![]() |
ولا كليه
مفيش شغل فى بلدك الوقتى بالشهاده !!!!!!!!!!! متستغربش الوقتى تتخرج وتشوف بنفسك مسنعجل ليه |
انت تتخرج من تجارة وتاخد icdl اللى بقت اجبارى فى زمنا ده وتاخد ...........الخ
وفى الاخر تروح لبنك واكيد هتلاقى طابور المتقدمين للوظائف تخش هتلاقى خريج اقتصاد على خريج معاهد تجارية وجامعات خاصة وغيرهم وبعد كده تروح لشركة تانية تلاقى الجماهير الغفيرة من المتقدمين عشان الوظائف وده طبعا مظهر اساسى لكل خريج دلوقتى وده طبعا المنظر اللى هاشوفه بعد ما اتخرج واعد سنتين تلاتة......... دلوقتى لازم يكون شعار كل طالب جامعى لا للاحباط ...... كلمة قالها السيد الرئيس القادم جمال مبارك البطالة هتزيد الايام القادمة . وحتى الطب والهندسة البلد تلاقى دلوقتى اللى قلب بيته مكتب هندسى واللى عمال يكشف على قرايبه بيجرب فيهم بس ربك هو الرازق ولازم نكون رافعين شعار " لكل مجتهد نصيب " بس هى ساعات بتجى كده فرص متتعوضش يعنى مثلا فى واحد قريبى خريج اداب قسم اعلام شغال دلوقتى برة مصر وبمرتب فل 2000 دولار بس هو خريج من 6 سنين يعنى صبر ونال . يا جماعة احنا فى مصر ام الدنيا بلد العجائب . |
الموضوع ده ضحكنى جدآ جدآ على فكرة
الاخوة اللى بيقولولك تجارة انجلش احسن من اقتصاد وعلوم سياسية هههههههههههه ايه يا جدعان صح النوم انتوا مهيسين ولا ايه تيجى ايه تجارة انجلش جنب اقتصاد وعلوم سياسية الحكاية دى عاملة زى اللى بيقارن تامر حسنى بالهضبة عمرو دياب !! ربنا يوفق الجميع وان شاء الله الكل يشتغل ف احسن حاجة |
انا هضيف رأيي بس هو مش ضمن الكليات المقترحه فوق
انا عندي كليه تربيه نوعيه قسم حاسب الي ملهاش حل الحاسب نزل ماده اساسيه وبيضاف للمجموع وهيحتاجوا مدرسين والتعاقدات شغاله زي الفل تعاقد قابل للتجدي ولك الحق في التثبيت بالاضافه للحصول علي امتيازات المدرسين زي الكادر ده من وجهه نظري |
لو سمحت حد يرد عليا انا كنت فى تالته ثانوى ومجموعى هيبقى فى التمانينات وعايزه اعرف ايه الكليات المتاحه وايه اقسامها ومجال الشغل فيها
please ساعدونى حاسه انى مشتته جدا |
اقتباس:
ايه الكلام ده ده اصلا ال عايز يدخل اقتصاد وعلوم سياسيه لازم يكون معه وسطه+مجموع طبعا |
علي فكرة من رايي الشخصي اذا كان رجل يدخل يدخل تجارة او سياسة واقتصاد بس خلي بالك ان السياسة والاقتصاد عاوزة وسطة واحنا الحمد لله وسطتنا ربنا
ولو بنت تخش كلية ( دار العلوم ) دي كلية محترمة مش ببس للبنات والله لاولاد كمان دي بتعلمنا امون حياتنا الدينية الدنيوية والله كلية حلوة قوي |
اضافة بسيطة مش اى حد خريج اقتصاد يعرف يشتغل الا اذا طالع الاول او نقول من العشرة الاولئل او يكون معاه وسطة عشان يقدر يشتغل لان مش اى حد بيشتغل فى وزراة الخاريجة و كدا زى حقوق لو جيبت كلوا امتياز تبقى وكيل نيابة بس لازم بردو وسطة لانك ممكن متقبلش لاى سبب هو دة النظام و اكيد الكل عارف كدا الحل الوحايد اننا نسبها على ربنا و نقول انشاء الله و رنا يسهلها من عندة و الفى الخير يقدمة ربنا
|
ممكن اعرف انهى كليه احسن اداب ولا تربيه اساسي (تربيه اساسي مش عام) ياريت الرد وشكرا
|
يا جماعة انا فى تالته ثانوى وخلصت ونجحت الحمدلله مجموعى 83 فى الميه مش هيدخلنى تجاره انجليش طبعا وانا عرفت ان الأحسن منها سياسة واقتصاد وفى واحد قريبى فى الخارجيه وعمال يزن علية انى ادخل سياسة واقتصاد جامعة 6 اكتوبر خاص ومصاريفها رخيصة جدا كمان فانا بقول ايه رأيكم بما انى مش هلحق تجارة انجلش ايه رأيكم ادخل سياسه واقتصاد جامعة 6 اكتوبر ياريت الى عارف حاجة يقولى
|
طب واللى مش عارف يحب ايه ويبعد عن ايه ده يبقى يعمل ايه وكمان جايب 77.9%
|
كل اللى بيقول رايه ياريت يكون اكثر حيادية وليس بانحياز ويكون لديه فلسفة فى التفكير
|
مش حكايه قمه وقاع حكايه انا حابه ايه مهما كان هنجح فيه طبعا بعد مشيئه الخالق و الشغل ده بتاع ربنا ممكن اكون طب مش سياسه وفاشل ايه المشكله التوفيق من عند ربنا وعن رايي السن لانها مش مرتبطه بوظيفه واحده ممكن ترجمه او تدريس او ارشاد او مجال البنوك يعنى التعدد ده اكيد شئ مميز وربنا مع الجميع
|
يجماعه حد يرد عليا بسرعه انا عايزه اعرف تجاره انجلش بيلزموا مجموع انجلش اد ايه وهل تجاره انجلش احلي ولا علوم وايه اقسامهم انا تنسيقي هيخلص يوم الحد حد يرد عليا بسرعه للاهميه
|
يا جماعة لوسمحت حد يرض عليا عن اى شغل اطلع به من كلية الاثار
انا لسه هاخشها |
جميع الأوقات بتوقيت GMT +2. الساعة الآن 02:48 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.