اكيد كل كلية ليها كورسات بس اللى هيفدك اللى قبللك ف طب القاهرة

طيب ما تعرفش حد يقلى؟

وقلى ايه اخبار طب بيطرى المنصورة هوه صعب ولا ايه نظامو واروح طب بيطرى القاهره افضل ولا المنصوره ؟

انا لسة داخل سنة اولى بس جالى القاهرة وهحول المنصورة لانها اقرب ليا بس بيقولوا ان الكليتين تقال وعاوزين شغل فيبقى الاقرب احسن بقى وخلاص

انا لميا جبت 97.2 وجالي بيطري القاهره وكنت عايزه احول اسماعيليه
بس عايزه حد يقولي اسماعيليه احسن ولا القاهره من حيث فرصتها ف التقديرات وكده

اهلا يا لميا نورتى

هو انا سمعت ان القاهرة تقيلة بس مش عارف الاسماعليه نظامها ايه

الى السيد المحترم captinmido هذا خير مافعلت البيطرى مجال عمله اوسع بكتير اوى من العلوم مع احترامى وتقديرى لرايك الشخصى

ما تقلقوش من التشريح والحيوانات...هتحس بمتعه وانت بتدرس
:) ربنا يوفقكم

ان شاء الله يا دكتوره ايه

انا مروة من الزقازيق جايبه 97.4 وجالى طب بيطرى اسماعليه وحولت الزقازيق بس يارب يقبلونى بئا وع فكرة انا حلمى كان اكون صيدله من وانا صغيرة بيقولولى يا دكتورة حتى عملت زى زويل وكتبت دكتوره ع الباب هههههههه بس الحمد لله ع كل حاجه

الحمد للــــــــــــــــــــــه ^_^

انا محمد من كفر الشيخ 97.44 جالي بيطري كفر الشيخ مع ان حلمي كان غير كدا خالص كان نفسي ادرس هندسة بس في حاجات بتحصل للواحد بتخليه يغير مسار حياته لما حلت علمي علوم كان نفسي ادرس جراحة المخ و الاعصاب بس الحمد لله جالي بيطري كفر الشيخ و كنت عاوز احول القاهرة بس ناس في بيطري كفر الشيخ قلولي انها احس كلية بيطري في مصر و الدراسة فيها كويسة و الدكاترة فيها ممتازين

وفي الاول و الاخر الحمد لله علي كل شئ و محدش يعرف الخير فين
ولما قرأت عن الدراسة ليتها جميلة جدا و في مجالات كتيرة للابداع و التميز :)

منورنا يا دوك ان شاء الله نتفوق فيها كلنا