بوابة الثانوية العامة المصرية - كل ما تحب ان تعرفه عن ((كلية السياحة والفنادق))

بوابة الثانوية العامة المصرية (https://www.thanwya.com/vb/index.php)

- كلية السياحة والفنادق (https://www.thanwya.com/vb/forumdisplay.php?f=168)

- - كل ما تحب ان تعرفه عن ((كلية السياحة والفنادق)) (https://www.thanwya.com/vb/showthread.php?t=78506)

اسلام ممكن تفيدنى فى حاجة انتة قولتلى انك ممكن تخوشى حلوان فى حالة واحدة انك لو بتقدمى الرغبات مقلكيش خطاء التوزيع انا عملت فى الرغبات سياحة حلوان وبعدين اسماعلية وبعدين المنوفية لو جيبت بقا درجة حلوان هروحها ومش راحة المنوفية حسب التوزيع الجغرافى

اقتباس:

المشاركة الأصلية كتبت بواسطة ايمان هارون (المشاركة 3726789)

اه طبعا ما دام برنامج التنسيق سمحلك انك تكتبى سياحة حلوان اول رغبة من غير مشاكل عادى فطبعا لو جايبه مجموعها هتدخليها ولو مجيبتهاش هيجيلك الرغبة التانية اللى انت كاتبها ( الاسماعيلية ) .

شكرا يااحلا مشرف قسم شوفت فى حياتى بس يارب اقبل بقا لانى بجد هموت من الرعب

ممكن يا مستر اسلام

تكتب لنا تقديمه بلانجليزى بايدكالحلوه تكون مناسبه لكل الطلاب

بالنسبة لتقديم نفسك اتفضلوا دي وبتمنى انها تنال اعجابكم ... ولو في اي حاجة وقفت معاكوا في الترجمة انا تحت امركم :)

my name is Mahmoud, i am 19 years old
i'm from egypt, i live in Cairo the capital
my hobbies are a lot , i am crazy about drawing and surfing in net and i like english songs and making new friends
i have 1 brother and 1 sister
I am a quiet person
I love life
I do not disagree on a lot of people
This is me no less, no more
my logo in life
be or not to be

شكرا يا احسن مستر

جميل ياتريكا http://www.ahram.org.eg/Egypt/News/91221.aspx ودة للمحضرش القدرات

العفو ومعاكوا في اي حاجة تحتاجوها ان شاء الله :)

هو الطول والوزن فيه شروط

وهما بيسألونا فى العواصم والعملات

وايهههههههههههههه تانى

لا مافيش شروط للطول والوزن :)

وهما بيسألونا فى العواصم والعملات

وايهههههههههههههه تانى

ممكن اعرف هل الطرحه بتعمل عائق بالنسبة للسياحة في الشغل وكده

لا حاليا الطرحه مش بتعمل عائق ... خاصة في مجال السياحة ومجال الإرشاد
إنما بالنسبة لمجال العمل في الفنادق فهي في بعض الأحيان بتشكل عائق

وأهلا بيكي معانا :)

ممكن بس ؤال هى كليه السياحه والفنادق فى اسكندريه بس كليه مش معهد بتاخد من كام وهى كانت متاحه اصلا فى المرحله التانيه ؟

مشكور جدا بس انا شايفة انكلية الاثار احسن من كلية السياحةوالفنادق ولا ايه

انا عايز اعرف حاجة انا لو اتخرجت من قسم ارشاد سياحي ولو السياحة مضروبة وانا معايا لغات اقدر اشتغ في اي مجال تاني ساعتها وانا داخل القسم ده لاني حابب ابق مرشد سياحي ومش عايز اي وظيفة تانية بس لو السياحة مضروبة اعمل اية ؟

انا عايز استفسر عن حاجة انا لو اتخرجت من قسم ارشاد سياحي ولو السياحة مضروبة وانا معايا لغات اقدر اشتغل في اي مجال تاني ساعتها واية المجلات اللي اقدر اشتغل فيها وانا داخل القسم ده لاني حابب ابقي مرشد سياحي ومش عايز اي وظيفة تانية بس لو السياحة مضروبة اعمل اية ؟ ارجو الرد

نتيجه القدرات ظهرت ولا لسه و نتيجه التنسيق ظهرت ولا لسه؟؟
للدبلومات السياحه وفنادق الخمس سنوات ممكن حد يرد عليا

طيب هي في الادبي ممكن تزيد عن 86 ولا ايه ؟ و كمان انا عايزة ادخل قسم ارشاد سياحي بس المشكلة اني مش بعرف حاجة تقريبا في التاريخ و مش بفهمة بسرعة بس جامدة اوى في اللغات فممكن اعرف يعني التاريخ ده هيكون مشكلة بالنسبالي ولا لا ؟ و كمان سؤال اخير معلش طولت عليكو هو انا لو دخلت قسم ارشاد و اتخرجت ومش لاقيت شغل مثلا للقسم ده ممكن اشتغل في مجال تاني ولا لا زى الشركات مثلا او خدمة العملاء او المطار و سوري علي الكلام الكتير ده

موضوع راااائع.......جزاك الله خير

الله يعزك افدتني كتير

البحر الاحمر

انا مخلص دبلوم سياحه وفنادق 5 سنين ونسقت ولم احضر امتحانات القدرات ....؟
ايه الحل وانا نسقت اول حاجه كليه اسماعليه

للاسف لازم تعمل القدرات

دلوقتى ...
ايه العمل ....؟
ومتى التنسيق يظهر ....؟

دلوقتى ممكن اعمل امتحان قدرات ولا خلاص
ايه العمل ....؟
ومتى التنسيق يظهر ....؟

مشكووووووووووووووور

القدرات خلاص قفل

ع فكره انا لسه فى اولى ثانوى بس امنيه حياتى انى ادخل كليه سياحه وفنادق

اقتباس:

المشاركة الأصلية كتبت بواسطة eslam_tourism (المشاركة 818652)

التعريف بالكلية: هى كلية تدخل دراستها فى مجالات السياحة والفنادق و الارشاد السياحى .

أقسام الكلية: 1- الدراسات سياحية
2- الدراسات فندقية
3- الارشاد سياحى

شروط قبول الطالب بالكلية:1- ان يجتاز اختبار القدرات التى تعلن عنها الكلية بعد ظهور نتيجة التنسيق وترشيحة للكلية .

2-أن يكون الطالب حاصل على مجموع 70% (35 من 50 ) على الأقل فى اللغة الأجنبية الأولى .

3-يجوز قبول خريجى المدارس و المعاهد الفنية للسياحة والفنادق الذين يرغبون فى مواصلة دراستهم بكلية السياحة والفنادق بنسبة لا تزيد عن 10% من إجمالى عدد الطلاب المقبولين من حملة الثانوية العامة والمرشحين من قبل مكتب التنسيق فى نفس العام
ويشترط إجتيازهم إختبارات القدرات قبل التقدم لمكتب التنسيق مع مراعاة أن يكون الطالب حاصلاً فى الدبلوم المتخصص على مجموع 75% على الأقل، كما يشترط إجتياز الطالب إمتحان فى اللغات الأجنبية التى تعقدها الكلية حيث إن إجادة اللغات الأجنبية تعد شرطاً عاماً للقبول بالكلية .

نظام الدراسة:1- مدة الدراسة لنيل درجة البكالوريوس أربعة سنوات مقسمة إلى ثمانية فصول دراسية على أن تكون نتيجة السنة الدراسية وحدة واحدة تعلن فى نهاية العام.
2- يعتبر الطالب ناجحاً إذا حصل على 50% من مجموع درجات كل امتحان.
الطالب الذى يرسب فى أكثر من مقررين يبقى للإعادة .
3- فى بعض الجامعات زى جامعة الحلوان والمنصورة يكون التحصص فى القسم من السنة الاولى .

وفى البعض الاخر زى جامعة اسكندرية يكون التخصص فى القسم من السنة التانية على حسب تقديرات المواد .

مجموع الكلية: طبعا التنسيق بيختلف كل سنة ولكن كلية السياحة والفنادق عامة بتاخد :

- فى الادبى بتاخد من 86% لــ 90% تقريبا وممكن تزيد او تقل عن كدة حسب التنسيق .

- فى العلمى بتاخد من 88% لــ 91% تقريبا .
وممكن ترجعوا لموقع التنسيق عشان تتأكدوا اكتر .

نبذة عن الاقسام:1-الدراسات السياحية: هو قسم يقوم بدراسة علم السياحة و اعمال شركات السياحة وشركات الطيران وكل شىء يخص السياحة بجميع انواعها.

2-الدراسات الفندقية: تقوم الدراسة فيه على ثلاثة اشياء وهم :

الأول: إدارة الفنادق ويقوم الطلاب بتعلم كيفية إدارة المنتجعات السياحية - الأغذية والمشروبات - خدمة الغرف - المكاتب الأمامية.

ثانياً: الأغذية والمشروبات f&b يقوم الطلاب بدراسة قوائم الطعان وتقيمها - مراقبة الأغذية والمشروبات - كيفية الطهو الفندقى وأسسه.

ثالثاً: التسويق يقوم الطلاب بدراسة الإقتصاديات التسويقية لمختلفة المنشآت السياحية - عمل دراسة جدوى لإنشاء مشروع سياحى - دراسة النواجى المالية لإدارة المشاريع السياحية.

3-الارشاد السياحى:- تقوم الدراسة فى هذا القسم بتعريف الطلبة بجميع الحضارات المختلفة التى عاصرتها مصر كالحضارة الفرعونية والاسلامية .

- يقوم القسم بتعليم الطالب اللغة المصرية القديمة وطريقة كتابتها ومدى أهميتها فى شرح المعالم المصرية القديمة.

- يقوم القسم بإعداد رحلات دراسية تعليمية للطلبة لزيارة المواقع الأثرية المختلفة فى كافة أنحاء مصر (أسوان – الأقصر – القاهرة - ...) وتعليم الطلاب كيفية التعامل مع السائحين المصريين والأجانب كمرشدين سياحين وكيفية التواصل معهم فى الواقع العملى.

- ملحوظة : فى قسم الدراسات السياحية وقسم الدراسات الفندقية يتم تدريس لغتين طوال الاربع سنين يختارهم الطالب من بينهم اللغة الانجليزية اما فى قسم الارشاد السياحى فكل المواد باللغة الانجليزية ويتم تدريس لغات ايضا .

واضيف كمان ان اللغتين مبيدرسوش بعمق جامد اوى زى الكليات المتخصصة فى اللغات (زى كلية الالسن مثلا) ولكنها بتدرس اللغات كمقررات فرعية بجانب مقررات القسم اللى بتختاره وكمان انت لازم تعمق لغتك عن طريق الكورسات او اى حاجة تانية بقدر الامكان لانك لازم تتخرج من الكلية دى وانت معاك على الاقل انجلش .

التدريب الصيفى: - يقوم طلاب الكلية بالتدريب فى الصيف فى احدى شركات او مكاتب السياحة أو وكالات السفر او شركات الطيران بالنسبة لطلبة قسم الدراسات السياحية .

- وفى الفنادق او المطاعم او القرى السياحية بالنسبة لطلبة قسم الدراسات الفندقية .

- وزيارة الاماكن السياحية و الاثار المصرية والفرعونية بالنسبة لطلبة قسم الارشاد السياحى .

وعلى فكرة التدريب ده يعتبر فى كلية السياحة والفنادق مادة نجاح ورسوب ولكنها لا تضاف الى المجموع الكلى
عشان كده لازم تهتموا بالتدريب ده كويس وكمان بيديك خبرة عشان فرصتك فى التوظيف تكون اكتر لان معظم سوق العمل فى السياحة بيطلب الخبرة السابقة .

الجامعات التى تدخل فيها الكلية:- جامعة الاسكندرية - جامعة المنصورة - جامعة حلوان - جامعة المنيا - جامعة الفيوم - جامعة قناة السويس فرع الاسماعيلية - جامعة المنوفية (مدينة السادات) - جامعة جنوب الوادى فرع الاقصر .

مجالات عمل الخريجين: 1- خريجى قسم الدراسات السياحية: تتضمن : 1- شركات السياحة:
- قسم "operation" تنفيذ البرامج السياحية.
- قسم السياحة الداخلية – قسم السياحة الدينية (الحج والعمرة).
- قسم السياحة الخارجية – قسم الحجز (البواخر – المراكب – النقل).
- قسم الطيران بالشركة او حجز تذاكر الطيران

2- شركات الطيران:
- حجز تذاكر الطيران.

3- في المطارات:
- الضيافة الجوية .
- العلاقات العامة بالمطار (بس الوظيفة دى صعب تتوظف فيها شوية)

4- وظائف عامة مختلفة :
- شركات التسويق والمبيعات
- شركات المحمول (أقسام التسويق - خدمة العملاء).

ويمكن ان يعملوا كمرشدين سياحيين اذا حصلوا على دبلومة ارشاد سياحى لمدة سنتين وممكن تبقى سنة واحدة زى دبلومة الارشاد اللى فى كلية سياحة وفنادق المنصورة
وعلى فكرة الدبلومة دى صعب ان حد ياخدها وكمان الحصول على رخصة الارشاد مش مضمونة اوى يعنى .

2- خريجى قسم الدراسات الفندقية: مطلوبين بشدة فى مصر و الدول العربية و بيترقوا بسرعة و مرتباتهم حلوة برضو و كل ما تثبت نفسك فى الفندق اللى انت بتشتغل فية بيعلى مرتبك وتحصل على منصب اكبر .
وعشان تتوظف بسرعة وبمرتب اكبر يفضل اللى معاهم خبرة سابقة وياريت تاخدها من وانت فى الكلية او فى التدريب الصيفى .

3- خريجى قسم الارشاد السياحى: بيشتغلوا مرشدين سياحين و ممكن يشتغلوا مدرسين فى اى لغة وخريجى هذا القسم بياخدوا رخصة الارشاد فور تخرجهم من الكلية وعلى فكرة الرخصة دى هى الاثبات الوحيد للمرشد السياحى انه مقيد فى نقابة المرشدين السياحيين .
اما بالنسبة لمرتباتهم فتبقى حسب اللغات اللى معاك وكل ما يبقى معاك لغة نادرة زى اليابانى او الصينى بتاخد فلوس اكتر وعالعموم مرتب المرشد السياحى بيتراوح ما بين (3000 الى 6000 جنية او اكتر ) وممكن تقل عن كدة لو معاكش لغة نادرة .

دبلوم الدراسات العليا : يمنح مجلس الجامعة بناء على إقتراح مجلس الكلية درجة دبلوم الدراسات العليا فى إحدى التخصصات الآتية:
1- السياحة
2- الفندقة
3- الإرشاد السياحى

شروط القيد بدبلوم الدراسات العليا : 1- أن يكون حاصلاً على مؤهل عال من إحدى جامعات جمهورية مصر العربية أو درجة معادلة من معهد عال معترف به.
2- يفضل من يعملون فى مجال السياحة والفندقة.
3- أن يجتاز بنجاح الإختبارات المقررة التى يقررها مجلس الكلية للتأكد من صلاحيته للدراسة.
4- مدة الدراسة لنيل أى دبلوم دراسات عليا سنتان جامعيتان.
5- تقدم الطلبات في الموعد المحدد من كل عام.
__________________________________

ارجو انكم تكونوا عرفتوا كل حاجة عن الكلية .

شكر بجد علي ده كله بس انا ليه سؤال ايه وضع الجامعات دي من الشهادات الخارجيه بمعني تاني الشهادات الي بتكون من السعوديه
ولو بتقبلها لو سمحت عوزه اعرف ايه هو المجموع بتعها
وهل لزم شهاده القدرات والتحصيلي ولا تكتفي بشهادة
المدرسه
رجاء الرد سريعا

شكراااااا بارك الله فيك

بجد شكرا ده موضوع جميله جدا انا بفكر ادخل قسم ارشاد سياحى

ياريت الناس تشرح الأقسام اكتر عشان الواحد محتار

اقتباس:

المشاركة الأصلية كتبت بواسطة Ahmed Asko (المشاركة 4647671)

ياريت الناس تشرح الأقسام اكتر عشان الواحد محتار

انا شرحتلك قسم دراسات سياحية الشغل فيه بيبقا ازى انما الارشاد معروفة بتشتغل مرشد ملهاش شغلة تانية او لو مجتهد تبقا دكتور ف المستقبل وفنادق دى تشتغل ف فنادق كبيرة ومطاعم وتشتغل ف ادارة الفندق والمطاعم وتشتغل كمان مضيف ف الطيارة :022yb4:بس افضل قسمين من حيث المجال الاوسع ف الشغل فنادق ودراسات سياحية وفنادق فرصته ف الشغل للولاد اكتر من البنات وسياحة نفس النظام فرصتها للبنا ف الشغل اكتر من فنادق

اقتباس:

المشاركة الأصلية كتبت بواسطة ايمان هارون (المشاركة 4647801)

انتى دخلتى دراسات سياحية القسم سهل ؟
وكام عددكم عشان بسمع ان الاعداد يتبقى قليلة اوى ولو دخلت دراسات سياحية ادخلوا عربى ولا انجليش

اقتباس:

المشاركة الأصلية كتبت بواسطة Ahmed Asko (المشاركة 4647817)

لا احنا عددنا تقريبا 400 او 380 يعنى احنا كدة اكتر عدد احنا اكبر دقسم ف دفتنا المفروض كنا نتقسم ومتقسمناش لجروبين بس عموما يعنى دايما ارشاد وسياحة بيبقا الدفعة ف حدود 400 وبيتقسمو على جروبين كل جروب 200 او مش بيتقسمو بس عموما الاقسام الاقل انجليزى وفنادق فنادق ممكن يكونو على بعضهم يوم متقول دفعة كتير يبقو 70 واحد وفيهم تالت او اربع بنات والاقسام الانجلزى سياحة او فنادق بيبقو ف حدود 30 او 40 مش بتختلف عن عربى ف حاجة خالص بل على العكس انتة بتاخد مواد اصغر مننا مش بتستفاد زينا واحنا بناخد معلومات اكتر ومواد التخصص لها انجليزى يعنى العربى متساوى مع الانجليزى فيها فاهم يعنى الفرق بينك وبين بتاع انجليزى انو مكتوب ف شهادتة شعبة انجليزى وانتة عربى وكمان انتة عندك معلومات اكتر منة هو بياخد كورسات انجليزى عشان يدعم اللغة وانتة كمان بتاخد مفيش فرق بينك وبينه وناس كتير حولت من انجلش ل عربى :(بس قسمى سهل انا الى اعرف ان نصنا جاب امتياز ف الترم الاول بس قليلين الى جابو امتياز معدى ال90 ف المية ف الى جايب 86 فيما اقل من التسعين بس ف الترم االتانى نص الدفعه هتبقا جيد جدا والربع امتياز والربع مقبول وبالمعدل دة يبقا معناه ان القسم سهل جدا بس اهم حاجة انك تحضر وتعمل الابحاث لان دى الى بتظبط تقديرك اعمال السنة مهمه :bosyht9:

اقتباس:

المشاركة الأصلية كتبت بواسطة ايمان هارون (المشاركة 4647830)

شكرًا ليكى اصل الواحد فى الانترفيو كان ملاحظ ان الاعداد قليلة وان شاء الله هحول دراسات سياحية عربى
رغم أنى لسة بفكر فى إرشاد عشان بحب التاريخ بس شايف ان صعب ادرس الحاجات ده بالانجليش
والكلية حبتها جداً بس صغيرة جداً والواحد كان نفسه فى جامعة مفتوحة*

اقتباس:

المشاركة الأصلية كتبت بواسطة eslam_tourism (المشاركة 818652)

طيب انا عايزة اعرف مصاريف الكليه كام ف جامعه اسكندريه ومكانها لو تعرف بليييييييييييييييييييز وتفتكرممكن الكليه تقبل من كام السنه دى مع العلم انا جبت87 علمى رياضه وايه حكايه الانترفيو دى وسهل نعدى منه ولا اعمل ايه بالظبط ؟

حد يعرف نتيجه اختبارات القدرات لكليه سياحه اسكندريه طلعت ولا لسه

طيب بلييييييييز ممكن حد يفدني .. انا عايزة احول من أداب القاهرة لسياحة وفنادق حلوان ومجموعي 90 %
انا قلقانة انه مينفعش عشان انا معملتش الاختبار بتاع الكلية داااا

انا عندي استفسار عن حاجة غريبة شوية
طالعلي في التنسيق جنب كليات السياحة والفنادق يجب عليك اجتياز اختبار القدرات
هو ده معناه ان انا ما نجحتش في امتحان القدرات ولا ايه؟ ولا في امتحان تاني لازم امتحنه حتى لو نجحت؟

اقتباس:

المشاركة الأصلية كتبت بواسطة mohamedreda11 (المشاركة 4700151)

لا لا عادى

اقتباس:

المشاركة الأصلية كتبت بواسطة manosh pink (المشاركة 4699968)

روحى اسالى ف الكلية القدرات مفتوحة ولة لسة وياترى هيفتحوها امتى لانك مش هينفح تحولى لو معملتيش القدرات للاسف ولازم مجموعك ف الانجليزي يكون 35 واللغة التانية بردة35 من 50 مش اقل من كدة روحى اسألى بقا موووووووووفقة

اقتباس:

المشاركة الأصلية كتبت بواسطة mohamedreda11 (المشاركة 4700151)

دة معناه انك لازم تكون عملت القدرات وانتة عملتها فخلاص دة بيتكتب مع الكليات الى الى ليها قدرات بس :bosyht9:عادى يعنى مش فى امتحانات تانية

انا عاوز حد يقولى يا جماعة هى سياحة وفنادق السنة ديت خدت من كام واختبار القدرات دة قبل ولا بعد التنسيق وبالنسبة لى انا جايب87.6 هخشها ولا لا اى حد يرد عليا وشكرا

اقتباس:

المشاركة الأصلية كتبت بواسطة mohamed ahmed58 (المشاركة 4702434)

اه تخوشها مجموعك حلو المهم انك تكون ججايب 35 من 50 ف الانجليزى واللغة والتانية مش اقل من كدة وتكون عمل القدرات وبتبقا قبل التنسيق ولو انتة معملتهاش روح اسال عنها ف الكلية فاتحة ولة لا لانك لو معملتهاش مش هتعرف تخوش الكلية ابدا

لو سمحت هى سياحه وفنادق اللى فى جامعه حلون دى فين !؟

اقتباس:

المشاركة الأصلية كتبت بواسطة boskaa (المشاركة 4707889)

لو سمحت هى سياحه وفنادق اللى فى جامعه حلون دى فين !؟

ف المنيل عند المسرح العائم او لو انتة من ناحية التحرير ممكن تتمشا على الكورنيش وتيجى عند فندق جراند حياة وتسال هيشورو ليك على الكلية هى تحت الفندق

يجماعة حد هنا سياحة وفنادق اسكنددرية عشان انا جاتلى كلية تجارة وكنت معرفش ان قدرات سياحة و فنادق امتحان القدرات بتاعها قبل ما تقبل لو حد عارف ممكن يفتحوا باب القدرات تانى ولا لا اريت الرد بسرعة