوا عاملينه ده انكم بتساعدوا بعض :friendsxs3:
دفعتنا ابتدت بالموضوع ده و باقى الدفعات بتحدسنا عليه خليكم كده علطول عشان ايام الكليه ماتبقاش صعبه بالعكس تبقى احلى ايام هاتعدى عليكم
انا اسمى جوزيف من الدفعه اللى اكبر منكم سنه اولى يعنى بس انا اكبر منكم بسنتين لانى قاسم ثانويه عامه
لو كنتوا عاوزين اى استفسار اى سؤال انا تحت امركم
انا مش بدخل على المنتديات كتير بس غالبا بكون فاتح الياهو و الفيس بوك بتاعى
ايميلى ياهو هو jojo_egy_2006***********
اما الfacebook هو dr_juba_2009***********
طبعا مكان النجوم دى * ياهو .كوم بس المنتدى بيشيلها
بكرر تانى لو كنتوا عاوزين تسألوا عن اى حاجه انا تحت امركم
الله يعينكم على اعدادى هى سنه رخمه بس بتعدى شدوا حيلكم

شكرا يا دكتور جوزيف على تشجيعك

اقتباس:

الله يعينكم على اعدادى هى سنه رخمه بس بتعدى شدوا حيلكم

جدا
ربنا يوفقنا ويوفق حضرتك

سلام عليكم ياجماعة عاملين ايه في اليوم الطحن ده

الف شكر يا دكتور

وفعلا سنة اعدادي دي سنة بايخة جدا

لكن ادينا بنحاول نساعد ونشجع بعض علشان نعدي منها ونخلص بقى

وشكرل ليك ولو في اي استفسارات هنقولها لحضرتك ع طول

ايه رايكم يا جماعة فى الهستولوجي وعلى راى دكتور مصطفى ده بسيط خالث وعرفنا ان فى حاجة اسمها tissue و fibres

يايا جماعه مواد كيماويه ايه اللى بتتكلموا عليها

لو تقدر تجيب محاضرات أو أسئله للكيمياء العضوية في المنتدي يبقي فيك الخير
اكيد هيكون فيه تشابهات كتير بين الدروس
وجزاكم الله خيرا

يا دكاترة هو امتحان الهستولجى العملى + سؤال
هيبقى امتى؟

امتحان اية ؟؟

انا كنت تعبان وحضرتش اخر محاضرة ..

ومفيش حد قالى عليها ..

--------------

اقتباس:

سلام عليكم اذيكم يا دكاتره عاملين ايه انا كنت عاز اقولكم ان في محاضرات نزلت في مكتبه الخبير بتاعه الدكتور فتحي فهيم والدكتوره ايمان وكمان اسئله واجوبه للدكتور كمال يوسف وفي حاجات تاني بس ده اللي فاكره وانا كان معايا ورق فيه الكيمياء العضويه العملي كلها اديته للخبير لو حد عايزه ها يلاقيه هناك واللي مش عارف مكتبه الخبير فين هيا تاني شارع يمين ف شارع طه حسين عند توكيل هونداي

الف شكر يا عبده ..

وياريت كنت تقول ع المايك .. زي ما قلتلك

وجزاك الله كل خير ..

هههههه

انا كل اللي اعرفه اننا خلصنا الهستولوجي وبدانا ف الامبريولوجي ..

امتا ؟؟ ازاي ؟؟ ليــة ؟؟ ... الله اعلم ..

يلا ربنا يسهل

صح يا دكتور .. اخبار البرنامج اية .. اتحمل ولا لسة .. !!

عادي عادي قول لو متحملش .. مش هيحصلي حاجة ..

ولو كان كدة ممكن اجيبلك البرنامج ف الجامعة وخلاص ..

وشكــرا والسلام عليــكم

الدكتورة ليلى قالت ان هيبقى فى امتحان عملى هستولجى + سؤال نظرى من مذكرة الهستولجى
ده غير الامتحان العملى الاساسى
هو انا سمعت يعنى انه احتمال الاسبوع اللى جاى فى ميعاد السكشن

والف سلامة لحضرتك

اه بس المعيد ما قالش حاجة على امتحانات الاسبوع اللي جاي !!

الله يسلمك يا دكتورة ..

والف شكر

ازيكم يا دكاترة
انا اعتقد ان الدكتورة ليلى قالتلنا كدة عشان تقول انة فى سؤال هتحطة نظرى فى امتحان الهستولوجى العملى رخامة يعنى

وامتحان الهستولوجى محدش قال على معادة وتقريبا هيبقى زى النبات والفزياء بعد اسبوعين

مش عارفة يا جماعة بس الدكتورة شمس (المعيدة) قالت هيبقى الاسبوع اللى جاى او اللى بعده
وقالت نذلكر ونعمل حسابنا على الاسبوع اللى جاى

معلش يا دكتور مصطفى وضحلى اكتر مش فاهمك

سلام عليكم ازيكم عاملين ايه
انا بصراحه زعلان من كل اللي بيحصل في المنتدى دلوقتي اي حد مش بيلاقي حاجه مفيده بيعمل اي موضوع والمواضيع زادت جدا والمفيد فيها تقريبا الربع والمنتدى بقي اهم حاجه فيه التهريج والهزار وكله نسي الدراسه وانا بشكر اي حد بيضيف حاجه جديده وانا والله كنت فاتح المنتدى النهارده علشان اضيف الشرائح اللي مصطفى رافعها بس لقيته سبقني ربنا يباركله ويجعله سابق في كل خير بس انا اوعدكوا ها اجيبلكم كل شرائح الهستولوجي الاسبوع الجاي ده بس انا نفسي يبقى هدف المنتدى الاول الافاده والخير مش اي مواضيع تضاف وخلاص واي ردود وخلاص وشكرا ده رايي يا رب محدش يزعل مني

اقتباس:

سلام عليكم ازيكم عاملين ايه انا بصراحه زعلان من كل اللي بيحصل في المنتدى دلوقتي اي حد مش بيلاقي حاجه مفيده بيعمل اي موضوع والمواضيع زادت جدا والمفيد فيها تقريبا الربع والمنتدى بقي اهم حاجه فيه التهريج والهزار وكله نسي الدراسه وانا بشكر اي حد بيضيف حاجه جديده وانا والله كنت فاتح المنتدى النهارده علشان اضيف الشرائح اللي مصطفى رافعها بس لقيته سبقني ربنا يباركله ويجعله سابق في كل خير بس انا اوعدكوا ها اجيبلكم كل شرائح الهستولوجي الاسبوع الجاي ده بس انا نفسي يبقى هدف المنتدى الاول الافاده والخير مش اي مواضيع تضاف وخلاص واي ردود وخلاص وشكرا ده رايي يا رب محدش يزعل مني

عنك حق ف كل كلمة قولتها يا عبده ..

وبصراحة لا تعليق على حصل ف المنتدى اليومين اللى فاتوا دول

.. The Room Now Is Open

For every one Join Us