بوابة الثانوية العامة المصرية - برمجة " دروس البرمجة مع ++c " محمد القبانى

بوابة الثانوية العامة المصرية (https://www.thanwya.com/vb/index.php)

- كليه الحاسبات والمعلومات (https://www.thanwya.com/vb/forumdisplay.php?f=211)

- - برمجة " دروس البرمجة مع ++c " محمد القبانى (https://www.thanwya.com/vb/showthread.php?t=71843)

اقتباس:

المشاركة الأصلية كتبت بواسطة msamido (المشاركة 801883)

*هل ينفع اني اخلي الرقمين اللي انا دخلتوهم في الاول مش متحديدين بحيث اللي يفتح البرنامج يدخل الرقمين اللي هوة عاوزهم و تطلع بقى النتائج؟؟؟؟؟؟؟؟؟!!!!!!

وكمان هيوضح سؤال همس بخصوص الفرق بين الكود ده
ربنا يكرمك يا باشمهندس ... فهمت الحمد لله

أعتقد كده الفرق واضح يا همس ؟؟؟
تماااااام واضح... جزاك الله خيرا تعبتك معايا
ولا مش واضح ؟؟
لو مش واضح قوليلى بس !!!

وانتهى كده الجزء الأول من درس النهارده
موضوع سهل وثلث وبسيط جدا جدا جدا صح ؟؟

سهل الحمد لله .. وكمان كل ما بدأت امشي .. بدأت افهم أكتر .. البرمجة بجد لذيذة جدا .. والواحد خد مقلب في نفسه وحاسس انه بقى مهندس برمجيات بجد:lol:

الواجب بقى
نفس بتاع الدرس السابق لكن نخلى اليوزر يدخل الأرقام بنفسه ونطلعله نتيجة الجمع والطرح والضرب والقسمة ؟؟

ودااااااااا تطبيق الواااااااااجب بتاع الدرس الثالث

جزاك الله خيرا على الشرح الأكثر من رائع

http://www10.0zz0.com/2008/09/29/04/177975013.jpg

اقتباس:

المشاركة الأصلية كتبت بواسطة همس المشاعر (المشاركة 803399)

دا تطبيقي لواجب الدرس التاني يا باشمهندس محمد

وجزاك الله خيرا على المجهوود الرائع الي بتبذله معانا

التطبيق تمام يا همس وربنا يوفقك بإذن الله

اقتباس:

المشاركة الأصلية كتبت بواسطة همس المشاعر (المشاركة 803426)

ودااااااااا تطبيق الواااااااااجب بتاع الدرس الثالث

جزاك الله خيرا على الشرح الأكثر من رائع

وتطبيق الدرس التالت كمان تمام الحمد لله
ويا ستى براحتك خد مقلب زى ما انتى عايزه علشان بإذن الله فى يوم من الأيام هتبقى developer عظيمة بإذن الله بس فعلا بجد لازم تحبى البرمجة علشان تلاقى متعة فى شغلها لأنك لو معملتيش كده مش هتعرفى تعملى بيها أى حاجه .
طيب دلوقتى بقى يا همس ممكن توضحيلنا فهمتى الفرق بين الكودين إزاى يعنى تقوليلنا إيه اللى فهمتيه بالظبط علشان كلنا نستفيد وعلشان لو فى حاجه اضيفها بإذن الله.

السلام عليكم و رحمة الله و بركاته

ايوة هوة ده الكلام:dكدة اقدر اقول للناس انا عملت برنامج:cool:

و الفضل طبعا يرجع لحضرتك;)

اولا: الواجب

http://www10.0zz0.com/2008/09/29/19/693511474.jpg

:rolleyes:

ثانيا :برده الواجب :lol:

إيه بقى الدوال اللى استخدمناها فى البرنامج من الـ Library دى(اللي هية iostream) ؟؟؟

* الداله cout
* الداله cin

ثالثا: الفرق بين الكودين

انا بصراحة مش عرفة او بمعنى اصح مش فهمة الكود التاني يعني هة ايه علاقة int x باني اكتبananoo

بصراحة مش فهمة حاجة خااااالص

رابعا:
جزاك الله خيرا و جعله في ميزان حساناتك:)

السلام عليكم ورحمة الله وبركاته :-

اكيد كلنا بصراحة مش عارفين نشكرك ازاى على المجهود والتعب معانا وجزاك الله خيرا على ذلك .

آدى التطبيق اللى انا عملته

http://i36.tinypic.com/29q15zn.jpg
بالنسبة للى فهمته والفرق بين الكودين

الكود الاول مش مفيد فى اى حاجة غير التوضيح لينا بس يعنى مفيش اى يوزر ممكن يستخدمه .

اما الكود التانى فأعتقد انه جزء بسيط من مكونات الالة الحاسبة لانه بيعتمد على ارقام احنا بنختارها وبيعمل عليها عمليات حسابية برده احنا اللى بنختارها .(الجمع - الطرح - الضرب - القسمة ....الخ الخ )

وينفع استخدام اكتر من رقمين فى نفس الكود .

اقتباس:

المشاركة الأصلية كتبت بواسطة ananoo (المشاركة 804742)

السلام عليكم و رحمة الله و بركاته

ايوة هوة ده الكلام:dكدة اقدر اقول للناس انا عملت برنامج:cool:

و الفضل طبعا يرجع لحضرتك;)

الفضل لله وحده يا ananoo والحمد لله أنك دلوقتى تقدرى تعملى برنامج :d

اولا: الواجب

أولا الواجب تماااااااااااااااااام الله ينور
بس إيه رأيك ناخد حته كده إحترافيه والكل يتعلمها معانا
أكيد موافقة طبعا !!!

بصى يا ستى إنتى فى الكود بتاعك عرفتى variable اسمه a وحطيتى فيه القيمة الأولى و variable تانى اسمه b وحطيتى فيه قيمة الرقم التانى لغاية هنا جميل أوى
وبعدين بقى بتعرفى variable لكل عملية بتم على الرقمين يعنى c للجمع و d للطرح و e للضرب و f للقسمة
ده بقى اللى مش حلو ؟؟
هو طبعا شغال وزى الفل وبيطلع نتايج وملهوش أى تأثير سلبى واضح دلوقتى
طيب إيه يا عم اللى مش حلو خنقتنا !!!؟؟
حاضر هقولك
أحنا قولنا لما بنعرف variable ده معناه إنه بيحجز جزء من الذاكرة أو الـ ram بيسميها بأسم الـ variable ده وتفضل محجوزة باسمه طول فترة تعريفه فى البرنامج علشان يفضل محتفظ بالقيمة اللى فيه طول فترة وجوده
طيب ايه بردوه المشلكة ؟؟!!
المشكلة مش هنا لأن ده برنامج بسيط و أربع أو خمس variables مش هياخدوا مساحه كبيرة أوى فى الـ ram يعنى لكن تعالوا بقى نتخيل برنامج كبييييييييييييييييييييييير وفيه آلالاف الـ variables لو كل واحد واخد جزء بسيط شوفوا البرنامج كله هيبقى حاجز مساحه قد أيه ؟؟
كتييير صح !!
للمحترفين بقى بنقول متستخدمش variables مختلفة إلا لما تكون محتاجها طيب إحنا هنا الحل إيه
الحل إننا نعرف variable واحد بس وليكن اسمه c مثلا وبعدين نقول c=a+b ونطبع النتيجة على الشاشة وبعدين نقول بردوه c= a-b ونطبعها بردوه على الشاشه وهكذا
كده يبقى معندناش غير variable واحد بس لناتج كل العمليات ووفرنا مساحه هياخدها 3 متغيرات وهنتعرف على المساحات اللى بياخدها كل نوع من أنواع الـ variables بس بعد ما أنزل درس تمهيدى إن شاء الله عن الموضوع ده .
حد فاهم حاجه ؟؟!!:huh:

http://www10.0zz0.com/2008/09/29/19/693511474.jpg

:rolleyes:

ثانيا :برده الواجب :lol:

إيه بقى الدوال اللى استخدمناها فى البرنامج من الـ library دى(اللي هية iostream) ؟؟؟

* الداله cout
* الداله cin

صح زى الفل الله ينور

ثالثا: الفرق بين الكودين

انا بصراحة مش عرفة او بمعنى اصح مش فهمة الكود التاني يعني هة ايه علاقة int x باني اكتبananoo

بصراحة مش فهمة حاجة خااااالص

ثالثا هجاوب عليها إن شاء الله بس مستنى همس تقول هى فهمت إيه وبعدين أنا أوضح النقطة دى لو مش وضحت إن شاء الله أوك ؟؟

رابعا:
جزاك الله خيرا و جعله في ميزان حساناتك:)

رابعا جزانا الله وإياكم كل خير
وبالتوفيق إن شاء الله

اقتباس:

المشاركة الأصلية كتبت بواسطة ahmed abobakr (المشاركة 804774)

السلام عليكم ورحمة الله وبركاته :-

اكيد كلنا بصراحة مش عارفين نشكرك ازاى على المجهود والتعب معانا وجزاك الله خيرا على ذلك .

لا شكر على واجب يا أبو حميد وجزانا الله وإياكم كل خير بإذن الله

آدى التطبيق اللى انا عملته

http://i36.tinypic.com/29q15zn.jpg

تمام الله ينور يا باشا راجع بقى الملحوظة اللى عملتها على رد ananno _ الحته الاحترافيه_ :rolleyes:

بالنسبة للى فهمته والفرق بين الكودين

الكود الاول مش مفيد فى اى حاجة غير التوضيح لينا بس يعنى مفيش اى يوزر ممكن يستخدمه .

إنت فهمتنى غلط أنا قصدى الكودين اللى كانت بتسأل عليهم همس اللى هما دول

كود:

#include <iostream.h>

#include <conio.h>

 

void main()

{

cout<<"hello world";

getch();

 

}

وده

كود:

#include <iostream.h>

 

void main()

{

cout<<"hello world";

int a;

cin>>a;

}

يا ترى تعرف الفرق بينهم إيه ؟!!

وينفع استخدام اكتر من رقمين فى نفس الكود .

طبعا ينفع تستخدم أى عدد من الأرقام انت عايزه
وانتظررونا إن شاء الله فى الدرس القادم

:(حاضر ان شاء الله هقول الفرق بين الكودين الي حضرتك قصدك عليهم

بس حاليا النت عندي مبهدلني
والجهاز فجاة لفيته اتملى فيروسات بسبب حكاية الكاسبر دي والتحديث بتاعه :(

ومش عارفة اعمل ايه :(

والفيروسات عملت على النت عندي كت :(

انا حزينة اوي

انا حاليا بحاول اعمل فل فورمات للجهاز :(

واول ما اظبط الجهاز هدخل واقول الفرق علاطول

مش هتاخر ان شاء الله

دعواتكم معايا ارجوكم:(

الكاسبر ده برنامج عبيط ممكن ميكونش فى فيروسات ويقولك فى فيروسات ويبهدل الجهاز .دا قبل كده دمرلى الالعاب كلها .

النود 32 اعقل منه شوية . بس انا شغال بشوية برامج صغيرة وبتقوم بالواجب تمام .

ونصيحة منى قبل عمل الفورمات شيلى الكاسبر وشوفى الجهاز هيعمل ايه .وجربى النود هو كمان .

السلام عليكم

انا تقريبا عرفت الفرق بين الكودين :rolleyes:
الكود الاول اللي هوة

كود:

#include <iosteam.h>

#include <cono.h>

void main()

{

cout<<"ananoo";

getch();

}

استخدمنا فية لداله getch من الlibrary conio
و ده علشان البرامج ميقفلش غير لما اليوزر يدوس اي زرار من الكيبورد

في الكود التاني اللي هوة

كود:

#include <iostream.h>

 

void main()

{

cout<<"hello world";

int a;

cin>>a;

}

استخدمنا فيه variable و مش حددنا قيمتها وبعدن استخدمنا الداله cin و اللي معناها ان البرنامج يستنى اليوزر يدخل قيمة الvariable
و بالتالي استبدلنا الداله getch بالداله cin
و طبعا الدالة cin موجودة في الlibrary iostream عشان كدة مش هنحتاج نكتب الlibrary conio

و على فكرة البرنامج هيختلف في الحالتين
في الحالة الاولى مجرد تدوس اي زرار البرنامج يقفل
في الحالة التانية البرنامج مش هيقفل غير لما تكتب اي حاجة و بعدين تدوس enter

صح كدة؟؟؟؟؟!!!!!!!!

بس بقى اللي انا مش فهماه انا الvriable الي احنا كتبنا اللي هوة x نوعه int
يعني بيشيل رقم صحيح .........ازاي بقى لما نيجي ندخل قيمة x ممكن ندخل حروف

و كل عام و انتم بخير:)

اقتباس:

المشاركة الأصلية كتبت بواسطة ananoo (المشاركة 808786)

السلام عليكم

انا تقريبا عرفت الفرق بين الكودين :rolleyes:
الكود الاول اللي هوة

كود:

 

#include <iostream.h>#include <conio.h> void main(){cout<<"hello world";getch(); }

كود:

#include <iostream.h>

 

void main()

{

cout<<"hello world";

int a;

cin>>a;

}

سبقتيني :)

وانت طيبة يا باشمهندسة

اقتباس:

المشاركة الأصلية كتبت بواسطة همس المشاعر (المشاركة 808793)

سبقتيني :)

وانت طيبة يا باشمهندسة

يــــلا معلش المرة اللي جية ^_^ ................... برده هسبقك:p

اقتباس:

المشاركة الأصلية كتبت بواسطة ananoo (المشاركة 808786)

صح كدة؟؟؟؟؟!!!!!!!!

الله ينور يا ananoo كده تمام :d

بس بقى اللي انا مش فهماه انا الvriable الي احنا كتبنا اللي هوة x نوعه int
يعني بيشيل رقم صحيح .........ازاي بقى لما نيجي ندخل قيمة x ممكن ندخل حروف

مش هيحصل إنه هياخد القيمة اللى هيحصل إنه هيحاول يحط القيمة دى فى الـ variable ده بس مش هينفع وهيقفل البرنامج حتى لو فى كود تانى بعد كده بس هو هنا مش وضحت علشان ده كده كده كان أخر البرنامج يعنى لو عدلنا الكود ده وضفنا بعد أى جمله نكتب بيها على الشاشة أى حاجه وبعدها getch الجمله دى كده كده مش هتتنفذ لأنه هيوقف البرنامج عند الخطأ اللى حصل ومش هينفذ
جربى كده وقوليلى كلامى صح ولا لأ ؟

و كل عام و انتم بخير:)

كل سنة وانتم طيبين
وربنا يوفقكم جميعا

..

اقتباس:

المشاركة الأصلية كتبت بواسطة همس المشاعر (المشاركة 808793)

سبقتيني :)

حمدا الله على السلامه يا باشمهندسة
يا ترى ظبطى الجهاز ؟؟
ومعلش بقى هى سبقتك لكن الفايدة للجميع بإذن الله

اقتباس:

المشاركة الأصلية كتبت بواسطة ananoo (المشاركة 808822)

يــــلا معلش المرة اللي جية ^_^ ................... برده هسبقك:p

جميله الروح دى أنا كده هبدأ أرفع من مستوى الأسئلة بإذن الله
.
.

لو سمحت يابشمهندس هوا فى فرق بين الدالة getch و return 0

وبالنسبة للفرق بين الكودين
الكود الاول فيه 2 library
iostream.h
conio.h
وبيكون معد لغرض معين مثل عرض اسم على الشاشة ..

اما الكود الثانى
فيه iostream.h بس

انا كتبت conio.h كمان ونفس النتيجة طلعت .
وفيه int x بنعرفه ان المتغير x ده عدد صحيح .
والدالة cin>> x عشان يختار اليوزر قيمة المتغير X .
ولا يحتوى على الدالة getch لان الدالة cin تشمل نفس غرضها فلا داعى لكتابتها .

بس !!!!

اقتباس:

المشاركة الأصلية كتبت بواسطة msamido (المشاركة 809220)

حمدا الله على السلامه يا باشمهندسة
يا ترى ظبطى الجهاز ؟؟
ومعلش بقى هى سبقتك لكن الفايدة للجميع بإذن الله

جميله الروح دى أنا كده هبدأ أرفع من مستوى الأسئلة بإذن الله
.
.

لا مش اتظبط الحمد لله

بالعكس حالته بقت أسوأ

وصفحات النت بتفتح بعد ميت سنة

الله المستعان

.................................................. .

ارفعها يا باشمهندس .. احنا تحت امر حضرتك

وعموما الباشمهندسة الي جاوبت على سؤالي هي الي هتجاوب بعد كدا:)

عموما انا حبيت اوضح نقطة

ان المستر لما يوجه سؤال ليا وحد غيري يجاوب عليه بيكون احساس وحش بالنسبة ليا:)
على اد ما اعرف ان ممكن غيري يجاوب لما اقول اني مش عارفة الاجابة :)

لكن لو قال السؤال مطروح للكل بيبقى لكل واحد الاحقية انه يجاوبه

وانا الي كان مأخرني النت فعلا والي بيحصل في الجهاز مش اكتر

عموما كل سنة وانتوا طيبين :)

اقتباس:

المشاركة الأصلية كتبت بواسطة ahmed abobakr (المشاركة 809255)

لو سمحت يابشمهندس هوا فى فرق بين الدالة getch و return 0

أيوه فى فرق بينهم الأتنين بس أنا مش هينفع أشرحلك دالة return دلوقتى علشان دى هتحتاج تمهيد ليها ودى هتبقى درس لوحدها هيجى فى معاده إن شاء الله مش عايز اسبق الأحداث بس علشان محدش يتوه
أما بالنسبة لـ getch هى method بتقول للـ compiler استنى اليوزر يضغط أى زرار وبعدين نفذ اللى بعد كده ولو مفيش بعد كده انهى البرنامج طيب الزرار اللى اليوزر ده ضغطه وضعه إيه ولا حاجه خلاص ضغطة وراحت لحالها تمام كده ؟؟؟
حتى الآن اعرف بس إن فى فرق بينهم وكده انت عرفت getch لحين ما يجى دور return

وبالنسبة للفرق بين الكودين
الكود الاول فيه 2 library
iostream.h
conio.h
وبيكون معد لغرض معين مثل عرض اسم على الشاشة ..

اما الكود الثانى
فيه iostream.h بس

انا كتبت conio.h كمان ونفس النتيجة طلعت .
وفيه int x بنعرفه ان المتغير x ده عدد صحيح .
والدالة cin>> x عشان يختار اليوزر قيمة المتغير X .
ولا يحتوى على الدالة getch لان الدالة cin تشمل نفس غرضها فلا داعى لكتابتها .

بس !!!!

لأ يا أبو حميد الأول بالنسبة لنقطة إنك كتبت conio.h فى الكود التانى والنتيجة كانت هى هى ده شئ طبيعى
خلينا نراجع سوا نقطه قلناها قبل كده
يعنى إيه library ؟؟ هى مكتبة يعرف فيها عدد من الدوال لا يمكن تنفيذ هذه الدوال بدون إخبار الـ compiler بمكان التعريف أى بإسم الـ library
وازاى نقول للـ compiler كده ؟؟
يجملة include# وبعدها اسم الـ library طيب لو قلت للـ compiler إنى هستخدم دوال من library معينه زى مثلا ما اقول

كود:

#include <conio.h>

وبعدين لم أستخدم منها أى دوال عادى جدا ولا هيحصل حاجه لكن العكس مينفعش يعنى لو حبيت استخدم الدالة getch بدون ما اقول للكومبايلر إنى عايز الlibrary conio.h هيدينى خطأ ومش هيشتغل
وضحت النقطة دى ؟؟؟
بالنسبة للفرق بين الكودين أنا بالظبط كنت أقصد اللى وضحته ananoo فى ردها الأخير ياريت ترجعله ولو مش واضح قولى
حاجه أخير الدالة cin لا تقوم بعم الدالة getch فهناك فرق بينهم وأنا وضحت getch فوق أما cin فهى داله تطلب من اليوزر أن يدخل قيمة لتضعها فى variable معين أى أن لها وظيفة أخرى تختلف عن getch

اتمنى تكون الدنيا وضحت يا أحمد
وعايز أقولك على حاجه كمان
ما تبصش للكود كله على بعضه على إنه بيعمل حاجه معينه
لأ بص لكل جزء فيه بيعمل إيه يعنى كل جمله لازمتها إيه

طلب أخير من كل الناس لو سمحتم يا جماعه نتابع كل الردود فى الموضوع لأنها بتحتوى فى بعض الأحيان على أسئلة وإجابات بتوضح نقط مش واضحه فى الدرس نفسه شكراااا

اقتباس:

المشاركة الأصلية كتبت بواسطة همس المشاعر (المشاركة 809563)

لا مش اتظبط الحمد لله

بالعكس حالته بقت أسوأ

وصفحات النت بتفتح بعد ميت سنة

الله المستعان

ربنا يهديه
بس أنا عايز أقولك ان أنا دايما ضد الفورمات الكامل للهارد لكن ممكن تعملى حاجه أفضل
تشوفى واحده صاحبتك يكون عندها أنتى فيروس محترم بأخر update ليه من ع النت وتاخدى الهارد بتاعك تعمليله سكان كله عندها وبكده الفيروسات أمرها انتهى زيادة الضمان بقى وزيادة التظبيط تعملى فورمات للـ drive c وتنزلى نسخة ويندوز على نضافه وإن شاء الله يبقى تمام

.................................................. .

ارفعها يا باشمهندس .. احنا تحت امر حضرتك

وعموما الباشمهندسة الي جاوبت على سؤالي هي الي هتجاوب بعد كدا:)

عموما انا حبيت اوضح نقطة

ان المستر لما يوجه سؤال ليا وحد غيري يجاوب عليه بيكون احساس وحش بالنسبة ليا:)
على اد ما اعرف ان ممكن غيري يجاوب لما اقول اني مش عارفة الاجابة :)

لكن لو قال السؤال مطروح للكل بيبقى لكل واحد الاحقية انه يجاوبه

وانا الي كان مأخرني النت فعلا والي بيحصل في الجهاز مش اكتر

عموما كل سنة وانتوا طيبين :)

لا لالا يا باشمهندسة همس
هى أكيد مش قصدها تدايقك هى بس كان عندها الإجابة وحبت تتأكد إنها صح فجاوبت ودى كل القصة
بلاش تاخدى الموضوع بالحساسية دى
كل سنة وإنتى طيبة يا همس وكل سنة وكلكم طيبين ;)