|
بالنسبة بقا لمواقف التلفونات انا فاكرة لم كنت لسة فى ابتدائى وكنت صغيرة اووووى :006et4:
انا مشغله الكاست على الاخر ونزلة طنطيت وقلبت البيت ديسكو:av4056bb7jp3: وفجاة التلفون بيرن واحد بيقولى منزل الاستاذ كارم قلتله اه قالى احنا السنترال ياريت تغطوا التلفون كويس علشان هنغسل السنترال بدل ما المياه تغرقه قالتله وبكل براءة حااااضر :romarioxp6: وبسررررررررررررررررررعة جررررررررررررررى :028ja7:رحت جبت فوطة وغطيته ومستنة اشوف الميه وهى بتنقط من سلك التلفون وكنت فضولية شوية رحت قال ايه ابص من تحت الفوطة على التلفون يمكن اللى حاجة بس فى نفس الوقت خايفة لحسن ينقط على السجادة فى الاخر اكتشفت ان دا كان عمى وعمل فينا مقلب :blush::blush::blush: وبعديها كانت الكسفة لما لقيت ابن عمى اللى فى نفس سنى بيتريق عليا ويقولى غطيتى التلفون هاهاهاهاها الله يسامح عمى وابن عمى :stickjo4::stickjo4::stickjo4: بس والله مكنش غباء منى بالعكس دا كان خيالى واااااااااااااسع اووووى وقلت ممكن الميه تيجى عن طريق السلوك:d |
أ/علي
بارك الله فيك وجزاك الله خيرا لتفهمك ما اقصد انا ماكنتش واخد بالي برضو من اللفظة نفسها وكنت بقولها عادي جدا جدا وبحسن نيه زي الكل مابيعمل بس لما سمعتها من الشيخ بصراحه لقيت عنده حق واقتنعت جدا بكلامه ((للعلم اكثر هذا الموضوع موجود في شريط للشيخ مسعد انور بعنوان كلمات والفاظ تخالف العقيده ...يعني للاطلاع وطبعا هو موجود ع الانترنت)) لك من قلبي عظيم التحيات :078111rg3: ........................................... بالنسبه لموقف اخويا هاني حمدا لله علي سلامتك بصراحه مواقف البحر دي بتبقي اصعب مواقف يا هاني انا برضو ببقي حريص جدا مع البحر خصوصا ان انا اساسا مش بعرف اعوم بس بخبط اي حاجه وخلاص:blush::) انت ممكن تنزل البحر تاني بس لما تكون مهيأ نفسيا وعقليا وجسمانيا وفكريا وعضليا دي نصيحتي ليك وبلاش موضوع السباقات من النوع ده لو هتنزل تاني يعني تنزل بغرض السباحه والمرح والحصول علي متعه العوم وخلاص .... وسلملي علي اصحابك:d لك مني التحيه والتقدير:022yb4: .............................................. بالنسبه لموقف نقاء الروح فعلا دي حاجه تحزن الواحد انه يتسرق في مكان لا يتخيل انه ممكن يحصل فيه سرقه حتي في الروضه كمان:angry2: كويس انه بيسمع الكلام دلوقتي:d لكي مني التحيه والتقدير:022yb4: |
اقتباس:
براءة الاطفال بقي نقول ايه:d هههههههههههههههههههههههههههههههههههههه تحياتي:022yb4: |
اقتباس:
بس بقا ساعة القدر .. يعمى النظر :p بصراحة مش عارف هقدر أنزل البحر تانى ولا . لأ ..بعد اللى شفته دا :slap1qk6: انا بعد الموقف اللى حصل دا ..فضلت فى اسكندرية 25 يوم .. ما نزلتش فيها البحر خالص كنت كل يوم أخد الكتاب .. وأروح أقعد على الشط .. وأفضل طول النهار كده .. أقرأ .. خصوصا إن رمضان كان دخل علينا .. ومفضلشى حد فى القرية غيرنا .. دا ناهيك بقا على كية التريقة اللى سمعتها من العيال دى ... :mad: الله يسلمك يا باشا |
اقتباس:
ههههههههه الصين حلوة :romarioxp6: والله الموقف دا عمرى ما هنساه فى حياتى وما أعتقدشى إنى ممكن أمر بلحظات أصعب من دى أصحابى على فكرة .. مكنوش شايفنى .. كانوا بعدوا عنى بكتير .. ومكنوش مع بعض كمان ..كان كل واحد لوحده دا كان سبق ..وكل واحد عايز يسبق .. وهما لما لفوا الناحية التانية تاهوا فى وسط الناس الكتيرة جدا ... ( كان يوم جمعة كمان ) .. وكل واحد مبقاش عارف التانى راح فين :( المهم ..حمدا الله على سلامتى :av4056bb7jp3: |
انظروا الي عظمه الخالق سبحانه وتعالي!!!
انا افتكرت موقف
من اجمل واروع المواقف اللي شفتها في حياتي ويارب تتكرر تاني كنت في مرة من زمان كده واقف قدام الباب بتاعنا الداخلي اللي بيودي علي مكان في البيت فيه شجر وكده زي جنينه صغيرة المهم وانا واقف كده قدام الباب بصيت فجأة لقيت هدهد نازل من فوق السما جاي بسرعه من فوق اوي وراح فجأة نازل قدامي بيني وبينه مفيش حوالي متر المهم راح ضارب منقاره(حوالي10سم) في حته معينه في الارض وطلع دودة ومسكها بمنقاره وطااار ياسبحان الله انا وقفت مذهوووووووووول انا واقف ومفيش في الارض اي شئ يدل علي وجود هذه الحشرة(الدودة وبيني وبينها مفيش متر) انما الهدهد من اعالي السمااااااااء ازاي ربنا اعطاه هذه القدرة العجيبه عشان يعرف وهو فوق ان فيه هنا دودة وكمان ايه تحت الارض بحوالي 10 سم ..فعلا تتجلي قدرة الخالق سبحانه وتعالي وهذا من اعجب ما رأيت ومستحيل ان انسي هذا الموقف ابدا ماحييت تقبلوا جل تحياتي :078111rg3: |
سبحان الله
قادر على كل شئ |
انا بقا دايما احكيى لكم على مقالب تتعمل فيا
لكن انهارده ححكيى لكم على مقلب انا عملته من سنتين كده انا واختى صوتنا زى بعض بالظبط محدش يقدر يفرق بينا حتى بابا وماما فمن سنتين كده كانت اختى لسه مخطوبه وكنا فى الاجازه وانا كنت فى الشارع ولما رجعت قولت لماما فلانه تعبانه اوى روحى انتى واختى شوفها ...ماما قالت لاختى تعالى ننزل نشوفها..اختى قالت لماما لما اقول لخطيبى ..خطيب اختى رفض انها تروح ...واختى عايزه تروح قمت انا قولت لها(روحى انتى وسيبى موبيبلك هنا ولما يتصل حكلمه كأنى انتى) قالت لى ماشى قامت ماما اخدت اختى ونزلوا قام خطيب اختى عمل ايه اتصل على البيت علشان يتأكد انها منزلتش قمت انا ردت وقعدت اكلمه واقوله يا حبيبى وانا بحبك وبسمع الكلام اهو واشتغلته يعنى ومش كده بس لا انا استدرجته وعرفت منه حاجات كنت حموت واعرفها من اختى وقعد يوقل ويقول ويقول وهو مش عارف انى عزه وشرب المقلب ولما اختى رجعت قولت لها ع اللى حصل ..اختى قالت لى محسش بحاجه..قولت لها لا بعدها بشويه قام مكلمها تانى وهو عارف انها منزلتش وانها كنت بتكلم فى التلفون من شويه وحتى الآن ميعرفش ان انا اللى كلمته ودلوقتى هما متجوزين وعندهم بيبى وبرضه مش بيعرف يفرق بين صوتى وصوتها وكل يومين اعمل فيه مقلب وهو ولا بيحس أصلا يلا بقا يستاهل |
مستر محمد حقيقى ارتبطنا بمواقف العجلة .. وزعلت جداا ان حكاياتها انتهت بفقدنها .. لكن هنقول ايه مات الضمير .. حسبنا الله ونعم الوكيل .. اما موقف البلبل بتكون المواقف دى من اجمل المواقف فعلا وبتخلى الواحد يتقرب اكتر لربنا وبتكون تذكرة بقدرة ربنا سبحانه لا اله الا هو .. ا/ هانى فعلا موقف صعب جداااااااااا .. الحمد لله على سلامتك .. ان شاء الله المرة الجاية تخلى بالك .. زوزا هههههههههههه مواقفك كلها غريبة وفيها جرأة وشقاوة .. ان شاء الله تكونى مبسوطة بكمية الاسرار اللى عرفتيهاااااااا |
ههههههههه
دايما مظلومه يا زوزا اعمل ايه بقى ماما كان نفسها فى ولد شقى جت لها بنوته زى القمر وشقيه مووووووت(^_^) وانا مش عرفت حاجات خاصه بيهم بس حاجات قولت لأختى عايزه اعرفها مش رضت وعرفتها برضه ومش بيجوا بالذوق بقى اعمل لهم ايه؟ |
اقتباس:
الحذر الحذر إياكي يا عزة في يوم يعرف علشان متكونيش السبب في خراب بيت أختك :friendsxs3: |
اقتباس:
ههههههههههههه لا مش تخافى يا مياه انا مش عبيطه ودول بيتهم مش بيتخرب ابدا الحمد لله يعنى وعادى هو عارف انى(عزه مقالب) بس مش يعرف انى بعمل فيه مقالب يلا الحمد لله وربنا يستر |
اقتباس:
أتصلي بأختك أسألي عليها ولا أقولك أصبري هتلاقيها كمان شوية جاية بتعيط |
اقتباس:
هههههههههههههه ليه يعنى لا مش تخافى انا عينى مش مدوره هى حمرا بس ههههههههههه |
اقتباس:
|
اقتباس:
هههههههههه من عنيى يا مياه انتى تأمرى بس وانا مش انفذ انا والله بدعلكم كلكم والله ربنا يوفقكم وتجيبوا مجموع حلو وعالى باذن الله وكمان تدخلوا الكليه اللى بتحلموا بيها ان شاء الله ربنا معاكم كلكم |
الموضوع مميز للغاية ..
وفى الحقيقة لدى ثلاث مواقف ربما لن انساها ابدا طوال حياتى ..اولا احب اقول انى نوعا ما معقد شوية وممكن انظر فى منظر طبيعى لساعة ولا اشعر باى ملل بل اشعر بمتعة عارمة ..عودة للمواقف والتى لم تستمر ثانية واحدة لكل منهما .. الموقف الاقصى والامر لى والاكثلا تعليما ..كنت اركب احدى (الميكروبوصات ) وفجاء التفت يمينى لانظر فى الاتجاة المعاكس ويا لللهول !! اجد امراءة تبلغ من العمر ارذلة وقد دهستها سيارة المنظر مازال يتكرر فى مخيلتى يوميا ..لا اعرف ما حدث لها لكن المنظر ككل علمنى كيف يمكن ان اموت فى لحظة وكيف ان لقاء الله ليس بعيد .. الموقف الثانى ..كنت فى وسط البلد ..واذا وجدت امراءة تبدو مشردة وفى عيونها تحمل حزن لن انسا نظراتها ابدا ..واخذت تنادى اثناء مرورى (يااااااااابنى ساااااااااعدنى يااااااابنى ) وكانت تريد العبور الطريق حيث العربات المسرعة كان بجانبها شاب هم بمساعدتها قبلى ولكن ؟؟كم شعرت بالاسى والحزن عليها وعلى تضيعى فرصة مساعدتها ..لن انسا نظراتها ابدا .. الموقف الثالث ..(كفاية حزن بقى ههههة ) كنت نازل ولابس بدلة جديدة وشيك للغاية وبعد ان تعطرت واههمت فى النزول حتى ؟؟!!! حتى (تزحلقت ) على براز حمار (طرى *_*) واصبح لون البادلة اخضر فى اخضر!!ويا للرائحة ...امر موسف هى هى هى .. ..شكرا على الموضوع القيم.. |
حلوة عزة مقالب دي
ههههههههههههههههههههههههههههههههههه والله انا خايف تكون اخرة المقالب دي وحشه ربنا يسترها عليكي بقي وعلي اختك ههههههههههه بس ازاي مش قادر يفرق بينك وبين اختك ده انتي لما عملتي المقلب ده كنتي في اولي اعدادي واختك اكيد اكبر بكثير وبعدين كلام الحب والغرام وكده هو ازاي ماخدش باله انتي برضو مهما كان في سنك وقتها مش هتكوني زي واحده كبيرة شكله خام هههههههههههههههههههههههه ،، تحياتي |
بالنسبة للاستاذة صوت العقل
شفتي مواقف العجل انتهت ازاي بس لا ربنا يعوضني خيرا منها ان شاء الله |
بالنسبة لمواقف مصطفي جمال
اول موقف مأساوي جدااااااا ربنا يكون في عونك ان شفتك حادثه صعبه اوي زي دي وطبعا مش من السهل نسيانها اكيد والموقف التاني برضو مؤثر جداااااا المهم الحمد لله انها لقيت حد يساعدها في الاخر وربنا معاها ومع الجميع بالنسبه للموقف التالت هههههههههههههههههههههههه تعيش وماتاخدش غيرها فعلا موقف وحش جدا كنت اكيد في موقف لاتحسد عليه يلا نتمني انه مايتكررش تاني او يحصل مع اي حد ،،، تحياتي |
بل الشكر لك اخي مصطفي جمال علي مشاركتك الطيبه لنا
لا حرمنا الله منها ولا من موضوعاتك اللهم امين،،،تقبل تحياتي العطرة |
اقتباس:
ههههههههههههه والله يا مستر انا خايفه على نفسى من كتر المقالب دى اخرتها وحشه بس على فكره انا الفرق بينى وبين اختى 5 سنين وصوتنا فعلا زى بعض ومش تنسى حضرتك انى شقيه جدا ومادام شقيه يبقى حافظه كلام اكتر من اختى وخى مقدرش يفرق وبعدين انا مشهوره فى المنطقه انى لما بقلد شخصيه حد ببقى زيه تمام ومحدش يقدر يفرق بينى وبين الشخص الاصلى خالص سوسه بقى بتقول ايه |
ماشي يا سوسة انتي
بس برضو خلي بالك لان اخرتها وحشه برضو وربنا يسترها علكي وعلينا وعلي الجميع اللهم امين |
السلام عليكم ورحمة الله وبركاته بصراحة كنت عايز احكي موقف ليكو او موقفين ففكرت في كتابة موضوع وبعدين قلت هعمل موضوع عشان اكتب موقف من اربع خمس سطور مش مستاهلة وجالي موقف تاني وعايز احكيه وفكرت نفس التفكير اعمل موضوع عشان موقف من اربع خمس سطور مش مستاهلة وبعدين فكرت وقلت لو المواقف كترت تستاهل موضوع ويبقي خاص بالمواقف وافتكرت هذا الموضوع القديم الذي كتبته وكان مليئاً بالمواقف لكافة الأعضاء ففكرت في الكتابة فيه فهيا استعيدوا مواقفكم الجميلة والصعبة والمخيفة والمضحكة ........الموقف بقي يقطن بالشارع المجاور لمنزلنا ست عجوز كبيرة تقريبا كل ماعدي تنادي عليا في الأول كنت بروحلها واشوفها عايزة ايه لحد ما سمعت عنها انها قبل كدة نادت علي اتنين بنت وابن عمها عشان يساعدوها في حاجة داخل البيت وما ان دخلوا حتي أغلقت عليهم وشرعت في اتهامهم بتهمة باطلة فمن يومها بصراحة وانا قررت الا اخاطبها فقد تضايقت جدا من صنيعها وفي يوم من أيام الشتاء الصعبة والمطر غزير والشوارع بقي والزحاليق لا توصف وانا معدي وجدت هذه العجوز وقد وقت في احد هذه الزحاليق بالقرب من منزلها فصعبت عليا بصراحة وجريت عليها وقومتها وسندتها ومسكت عكازها واوصلتها للبيت وهي تدعو لي لا استطيع ان اصف فرحتي وهي تدعو لي وذهبت الي عملي وانا أيضا حذر في المرات القادمة الا اكلمها ان نادت عليا وفعلا في يوم آخر نادت علي ولم اعيرها انتباهي خفت بصراحة تجيبلي مصيبة فانطلقت دون ان التفت اليها فسمعتها من بعيد تدعو علي قائلة الاهي تنطرش اشتد غيظي عليها ولم التفت اليها وقلت ان شالله انتي في سري من شدة غيظي فحكيت لأمي فدعت عليها ثم قالت لا تغضب ست كبيرة ماتزعلش منها وفي يوم آخر كنت مروح ومعايا كيس موز :d والموز باين لان الكيس شفاف فنادت عليا وقالتلي هات موزة بصراحة صعبت عليا رحت اديها من الموز وكنت هديها اكتر من موزة فتذكرت ما دعت به عليا فاعطيتها موزة واحدة فقط وقالتلي يابني عندي تليفزيون ملون وحالته كويسة شفلي حد يشتريه قلتلها حاضر لو عرفت حد هبعتهولك وانطلقت ،،، حتي الآن هذه قصصي مع العجوز ولم تنتهي |
المال الحلال عمره ما يضيع
سلام الله عليكم ورحمته وبركاته
حدث معي في يوم الجمعة الماضية الموافق 11 / 3 / 2016م بعد الانتهاء من فريضة الصلاة والخروج من المسجد رأيت أن حذائي غير موجود إلا أن هناك حذاءً آخر مشابه له تماماً ولكن لون مختلف وجلد الحذاء نفسه مختلف وكان موجود بجوار المكان الذي كان به حذائي فتوقعت طبعاً أن الحذاء قد تبدل وان من اخذ حذائي قد ذهب فانتظرت قليلاً لعله يعود ولم يحدث فأخذت حذاءه وذهبت وانا في قمة الغيظ بصراحة لاني مش برتاح في أي حذاء خصوصا وان قدمي تؤلمني من وقفة الفصل ناهيكم عن الاملاح الشديدة وخلافه فكنت مرتاح فيه فتضايقت وكنت أذهب الي هذا المسجد في كل صلاة ومصرا ان الاحظ احذية المصلين لعلي أعثر عليه ولكن دون جدوي إلا أن جاء اليوم الجمعة الموافق 18 / 3 / 2016م وبعد انتهاء الصلاة أيضا وذهبت للخروج من المسجد وكنت اضع حذائي علي الرف الخشبي المعد لذلك ولكن تعثرت قدمي في حذاء علي الأرض وإذ به حذائي القديم ففرحت فرحا شديدا واخذته وتركت الاخر كما وضعته علي الرف وذهبت ولكن فكرت مليا واصابني الفضول لاعرف من بدل حذائي ووقفت خارج المسجد وانتظرت الجميع حتي خرجوا وجاء احد طلاب الثانوية ممن اعرفهم واخذ يبحث عن الحذاء علي الأرض فقلت له هو انت بقي اللي بدلت حذائي حرام عليك دوختني وراك يلا اهي جت فيك مش مشكلة حصل خير واعتذر لي وقالي تقريبا قريبه اللي كان في زيارة لهم هو من اخطأ وبدله فقلتله هعديها المرادي بس صحصح بقي المرة الجاية وحمدت الله علي ذلك ....... |
يااستاذ محمد ذكرتنا بالناس الطيبة واللي غادرت المنتدى وقريبا جدا نلحق بهم ونستودعكم بالله |
اقتباس:
|
اقتباس:
اقتباس:
اقتباس:
اقتباس:
اقتباس:
الله عليك كنت معكم ذكريات رائعه ورغم بساطة معظم المواقف ولكن كنا نضحك لأننا كنا أيضا على درجة البساطة والبراءة وكان التواد والتراحم يسكن القلوب لم يكن قد خرج قرار التقسيم والتفتيت بعد من نخب ومشايخ الفتنة وهذا المكان ماكان إلا صورة واضحة المعالم لمجتمع كامل كنت تستنشق التواد والتراحم والتسامح من هنا وأيضا كنت تفزع من رياحين الفتن وزعابيب التقسيم والتفتيت من هنا كنا هنا مرأة لمجتمعنا بل امتد لمجتمعات أخرى زاملتنا الحديث والحوار نسأل الله أن يعيد أمتنا إلى صحيح الدين الذى أعزها بين الأمم وأن ينجينا من تقلبات وطموحات النخب جزاكم الله خيرا أستاذنا العزيز |
اقتباس:
انا عن نفسي تفاجأت أن الموضوع كان به هذه الكمية من الذكريات الجميلة والممتعة نسأل الله العظيم أن تعود البهجة مرة أخري لصدورنا ويصلح أحوالنا جميعا وينصر الصالحين علي المفسدين ويتبين الخيط الأبيض من الأسود ،،، نورتني وأسعدتني جدا بمشاركتك يا استاذنا ،،، بانتظار بعض المواقف :stickjo4: ههههههه |
مواقف جميلة ياشباب والله الواحد استفاد منها
وكفاية ان القسم ايامها كان بيتم تنشيطه بموضوعات هادفة زى دى تحياتى عالموضوع وليا عودة للمشاركة |
اقتباس:
|
تم التثبيت بواسطتى
|
| جميع الأوقات بتوقيت GMT +2. الساعة الآن 03:39 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.